महिषासुरमर्दिनि-स्तोत्रम् अयि गिरिनन्दिनि नन्दितमेदिनि विश्वविनोदिनि नन्दिनुते गिरिवर-विन्ध्य-शिरोधिनिवासिनि विष्णुविलासिनि जिष्णुनुते भगवति हे शितिकण्ठकुटुम्बिनि भूरिकुटुम्बिनि भूरिकृते जय जय हे महिषासुरमर्दिनि रम्यकपर्दिनि शैलसुते सुरवरवर्षिणि दुर्धरधर्षिणि दुर्मुखमर्षिणि हर्षरते त्रिभुवनपोषिणि शङ्करतोषिणि किल्बिषमोषिणि घोषरते दनुज-निरोषिणि दितिसुत-रोषिणि दुर्मद-शोषिणि सिन्धुसुते जय जय हे महिषासुरमर्दिनि रम्यकपर्दिनि शैलसुते अयि जगदम्ब-मदम्ब-कदम्ब-वनप्रिय-वासिनि हासरते शिखरि शिरोमणि तुङ्ग-हिमालय-शृङ्ग-निजालय-मध्यगते मधु-मधुरे मधु-कैटभ-गञ्जिनि कैटभ-भञ्जिनि रासरते जय जय हे महिषासुरमर्दिनि रम्यकपर्दिनि शैलसुते अयि शतखण्ड-विखण्डित-रुण्ड-वितुण्डित-शुण्ड-गजाधिपते रिपु-गज-गण्ड-विदारण-चण्ड-पराक्रम-शुण्ड-मृगाधिपते निज-भुज-दण्ड-निपातित-खण्ड-विपातित-मुण्ड-भटाधिपते जय जय हे महिषासुरमर्दिनि रम्यकपर्दिनि शैलसुते अयि रण-दुर्मद-शत्रु-वधोदित-दुर्धर-निर्जर-शक्तिभृते चतुर-विचार-धुरीण-महाशिव-दूतकृत-प्रमथाधिपते दुरित-दुरीह-दुराशय-दुर्मति-दानवदूत-कृतान्तमते जय जय हे महिषासुरमर्दिनि रम्यकपर्दिनि शैलसुते अयि शरणागत-वैरि-वधूवर-वीर-वराभय-दायकरे त्रिभुवन-मस्तक-शूल-विरोधि शिरोधि कृतामल-शूलकरे दुमिदुमि-तामर-दुन्दुभिनाद-महो-मुखरीकृत-तिग्मकरे जय जय हे महिषासुरमर्दिनि रम्यकपर्दिनि शैलसुते अयि निज-हुङ्कृति मात्र-निराकृत-धूम्रविलोचन-धूम्रशते समर-विशोषित-शोणित-बीज-समुद्भव-शोणित-बीजलते शिव-शिव-शुम्भ-निशुम्भ-महाहव-तर्पित-भूत-पिशाचरते जय जय हे महिषासुरमर्दिनि रम्यकपर्दिनि शैलसुते धनुरनु-सङ्ग-रणक्षणसङ्ग-परिस्फुर-दङ्ग-नटत्कटके कनक-पिशङ्ग-पृषत्क-निषङ्ग-रसद्भट-शृङ्ग-हतावटुके कृत-चतुरङ्ग-बलक्षिति-रङ्ग-घटद्बहुरङ्ग-रटद्बटुके जय जय हे महिषासुरमर्दिनि रम्यकपर्दिनि शैलसुते जय जय जप्य-जयेजय-शब्द-परस्तुति-तत्पर-विश्वनुते भण-भण-भिञ्जिमि-भिङ्कृत-नूपुर-सिञ्जित-मोहित-भूतपते नटित-नटार्ध-नटीनट-नायक-नाटित-नाट्य-सुगानरते जय जय हे महिषासुरमर्दिनि रम्यकपर्दिनि शैलसुते अयि सुमनः सुमनः सुमनः सुमनः सुमनोहर-कान्तियुते श्रित-रजनी-रजनी-रजनी-रजनी-रजनीकर-वक्त्रवृते सुनयन-विभ्रमर-भ्रमर-भ्रमर-भ्रमर-भ्रमराधिपते जय जय हे महिषासुरमर्दिनि रम्यकपर्दिनि शैलसुते सहित-महाहव-मल्लम-तल्लिक-मल्लित-रल्लक-मल्लरते विरचित-वल्लिक-पल्लिक-मल्लिक-भिल्लिक-भिल्लिक-वर्गवृते सितकृत-फुल्लसमुल्ल-सितारुण-तल्लज-पल्लव-सल्ललिते