आपदुद्धारक-द्वादशमुख-हनुमान्-स्तोत्रम्
ॐ अस्य श्री-आपदुद्धारक-द्वादशमुख-हनुमान् स्तोत्र-महामन्त्रस्य विभीषण ऋषिः। अनुष्टुप् छन्दः।\\
श्री-द्वादशमुख-प्रचण्ड-हनुमान् देवता।\\
मारुतात्मज इति बीजम्। अञ्जनासूनुरिति शक्तिः।\\
वायुपुत्रेति कीलकम्। श्रीहनुमत्प्रसादसिद्धिद्वारा सर्वापन्निवारणार्थे जपे विनियोगः।
ध्यानम्
उष्ट्रारूढ-सुवर्चलासहचरन् सुग्रीवमित्राञ्जना-
सूनो वायुकुमार केसरितनूजाक्षादिदैत्यान्तक
सीतशोकहराग्निनन्दन सुमित्रासम्भवप्राणद
श्रीभीमाग्रज शम्भुपुत्र हनुमान् सूर्यास्य तुभ्यं नमः
खड्गं खेटक-भिन्दिपाल-परशुं पाश-त्रिशूल-द्रुमान्
चक्रं शङ्ख-गदा-फलाङ्कुश-सुधाकुम्भान् हलं पर्वतम्
टङ्कं पर्वतकार्मुकाहिडमरूनेतानि दिव्यायुधान्
एवं विंशतिबाहुभिश्च दधतं ध्यायेद्धनूमत्प्रभुम्
स्तोत्रम्
ॐ नमो भगवते तुभ्यं नमो मारुतसूनवे
नमः श्रीरामभक्ताय श्यामास्याय च ते नमः
नमो वानरवीराय सुग्रीवसख्यकारिणे
लङ्काविदाहकायाथ हेलासागरतारिणे
सीताशोकविनाशाय राममुद्राधराय च
रावणस्य कुलच्छेदकारिणे ते नमो नमः
मेघनादमखध्वंसकारिणे ते नमो नमः
अशोकवनविध्वंसकारिणे भयहारिणे
वायुपुत्राय वीराय आकाशोदरगामिने
वनपालशिरश्छेत्रे लङ्काप्रासादभञ्जिने
ज्वलत्कनकवर्णाय दीर्घलाङ्गूलधारिणे
सौमित्रिजयदात्रे च रामदूताय ते नमः
अक्षस्य वधकर्त्रे च ब्रह्मशक्तिनिवारिणे
लक्ष्मणाङ्गमहाशक्ति-घात-क्षत-विनाशिने
रक्षोघ्नाय रिपुघ्नाय भूतघ्नाय च ते नमः
ऋक्षवानरवीरौघ-प्राणदायक ते नमः
परसैन्यबलघ्नाय शस्त्रास्त्रविघनाय च
विषघ्नाय द्विषघ्नाय ज्वरघ्नाय च ते नमः
महाभयरिपुघ्नाय भक्तत्राणैककारिणे
परप्रेरितमन्त्राणां यन्त्राणां स्तम्भकारिणे
पयः-पाषाण-तरण-कारणाय नमो नमः
बालार्कमण्डलग्रासकारिणे भवतारिणे
नखायुधाय भीमाय दन्तायुधधराय च
रिपुमायाविनाशाय रामाज्ञालोकरक्षिणे
प्रतिग्रामस्थितायाथ रक्षोभूतवधार्थिने
करालशैलशस्त्राय द्रुमशस्त्राय ते नमः
बालैकब्रह्मचर्याय रुद्रमूर्तिधराय च
विहङ्गमाय शर्वाय वज्रदेहाय ते नमः
कौपीनवाससे तुभ्यं रामभक्तिरताय च
दक्षिणाशाभास्कराय शतचन्द्रोदयात्मने
कृत्या-क्षत-व्यथघ्नाय सर्वक्लेशहराय च
स्वाम्याज्ञा-पार्थसङ्ग्राम-सङ्ख्ये सञ्जयधारिणे
भक्तानां दिव्यवादेषु सङ्ग्रामे जयदायिने
किलकिल्याबूबुरोच्चघोरशब्दकराय च
सर्पाग्निव्याधिसंस्तम्भकारिणे वनचारिणे
सदा वनफलाहार-सत्तृप्ताय विशेषतः
महार्णव-शिला-बद्ध-सेतवे ते नमो नमः
वादे विवादे सङ्ग्रामे भये घोरे महावने
सिंहव्याघ्रादि चौरेभ्यः स्तोत्रपाठाद्भयं न हि
