सूर्यमण्डल-स्तोत्रम् नमोऽस्तु सूर्याय सहस्ररश्मये सहस्रशाखान्वितसम्भवात्मने सहस्रयोगोद्भवभावभागिने सहस्रसङ्ख्यायुगधारिणे नमः यन्मण्डलं दीप्तिकरं विशालं रत्नप्रभं तीव्रमनादिरूपम् दारिद्र्यदुःखक्षयकारणं च पुनातु मां तत्सवितुर्वरेण्यम् यन्मण्डलं देवगणैः सुपूजितं विप्रैः स्तुतं भावनमुक्तिकोविदम् तं देवदेवं प्रणमामि सूर्यं पुनातु मां तत्सवितुर्वरेण्यम् यन्मण्डलं ज्ञानघनं त्वगम्यं त्रैलोक्यपूज्यं त्रिगुणात्मरूपम् समस्त-तेजोमय-दिव्यरूपं पुनातु मां तत्सवितुर्वरेण्यम् यन्मण्डलं गूढमतिप्रबोधं धर्मस्य वृद्धिं कुरुते जनानाम् यत्सर्वपापक्षयकारणं च पुनातु मां तत्सवितुर्वरेण्यम् यन्मण्डलं व्याधिविनाशदक्षं यदृग्यजुःसामसु सम्प्रगीतम् प्रकाशितं येन च भूर्भुवः स्वः पुनातु मां तत्सवितुर्वरेण्यम् यन्मण्डलं वेदविदो वदन्ति गायन्ति यच्चारण-सिद्धसङ्घाः यद्योगिनो योगजुषां च सङ्घाः पुनातु मां तत्सवितुर्वरेण्यम् यन्मण्डलं सर्वजनैश्च पूजितं ज्योतिश्च कुर्यादिह मर्त्यलोके यत्कालकालाद्यमनादिरूपं पुनातु मां तत्सवितुर्वरेण्यम् यन्मण्डलं विष्णुचतुर्मुखाख्यं यदक्षरं पापहरं जनानाम् यत्कालकल्पक्षयकारणं च पुनातु मां तत्सवितुर्वरेण्यम् यन्मण्डलं विश्वसृजं प्रसिद्धमुत्पत्ति-रक्षा-प्रलय-प्रगल्भम् यस्मिञ्जगत्संहरतेऽखिलं च पुनातु मां तत्सवितुर्वरेण्यम् यन्मण्डलं सर्वगतस्य विष्णोरात्मा परं धाम विशुद्धतत्त्वम् सूक्ष्मान्तरैर्योगपथानुगम्यं पुनातु मां तत्सवितुर्वरेण्यम् यन्मण्डलं वेदविदो वदन्ति गायन्ति यच्चारण-सिद्धसङ्घाः यन्मण्डलं वेदविदः स्मरन्ति पुनातु मां तत्सवितुर्वरेण्यम् यन्मण्डलं वेदविदोपगीतं यद्योगिनां योगपथानुगम्यम् तत्सर्ववेद्यं प्रणमामि सूर्यं पुनातु मां तत्सवितुर्वरेण्यम् सूर्यमण्डलसुस्तोत्रं यः पठेत् सततं नरः सर्वपापविशुद्धात्मा सूर्यलोके महीयते ॥इति श्री-भविष्योत्तरपुराणे श्रीकृष्णार्जुनसंवादे सूर्यमण्डलस्तोत्रं सम्पूर्णम्॥ यो देवः सविताऽस्माकं धियो धर्मादि-गोचरे प्रेरयेत् तस्य यद्भर्गस्तद्वरेण्यमुपास्महे

సూర్యమణ్డల-స్తోత్రమ్ నమోఽస్తు సూర్యాయ సహస్రరశ్మయే సహస్రశాఖాన్వితసమ్భవాత్మనే సహస్రయోగోద్భవభావభాగినే సహస్రసఙ్ఖ్యాయుగధారిణే నమః యన్మణ్డలం దీప్తికరం విశాలం రత్నప్రభం తీవ్రమనాదిరూపమ్ దారిద్ర్యదుఃఖక్షయకారణం చ పునాతు మాం తత్సవితుర్వరేణ్యమ్ యన్మణ్డలం దేవగణైః సుపూజితం విప్రైః స్తుతం భావనముక్తికోవిదమ్ తం దేవదేవం ప్రణమామి సూర్యం పునాతు మాం తత్సవితుర్వరేణ్యమ్ యన్మణ్డలం జ్ఞానఘనం త్వగమ్యం త్రైలోక్యపూజ్యం త్రిగుణాత్మరూపమ్ సమస్త-తేజోమయ-దివ్యరూపం పునాతు మాం తత్సవితుర్వరేణ్యమ్ యన్మణ్డలం గూఢమతిప్రబోధం ధర్మస్య వృద్ధిం కురుతే జనానామ్ యత్సర్వపాపక్షయకారణం చ పునాతు మాం తత్సవితుర్వరేణ్యమ్ యన్మణ్డలం వ్యాధివినాశదక్షం యదృగ్యజుఃసామసు సమ్ప్రగీతమ్ ప్రకాశితం యేన చ భూర్భువః స్వః పునాతు మాం తత్సవితుర్వరేణ్యమ్ యన్మణ్డలం వేదవిదో వదన్తి గాయన్తి యచ్చారణ-సిద్ధసఙ్ఘాః యద్యోగినో యోగజుషాం చ సఙ్ఘాః పునాతు మాం తత్సవితుర్వరేణ్యమ్ యన్మణ్డలం సర్వజనైశ్చ పూజితం జ్యోతిశ్చ కుర్యాదిహ మర్త్యలోకే యత్కాలకాలాద్యమనాదిరూపం పునాతు మాం తత్సవితుర్వరేణ్యమ్ యన్మణ్డలం విష్ణుచతుర్ముఖాఖ్యం