अच्युताष्टकम् अथ श्री अच्युताष्टकम् अच्युतं केशवं रामनारायणं कृष्णदामोदरं वासुदेवं हरिं श्रीधरं माधवं गोपिकावल्लभं जानकीनायकं रामचन्द्रं भजे १ अच्युतं केशवं सत्यभामाधवं माधवं श्रीधरं राधिकाराधितम् इन्दिरा मन्दिरं चेतसा सुन्दरं देवकीनन्दनं नन्दनं सन्दधे २ विष्णवे जिष्णवे शङ्खिने चक्रिणे रुक्मिनी रागिने जानकी जानये वल्लवी वल्लभायाऽर्चितायात्मने कंस विध्वंसिने वंशिने ते नमः ३ कृष्ण गोविन्द हे राम नारायण श्रीपते वासुदेवाजित श्रीनिधे अच्युतानन्त हे माधवाधोक्षज द्वारका नायक द्रौ पदी रक्षक ४ राक्षसक्षोभितः सीतयाशोभितो दण्डकारण्य भू पुण्यता कारणः लक्ष्मणेनान्वितो वानरैः सेवितो अगस्त्यसम्पूजितो राघवः पातु माम् ५ धेनुकारिष्टकोऽनिष्टकृद्द्वेषिणां केशिहा कंसहृद्वंशिकावादकः पूतनाकोपकः सूरजा खेलनो बाल गोपालकः पातु मां सर्वदा ६ विद्युदुद्ध्योतवान् प्रस्फुरद्वाससं प्रावृडम्भोदवत्प्रोल्लसद्विग्रहम् वन्यया मालया शोभितोरस्थलं लोहिताङ्घ्रिद्वयं वारिजाक्षं भजे ७ कुञ्चितैः कुन्तलैर्भ्राजमानाननं रत्नमौलिं लसत्कुण्डलं गण्डयोः हारकेयूरकं कङ्कण प्रोज्ज्वलं किङ्किणी मञ्जुलं श्यामलं तं भजे ८ अच्युतस्याष्टकं यः पठेदिष्टदं प्रेमतः प्रत्यहं पूरुषः सस्पृहम् वृत्ततः सुन्दरं कर्तृविश्वम्भरं तस्य वः शो हरिर्जायते सत्वरम् ९ ॐ Reference: Narayana Rama Acharya, ed., Brihat-Stotra-Ratnakarah, Part I, (Varanasi: Chaukhambha Orientalia, 1997), p. 74.

అచ్యుతాష్టకమ్ అథ శ్రీ అచ్యుతాష్టకమ్ అచ్యుతం కేశవం రామనారాయణం కృష్ణదామోదరం వాసుదేవం హరిం శ్రీధరం మాధవం గోపికావల్లభం జానకీనాయకం రామచన్ద్రం భజే ౧ అచ్యుతం కేశవం సత్యభామాధవం మాధవం శ్రీధరం రాధికారాధితమ్ ఇన్దిరా మన్దిరం చేతసా సున్దరం దేవకీనన్దనం నన్దనం సన్దధే ౨ విష్ణవే జిష్ణవే శఙ్ఖినే చక్రిణే రుక్మినీ రాగినే జానకీ జానయే వల్లవీ వల్లభాయాఽర్చితాయాత్మనే కంస విధ్వంసినే వంశినే తే నమః ౩ కృష్ణ గోవిన్ద హే రామ నారాయణ శ్రీపతే వాసుదేవాజిత శ్రీనిధే అచ్యుతానన్త హే మాధవాధోక్షజ ద్వారకా నాయక ద్రౌ పదీ రక్షక ౪ రాక్షసక్షోభితః సీతయాశోభితో దణ్డకారణ్య భూ పుణ్యతా కారణః లక్ష్మణేనాన్వితో వానరైః సేవితో అగస్త్యసమ్పూజితో రాఘవః పాతు మామ్ ౫ ధేనుకారిష్టకోఽనిష్టకృద్ద్వేషిణాం కేశిహా కంసహృద్వంశికావాదకః పూతనాకోపకః