गीतगोविन्दम् श्री-जयदेव ध्यानम् श्रीगोपालविलासिनी वलयसद्रत्नादिमुग्धाकृति श्रीराधापतिपादपद्मभजनानन्दाब्धिमग्नोऽनिशम् लोके सत्कविराजराज इति यः ख्यातो दयाम्भोनिधिः तं वन्दे जयदेवसद्गुरुमहं पद्मावतीवल्लभम् प्रलयपयोधिजले केशव धृतवानसि वेदम्।\\ विहितवहित्रचरित्रमखेदम्॥\\ केशव धृतमीनशरीर जय जगदीश हरे॥१॥ क्षितिरतिविपुलतरे केशव तव तिष्ठति पृष्ठे।\\ धरणिधरणकिणचक्रगरिष्ठे॥\\ केशव धृतकच्छपरूप जय जगदीश हरे॥२॥ वसति दशनशिखरे केशव धरणी तव लग्ना।\\ शशिनि कलङ्ककलेव निमग्ना॥\\ केशव धृतसूकररूप जय जगदीश हरे॥३॥ तव करकमलवरे केशव नखमद्भुतशृङ्गम्।\\ दलितहिरण्यकशिपुतनुभृङ्गम्॥\\ केशव धृतनरहरिरूप जय जगदीश हरे॥४॥ छलयसि विक्रमणे केशव बलिमद्भुतवामन।\\ पदनखनीरजनितजनपावन॥\\ केशव धृतवामनरूप जय जगदीश हरे॥५॥ क्षत्रियरुधिरमये केशव जगदपगतपापम्।\\ स्नपयसि पयसि शमितभवतापम्॥\\ केशव धृतभृगुपतिरूप जय जगदीश हरे॥६॥ वितरसि दिक्षु रणे केशव दिक्पतिकमनीयम्।\\ दशमुखमौलिबलिं रमणीयम्॥\\ केशव धृतरामशरीर जय जगदीश हरे॥७॥ वहसि वपुषि विशदे केशव वसनं जलदाभम्।\\ हलहतिभीतिमिलितयमुनाभम्॥\\ केशव धृतहलधररूप जय जगदीश हरे॥८॥ निन्दसि यज्ञविधेः केशव अहह श्रुतिजातम्।\\ सदयहृदयदर्शितपशुघातम्॥\\ केशव धृतबुद्धशरीर जय जगदीश हरे॥९॥ म्लेच्छनिवहनिधने केशव कलयसि करवालम्।\\ धूमकेतुमिव किमपि करालम्॥\\ केशव धृतकल्किशरीर जय जगदीश हरे॥१०॥ श्रीजयदेवकवेः केशव इदमुदितमुदारम्।\\ शृणु शुभदं सुखदं भवसारम्॥\\ केशव धृतदशविधरूप जय जगदीश हरे॥ वेदानुद्धरते जगन्निवहते भूगोलमुद्बिभ्रते दैत्यं दारयते बलिं छलयते क्षत्रक्षयं कुर्वते पौलस्त्यं जयते हलं कलयते कारुण्यमातन्वते म्लेच्छान्मूर्च्छयते दशाकृतिकृते कृष्णाय तुभ्यं नमः ॥इति श्री-जयदेवविरचितं दशावतार-गीतगोविन्दं सम्पूर्णम्॥

గీతగోవిన్దమ్ శ్రీ-జయదేవ ధ్యానమ్ శ్రీగోపాలవిలాసినీ వలయసద్రత్నాదిముగ్ధాకృతి శ్రీరాధాపతిపాదపద్మభజనానన్దాబ్ధిమగ్నోఽనిశమ్ లోకే సత్కవిరాజరాజ ఇతి యః ఖ్యాతో దయామ్భోనిధిః తం వన్దే జయదేవసద్గురుమహం పద్మావతీవల్లభమ్ ప్రలయపయోధిజలే కేశవ ధృతవానసి వేదమ్।\\ విహితవహిత్రచరిత్రమఖేదమ్॥\\ కేశవ ధృతమీనశరీర జయ జగదీశ హరే॥౧॥ క్షితిరతివిపులతరే కేశవ తవ తిష్ఠతి పృష్ఠే।\\ ధరణిధరణకిణచక్రగరిష్ఠే॥\\ కేశవ ధృతకచ్ఛపరూప జయ జగదీశ హరే॥౨॥ వసతి దశనశిఖరే కేశవ ధరణీ తవ లగ్నా।\\ శశిని కలఙ్కకలేవ నిమగ్నా॥\\ కేశవ ధృతసూకరరూప జయ జగదీశ హరే॥౩॥ తవ కరకమలవరే కేశవ నఖమద్భుతశృఙ్గమ్।\\ దలితహిరణ్యకశిపుతనుభృఙ్గమ్॥\\ కేశవ ధృతనరహరిరూప జయ జగదీశ హరే॥౪॥ ఛలయసి విక్రమణే కేశవ బలిమద్భుతవామన।\\ పదనఖనీరజనితజనపావన॥\\ కేశవ ధృతవామనరూప జయ జగదీశ హరే॥౫॥ క్షత్రియరుధిరమయే కేశవ జగదపగతపాపమ్।\\ స్నపయసి పయసి శమితభవతాపమ్॥\\ కేశవ ధృతభృగుపతిరూప జయ జగదీశ హరే॥౬॥ వితరసి దిక్షు రణే కేశవ దిక్పతికమనీయమ్।\\ దశముఖమౌలిబలిం రమణీయమ్॥\\ కేశవ ధృతరామశరీర జయ జగదీశ హరే॥౭॥ వహసి వపుషి విశదే కేశవ వసనం జలదాభమ్।\\ హలహతిభీతిమిలితయమునాభమ్॥\\ కేశవ ధృతహలధరరూప జయ జగదీశ హరే॥