दिव्ये भूतभये व्याधौ गृहे स्थावरजङ्गमे
राजशस्त्रभये चोग्रबाधा ग्रहभयेषु च
जले सर्वे महावृष्टौ दुर्भिक्षे प्राणसम्प्लवे
पठेत् स्तोत्रं प्रमुच्येत भयेभ्यः सर्वतो नरः
तस्य क्वापि भयं नास्ति हनुमत् स्तवपाठतः
सर्वथा वै त्रिकालं च पठनीयमिमं स्तवम्
सर्वान् कामानवाप्नोति नात्र कार्या विचारणा
विनतायाः स्वमातुश्च दासीत्वस्य निवृत्तये
सुधार्णं यातुकामाय महापौरुषशालिने
विभीषणकृतं स्तोत्रं तार्क्ष्येण समुदीरितम्
ये पठन्ति सदा भक्त्या सिद्धयस्तत्करे स्थिताः
॥इति श्री-सुदर्शनसंहितायां श्री-विभीषणगरुडसंवादे श्री-विभीषणकृतम्~आपदुद्धारक श्री-द्वादशमुख-हनुमान् स्तोत्रं सम्पूर्णम्॥
ఆపదుద్ధారక-ద్వాదశముఖ-హనుమాన్-స్తోత్రమ్
ఓం అస్య శ్రీ-ఆపదుద్ధారక-ద్వాదశముఖ-హనుమాన్ స్తోత్ర-మహామన్త్రస్య విభీషణ ఋషిః। అనుష్టుప్ ఛన్దః।\\
శ్రీ-ద్వాదశముఖ-ప్రచణ్డ-హనుమాన్ దేవతా।\\
మారుతాత్మజ ఇతి బీజమ్। అఞ్జనాసూనురితి శక్తిః।\\
వాయుపుత్రేతి కీలకమ్। శ్రీహనుమత్ప్రసాదసిద్ధిద్వారా సర్వాపన్నివారణార్థే జపే వినియోగః।
ధ్యానమ్
ఉష్ట్రారూఢ-సువర్చలాసహచరన్ సుగ్రీవమిత్రాఞ్జనా-
సూనో వాయుకుమార కేసరితనూజాక్షాదిదైత్యాన్తక
సీతశోకహరాగ్నినన్దన సుమిత్రాసమ్భవప్రాణద
శ్రీభీమాగ్రజ శమ్భుపుత్ర హనుమాన్ సూర్యాస్య తుభ్యం నమః
ఖడ్గం ఖేటక-భిన్దిపాల-పరశుం పాశ-త్రిశూల-ద్రుమాన్
చక్రం శఙ్ఖ-గదా-ఫలాఙ్కుశ-సుధాకుమ్భాన్ హలం పర్వతమ్
టఙ్కం పర్వతకార్ముకాహిడమరూనేతాని దివ్యాయుధాన్
ఏవం వింశతిబాహుభిశ్చ దధతం ధ్యాయేద్ధనూమత్ప్రభుమ్
స్తోత్రమ్
ఓం నమో భగవతే తుభ్యం నమో మారుతసూనవే
నమః శ్రీరామభక్తాయ శ్యామాస్యాయ చ తే నమః
నమో వానరవీరాయ సుగ్రీవసఖ్యకారిణే
లఙ్కావిదాహకాయాథ హేలాసాగరతారిణే
సీతాశోకవినాశాయ రామముద్రాధరాయ చ
రావణస్య కులచ్ఛేదకారిణే తే నమో నమః
మేఘనాదమఖధ్వంసకారిణే తే నమో నమః
అశోకవనవిధ్వంసకారిణే భయహారిణే
వాయుపుత్రాయ వీరాయ ఆకాశోదరగామినే
వనపాలశిరశ్ఛేత్రే లఙ్కాప్రాసాదభఞ్జినే
జ్వలత్కనకవర్ణాయ దీర్ఘలాఙ్గూలధారిణే
సౌమిత్రిజయదాత్రే చ రామదూతాయ తే నమః
అక్షస్య వధకర్త్రే చ బ్రహ్మశక్తినివారిణే
లక్ష్మణాఙ్గమహాశక్తి-ఘాత-క్షత-వినాశినే
రక్షోఘ్నాయ రిపుఘ్నాయ భూతఘ్నాయ చ తే నమః
ఋక్షవానరవీరౌఘ-ప్రాణదాయక తే నమః
పరసైన్యబలఘ్నాయ శస్త్రాస్త్రవిఘనాయ చ
విషఘ్నాయ ద్విషఘ్నాయ జ్వరఘ్నాయ చ తే నమః
మహాభయరిపుఘ్నాయ భక్తత్రాణైకకారిణే
పరప్రేరితమన్త్రాణాం యన్త్రాణాం స్తమ్భకారిణే
పయః-పాషాణ-తరణ-కారణాయ నమో నమః
బాలార్కమణ్డలగ్రాసకారిణే భవతారిణే
నఖాయుధాయ భీమాయ దన్తాయుధధరాయ చ
రిపుమాయావినాశాయ రామాజ్ఞాలోకరక్షిణే