యదక్షరం పాపహరం జనానామ్ యత్కాలకల్పక్షయకారణం చ పునాతు మాం తత్సవితుర్వరేణ్యమ్ యన్మణ్డలం విశ్వసృజం ప్రసిద్ధముత్పత్తి-రక్షా-ప్రలయ-ప్రగల్భమ్ యస్మిఞ్జగత్సంహరతేఽఖిలం చ పునాతు మాం తత్సవితుర్వరేణ్యమ్ యన్మణ్డలం సర్వగతస్య విష్ణోరాత్మా పరం ధామ విశుద్ధతత్త్వమ్ సూక్ష్మాన్తరైర్యోగపథానుగమ్యం పునాతు మాం తత్సవితుర్వరేణ్యమ్ యన్మణ్డలం వేదవిదో వదన్తి గాయన్తి యచ్చారణ-సిద్ధసఙ్ఘాః యన్మణ్డలం వేదవిదః స్మరన్తి పునాతు మాం తత్సవితుర్వరేణ్యమ్ యన్మణ్డలం వేదవిదోపగీతం యద్యోగినాం యోగపథానుగమ్యమ్ తత్సర్వవేద్యం ప్రణమామి సూర్యం పునాతు మాం తత్సవితుర్వరేణ్యమ్ సూర్యమణ్డలసుస్తోత్రం యః పఠేత్ సతతం నరః సర్వపాపవిశుద్ధాత్మా సూర్యలోకే మహీయతే ॥ఇతి శ్రీ-భవిష్యోత్తరపురాణే శ్రీకృష్ణార్జునసంవాదే సూర్యమణ్డలస్తోత్రం సమ్పూర్ణమ్॥ యో దేవః సవితాఽస్మాకం ధియో ధర్మాది-గోచరే ప్రేరయేత్ తస్య యద్భర్గస్తద్వరేణ్యముపాస్మహే

sūryamaṇḍala-stotram namo'stu sūryāya sahasraraśmaye sahasraśākhānvitasambhavātmane sahasrayogodbhavabhāvabhāgine sahasrasaṅkhyāyugadhāriṇe namaḥ yanmaṇḍalaṃ dīptikaraṃ viśālaṃ ratnaprabhaṃ tīvramanādirūpam dāridryaduḥkhakṣayakāraṇaṃ ca punātu māṃ tatsaviturvareṇyam yanmaṇḍalaṃ devagaṇaiḥ supūjitaṃ vipraiḥ stutaṃ bhāvanamuktikovidam taṃ devadevaṃ praṇamāmi sūryaṃ punātu māṃ tatsaviturvareṇyam yanmaṇḍalaṃ jñānaghanaṃ tvagamyaṃ trailokyapūjyaṃ triguṇātmarūpam samasta-tejomaya-divyarūpaṃ punātu māṃ tatsaviturvareṇyam yanmaṇḍalaṃ gūḍhamatiprabodhaṃ dharmasya vṛddhiṃ kurute janānām yatsarvapāpakṣayakāraṇaṃ ca punātu māṃ tatsaviturvareṇyam yanmaṇḍalaṃ vyādhivināśadakṣaṃ yadṛgyajuḥsāmasu sampragītam prakāśitaṃ yena ca bhūrbhuvaḥ svaḥ punātu māṃ tatsaviturvareṇyam yanmaṇḍalaṃ vedavido vadanti gāyanti yaccāraṇa-siddhasaṅghāḥ yadyogino yogajuṣāṃ ca saṅghāḥ punātu māṃ tatsaviturvareṇyam yanmaṇḍalaṃ sarvajanaiśca pūjitaṃ jyotiśca kuryādiha martyaloke yatkālakālādyamanādirūpaṃ punātu māṃ tatsaviturvareṇyam yanmaṇḍalaṃ viṣṇucaturmukhākhyaṃ yadakṣaraṃ pāpaharaṃ janānām yatkālakalpakṣayakāraṇaṃ ca punātu māṃ tatsaviturvareṇyam yanmaṇḍalaṃ viśvasṛjaṃ prasiddhamutpatti-rakṣā-pralaya-pragalbham yasmiñjagatsaṃharate'khilaṃ ca punātu māṃ tatsaviturvareṇyam yanmaṇḍalaṃ sarvagatasya viṣṇorātmā paraṃ dhāma viśuddhatattvam sūkṣmāntarairyogapathānugamyaṃ punātu māṃ tatsaviturvareṇyam yanmaṇḍalaṃ vedavido vadanti gāyanti yaccāraṇa-siddhasaṅghāḥ yanmaṇḍalaṃ vedavidaḥ smaranti punātu māṃ tatsaviturvareṇyam yanmaṇḍalaṃ vedavidopagītaṃ yadyogināṃ yogapathānugamyam tatsarvavedyaṃ praṇamāmi sūryaṃ punātu māṃ tatsaviturvareṇyam sūryamaṇḍalasustotraṃ yaḥ paṭhet satataṃ naraḥ sarvapāpaviśuddhātmā sūryaloke mahīyate ||iti śrī-bhaviṣyottarapurāṇe śrīkṛṣṇārjunasaṃvāde sūryamaṇḍalastotraṃ sampūrṇam|| yo devaḥ savitā'smākaṃ dhiyo dharmādi-gocare prerayet tasya yadbhargastadvareṇyamupāsmahe