कृष्णाष्टोत्तरशतनामस्तोत्रम्
ॐ अस्य श्रीकृष्णाष्टोत्तरशतनामस्तोत्रस्य श्रीशेष ऋषिः।\\
अनुष्टुप्-छन्दः। श्रीकृष्णो देवता।\\
श्रीकृष्णप्रीत्यर्थे श्री-कृष्णाष्टोत्तरशतनामजपे विनियोगः।
ध्यानम्
शिखिमुकुटविशेषं नीलपद्माङ्गदेशं
विधुमुखकृतकेशं कौस्तुभापीतवेशम्
मधुररवकलेशं शं भजे भ्रातृशेषं
व्रजजनवनितेशं माधवं राधिकेशम्
श्रीशेष उवाच
वसुन्धरे वरारोहे जनानामस्ति मुक्तिदम्
सर्वमङ्गलमूर्धन्यमणिमाद्यष्टसिद्धिदम्
महापातककोटिघ्नं सर्वतीर्थफलप्रदम्
समस्तजपयज्ञानां फलदं पापनाशनम्
शृणु देवि प्रवक्ष्यामि नाम्नामष्टोत्तर शतम्
सहस्रनाम्नां पुण्यानां त्रिरावृत्या तु यत्फलम्
एकावृत्या तु कृष्णस्य नामैकं तत्प्रयच्छति
तस्मात्पुण्यतरं चैतत्स्तोत्रं पातकनाशनम्
नाम्नामष्टोत्तरशतस्याहमेव ऋषिः प्रिये
छन्दोऽनुष्टुब्देवता तु योगः कृष्णप्रियावहः
स्तोत्रम्
श्रीकृष्णः कमलानाथो वासुदेवः सनातनः
वसुदेवात्मजः पुण्यो लीलामानुषविग्रहः
श्रीवत्सकौस्तुभधरो यशोदावत्सलो हरिः
चतुर्भुजात्तचक्रासिगदाशङ्खाम्बुजायुधः
देवकीनन्दनः श्रीशो नन्दगोपप्रियात्मजः
यमुनावेगसंहारी बलभद्रप्रियानुजः
पूतनाजीवितहरः शकटासुरभञ्जनः
नन्दव्रजजनानन्दी सच्चिदानन्दविग्रहः
नवनीतविलिप्ताङ्गो नवनीतनटोऽनघः
नवनीतनवाहारो मुचुकुन्दप्रसादकः
षोडशस्त्रीसहस्रेशस्त्रिभङ्गी मधुराकृतिः
शुकवागमृताब्धीन्दुर्गोविन्दो योगिनां पतिः
वत्सवाटचरोऽनन्तो धेनुकासुरभञ्जनः
तृणीकृततृणावर्तो यमलार्जुनभञ्जनः
उत्तालतालभेत्ता च तमालश्यामलाकृतिः
गोपगोपीश्वरो योगी कोटिसूर्यसमप्रभः
इलापतिः परञ्ज्योतिर्यादवेन्द्रो यदूद्वहः
वनमाली पीतवासाः पारिजातापहारकः
गोवर्धनाचलोद्धर्ता गोपालः सर्वपालकः
अजो निरञ्जनः कामजनकः कञ्जलोचनः
मधुहा मथुरानाथो द्वारकानायको बली
वृन्दावनान्तसञ्चारी तुलसीदामभूषणः
स्यमन्तकमणेर्हर्ता नरनारायणात्मकः
कुब्जाकृष्णाम्बरधरो मायी परमपूरुषः
मुष्टिकासुरचाणूरमल्लयुद्धविशारदः
संसारवैरी कंसारिर्मुरारिर्नरकान्तकः
अनादिब्रह्मचारी च कृष्णाव्यसनकर्षकः
शिशुपालशिरश्छेत्ता दुर्योधनकुलान्तकः
विदुराक्रूरवरदो विश्वरूपप्रदर्शकः
सत्यवाक् सत्यसङ्कल्पः सत्यभामारतो जयी
सुभद्रापूर्वजो विष्णुर्भीष्ममुक्तिप्रदायकः
जगद्गुरुर्जगन्नाथो वेणुनादविशारदः
वृषभासुरविध्वंसी बाणासुरकरान्तकः
युधिष्ठिरप्रतिष्ठाता बर्हिबर्हावतंसकः
