चन्द्रशेखराष्टकम् (शिवरहस्यान्तर्गते मार्कण्डेयकृतम्) चन्द्रशेखर चन्द्रशेखर चन्द्रशेखर पाहि माम् । चन्द्रशेखर चन्द्रशेखर चन्द्रशेखर रक्ष माम् ॥ रत्नसानुशरासनं रजताद्रिश‍ृङ्गनिकेतनं शिञ्जिनीकृतपन्नगेश्वरमच्युतानलसायकम् । (सिञ्जिनी) क्षिप्रदग्धपुरत्रयं त्रिदशालयैरभिवन्दितं (त्रिदिवालयैरभिवन्दितं) चन्द्रशेखरमाश्रये मम किं करिष्यति वै यमः ॥ १॥ पञ्चपादपपुष्पगन्धिपदाम्बुजद्वयशोभितं भाललोचनजातपावकदग्धमन्मथविग्रहम् । भस्मदिग्धकलेवरं भवनाशनं भवमव्ययं चन्द्रशेखरमाश्रये मम किं करिष्यति वै यमः ॥ २॥ मत्तवारणमुख्यचर्मकृतोत्तरीयमनोहरं पङ्कजासनपद्मलोचनपूजिताङ्घ्रिसरोरुहम् । देवसिन्धुतरङ्गशीकरसिक्तशीतजटाधरं (तरङ्गसी, सिक्तशुभ्र) चन्द्रशेखरमाश्रये मम किं करिष्यति वै यमः ॥ ३॥ कुण्डलीकृतकुण्डलीश्वरकुण्डलं वृषवाहनं (कुण्डलेश्वर) नारदादिमुनीश्वरस्तुतवैभवं भुवनेश्वरम् । अन्धकान्तकमाश्रितामरपादपं शमनान्तकं चन्द्रशेखरमाश्रये मम किं करिष्यति वै यमः ॥ ४॥ यक्षराजसखं भगाक्षहरं भुजङ्गविभूषणं शैलराजसुतापरिष्कृतचारुवामकलेवरम् । क्ष्वेडनीलगलं परश्वधधारिणं मृगधारिणं (क्ष्वेलनील) चन्द्रशेखरमाश्रये मम किं करिष्यति वै यमः ॥ ५॥ भेषजं भवरोगिणामखिलापदामपहारिणं दक्षयज्ञविनाशनं त्रिगुणात्मकं त्रिविलोचनम् । भुक्तिमुक्तिफलप्रदं सकलाघसङ्घनिबर्हणं चन्द्रशेखरमाश्रये मम किं करिष्यति वै यमः ॥ ६॥ भक्तवत्सलमर्चितं निधिमक्षयं हरिदम्बरं सर्वभूतपतिं परात्परमप्रमेयमनामयम् । (परात्परमप्रमेयमनुत्तमम्) सोमवारिदभूहुताशनसोमपानिलखाकृतिं (सोमवारिन्, सोमवारिन) (भोहुताशन) चन्द्रशेखरमाश्रये मम किं करिष्यति वै यमः ॥ ७॥ विश्वसृष्टिविधायिनं पुनरेव पालनतत्परं संहरन्तमथ प्रपञ्चमशेषलोकनिवासिनम् । (संहरन्तमपि) क्रीडयन्तमहर्निशं गणनाथयूथसमाकुलं (गणनाथयूथसमन्वितं) चन्द्रशेखरमाश्रये मम किं करिष्यति वै यमः ॥ ८॥ फलश्रुतिः - मृत्युभीतमृकण्डसूनुकृतस्तवं शिवसन्निधौ यत्र कुत्र च यः पठेन्न हि तस्य मृत्युभयं भवेत् । दीर्घमायुररोगितामखिलार्थसम्पदमादरात् (पूर्णमायु, सम्पदमादरं) चन्द्रशेखर एव तस्य ददाति मुक्तिमयत्नतः ॥ ॥ इति श्रीशिवरहस्यान्तर्गते शिवाख्ये मार्कण्डेयकृतं श्रीचन्द्रशेखराष्टकं सम्पूर्णम् ॥ - ॥ श्रीशिवरहस्यम् । शिवाख्यः चतुर्थांशः । अध्यायः १४ मार्कण्डेयतपः - कालनिग्रह - मार्कण्डेयवरप्रदानवर्णनम् । २२-३७+ ॥ - ॥ पद्मपुराण । अध्याय २३६ । ७५-८२ ॥ Mārkaṇḍeya मार्कण्डेय beseeches Śiva Candraśekhara शिव चन्द्रशेखर to protect him from Yama यम who had appeared as the bearer of early death; and iterates the rhetoric, that since he is under the protection of Candraśekhara चन्द्रशेखर , what (harm) can Yama यम possibly do.

