महालक्ष्मीस्तुतिः (अगस्त्यकृता) अगस्तिरुवाच मातर्नमामि कमले कमलायताक्षि श्रीविष्णुहृत्कमलवासिनि विश्वमातः क्षीरोदजे कमलकोमलगर्भगौरि लक्ष्मि प्रसीद सततं नमतां शरण्ये त्वं श्रीरुपेन्द्रसदने मदनैकमातर्- ज्योत्स्नाऽसि चन्द्रमसि चन्द्रमनोहरास्ये सूर्ये प्रभाऽसि च जगत्त्रितये प्रभाऽसि लक्ष्मि प्रसीद सततं नमतां शरण्ये त्वं जातवेदसि सदा दहनात्मशक्तिर्- वेधास्त्वया जगदिदं विविधं विदध्यात् विश्वम्भरोऽपि बिभृयादखिलं भवत्या लक्ष्मि प्रसीद सततं नमतां शरण्ये त्वत्त्यक्तमेतदमले हरते हरोऽपि त्वं पासि हंसि विदधासि परावरासि ईड्यो बभूव हरिरप्यमले त्वदाप्त्या लक्ष्मि प्रसीद सततं नमतां शरण्ये शूरः स एव स गुणी स बुधः स धन्यो मान्यः स एव कुलशीलकलाकलापैः एकः शुचिः स हि पुमान् सकलेऽपि लोके यत्रापतेत्तव शुभे करुणाकटाक्षः यस्मिन्वसेः क्षणमहो पुरुषे गजेऽश्वे स्त्रैणे तृणे सरसि देवकुले गृहेऽन्ने रत्ने पतत्रिणि पशौ शयने धरायां सश्रीकमेव सकले तदिहास्ति नान्यत् त्वत्स्पृष्टमेव सकलं शुचितां लभेत त्वत्त्यक्तमेव सकलं त्वशुचीह लक्ष्मि त्वन्नाम यत्र च सुमङ्गलमेव तत्र श्रीविष्णुपत्नि कमले कमलालयेऽपि लक्ष्मीं श्रियं च कमलां कमलालयां च पद्मां रमां नलिनयुग्मकरां च मां च क्षीरोदजाममृतकुम्भकरामिरां च विष्णुप्रियामिति सदा जपतां क्व दुःखम् ये पठिष्यन्ति च स्तोत्रं त्वद्भक्त्या मत्कृतं सदा तेषां कदाचित् सन्तापो माऽस्तु माऽस्तु दरिद्रता माऽस्तु चेष्टवियोगश्च माऽस्तु सम्पत्तिसङ्क्षयः सर्वत्र विजयश्चाऽस्तु विच्छदो माऽस्तु सन्ततेः श्रीरुवाच एवमस्तु मुने सर्वं यत्त्वया परिभाषितम् एतत् स्तोत्रस्य पठनं मम सान्निध्यकारणम् अलक्ष्मीः कालकर्णी च तद्गेहे न विशेत् क्वचित् गजाश्वपशुशान्त्यर्थमेतत्स्तोत्रं सदा जपेत् इदं बीजरहस्यं मे रक्षणीयं प्रयत्नतः श्रद्धाहीने न दातव्यं न देयश्चाशुचौ क्वचित् ॥इति श्रीस्कन्दमहापुराणे एकाशीतिसाहस्र्यां संहितायां चतुर्थे काशीखण्डेऽगस्त्यप्रस्थानं नाम पञ्चमेऽध्याये श्री-अगस्तिकृता महालक्ष्मीस्तुतिः सम्पूर्णा॥

మహాలక్ష్మీస్తుతిః (అగస్త్యకృతా) అగస్తిరువాచ మాతర్నమామి కమలే కమలాయతాక్షి శ్రీవిష్ణుహృత్కమలవాసిని విశ్వమాతః క్షీరోదజే కమలకోమలగర్భగౌరి లక్ష్మి ప్రసీద సతతం నమతాం శరణ్యే త్వం శ్రీరుపేన్ద్రసదనే మదనైకమాతర్- జ్యోత్స్నాఽసి చన్ద్రమసి చన్ద్రమనోహరాస్యే సూర్యే ప్రభాఽసి చ జగత్త్రితయే ప్రభాఽసి లక్ష్మి ప్రసీద సతతం నమతాం శరణ్యే త్వం జాతవేదసి సదా దహనాత్మశక్తిర్- వేధాస్త్వయా జగదిదం వివిధం విదధ్యాత్ విశ్వమ్భరోఽపి బిభృయాదఖిలం భవత్యా లక్ష్మి ప్రసీద సతతం నమతాం శరణ్యే త్వత్త్యక్తమేతదమలే హరతే హరోఽపి త్వం పాసి హంసి విదధాసి పరావరాసి ఈడ్యో బభూవ హరిరప్యమలే త్వదాప్త్యా లక్ష్మి ప్రసీద సతతం నమతాం శరణ్యే శూరః స ఏవ స గుణీ స బుధః స ధన్యో మాన్యః స ఏవ కులశీలకలాకలాపైః ఏకః శుచిః స హి పుమాన్ సకలేఽపి లోకే యత్రాపతేత్తవ శుభే కరుణాకటాక్షః యస్మిన్వసేః క్షణమహో పురుషే గజేఽశ్వే స్త్రైణే తృణే సరసి దేవకులే గృహేఽన్నే రత్నే పతత్రిణి పశౌ శయనే ధరాయాం సశ్రీకమేవ సకలే తదిహాస్తి నాన్యత్ త్వత్స్పృష్టమేవ సకలం శుచితాం లభేత త్వత్త్యక్తమేవ సకలం త్వశుచీహ లక్ష్మి త్వన్నామ యత్ర చ సుమఙ్గలమేవ తత్ర