సూరజా ఖేలనో బాల గోపాలకః పాతు మాం సర్వదా ౬ విద్యుదుద్ధ్యోతవాన్ ప్రస్ఫురద్వాససం ప్రావృడమ్భోదవత్ప్రోల్లసద్విగ్రహమ్ వన్యయా మాలయా శోభితోరస్థలం లోహితాఙ్ఘ్రిద్వయం వారిజాక్షం భజే ౭ కుఞ్చితైః కున్తలైర్భ్రాజమానాననం రత్నమౌలిం లసత్కుణ్డలం గణ్డయోః హారకేయూరకం కఙ్కణ ప్రోజ్జ్వలం కిఙ్కిణీ మఞ్జులం శ్యామలం తం భజే ౮ అచ్యుతస్యాష్టకం యః పఠేదిష్టదం ప్రేమతః ప్రత్యహం పూరుషః సస్పృహమ్ వృత్తతః సున్దరం కర్తృవిశ్వమ్భరం తస్య వః శో హరిర్జాయతే సత్వరమ్ ౯ ఓం Reference: Narayana Rama Acharya, ed., Brihat-Stotra-Ratnakarah, Part I, (Varanasi: Chaukhambha Orientalia, 1997), p. 74.

acyutāṣṭakam atha śrī acyutāṣṭakam acyutaṃ keśavaṃ rāmanārāyaṇaṃ kṛṣṇadāmodaraṃ vāsudevaṃ hariṃ śrīdharaṃ mādhavaṃ gopikāvallabhaṃ jānakīnāyakaṃ rāmacandraṃ bhaje 1 acyutaṃ keśavaṃ satyabhāmādhavaṃ mādhavaṃ śrīdharaṃ rādhikārādhitam indirā mandiraṃ cetasā sundaraṃ devakīnandanaṃ nandanaṃ sandadhe 2 viṣṇave jiṣṇave śaṅkhine cakriṇe rukminī rāgine jānakī jānaye vallavī vallabhāyā'rcitāyātmane kaṃsa vidhvaṃsine vaṃśine te namaḥ 3 kṛṣṇa govinda he rāma nārāyaṇa śrīpate vāsudevājita śrīnidhe acyutānanta he mādhavādhokṣaja dvārakā nāyaka drau padī rakṣaka 4 rākṣasakṣobhitaḥ sītayāśobhito daṇḍakāraṇya bhū puṇyatā kāraṇaḥ lakṣmaṇenānvito vānaraiḥ sevito agastyasampūjito rāghavaḥ pātu mām 5 dhenukāriṣṭako'niṣṭakṛddveṣiṇāṃ keśihā kaṃsahṛdvaṃśikāvādakaḥ pūtanākopakaḥ sūrajā khelano bāla gopālakaḥ pātu māṃ sarvadā 6 vidyududdhyotavān prasphuradvāsasaṃ prāvṛḍambhodavatprollasadvigraham vanyayā mālayā śobhitorasthalaṃ lohitāṅghridvayaṃ vārijākṣaṃ bhaje 7 kuñcitaiḥ kuntalairbhrājamānānanaṃ ratnamauliṃ lasatkuṇḍalaṃ gaṇḍayoḥ hārakeyūrakaṃ kaṅkaṇa projjvalaṃ kiṅkiṇī mañjulaṃ śyāmalaṃ taṃ bhaje 8 acyutasyāṣṭakaṃ yaḥ paṭhediṣṭadaṃ premataḥ pratyahaṃ pūruṣaḥ saspṛham vṛttataḥ sundaraṃ kartṛviśvambharaṃ tasya vaḥ śo harirjāyate satvaram 9 oṃ Reference: Narayana Rama Acharya, ed., Brihat-Stotra-Ratnakarah, Part I, (Varanasi: Chaukhambha Orientalia, 1997), p. 74.