ప్రతిగ్రామస్థితాయాథ రక్షోభూతవధార్థినే
కరాలశైలశస్త్రాయ ద్రుమశస్త్రాయ తే నమః
బాలైకబ్రహ్మచర్యాయ రుద్రమూర్తిధరాయ చ
విహఙ్గమాయ శర్వాయ వజ్రదేహాయ తే నమః
కౌపీనవాససే తుభ్యం రామభక్తిరతాయ చ
దక్షిణాశాభాస్కరాయ శతచన్ద్రోదయాత్మనే
కృత్యా-క్షత-వ్యథఘ్నాయ సర్వక్లేశహరాయ చ
స్వామ్యాజ్ఞా-పార్థసఙ్గ్రామ-సఙ్ఖ్యే సఞ్జయధారిణే
భక్తానాం దివ్యవాదేషు సఙ్గ్రామే జయదాయినే
కిలకిల్యాబూబురోచ్చఘోరశబ్దకరాయ చ
సర్పాగ్నివ్యాధిసంస్తమ్భకారిణే వనచారిణే
సదా వనఫలాహార-సత్తృప్తాయ విశేషతః
మహార్ణవ-శిలా-బద్ధ-సేతవే తే నమో నమః
వాదే వివాదే సఙ్గ్రామే భయే ఘోరే మహావనే
సింహవ్యాఘ్రాది చౌరేభ్యః స్తోత్రపాఠాద్భయం న హి
దివ్యే భూతభయే వ్యాధౌ గృహే స్థావరజఙ్గమే
రాజశస్త్రభయే చోగ్రబాధా గ్రహభయేషు చ
జలే సర్వే మహావృష్టౌ దుర్భిక్షే ప్రాణసమ్ప్లవే
పఠేత్ స్తోత్రం ప్రముచ్యేత భయేభ్యః సర్వతో నరః
తస్య క్వాపి భయం నాస్తి హనుమత్ స్తవపాఠతః
సర్వథా వై త్రికాలం చ పఠనీయమిమం స్తవమ్
సర్వాన్ కామానవాప్నోతి నాత్ర కార్యా విచారణా
వినతాయాః స్వమాతుశ్చ దాసీత్వస్య నివృత్తయే
సుధార్ణం యాతుకామాయ మహాపౌరుషశాలినే
విభీషణకృతం స్తోత్రం తార్క్ష్యేణ సముదీరితమ్
యే పఠన్తి సదా భక్త్యా సిద్ధయస్తత్కరే స్థితాః
॥ఇతి శ్రీ-సుదర్శనసంహితాయాం శ్రీ-విభీషణగరుడసంవాదే శ్రీ-విభీషణకృతమ్~ఆపదుద్ధారక శ్రీ-ద్వాదశముఖ-హనుమాన్ స్తోత్రం సమ్పూర్ణమ్॥
āpaduddhāraka-dvādaśamukha-hanumān-stotram
oṃ asya śrī-āpaduddhāraka-dvādaśamukha-hanumān stotra-mahāmantrasya vibhīṣaṇa ṛṣiḥ| anuṣṭup chandaḥ|\\
śrī-dvādaśamukha-pracaṇḍa-hanumān devatā|\\
mārutātmaja iti bījam| añjanāsūnuriti śaktiḥ|\\
vāyuputreti kīlakam| śrīhanumatprasādasiddhidvārā sarvāpannivāraṇārthe jape viniyogaḥ|
dhyānam
uṣṭrārūḍha-suvarcalāsahacaran sugrīvamitrāñjanā-
sūno vāyukumāra kesaritanūjākṣādidaityāntaka
sītaśokaharāgninandana sumitrāsambhavaprāṇada
śrībhīmāgraja śambhuputra hanumān sūryāsya tubhyaṃ namaḥ
khaḍgaṃ kheṭaka-bhindipāla-paraśuṃ pāśa-triśūla-drumān
cakraṃ śaṅkha-gadā-phalāṅkuśa-sudhākumbhān halaṃ parvatam
ṭaṅkaṃ parvatakārmukāhiḍamarūnetāni divyāyudhān
evaṃ viṃśatibāhubhiśca dadhataṃ dhyāyeddhanūmatprabhum
stotram
oṃ namo bhagavate tubhyaṃ namo mārutasūnave
namaḥ śrīrāmabhaktāya śyāmāsyāya ca te namaḥ
namo vānaravīrāya sugrīvasakhyakāriṇe
laṅkāvidāhakāyātha helāsāgaratāriṇe