శ్రీవిష్ణుపత్ని కమలే కమలాలయేఽపి లక్ష్మీం శ్రియం చ కమలాం కమలాలయాం చ పద్మాం రమాం నలినయుగ్మకరాం చ మాం చ క్షీరోదజామమృతకుమ్భకరామిరాం చ విష్ణుప్రియామితి సదా జపతాం క్వ దుఃఖమ్ యే పఠిష్యన్తి చ స్తోత్రం త్వద్భక్త్యా మత్కృతం సదా తేషాం కదాచిత్ సన్తాపో మాఽస్తు మాఽస్తు దరిద్రతా మాఽస్తు చేష్టవియోగశ్చ మాఽస్తు సమ్పత్తిసఙ్క్షయః సర్వత్ర విజయశ్చాఽస్తు విచ్ఛదో మాఽస్తు సన్తతేః శ్రీరువాచ ఏవమస్తు మునే సర్వం యత్త్వయా పరిభాషితమ్ ఏతత్ స్తోత్రస్య పఠనం మమ సాన్నిధ్యకారణమ్ అలక్ష్మీః కాలకర్ణీ చ తద్గేహే న విశేత్ క్వచిత్ గజాశ్వపశుశాన్త్యర్థమేతత్స్తోత్రం సదా జపేత్ ఇదం బీజరహస్యం మే రక్షణీయం ప్రయత్నతః శ్రద్ధాహీనే న దాతవ్యం న దేయశ్చాశుచౌ క్వచిత్ ॥ఇతి శ్రీస్కన్దమహాపురాణే ఏకాశీతిసాహస్ర్యాం సంహితాయాం చతుర్థే కాశీఖణ్డేఽగస్త్యప్రస్థానం నామ పఞ్చమేఽధ్యాయే శ్రీ-అగస్తికృతా మహాలక్ష్మీస్తుతిః సమ్పూర్ణా॥

mahālakṣmīstutiḥ (agastyakṛtā) agastiruvāca mātarnamāmi kamale kamalāyatākṣi śrīviṣṇuhṛtkamalavāsini viśvamātaḥ kṣīrodaje kamalakomalagarbhagauri lakṣmi prasīda satataṃ namatāṃ śaraṇye tvaṃ śrīrupendrasadane madanaikamātar- jyotsnā'si candramasi candramanoharāsye sūrye prabhā'si ca jagattritaye prabhā'si lakṣmi prasīda satataṃ namatāṃ śaraṇye tvaṃ jātavedasi sadā dahanātmaśaktir- vedhāstvayā jagadidaṃ vividhaṃ vidadhyāt viśvambharo'pi bibhṛyādakhilaṃ bhavatyā lakṣmi prasīda satataṃ namatāṃ śaraṇye tvattyaktametadamale harate haro'pi tvaṃ pāsi haṃsi vidadhāsi parāvarāsi īḍyo babhūva harirapyamale tvadāptyā lakṣmi prasīda satataṃ namatāṃ śaraṇye śūraḥ sa eva sa guṇī sa budhaḥ sa dhanyo mānyaḥ sa eva kulaśīlakalākalāpaiḥ ekaḥ śuciḥ sa hi pumān sakale'pi loke yatrāpatettava śubhe karuṇākaṭākṣaḥ yasminvaseḥ kṣaṇamaho puruṣe gaje'śve straiṇe tṛṇe sarasi devakule gṛhe'nne ratne patatriṇi paśau śayane dharāyāṃ saśrīkameva sakale tadihāsti nānyat tvatspṛṣṭameva sakalaṃ śucitāṃ labheta tvattyaktameva sakalaṃ tvaśucīha lakṣmi tvannāma yatra ca sumaṅgalameva tatra śrīviṣṇupatni kamale kamalālaye'pi lakṣmīṃ śriyaṃ ca kamalāṃ kamalālayāṃ ca padmāṃ ramāṃ nalinayugmakarāṃ ca māṃ ca kṣīrodajāmamṛtakumbhakarāmirāṃ ca viṣṇupriyāmiti sadā japatāṃ kva duḥkham ye paṭhiṣyanti ca stotraṃ tvadbhaktyā matkṛtaṃ sadā teṣāṃ kadācit santāpo mā'stu mā'stu daridratā mā'stu ceṣṭaviyogaśca mā'stu sampattisaṅkṣayaḥ sarvatra vijayaścā'stu vicchado mā'stu santateḥ śrīruvāca evamastu mune sarvaṃ yattvayā paribhāṣitam etat stotrasya paṭhanaṃ mama sānnidhyakāraṇam alakṣmīḥ kālakarṇī ca tadgehe na viśet kvacit gajāśvapaśuśāntyarthametatstotraṃ sadā japet idaṃ bījarahasyaṃ me rakṣaṇīyaṃ prayatnataḥ śraddhāhīne na dātavyaṃ na deyaścāśucau kvacit ||iti śrīskandamahāpurāṇe ekāśītisāhasryāṃ saṃhitāyāṃ caturthe kāśīkhaṇḍe'gastyaprasthānaṃ nāma pañcame'dhyāye śrī-agastikṛtā mahālakṣmīstutiḥ sampūrṇā||