अर्धनारीश्वर-अष्टकम् चाम्पेयगौरार्ध-शरीरकायै कर्पूरगौरार्ध-शरीरकाय धम्मिल्लकायै च जटाधराय नमः शिवायै च नमः शिवाय कस्तूरिकाकुङ्कुमचर्चितायै चितारजःपुञ्जविचर्चिताय कृतस्मरायै विकृतस्मराय नमः शिवायै च नमः शिवाय झणत्क्वणत्कङ्कण-नूपुरायै पादाब्जराजत्-फणिनूपुराय हेमाङ्गदायै च भुजङ्गदाय नमः शिवायै च नमः शिवाय विशालनीलोत्पललोचनायै विकासिपङ्केरुहलोचनाय समेक्षणायै विषमेक्षणाय नमः शिवायै च नमः शिवाय मन्दारमालाकलितालकायै कपालमालाङ्कितकन्धराय दिव्याम्बरायै च दिगम्बराय नमः शिवायै च नमः शिवाय अम्भोधरश्यामलकुन्तलायै तटित्प्रभाताम्रजटाधराय निरीश्वरायै निखिलेश्वराय नमः शिवायै च नमः शिवाय प्रपञ्चसृष्ट्युन्मुखलास्यकायै समस्तसंहारकताण्डवाय जगज्जनन्यै जगदेकपित्रे नमः शिवायै च नमः शिवाय प्रदीप्तरत्नोज्ज्वलकुण्डलायै स्फुरन्महापन्नगभूषणाय शिवान्वितायै च शिवान्विताय नमः शिवायै च नमः शिवाय एतत्पठेदष्टकमिष्टदं यो भक्त्या स मान्यो भुवि दीर्घजीवी प्राप्नोति सौभाग्यमनन्तकालं भूयात् सदा तस्य समस्तसिद्धिः ॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-अर्धनारीश्वर अष्टकं सम्पूर्णम्॥

అర్ధనారీశ్వర-అష్టకమ్ చామ్పేయగౌరార్ధ-శరీరకాయై కర్పూరగౌరార్ధ-శరీరకాయ ధమ్మిల్లకాయై చ జటాధరాయ నమః శివాయై చ నమః శివాయ కస్తూరికాకుఙ్కుమచర్చితాయై చితారజఃపుఞ్జవిచర్చితాయ కృతస్మరాయై వికృతస్మరాయ నమః శివాయై చ నమః శివాయ ఝణత్క్వణత్కఙ్కణ-నూపురాయై పాదాబ్జరాజత్-ఫణినూపురాయ హేమాఙ్గదాయై చ భుజఙ్గదాయ నమః శివాయై చ నమః శివాయ విశాలనీలోత్పలలోచనాయై వికాసిపఙ్కేరుహలోచనాయ సమేక్షణాయై విషమేక్షణాయ నమః శివాయై చ నమః శివాయ మన్దారమాలాకలితాలకాయై కపాలమాలాఙ్కితకన్ధరాయ దివ్యామ్బరాయై చ దిగమ్బరాయ నమః శివాయై చ నమః శివాయ అమ్భోధరశ్యామలకున్తలాయై తటిత్ప్రభాతామ్రజటాధరాయ నిరీశ్వరాయై నిఖిలేశ్వరాయ నమః శివాయై చ నమః శివాయ ప్రపఞ్చసృష్ట్యున్ముఖలాస్యకాయై సమస్తసంహారకతాణ్డవాయ జగజ్జనన్యై జగదేకపిత్రే నమః శివాయై చ నమః శివాయ ప్రదీప్తరత్నోజ్జ్వలకుణ్డలాయై స్ఫురన్మహాపన్నగభూషణాయ శివాన్వితాయై చ శివాన్వితాయ నమః శివాయై చ నమః శివాయ ఏతత్పఠేదష్టకమిష్టదం యో భక్త్యా స మాన్యో భువి దీర్ఘజీవీ ప్రాప్నోతి సౌభాగ్యమనన్తకాలం భూయాత్ సదా తస్య సమస్తసిద్ధిః ॥ఇతి శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య శ్రీమచ్ఛఙ్కరభగవతః కృతౌ శ్రీ-అర్ధనారీశ్వర అష్టకం సమ్పూర్ణమ్॥

ardhanārīśvara-aṣṭakam cāmpeyagaurārdha-śarīrakāyai karpūragaurārdha-śarīrakāya dhammillakāyai ca jaṭādharāya namaḥ śivāyai ca namaḥ śivāya kastūrikākuṅkumacarcitāyai citārajaḥpuñjavicarcitāya kṛtasmarāyai vikṛtasmarāya namaḥ śivāyai ca namaḥ śivāya jhaṇatkvaṇatkaṅkaṇa-nūpurāyai pādābjarājat-phaṇinūpurāya hemāṅgadāyai ca bhujaṅgadāya namaḥ śivāyai ca namaḥ śivāya viśālanīlotpalalocanāyai vikāsipaṅkeruhalocanāya samekṣaṇāyai viṣamekṣaṇāya namaḥ śivāyai ca namaḥ śivāya mandāramālākalitālakāyai kapālamālāṅkitakandharāya divyāmbarāyai ca digambarāya namaḥ śivāyai ca namaḥ śivāya ambhodharaśyāmalakuntalāyai taṭitprabhātāmrajaṭādharāya nirīśvarāyai nikhileśvarāya namaḥ śivāyai ca namaḥ śivāya prapañcasṛṣṭyunmukhalāsyakāyai samastasaṃhārakatāṇḍavāya jagajjananyai jagadekapitre namaḥ śivāyai ca namaḥ śivāya pradīptaratnojjvalakuṇḍalāyai sphuranmahāpannagabhūṣaṇāya śivānvitāyai ca śivānvitāya namaḥ śivāyai ca namaḥ śivāya etatpaṭhedaṣṭakamiṣṭadaṃ yo bhaktyā sa mānyo bhuvi dīrghajīvī prāpnoti saubhāgyamanantakālaṃ bhūyāt sadā tasya samastasiddhiḥ ||iti śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-ardhanārīśvara aṣṭakaṃ sampūrṇam||