౮॥ నిన్దసి యజ్ఞవిధేః కేశవ అహహ శ్రుతిజాతమ్।\\ సదయహృదయదర్శితపశుఘాతమ్॥\\ కేశవ ధృతబుద్ధశరీర జయ జగదీశ హరే॥౯॥ మ్లేచ్ఛనివహనిధనే కేశవ కలయసి కరవాలమ్।\\ ధూమకేతుమివ కిమపి కరాలమ్॥\\ కేశవ ధృతకల్కిశరీర జయ జగదీశ హరే॥౧౦॥ శ్రీజయదేవకవేః కేశవ ఇదముదితముదారమ్।\\ శృణు శుభదం సుఖదం భవసారమ్॥\\ కేశవ ధృతదశవిధరూప జయ జగదీశ హరే॥ వేదానుద్ధరతే జగన్నివహతే భూగోలముద్బిభ్రతే దైత్యం దారయతే బలిం ఛలయతే క్షత్రక్షయం కుర్వతే పౌలస్త్యం జయతే హలం కలయతే కారుణ్యమాతన్వతే మ్లేచ్ఛాన్మూర్చ్ఛయతే దశాకృతికృతే కృష్ణాయ తుభ్యం నమః ॥ఇతి శ్రీ-జయదేవవిరచితం దశావతార-గీతగోవిన్దం సమ్పూర్ణమ్॥

gītagovindam śrī-jayadeva dhyānam śrīgopālavilāsinī valayasadratnādimugdhākṛti śrīrādhāpatipādapadmabhajanānandābdhimagno'niśam loke satkavirājarāja iti yaḥ khyāto dayāmbhonidhiḥ taṃ vande jayadevasadgurumahaṃ padmāvatīvallabham pralayapayodhijale keśava dhṛtavānasi vedam|\\ vihitavahitracaritramakhedam||\\ keśava dhṛtamīnaśarīra jaya jagadīśa hare||1|| kṣitirativipulatare keśava tava tiṣṭhati pṛṣṭhe|\\ dharaṇidharaṇakiṇacakragariṣṭhe||\\ keśava dhṛtakacchaparūpa jaya jagadīśa hare||2|| vasati daśanaśikhare keśava dharaṇī tava lagnā|\\ śaśini kalaṅkakaleva nimagnā||\\ keśava dhṛtasūkararūpa jaya jagadīśa hare||3|| tava karakamalavare keśava nakhamadbhutaśṛṅgam|\\ dalitahiraṇyakaśiputanubhṛṅgam||\\ keśava dhṛtanaraharirūpa jaya jagadīśa hare||4|| chalayasi vikramaṇe keśava balimadbhutavāmana|\\ padanakhanīrajanitajanapāvana||\\ keśava dhṛtavāmanarūpa jaya jagadīśa hare||5|| kṣatriyarudhiramaye keśava jagadapagatapāpam|\\ snapayasi payasi śamitabhavatāpam||\\ keśava dhṛtabhṛgupatirūpa jaya jagadīśa hare||6|| vitarasi dikṣu raṇe keśava dikpatikamanīyam|\\ daśamukhamaulibaliṃ ramaṇīyam||\\ keśava dhṛtarāmaśarīra jaya jagadīśa hare||7|| vahasi vapuṣi viśade keśava vasanaṃ jaladābham|\\ halahatibhītimilitayamunābham||\\ keśava dhṛtahaladhararūpa jaya jagadīśa hare||8|| nindasi yajñavidheḥ keśava ahaha śrutijātam|\\ sadayahṛdayadarśitapaśughātam||\\ keśava dhṛtabuddhaśarīra jaya jagadīśa hare||9|| mlecchanivahanidhane keśava kalayasi karavālam|\\ dhūmaketumiva kimapi karālam||\\ keśava dhṛtakalkiśarīra jaya jagadīśa hare||10|| śrījayadevakaveḥ keśava idamuditamudāram|\\ śṛṇu śubhadaṃ sukhadaṃ bhavasāram||\\ keśava dhṛtadaśavidharūpa jaya jagadīśa hare|| vedānuddharate jagannivahate bhūgolamudbibhrate daityaṃ dārayate baliṃ chalayate kṣatrakṣayaṃ kurvate paulastyaṃ jayate halaṃ kalayate kāruṇyamātanvate mlecchānmūrcchayate daśākṛtikṛte kṛṣṇāya tubhyaṃ namaḥ ||iti śrī-jayadevaviracitaṃ daśāvatāra-gītagovindaṃ sampūrṇam||