पार्थसारथिरव्यक्तो गीतामृतमहोदधिः
कालीयफणिमाणिक्यरञ्जितश्रीपदाम्बुजः
दामोदरो यज्ञभोक्ता दानवेन्द्रविनाशकः
नारायणः परब्रह्म पन्नगाशनवाहनः
जलक्रीडासमासक्तगोपीवस्त्रापहारकः
पुण्यश्लोकस्तीर्थपादो वेदवेद्यो दयानिधिः
सर्वतीर्थात्मकः सर्वग्रहरूपी परात्परः
इत्येवं कृष्णदेवस्य नाम्नामष्टोत्तरं शतम्
कृष्णेन कृष्णभक्तेन श्रुत्वा गीतामृतं पुरा
स्तोत्रं कृष्णप्रियकरं कृतं तस्मान्मया श्रुतम्
कृष्णप्रेमामृतं नाम परमानन्ददायकम्
अत्युपद्रवदुःखघ्नं परमायुष्यवर्धनम्
दानं व्रतं तपस्तीर्थं यत्कृतं त्विह जन्मनि
पठतां शृण्वतां चैव कोटिकोटिगुणं भवेत्
पुत्त्रप्रदमपुत्त्राणामगतीनां गतिप्रदम्
धनावहं दरिद्राणां जयेच्छूनां जयावहम्
शिशूनां गोकुलानां च पुष्टिदं पुण्यवर्धनम्
बालरोगग्रहादीनां शमनं शान्तिकारकम्
अन्ते कृष्णस्मरणदं भवतापत्रयापहम्
असिद्धसाधकं भद्रे जपादिकरमात्मनाम्
कृष्णाय यादवेन्द्राय ज्ञानमुद्राय योगिने
नाथाय रुक्मिणीशाय नमो वेदान्तवेदिने
इमं मन्त्रं महादेवि जपन्नेव दिवानिशम्
सर्वग्रहानुग्रहभाक् सर्वप्रियतमो भवेत्
पुत्रपौत्रैः परिवृतः सर्वसिद्धिसमृद्धिमान्
निषेव्यभोगानन्तेऽपि कृष्णसायुज्यमाप्युनात्
॥ इति श्रीब्रह्माण्डे महापुराणे वायुप्रोक्ते मध्यभागे तृतीय उपोद्घातपादे भार्गवचरिते षट्त्रिंशत्तमोऽध्यायान्तर्गत श्रीकृष्णाष्टोत्तरशतनामस्तोत्रं सम्पूर्णम् ॥
కృష్ణాష్టోత్తరశతనామస్తోత్రమ్
ఓం అస్య శ్రీకృష్ణాష్టోత్తరశతనామస్తోత్రస్య శ్రీశేష ఋషిః।\\
అనుష్టుప్-ఛన్దః। శ్రీకృష్ణో దేవతా।\\
శ్రీకృష్ణప్రీత్యర్థే శ్రీ-కృష్ణాష్టోత్తరశతనామజపే వినియోగః।
ధ్యానమ్
శిఖిముకుటవిశేషం నీలపద్మాఙ్గదేశం
విధుముఖకృతకేశం కౌస్తుభాపీతవేశమ్
మధురరవకలేశం శం భజే భ్రాతృశేషం
వ్రజజనవనితేశం మాధవం రాధికేశమ్
శ్రీశేష ఉవాచ
వసున్ధరే వరారోహే జనానామస్తి ముక్తిదమ్
సర్వమఙ్గలమూర్ధన్యమణిమాద్యష్టసిద్ధిదమ్
మహాపాతకకోటిఘ్నం సర్వతీర్థఫలప్రదమ్
సమస్తజపయజ్ఞానాం ఫలదం పాపనాశనమ్
శృణు దేవి ప్రవక్ష్యామి నామ్నామష్టోత్తర శతమ్
సహస్రనామ్నాం పుణ్యానాం త్రిరావృత్యా తు యత్ఫలమ్
ఏకావృత్యా తు కృష్ణస్య నామైకం తత్ప్రయచ్ఛతి
తస్మాత్పుణ్యతరం చైతత్స్తోత్రం పాతకనాశనమ్
నామ్నామష్టోత్తరశతస్యాహమేవ ఋషిః ప్రియే
ఛన్దోఽనుష్టుబ్దేవతా తు యోగః కృష్ణప్రియావహః
స్తోత్రమ్
శ్రీకృష్ణః కమలానాథో వాసుదేవః సనాతనః