जय जय हे महिषासुरमर्दिनि रम्यकपर्दिनि शैलसुते अविरल-गण्ड-गलन्मद-मेदुर-मत्त-मतङ्गज-राजपते त्रिभुवन-भूषण-भूत-कलानिधि रूप-पयोनिधि राजसुते अयि सुद-तीजन-लालसमानस-मोहन-मन्मथ-राजसुते जय जय हे महिषासुरमर्दिनि रम्यकपर्दिनि शैलसुते कमल-दलामल-कोमल-कान्ति कलाकलितामल-भाललते सकल-विलास-कलानिलयक्रम-केलि-चलत्कल-हंसकुले अलिकुल-सङ्कुल-कुवलय-मण्डल-मौलिमिलद्भकुलालि-कुले जय जय हे महिषासुरमर्दिनि रम्यकपर्दिनि शैलसुते करमुरली-रव-वीजित-कूजित-लज्जित-कोकिल-मञ्जुमते मिलित-पुलिन्द-मनोहर-गुञ्जित-रञ्जितशैल-निकुञ्जगते निजगुणभूत-महाशबरीगण-सद्गुण-सम्भृत-केलितले जय जय हे महिषासुरमर्दिनि रम्यकपर्दिनि शैलसुते कटितट-पीत-दुकूल-विचित्र-मयूख-तिरस्कृत-चन्द्ररुचे प्रणत-सुरासुर-मौलिमणिस्फुर-दंशुल-सन्नख-चन्द्ररुचे जित-कनकाचल-मौलिपदोर्जित-निर्भर-कुञ्जर-कुम्भकुचे जय जय हे महिषासुरमर्दिनि रम्यकपर्दिनि शैलसुते विजित-सहस्रकरैक-सहस्रकरैक-सहस्रकरैकनुते कृतसुरतारक-सङ्गरतारक-सङ्गरतारक-सूनुसुते सुरथ-समाधि समानसमाधि समाधिसमाधि सुजातरते जय जय हे महिषासुरमर्दिनि रम्यकपर्दिनि शैलसुते पदकमलं करुणानिलये वरिवस्यति योऽनुदिनं स शिवे अयि कमले कमलानिलये कमलानिलयः स कथं न भवेत् तव पदमेव परम्पदमित्यनुशीलयतो मम किं न शिवे जय जय हे महिषासुरमर्दिनि रम्यकपर्दिनि शैलसुते कनकलसत्कल-सिन्धुजलैरनुसिञ्चिनुते गुण-रङ्गभुवं भजति स किं न शचीकुच-कुम्भ-तटी-परिरम्भ-सुखानुभवम् तव चरणं शरणं करवाणि नतामरवाणि निवासि शिवं जय जय हे महिषासुरमर्दिनि रम्यकपर्दिनि शैलसुते तव विमलेन्दुकुलं वदनेन्दुमलं सकलं ननु कूलयते किमु पुरुहूत-पुरीन्दुमुखी-सुमुखीभिरसौ विमुखी क्रियते मम तु मतं शिवनामधने भवती कृपया किमुत क्रियते जय जय हे महिषासुरमर्दिनि रम्यकपर्दिनि शैलसुते अयि मयि दीनदयालुतया कृपयैव त्वया भवितव्यमुमे अयि जगतो जननी कृपयाऽसि यथाऽसि तथाऽनुमितासिरते यदुचितमत्र भवत्युररि कुरुतादुरुतापमपाकुरुते जय जय हे महिषासुरमर्दिनि रम्यकपर्दिनि शैलसुते ॥इति~श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-महिषासुरमर्दिनि-स्तोत्रं~सम्पूर्णम्॥

