गणपतिस्तवः गर्ग ऋषिरुवाच अजं निर्विकल्पं निराकारमेकं निरानन्दमानन्दमद्वैतपूर्णम् परं निर्गुणं निर्विशेषं निरीहं परब्रह्मरूपं गणेशं भजेम गुणातीतमानं चिदानन्दरूपं चिदाभासकं सर्वगं ज्ञानगम्यम् मुनिध्येयमाकाशरूपं परेशं परब्रह्मरूपं गणेशं भजेम जगत्कारणं कारणज्ञानरूपं सुरादिं सुखादिं गुणेशं गणेशम् जगद्व्यापिनं विश्ववन्द्यं सुरेशं परब्रह्मरूपं गणेशं भजेम रजोयोगतो ब्रह्मरूपं श्रुतिज्ञं सदा कार्यसक्तं हृदाऽचिन्त्यरूपम् जगत्कारणं सर्वविद्यानिदानं परब्रह्मरूपं गणेशं नताः स्मः सदा सत्ययोग्यं मुदा क्रीडमानः सुरारीन् हरन्तं जगत्पालयन्तम् अनेकावतारं निजज्ञानहारं सदा विश्वरूपं गणेशं नमामः तमोयोगिनं रुद्ररूपं त्रिनेत्रं जगद्धारकं तारकं ज्ञानहेतुम् अनेकागमैः स्वं जनं बोधयन्तं सदा सर्वरूपं गणेशं नमामः तमः स्तोमहारं जनाज्ञानहारं त्रयीवेदसारं परब्रह्मसारम् मुनिज्ञानकारं विदूरे विकारं सदा ब्रह्मरूपं गणेशं नमामः निजैरोषधीस्तर्पयन्तं कराद्यैः सुरौघान्कलाभिः सुधास्राविणीभिः दिनेशांशुसन्तापहारं द्विजेशं शशाङ्कस्वरूपं गणेशं नमामः प्रकाशस्वरूपं नभो वायुरूपं विकारादिहेतुं कलाधाररूपम् अनेकक्रियानेकशक्तिस्वरूपं सदा शक्तिरूपं गणेशं नमामः प्रधानस्वरूपं महत्तत्त्वरूपं धराचारिरूपं दिगीशादिरूपम् असत्सत्स्वरूपं जगद्धेतुरूपं सदा विश्वरूपं गणेशं नताः स्मः त्वदीये मनः स्थापयेदङ्घ्रियुग्मे जनो विघ्नसङ्घातपीडां लभेत लसत्सूर्यबिम्बे विशाले स्थितोऽयं जनो ध्वान्तपीडां कथं वा लभेत वयं भ्रामिताः सर्वथाऽज्ञानयोगा- दलब्धास्तवाङ्घ्रिं बहून् वर्षपूगान् इदानीमवाप्तास्तवैव प्रसादात् प्रपन्नान् सदा पाहि विश्वम्भराद्य एवं स्तुतो गणेशस्तु सन्तुष्टोऽभून्महामुने कृपया परयोपेतोऽभिधातुमुपचक्रमे ॥इति श्रीमद्-गर्गऋषिकृतो श्री-गणपतिस्तवः सम्पूर्णः॥

గణపతిస్తవః గర్గ ఋషిరువాచ అజం నిర్వికల్పం నిరాకారమేకం నిరానన్దమానన్దమద్వైతపూర్ణమ్ పరం నిర్గుణం నిర్విశేషం నిరీహం పరబ్రహ్మరూపం గణేశం భజేమ గుణాతీతమానం చిదానన్దరూపం చిదాభాసకం సర్వగం జ్ఞానగమ్యమ్ మునిధ్యేయమాకాశరూపం పరేశం పరబ్రహ్మరూపం గణేశం భజేమ జగత్కారణం కారణజ్ఞానరూపం సురాదిం సుఖాదిం గుణేశం గణేశమ్ జగద్వ్యాపినం విశ్వవన్ద్యం సురేశం పరబ్రహ్మరూపం గణేశం భజేమ రజోయోగతో బ్రహ్మరూపం శ్రుతిజ్ఞం సదా కార్యసక్తం హృదాఽచిన్త్యరూపమ్ జగత్కారణం సర్వవిద్యానిదానం పరబ్రహ్మరూపం గణేశం నతాః స్మః సదా సత్యయోగ్యం ముదా క్రీడమానః సురారీన్ హరన్తం జగత్పాలయన్తమ్ అనేకావతారం నిజజ్ఞానహారం సదా విశ్వరూపం గణేశం నమామః తమోయోగినం రుద్రరూపం త్రినేత్రం జగద్ధారకం తారకం జ్ఞానహేతుమ్ అనేకాగమైః స్వం జనం బోధయన్తం సదా సర్వరూపం గణేశం నమామః తమః స్తోమహారం జనాజ్ఞానహారం త్రయీవేదసారం పరబ్రహ్మసారమ్ మునిజ్ఞానకారం విదూరే వికారం సదా బ్రహ్మరూపం గణేశం నమామః నిజైరోషధీస్తర్పయన్తం కరాద్యైః సురౌఘాన్కలాభిః సుధాస్రావిణీభిః