వసుదేవాత్మజః పుణ్యో లీలామానుషవిగ్రహః
శ్రీవత్సకౌస్తుభధరో యశోదావత్సలో హరిః
చతుర్భుజాత్తచక్రాసిగదాశఙ్ఖామ్బుజాయుధః
దేవకీనన్దనః శ్రీశో నన్దగోపప్రియాత్మజః
యమునావేగసంహారీ బలభద్రప్రియానుజః
పూతనాజీవితహరః శకటాసురభఞ్జనః
నన్దవ్రజజనానన్దీ సచ్చిదానన్దవిగ్రహః
నవనీతవిలిప్తాఙ్గో నవనీతనటోఽనఘః
నవనీతనవాహారో ముచుకున్దప్రసాదకః
షోడశస్త్రీసహస్రేశస్త్రిభఙ్గీ మధురాకృతిః
శుకవాగమృతాబ్ధీన్దుర్గోవిన్దో యోగినాం పతిః
వత్సవాటచరోఽనన్తో ధేనుకాసురభఞ్జనః
తృణీకృతతృణావర్తో యమలార్జునభఞ్జనః
ఉత్తాలతాలభేత్తా చ తమాలశ్యామలాకృతిః
గోపగోపీశ్వరో యోగీ కోటిసూర్యసమప్రభః
ఇలాపతిః పరఞ్జ్యోతిర్యాదవేన్ద్రో యదూద్వహః
వనమాలీ పీతవాసాః పారిజాతాపహారకః
గోవర్ధనాచలోద్ధర్తా గోపాలః సర్వపాలకః
అజో నిరఞ్జనః కామజనకః కఞ్జలోచనః
మధుహా మథురానాథో ద్వారకానాయకో బలీ
వృన్దావనాన్తసఞ్చారీ తులసీదామభూషణః
స్యమన్తకమణేర్హర్తా నరనారాయణాత్మకః
కుబ్జాకృష్ణామ్బరధరో మాయీ పరమపూరుషః
ముష్టికాసురచాణూరమల్లయుద్ధవిశారదః
సంసారవైరీ కంసారిర్మురారిర్నరకాన్తకః
అనాదిబ్రహ్మచారీ చ కృష్ణావ్యసనకర్షకః
శిశుపాలశిరశ్ఛేత్తా దుర్యోధనకులాన్తకః
విదురాక్రూరవరదో విశ్వరూపప్రదర్శకః
సత్యవాక్ సత్యసఙ్కల్పః సత్యభామారతో జయీ
సుభద్రాపూర్వజో విష్ణుర్భీష్మముక్తిప్రదాయకః
జగద్గురుర్జగన్నాథో వేణునాదవిశారదః
వృషభాసురవిధ్వంసీ బాణాసురకరాన్తకః
యుధిష్ఠిరప్రతిష్ఠాతా బర్హిబర్హావతంసకః
పార్థసారథిరవ్యక్తో గీతామృతమహోదధిః
కాలీయఫణిమాణిక్యరఞ్జితశ్రీపదామ్బుజః
దామోదరో యజ్ఞభోక్తా దానవేన్ద్రవినాశకః
నారాయణః పరబ్రహ్మ పన్నగాశనవాహనః
జలక్రీడాసమాసక్తగోపీవస్త్రాపహారకః
పుణ్యశ్లోకస్తీర్థపాదో వేదవేద్యో దయానిధిః
సర్వతీర్థాత్మకః సర్వగ్రహరూపీ పరాత్పరః
ఇత్యేవం కృష్ణదేవస్య నామ్నామష్టోత్తరం శతమ్
కృష్ణేన కృష్ణభక్తేన శ్రుత్వా గీతామృతం పురా
స్తోత్రం కృష్ణప్రియకరం కృతం తస్మాన్మయా శ్రుతమ్
కృష్ణప్రేమామృతం నామ పరమానన్దదాయకమ్
అత్యుపద్రవదుఃఖఘ్నం పరమాయుష్యవర్ధనమ్
దానం వ్రతం తపస్తీర్థం యత్కృతం త్విహ జన్మని
పఠతాం శృణ్వతాం చైవ కోటికోటిగుణం భవేత్
పుత్త్రప్రదమపుత్త్రాణామగతీనాం గతిప్రదమ్
ధనావహం దరిద్రాణాం జయేచ్ఛూనాం జయావహమ్
శిశూనాం గోకులానాం చ పుష్టిదం పుణ్యవర్ధనమ్
బాలరోగగ్రహాదీనాం శమనం శాన్తికారకమ్
అన్తే కృష్ణస్మరణదం భవతాపత్రయాపహమ్
అసిద్ధసాధకం భద్రే జపాదికరమాత్మనామ్