sītāśokavināśāya rāmamudrādharāya ca
rāvaṇasya kulacchedakāriṇe te namo namaḥ
meghanādamakhadhvaṃsakāriṇe te namo namaḥ
aśokavanavidhvaṃsakāriṇe bhayahāriṇe
vāyuputrāya vīrāya ākāśodaragāmine
vanapālaśiraśchetre laṅkāprāsādabhañjine
jvalatkanakavarṇāya dīrghalāṅgūladhāriṇe
saumitrijayadātre ca rāmadūtāya te namaḥ
akṣasya vadhakartre ca brahmaśaktinivāriṇe
lakṣmaṇāṅgamahāśakti-ghāta-kṣata-vināśine
rakṣoghnāya ripughnāya bhūtaghnāya ca te namaḥ
ṛkṣavānaravīraugha-prāṇadāyaka te namaḥ
parasainyabalaghnāya śastrāstravighanāya ca
viṣaghnāya dviṣaghnāya jvaraghnāya ca te namaḥ
mahābhayaripughnāya bhaktatrāṇaikakāriṇe
parapreritamantrāṇāṃ yantrāṇāṃ stambhakāriṇe
payaḥ-pāṣāṇa-taraṇa-kāraṇāya namo namaḥ
bālārkamaṇḍalagrāsakāriṇe bhavatāriṇe
nakhāyudhāya bhīmāya dantāyudhadharāya ca
ripumāyāvināśāya rāmājñālokarakṣiṇe
pratigrāmasthitāyātha rakṣobhūtavadhārthine
karālaśailaśastrāya drumaśastrāya te namaḥ
bālaikabrahmacaryāya rudramūrtidharāya ca
vihaṅgamāya śarvāya vajradehāya te namaḥ
kaupīnavāsase tubhyaṃ rāmabhaktiratāya ca
dakṣiṇāśābhāskarāya śatacandrodayātmane
kṛtyā-kṣata-vyathaghnāya sarvakleśaharāya ca
svāmyājñā-pārthasaṅgrāma-saṅkhye sañjayadhāriṇe
bhaktānāṃ divyavādeṣu saṅgrāme jayadāyine
kilakilyābūburoccaghoraśabdakarāya ca
sarpāgnivyādhisaṃstambhakāriṇe vanacāriṇe
sadā vanaphalāhāra-sattṛptāya viśeṣataḥ
mahārṇava-śilā-baddha-setave te namo namaḥ
vāde vivāde saṅgrāme bhaye ghore mahāvane
siṃhavyāghrādi caurebhyaḥ stotrapāṭhādbhayaṃ na hi
divye bhūtabhaye vyādhau gṛhe sthāvarajaṅgame
rājaśastrabhaye cograbādhā grahabhayeṣu ca
jale sarve mahāvṛṣṭau durbhikṣe prāṇasamplave
paṭhet stotraṃ pramucyeta bhayebhyaḥ sarvato naraḥ
tasya kvāpi bhayaṃ nāsti hanumat stavapāṭhataḥ
sarvathā vai trikālaṃ ca paṭhanīyamimaṃ stavam
sarvān kāmānavāpnoti nātra kāryā vicāraṇā
vinatāyāḥ svamātuśca dāsītvasya nivṛttaye
sudhārṇaṃ yātukāmāya mahāpauruṣaśāline
vibhīṣaṇakṛtaṃ stotraṃ tārkṣyeṇa samudīritam
ye paṭhanti sadā bhaktyā siddhayastatkare sthitāḥ
||iti śrī-sudarśanasaṃhitāyāṃ śrī-vibhīṣaṇagaruḍasaṃvāde śrī-vibhīṣaṇakṛtam~āpaduddhāraka śrī-dvādaśamukha-hanumān stotraṃ sampūrṇam||