దినేశాంశుసన్తాపహారం ద్విజేశం శశాఙ్కస్వరూపం గణేశం నమామః ప్రకాశస్వరూపం నభో వాయురూపం వికారాదిహేతుం కలాధారరూపమ్ అనేకక్రియానేకశక్తిస్వరూపం సదా శక్తిరూపం గణేశం నమామః ప్రధానస్వరూపం మహత్తత్త్వరూపం ధరాచారిరూపం దిగీశాదిరూపమ్ అసత్సత్స్వరూపం జగద్ధేతురూపం సదా విశ్వరూపం గణేశం నతాః స్మః త్వదీయే మనః స్థాపయేదఙ్ఘ్రియుగ్మే జనో విఘ్నసఙ్ఘాతపీడాం లభేత లసత్సూర్యబిమ్బే విశాలే స్థితోఽయం జనో ధ్వాన్తపీడాం కథం వా లభేత వయం భ్రామితాః సర్వథాఽజ్ఞానయోగా- దలబ్ధాస్తవాఙ్ఘ్రిం బహూన్ వర్షపూగాన్ ఇదానీమవాప్తాస్తవైవ ప్రసాదాత్ ప్రపన్నాన్ సదా పాహి విశ్వమ్భరాద్య ఏవం స్తుతో గణేశస్తు సన్తుష్టోఽభూన్మహామునే కృపయా పరయోపేతోఽభిధాతుముపచక్రమే ॥ఇతి శ్రీమద్-గర్గఋషికృతో శ్రీ-గణపతిస్తవః సమ్పూర్ణః॥

gaṇapatistavaḥ garga ṛṣiruvāca ajaṃ nirvikalpaṃ nirākāramekaṃ nirānandamānandamadvaitapūrṇam paraṃ nirguṇaṃ nirviśeṣaṃ nirīhaṃ parabrahmarūpaṃ gaṇeśaṃ bhajema guṇātītamānaṃ cidānandarūpaṃ cidābhāsakaṃ sarvagaṃ jñānagamyam munidhyeyamākāśarūpaṃ pareśaṃ parabrahmarūpaṃ gaṇeśaṃ bhajema jagatkāraṇaṃ kāraṇajñānarūpaṃ surādiṃ sukhādiṃ guṇeśaṃ gaṇeśam jagadvyāpinaṃ viśvavandyaṃ sureśaṃ parabrahmarūpaṃ gaṇeśaṃ bhajema rajoyogato brahmarūpaṃ śrutijñaṃ sadā kāryasaktaṃ hṛdā'cintyarūpam jagatkāraṇaṃ sarvavidyānidānaṃ parabrahmarūpaṃ gaṇeśaṃ natāḥ smaḥ sadā satyayogyaṃ mudā krīḍamānaḥ surārīn harantaṃ jagatpālayantam anekāvatāraṃ nijajñānahāraṃ sadā viśvarūpaṃ gaṇeśaṃ namāmaḥ tamoyoginaṃ rudrarūpaṃ trinetraṃ jagaddhārakaṃ tārakaṃ jñānahetum anekāgamaiḥ svaṃ janaṃ bodhayantaṃ sadā sarvarūpaṃ gaṇeśaṃ namāmaḥ tamaḥ stomahāraṃ janājñānahāraṃ trayīvedasāraṃ parabrahmasāram munijñānakāraṃ vidūre vikāraṃ sadā brahmarūpaṃ gaṇeśaṃ namāmaḥ nijairoṣadhīstarpayantaṃ karādyaiḥ suraughānkalābhiḥ sudhāsrāviṇībhiḥ dineśāṃśusantāpahāraṃ dvijeśaṃ śaśāṅkasvarūpaṃ gaṇeśaṃ namāmaḥ prakāśasvarūpaṃ nabho vāyurūpaṃ vikārādihetuṃ kalādhārarūpam anekakriyānekaśaktisvarūpaṃ sadā śaktirūpaṃ gaṇeśaṃ namāmaḥ pradhānasvarūpaṃ mahattattvarūpaṃ dharācārirūpaṃ digīśādirūpam asatsatsvarūpaṃ jagaddheturūpaṃ sadā viśvarūpaṃ gaṇeśaṃ natāḥ smaḥ tvadīye manaḥ sthāpayedaṅghriyugme jano vighnasaṅghātapīḍāṃ labheta lasatsūryabimbe viśāle sthito'yaṃ jano dhvāntapīḍāṃ kathaṃ vā labheta vayaṃ bhrāmitāḥ sarvathā'jñānayogā- dalabdhāstavāṅghriṃ bahūn varṣapūgān idānīmavāptāstavaiva prasādāt prapannān sadā pāhi viśvambharādya evaṃ stuto gaṇeśastu santuṣṭo'bhūnmahāmune kṛpayā parayopeto'bhidhātumupacakrame ||iti śrīmad-gargaṛṣikṛto śrī-gaṇapatistavaḥ sampūrṇaḥ||