కృష్ణాయ యాదవేన్ద్రాయ జ్ఞానముద్రాయ యోగినే
నాథాయ రుక్మిణీశాయ నమో వేదాన్తవేదినే
ఇమం మన్త్రం మహాదేవి జపన్నేవ దివానిశమ్
సర్వగ్రహానుగ్రహభాక్ సర్వప్రియతమో భవేత్
పుత్రపౌత్రైః పరివృతః సర్వసిద్ధిసమృద్ధిమాన్
నిషేవ్యభోగానన్తేఽపి కృష్ణసాయుజ్యమాప్యునాత్
॥ ఇతి శ్రీబ్రహ్మాణ్డే మహాపురాణే వాయుప్రోక్తే మధ్యభాగే తృతీయ ఉపోద్ఘాతపాదే భార్గవచరితే షట్త్రింశత్తమోఽధ్యాయాన్తర్గత శ్రీకృష్ణాష్టోత్తరశతనామస్తోత్రం సమ్పూర్ణమ్ ॥
kṛṣṇāṣṭottaraśatanāmastotram
oṃ asya śrīkṛṣṇāṣṭottaraśatanāmastotrasya śrīśeṣa ṛṣiḥ|\\
anuṣṭup-chandaḥ| śrīkṛṣṇo devatā|\\
śrīkṛṣṇaprītyarthe śrī-kṛṣṇāṣṭottaraśatanāmajape viniyogaḥ|
dhyānam
śikhimukuṭaviśeṣaṃ nīlapadmāṅgadeśaṃ
vidhumukhakṛtakeśaṃ kaustubhāpītaveśam
madhuraravakaleśaṃ śaṃ bhaje bhrātṛśeṣaṃ
vrajajanavaniteśaṃ mādhavaṃ rādhikeśam
śrīśeṣa uvāca
vasundhare varārohe janānāmasti muktidam
sarvamaṅgalamūrdhanyamaṇimādyaṣṭasiddhidam
mahāpātakakoṭighnaṃ sarvatīrthaphalapradam
samastajapayajñānāṃ phaladaṃ pāpanāśanam
śṛṇu devi pravakṣyāmi nāmnāmaṣṭottara śatam
sahasranāmnāṃ puṇyānāṃ trirāvṛtyā tu yatphalam
ekāvṛtyā tu kṛṣṇasya nāmaikaṃ tatprayacchati
tasmātpuṇyataraṃ caitatstotraṃ pātakanāśanam
nāmnāmaṣṭottaraśatasyāhameva ṛṣiḥ priye
chando'nuṣṭubdevatā tu yogaḥ kṛṣṇapriyāvahaḥ
stotram
śrīkṛṣṇaḥ kamalānātho vāsudevaḥ sanātanaḥ
vasudevātmajaḥ puṇyo līlāmānuṣavigrahaḥ
śrīvatsakaustubhadharo yaśodāvatsalo hariḥ
caturbhujāttacakrāsigadāśaṅkhāmbujāyudhaḥ
devakīnandanaḥ śrīśo nandagopapriyātmajaḥ
yamunāvegasaṃhārī balabhadrapriyānujaḥ
pūtanājīvitaharaḥ śakaṭāsurabhañjanaḥ
nandavrajajanānandī saccidānandavigrahaḥ
navanītaviliptāṅgo navanītanaṭo'naghaḥ
navanītanavāhāro mucukundaprasādakaḥ
ṣoḍaśastrīsahasreśastribhaṅgī madhurākṛtiḥ
śukavāgamṛtābdhīndurgovindo yogināṃ patiḥ
vatsavāṭacaro'nanto dhenukāsurabhañjanaḥ
tṛṇīkṛtatṛṇāvarto yamalārjunabhañjanaḥ
uttālatālabhettā ca tamālaśyāmalākṛtiḥ
gopagopīśvaro yogī koṭisūryasamaprabhaḥ
ilāpatiḥ parañjyotiryādavendro yadūdvahaḥ
vanamālī pītavāsāḥ pārijātāpahārakaḥ