మహిషాసురమర్దిని-స్తోత్రమ్ అయి గిరినన్దిని నన్దితమేదిని విశ్వవినోదిని నన్దినుతే గిరివర-విన్ధ్య-శిరోధినివాసిని విష్ణువిలాసిని జిష్ణునుతే భగవతి హే శితికణ్ఠకుటుమ్బిని భూరికుటుమ్బిని భూరికృతే జయ జయ హే మహిషాసురమర్దిని రమ్యకపర్దిని శైలసుతే సురవరవర్షిణి దుర్ధరధర్షిణి దుర్ముఖమర్షిణి హర్షరతే త్రిభువనపోషిణి శఙ్కరతోషిణి కిల్బిషమోషిణి ఘోషరతే దనుజ-నిరోషిణి దితిసుత-రోషిణి దుర్మద-శోషిణి సిన్ధుసుతే జయ జయ హే మహిషాసురమర్దిని రమ్యకపర్దిని శైలసుతే అయి జగదమ్బ-మదమ్బ-కదమ్బ-వనప్రియ-వాసిని హాసరతే శిఖరి శిరోమణి తుఙ్గ-హిమాలయ-శృఙ్గ-నిజాలయ-మధ్యగతే మధు-మధురే మధు-కైటభ-గఞ్జిని కైటభ-భఞ్జిని రాసరతే జయ జయ హే మహిషాసురమర్దిని రమ్యకపర్దిని శైలసుతే అయి శతఖణ్డ-విఖణ్డిత-రుణ్డ-వితుణ్డిత-శుణ్డ-గజాధిపతే రిపు-గజ-గణ్డ-విదారణ-చణ్డ-పరాక్రమ-శుణ్డ-మృగాధిపతే నిజ-భుజ-దణ్డ-నిపాతిత-ఖణ్డ-విపాతిత-ముణ్డ-భటాధిపతే జయ జయ హే మహిషాసురమర్దిని రమ్యకపర్దిని శైలసుతే అయి రణ-దుర్మద-శత్రు-వధోదిత-దుర్ధర-నిర్జర-శక్తిభృతే చతుర-విచార-ధురీణ-మహాశివ-దూతకృత-ప్రమథాధిపతే దురిత-దురీహ-దురాశయ-దుర్మతి-దానవదూత-కృతాన్తమతే జయ జయ హే మహిషాసురమర్దిని రమ్యకపర్దిని శైలసుతే అయి శరణాగత-వైరి-వధూవర-వీర-వరాభయ-దాయకరే త్రిభువన-మస్తక-శూల-విరోధి శిరోధి కృతామల-శూలకరే దుమిదుమి-తామర-దున్దుభినాద-మహో-ముఖరీకృత-తిగ్మకరే జయ జయ హే మహిషాసురమర్దిని రమ్యకపర్దిని శైలసుతే అయి నిజ-హుఙ్కృతి మాత్ర-నిరాకృత-ధూమ్రవిలోచన-ధూమ్రశతే సమర-విశోషిత-శోణిత-బీజ-సముద్భవ-శోణిత-బీజలతే శివ-శివ-శుమ్భ-నిశుమ్భ-మహాహవ-తర్పిత-భూత-పిశాచరతే జయ జయ హే మహిషాసురమర్దిని రమ్యకపర్దిని శైలసుతే ధనురను-సఙ్గ-రణక్షణసఙ్గ-పరిస్ఫుర-దఙ్గ-నటత్కటకే కనక-పిశఙ్గ-పృషత్క-నిషఙ్గ-రసద్భట-శృఙ్గ-హతావటుకే కృత-చతురఙ్గ-బలక్షితి-రఙ్గ-ఘటద్బహురఙ్గ-రటద్బటుకే జయ జయ హే మహిషాసురమర్దిని రమ్యకపర్దిని శైలసుతే జయ జయ జప్య-జయేజయ-శబ్ద-పరస్తుతి-తత్పర-విశ్వనుతే భణ-భణ-భిఞ్జిమి-భిఙ్కృత-నూపుర-సిఞ్జిత-మోహిత-భూతపతే నటిత-నటార్ధ-నటీనట-నాయక-నాటిత-నాట్య-సుగానరతే జయ జయ హే మహిషాసురమర్దిని రమ్యకపర్దిని శైలసుతే అయి సుమనః సుమనః సుమనః సుమనః సుమనోహర-కాన్తియుతే శ్రిత-రజనీ-రజనీ-రజనీ-రజనీ-రజనీకర-వక్త్రవృతే సునయన-విభ్రమర-భ్రమర-భ్రమర-భ్రమర-భ్రమరాధిపతే జయ జయ హే మహిషాసురమర్దిని రమ్యకపర్దిని శైలసుతే సహిత-మహాహవ-మల్లమ-తల్లిక-మల్లిత-రల్లక-మల్లరతే విరచిత-వల్లిక-పల్లిక-మల్లిక-భిల్లిక-భిల్లిక-వర్గవృతే సితకృత-ఫుల్లసముల్ల-సితారుణ-తల్లజ-పల్లవ-సల్లలితే జయ జయ హే మహిషాసురమర్దిని రమ్యకపర్దిని శైలసుతే అవిరల-గణ్డ-గలన్మద-మేదుర-మత్త-మతఙ్గజ-రాజపతే త్రిభువన-భూషణ-భూత-కలానిధి రూప-పయోనిధి రాజసుతే అయి సుద-తీజన-లాలసమానస-మోహన-మన్మథ-రాజసుతే జయ జయ హే మహిషాసురమర్దిని రమ్యకపర్దిని శైలసుతే కమల-దలామల-కోమల-కాన్తి కలాకలితామల-భాలలతే సకల-విలాస-కలానిలయక్రమ-కేలి-చలత్కల-హంసకులే