हनुमत् पञ्चरत्नम् वीताखिल-विषयेच्छं जातानन्दाश्रु-पुलकमत्यच्छम् सीतापति-दूताद्यं वातात्मजमद्य भावये हृद्यम् तरुणारुण-मुख-कमलं करुणा-रसपूर-पूरितापाङ्गम् सञ्जीवनमाशासे मञ्जुल-महिमानमञ्जना-भाग्यम् शम्बरवैरि-शरातिगमम्बुजदल-विपुल-लोचनोदारम् कम्बुगलमनिलदिष्टं बिम्ब-ज्वलितोष्ठमेकमवलम्बे दूरीकृत-सीतार्तिः प्रकटीकृत-रामवैभव-स्फूर्तिः दारित-दशमुख-कीर्तिः पुरतो मम भातु हनुमतो मूर्तिः वानर-निकराध्यक्षं दानव-कुल-कुमुद-रविकर-सदृशम् दीन-जनावन-दीक्षं पवनतपः पाकपुञ्जमद्राक्षम् एतत् पवनसुतस्य स्तोत्रं यः पठति पञ्चरत्नाख्यम् चिरमिह निखिलान् भोगान् भुक्त्वा श्रीराम-भक्तिभाग् भवति ॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-हनुमत्-पञ्चरत्नं सम्पूर्णम्॥ यत्र यत्र रघुनाथकीर्तनं तत्र तत्र कृत-मस्तकाञ्जलिम् बाष्पवारिपरिपूर्ण-लोचनं मारुतिं नमत राक्षसान्तकम् उल्लङ्घ्य सिन्धोः सलिलं सलीलं यः शोकवह्निं जनकात्मजायाः आदाय तेनैव ददाह लङ्कां नमामि तं प्राञ्जलिराञ्जनेयम् बुद्धिर्बलं यशो धैर्यं निर्भयत्वम् अरोगता अजाड्यं वाक्पटुत्वं च हनुमत्स्मरणाद्भवेत् असाध्यसाधक स्वामिन् असाध्यं तव किं वद रामदूत कृपसिन्धो मत्कार्यं साधय प्रभो

హనుమత్ పఞ్చరత్నమ్ వీతాఖిల-విషయేచ్ఛం జాతానన్దాశ్రు-పులకమత్యచ్ఛమ్ సీతాపతి-దూతాద్యం వాతాత్మజమద్య భావయే హృద్యమ్ తరుణారుణ-ముఖ-కమలం కరుణా-రసపూర-పూరితాపాఙ్గమ్ సఞ్జీవనమాశాసే మఞ్జుల-మహిమానమఞ్జనా-భాగ్యమ్ శమ్బరవైరి-శరాతిగమమ్బుజదల-విపుల-లోచనోదారమ్ కమ్బుగలమనిలదిష్టం బిమ్బ-జ్వలితోష్ఠమేకమవలమ్బే దూరీకృత-సీతార్తిః ప్రకటీకృత-రామవైభవ-స్ఫూర్తిః దారిత-దశముఖ-కీర్తిః పురతో మమ భాతు హనుమతో మూర్తిః వానర-నికరాధ్యక్షం దానవ-కుల-కుముద-రవికర-సదృశమ్ దీన-జనావన-దీక్షం పవనతపః పాకపుఞ్జమద్రాక్షమ్ ఏతత్ పవనసుతస్య స్తోత్రం యః పఠతి పఞ్చరత్నాఖ్యమ్ చిరమిహ నిఖిలాన్ భోగాన్ భుక్త్వా శ్రీరామ-భక్తిభాగ్ భవతి ॥ఇతి శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య శ్రీమచ్ఛఙ్కరభగవతః కృతౌ శ్రీ-హనుమత్-పఞ్చరత్నం సమ్పూర్ణమ్॥ యత్ర యత్ర రఘునాథకీర్తనం తత్ర తత్ర కృత-మస్తకాఞ్జలిమ్ బాష్పవారిపరిపూర్ణ-లోచనం మారుతిం నమత రాక్షసాన్తకమ్ ఉల్లఙ్ఘ్య సిన్ధోః సలిలం సలీలం యః శోకవహ్నిం జనకాత్మజాయాః ఆదాయ తేనైవ దదాహ లఙ్కాం నమామి తం ప్రాఞ్జలిరాఞ్జనేయమ్ బుద్ధిర్బలం యశో ధైర్యం నిర్భయత్వమ్ అరోగతా అజాడ్యం వాక్పటుత్వం చ హనుమత్స్మరణాద్భవేత్ అసాధ్యసాధక స్వామిన్ అసాధ్యం తవ కిం వద రామదూత కృపసిన్ధో మత్కార్యం సాధయ ప్రభో

hanumat pañcaratnam vītākhila-viṣayecchaṃ jātānandāśru-pulakamatyaccham sītāpati-dūtādyaṃ vātātmajamadya bhāvaye hṛdyam taruṇāruṇa-mukha-kamalaṃ karuṇā-rasapūra-pūritāpāṅgam sañjīvanamāśāse mañjula-mahimānamañjanā-bhāgyam śambaravairi-śarātigamambujadala-vipula-locanodāram kambugalamaniladiṣṭaṃ bimba-jvalitoṣṭhamekamavalambe dūrīkṛta-sītārtiḥ prakaṭīkṛta-rāmavaibhava-sphūrtiḥ dārita-daśamukha-kīrtiḥ purato mama bhātu hanumato mūrtiḥ vānara-nikarādhyakṣaṃ dānava-kula-kumuda-ravikara-sadṛśam dīna-janāvana-dīkṣaṃ pavanatapaḥ pākapuñjamadrākṣam etat pavanasutasya stotraṃ yaḥ paṭhati pañcaratnākhyam ciramiha nikhilān bhogān bhuktvā śrīrāma-bhaktibhāg bhavati ||iti śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-hanumat-pañcaratnaṃ sampūrṇam|| yatra yatra raghunāthakīrtanaṃ tatra tatra kṛta-mastakāñjalim bāṣpavāriparipūrṇa-locanaṃ mārutiṃ namata rākṣasāntakam ullaṅghya sindhoḥ salilaṃ salīlaṃ yaḥ śokavahniṃ janakātmajāyāḥ ādāya tenaiva dadāha laṅkāṃ namāmi taṃ prāñjalirāñjaneyam buddhirbalaṃ yaśo dhairyaṃ nirbhayatvam arogatā ajāḍyaṃ vākpaṭutvaṃ ca hanumatsmaraṇādbhavet asādhyasādhaka svāmin asādhyaṃ tava kiṃ vada rāmadūta kṛpasindho matkāryaṃ sādhaya prabho