govardhanācaloddhartā gopālaḥ sarvapālakaḥ
ajo nirañjanaḥ kāmajanakaḥ kañjalocanaḥ
madhuhā mathurānātho dvārakānāyako balī
vṛndāvanāntasañcārī tulasīdāmabhūṣaṇaḥ
syamantakamaṇerhartā naranārāyaṇātmakaḥ
kubjākṛṣṇāmbaradharo māyī paramapūruṣaḥ
muṣṭikāsuracāṇūramallayuddhaviśāradaḥ
saṃsāravairī kaṃsārirmurārirnarakāntakaḥ
anādibrahmacārī ca kṛṣṇāvyasanakarṣakaḥ
śiśupālaśiraśchettā duryodhanakulāntakaḥ
vidurākrūravarado viśvarūpapradarśakaḥ
satyavāk satyasaṅkalpaḥ satyabhāmārato jayī
subhadrāpūrvajo viṣṇurbhīṣmamuktipradāyakaḥ
jagadgururjagannātho veṇunādaviśāradaḥ
vṛṣabhāsuravidhvaṃsī bāṇāsurakarāntakaḥ
yudhiṣṭhirapratiṣṭhātā barhibarhāvataṃsakaḥ
pārthasārathiravyakto gītāmṛtamahodadhiḥ
kālīyaphaṇimāṇikyarañjitaśrīpadāmbujaḥ
dāmodaro yajñabhoktā dānavendravināśakaḥ
nārāyaṇaḥ parabrahma pannagāśanavāhanaḥ
jalakrīḍāsamāsaktagopīvastrāpahārakaḥ
puṇyaślokastīrthapādo vedavedyo dayānidhiḥ
sarvatīrthātmakaḥ sarvagraharūpī parātparaḥ
ityevaṃ kṛṣṇadevasya nāmnāmaṣṭottaraṃ śatam
kṛṣṇena kṛṣṇabhaktena śrutvā gītāmṛtaṃ purā
stotraṃ kṛṣṇapriyakaraṃ kṛtaṃ tasmānmayā śrutam
kṛṣṇapremāmṛtaṃ nāma paramānandadāyakam
atyupadravaduḥkhaghnaṃ paramāyuṣyavardhanam
dānaṃ vrataṃ tapastīrthaṃ yatkṛtaṃ tviha janmani
paṭhatāṃ śṛṇvatāṃ caiva koṭikoṭiguṇaṃ bhavet
puttrapradamaputtrāṇāmagatīnāṃ gatipradam
dhanāvahaṃ daridrāṇāṃ jayecchūnāṃ jayāvaham
śiśūnāṃ gokulānāṃ ca puṣṭidaṃ puṇyavardhanam
bālarogagrahādīnāṃ śamanaṃ śāntikārakam
ante kṛṣṇasmaraṇadaṃ bhavatāpatrayāpaham
asiddhasādhakaṃ bhadre japādikaramātmanām
kṛṣṇāya yādavendrāya jñānamudrāya yogine
nāthāya rukmiṇīśāya namo vedāntavedine
imaṃ mantraṃ mahādevi japanneva divāniśam
sarvagrahānugrahabhāk sarvapriyatamo bhavet
putrapautraiḥ parivṛtaḥ sarvasiddhisamṛddhimān
niṣevyabhogānante'pi kṛṣṇasāyujyamāpyunāt
|| iti śrībrahmāṇḍe mahāpurāṇe vāyuprokte madhyabhāge tṛtīya upodghātapāde bhārgavacarite ṣaṭtriṃśattamo'dhyāyāntargata śrīkṛṣṇāṣṭottaraśatanāmastotraṃ sampūrṇam ||