అలికుల-సఙ్కుల-కువలయ-మణ్డల-మౌలిమిలద్భకులాలి-కులే జయ జయ హే మహిషాసురమర్దిని రమ్యకపర్దిని శైలసుతే కరమురలీ-రవ-వీజిత-కూజిత-లజ్జిత-కోకిల-మఞ్జుమతే మిలిత-పులిన్ద-మనోహర-గుఞ్జిత-రఞ్జితశైల-నికుఞ్జగతే నిజగుణభూత-మహాశబరీగణ-సద్గుణ-సమ్భృత-కేలితలే జయ జయ హే మహిషాసురమర్దిని రమ్యకపర్దిని శైలసుతే కటితట-పీత-దుకూల-విచిత్ర-మయూఖ-తిరస్కృత-చన్ద్రరుచే ప్రణత-సురాసుర-మౌలిమణిస్ఫుర-దంశుల-సన్నఖ-చన్ద్రరుచే జిత-కనకాచల-మౌలిపదోర్జిత-నిర్భర-కుఞ్జర-కుమ్భకుచే జయ జయ హే మహిషాసురమర్దిని రమ్యకపర్దిని శైలసుతే విజిత-సహస్రకరైక-సహస్రకరైక-సహస్రకరైకనుతే కృతసురతారక-సఙ్గరతారక-సఙ్గరతారక-సూనుసుతే సురథ-సమాధి సమానసమాధి సమాధిసమాధి సుజాతరతే జయ జయ హే మహిషాసురమర్దిని రమ్యకపర్దిని శైలసుతే పదకమలం కరుణానిలయే వరివస్యతి యోఽనుదినం స శివే అయి కమలే కమలానిలయే కమలానిలయః స కథం న భవేత్ తవ పదమేవ పరమ్పదమిత్యనుశీలయతో మమ కిం న శివే జయ జయ హే మహిషాసురమర్దిని రమ్యకపర్దిని శైలసుతే కనకలసత్కల-సిన్ధుజలైరనుసిఞ్చినుతే గుణ-రఙ్గభువం భజతి స కిం న శచీకుచ-కుమ్భ-తటీ-పరిరమ్భ-సుఖానుభవమ్ తవ చరణం శరణం కరవాణి నతామరవాణి నివాసి శివం జయ జయ హే మహిషాసురమర్దిని రమ్యకపర్దిని శైలసుతే తవ విమలేన్దుకులం వదనేన్దుమలం సకలం నను కూలయతే కిము పురుహూత-పురీన్దుముఖీ-సుముఖీభిరసౌ విముఖీ క్రియతే మమ తు మతం శివనామధనే భవతీ కృపయా కిముత క్రియతే జయ జయ హే మహిషాసురమర్దిని రమ్యకపర్దిని శైలసుతే అయి మయి దీనదయాలుతయా కృపయైవ త్వయా భవితవ్యముమే అయి జగతో జననీ కృపయాఽసి యథాఽసి తథాఽనుమితాసిరతే యదుచితమత్ర భవత్యురరి కురుతాదురుతాపమపాకురుతే జయ జయ హే మహిషాసురమర్దిని రమ్యకపర్దిని శైలసుతే ॥ఇతి~శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య శ్రీమచ్ఛఙ్కరభగవతః కృతౌ శ్రీ-మహిషాసురమర్దిని-స్తోత్రం~సమ్పూర్ణమ్॥

mahiṣāsuramardini-stotram ayi girinandini nanditamedini viśvavinodini nandinute girivara-vindhya-śirodhinivāsini viṣṇuvilāsini jiṣṇunute bhagavati he śitikaṇṭhakuṭumbini bhūrikuṭumbini bhūrikṛte jaya jaya he mahiṣāsuramardini ramyakapardini śailasute suravaravarṣiṇi durdharadharṣiṇi durmukhamarṣiṇi harṣarate tribhuvanapoṣiṇi śaṅkaratoṣiṇi kilbiṣamoṣiṇi ghoṣarate danuja-niroṣiṇi ditisuta-roṣiṇi durmada-śoṣiṇi sindhusute jaya jaya he mahiṣāsuramardini ramyakapardini śailasute ayi jagadamba-madamba-kadamba-vanapriya-vāsini hāsarate śikhari śiromaṇi tuṅga-himālaya-śṛṅga-nijālaya-madhyagate madhu-madhure madhu-kaiṭabha-gañjini kaiṭabha-bhañjini rāsarate jaya jaya he mahiṣāsuramardini ramyakapardini śailasute ayi śatakhaṇḍa-vikhaṇḍita-ruṇḍa-vituṇḍita-śuṇḍa-gajādhipate ripu-gaja-gaṇḍa-vidāraṇa-caṇḍa-parākrama-śuṇḍa-mṛgādhipate nija-bhuja-daṇḍa-nipātita-khaṇḍa-vipātita-muṇḍa-bhaṭādhipate jaya jaya he mahiṣāsuramardini ramyakapardini śailasute ayi raṇa-durmada-śatru-vadhodita-durdhara-nirjara-śaktibhṛte catura-vicāra-dhurīṇa-mahāśiva-dūtakṛta-pramathādhipate durita-durīha-durāśaya-durmati-dānavadūta-kṛtāntamate jaya jaya he mahiṣāsuramardini ramyakapardini śailasute ayi śaraṇāgata-vairi-vadhūvara-vīra-varābhaya-dāyakare tribhuvana-mastaka-śūla-virodhi śirodhi kṛtāmala-śūlakare dumidumi-tāmara-dundubhināda-maho-mukharīkṛta-tigmakare jaya jaya he mahiṣāsuramardini ramyakapardini śailasute ayi nija-huṅkṛti mātra-nirākṛta-dhūmravilocana-dhūmraśate samara-viśoṣita-śoṇita-bīja-samudbhava-śoṇita-bījalate śiva-śiva-śumbha-niśumbha-mahāhava-tarpita-bhūta-piśācarate jaya jaya he mahiṣāsuramardini ramyakapardini śailasute dhanuranu-saṅga-raṇakṣaṇasaṅga-parisphura-daṅga-naṭatkaṭake kanaka-piśaṅga-pṛṣatka-niṣaṅga-rasadbhaṭa-śṛṅga-hatāvaṭuke kṛta-caturaṅga-balakṣiti-raṅga-ghaṭadbahuraṅga-raṭadbaṭuke jaya jaya he mahiṣāsuramardini ramyakapardini śailasute jaya jaya japya-jayejaya-śabda-parastuti-tatpara-viśvanute bhaṇa-bhaṇa-bhiñjimi-bhiṅkṛta-nūpura-siñjita-mohita-bhūtapate naṭita-naṭārdha-naṭīnaṭa-nāyaka-nāṭita-nāṭya-sugānarate jaya jaya he mahiṣāsuramardini ramyakapardini śailasute ayi sumanaḥ sumanaḥ sumanaḥ sumanaḥ sumanohara-kāntiyute śrita-rajanī-rajanī-rajanī-rajanī-rajanīkara-vaktravṛte sunayana-vibhramara-bhramara-bhramara-bhramara-bhramarādhipate jaya jaya he mahiṣāsuramardini ramyakapardini śailasute sahita-mahāhava-mallama-tallika-mallita-rallaka-mallarate viracita-vallika-pallika-mallika-bhillika-bhillika-vargavṛte sitakṛta-phullasamulla-sitāruṇa-tallaja-pallava-sallalite jaya jaya he mahiṣāsuramardini ramyakapardini śailasute avirala-gaṇḍa-galanmada-medura-matta-mataṅgaja-rājapate tribhuvana-bhūṣaṇa-bhūta-kalānidhi rūpa-payonidhi rājasute ayi suda-tījana-lālasamānasa-mohana-manmatha-rājasute jaya jaya he mahiṣāsuramardini ramyakapardini śailasute kamala-dalāmala-komala-kānti kalākalitāmala-bhālalate sakala-vilāsa-kalānilayakrama-keli-calatkala-haṃsakule alikula-saṅkula-kuvalaya-maṇḍala-maulimiladbhakulāli-kule jaya jaya he mahiṣāsuramardini ramyakapardini śailasute karamuralī-rava-vījita-kūjita-lajjita-kokila-mañjumate milita-pulinda-manohara-guñjita-rañjitaśaila-nikuñjagate nijaguṇabhūta-mahāśabarīgaṇa-sadguṇa-sambhṛta-kelitale jaya jaya he mahiṣāsuramardini ramyakapardini śailasute kaṭitaṭa-pīta-dukūla-vicitra-mayūkha-tiraskṛta-candraruce praṇata-surāsura-maulimaṇisphura-daṃśula-sannakha-candraruce jita-kanakācala-maulipadorjita-nirbhara-kuñjara-kumbhakuce jaya jaya he mahiṣāsuramardini ramyakapardini śailasute vijita-sahasrakaraika-sahasrakaraika-sahasrakaraikanute kṛtasuratāraka-saṅgaratāraka-saṅgaratāraka-sūnusute suratha-samādhi samānasamādhi samādhisamādhi sujātarate jaya jaya he mahiṣāsuramardini ramyakapardini śailasute padakamalaṃ karuṇānilaye varivasyati yo'nudinaṃ sa śive ayi kamale kamalānilaye kamalānilayaḥ sa kathaṃ na bhavet tava padameva parampadamityanuśīlayato mama kiṃ na śive jaya jaya he mahiṣāsuramardini ramyakapardini śailasute kanakalasatkala-sindhujalairanusiñcinute guṇa-raṅgabhuvaṃ bhajati sa kiṃ na śacīkuca-kumbha-taṭī-parirambha-sukhānubhavam tava caraṇaṃ śaraṇaṃ karavāṇi natāmaravāṇi nivāsi śivaṃ jaya jaya he mahiṣāsuramardini ramyakapardini śailasute tava vimalendukulaṃ vadanendumalaṃ sakalaṃ nanu kūlayate kimu puruhūta-purīndumukhī-sumukhībhirasau vimukhī kriyate mama tu mataṃ śivanāmadhane bhavatī kṛpayā kimuta kriyate jaya jaya he mahiṣāsuramardini ramyakapardini śailasute ayi mayi dīnadayālutayā kṛpayaiva tvayā bhavitavyamume ayi jagato jananī kṛpayā'si yathā'si tathā'numitāsirate yaducitamatra bhavatyurari kurutādurutāpamapākurute jaya jaya he mahiṣāsuramardini ramyakapardini śailasute ||iti~śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-mahiṣāsuramardini-stotraṃ~sampūrṇam||