చన్ద్రశేఖరాష్టకమ్ (శివరహస్యాన్తర్గతే మార్కణ్డేయకృతమ్) చన్ద్రశేఖర చన్ద్రశేఖర చన్ద్రశేఖర పాహి మామ్ । చన్ద్రశేఖర చన్ద్రశేఖర చన్ద్రశేఖర రక్ష మామ్ ॥ రత్నసానుశరాసనం రజతాద్రిశ‍ృఙ్గనికేతనం శిఞ్జినీకృతపన్నగేశ్వరమచ్యుతానలసాయకమ్ । (సిఞ్జినీ) క్షిప్రదగ్ధపురత్రయం త్రిదశాలయైరభివన్దితం (త్రిదివాలయైరభివన్దితం) చన్ద్రశేఖరమాశ్రయే మమ కిం కరిష్యతి వై యమః ॥ ౧॥ పఞ్చపాదపపుష్పగన్ధిపదామ్బుజద్వయశోభితం భాలలోచనజాతపావకదగ్ధమన్మథవిగ్రహమ్ । భస్మదిగ్ధకలేవరం భవనాశనం భవమవ్యయం చన్ద్రశేఖరమాశ్రయే మమ కిం కరిష్యతి వై యమః ॥ ౨॥ మత్తవారణముఖ్యచర్మకృతోత్తరీయమనోహరం పఙ్కజాసనపద్మలోచనపూజితాఙ్ఘ్రిసరోరుహమ్ । దేవసిన్ధుతరఙ్గశీకరసిక్తశీతజటాధరం (తరఙ్గసీ, సిక్తశుభ్ర) చన్ద్రశేఖరమాశ్రయే మమ కిం కరిష్యతి వై యమః ॥ ౩॥ కుణ్డలీకృతకుణ్డలీశ్వరకుణ్డలం వృషవాహనం (కుణ్డలేశ్వర) నారదాదిమునీశ్వరస్తుతవైభవం భువనేశ్వరమ్ । అన్ధకాన్తకమాశ్రితామరపాదపం శమనాన్తకం చన్ద్రశేఖరమాశ్రయే మమ కిం కరిష్యతి వై యమః ॥ ౪॥ యక్షరాజసఖం భగాక్షహరం భుజఙ్గవిభూషణం శైలరాజసుతాపరిష్కృతచారువామకలేవరమ్ । క్ష్వేడనీలగలం పరశ్వధధారిణం మృగధారిణం (క్ష్వేలనీల) చన్ద్రశేఖరమాశ్రయే మమ కిం కరిష్యతి వై యమః ॥ ౫॥ భేషజం భవరోగిణామఖిలాపదామపహారిణం దక్షయజ్ఞవినాశనం త్రిగుణాత్మకం త్రివిలోచనమ్ । భుక్తిముక్తిఫలప్రదం సకలాఘసఙ్ఘనిబర్హణం చన్ద్రశేఖరమాశ్రయే మమ కిం కరిష్యతి వై యమః ॥ ౬॥ భక్తవత్సలమర్చితం నిధిమక్షయం హరిదమ్బరం సర్వభూతపతిం పరాత్పరమప్రమేయమనామయమ్ । (పరాత్పరమప్రమేయమనుత్తమమ్) సోమవారిదభూహుతాశనసోమపానిలఖాకృతిం (సోమవారిన్, సోమవారిన) (భోహుతాశన) చన్ద్రశేఖరమాశ్రయే మమ కిం కరిష్యతి వై యమః ॥ ౭॥ విశ్వసృష్టివిధాయినం పునరేవ పాలనతత్పరం సంహరన్తమథ ప్రపఞ్చమశేషలోకనివాసినమ్ । (సంహరన్తమపి) క్రీడయన్తమహర్నిశం గణనాథయూథసమాకులం (గణనాథయూథసమన్వితం) చన్ద్రశేఖరమాశ్రయే మమ కిం కరిష్యతి వై యమః ॥ ౮॥ ఫలశ్రుతిః - మృత్యుభీతమృకణ్డసూనుకృతస్తవం శివసన్నిధౌ యత్ర కుత్ర చ యః పఠేన్న హి తస్య మృత్యుభయం భవేత్ । దీర్ఘమాయురరోగితామఖిలార్థసమ్పదమాదరాత్ (పూర్ణమాయు, సమ్పదమాదరం) చన్ద్రశేఖర ఏవ తస్య దదాతి ముక్తిమయత్నతః ॥ ॥ ఇతి శ్రీశివరహస్యాన్తర్గతే శివాఖ్యే మార్కణ్డేయకృతం శ్రీచన్ద్రశేఖరాష్టకం సమ్పూర్ణమ్ ॥ - ॥ శ్రీశివరహస్యమ్ । శివాఖ్యః చతుర్థాంశః । అధ్యాయః ౧౪ మార్కణ్డేయతపః - కాలనిగ్రహ - మార్కణ్డేయవరప్రదానవర్ణనమ్ । ౨౨-౩౭+ ॥ - ॥ పద్మపురాణ । అధ్యాయ ౨౩౬ । ౭౫-౮౨ ॥ Mārkaṇḍeya మార్కణ్డేయ beseeches Śiva Candraśekhara శివ చన్ద్రశేఖర to protect him from Yama యమ who had appeared as the bearer of early death; and iterates the rhetoric, that since he is under the protection of Candraśekhara చన్ద్రశేఖర , what (harm) can Yama యమ possibly do.

candraśekharāṣṭakam (śivarahasyāntargate mārkaṇḍeyakṛtam) candraśekhara candraśekhara candraśekhara pāhi mām | candraśekhara candraśekhara candraśekhara rakṣa mām || ratnasānuśarāsanaṃ rajatādriśa‍ṛṅganiketanaṃ śiñjinīkṛtapannageśvaramacyutānalasāyakam | (siñjinī) kṣipradagdhapuratrayaṃ tridaśālayairabhivanditaṃ (tridivālayairabhivanditaṃ) candraśekharamāśraye mama kiṃ kariṣyati vai yamaḥ || 1|| pañcapādapapuṣpagandhipadāmbujadvayaśobhitaṃ bhālalocanajātapāvakadagdhamanmathavigraham | bhasmadigdhakalevaraṃ bhavanāśanaṃ bhavamavyayaṃ candraśekharamāśraye mama kiṃ kariṣyati vai yamaḥ || 2|| mattavāraṇamukhyacarmakṛtottarīyamanoharaṃ paṅkajāsanapadmalocanapūjitāṅghrisaroruham | devasindhutaraṅgaśīkarasiktaśītajaṭādharaṃ (taraṅgasī, siktaśubhra) candraśekharamāśraye mama kiṃ kariṣyati vai yamaḥ || 3|| kuṇḍalīkṛtakuṇḍalīśvarakuṇḍalaṃ vṛṣavāhanaṃ (kuṇḍaleśvara) nāradādimunīśvarastutavaibhavaṃ bhuvaneśvaram | andhakāntakamāśritāmarapādapaṃ śamanāntakaṃ candraśekharamāśraye mama kiṃ kariṣyati vai yamaḥ || 4|| yakṣarājasakhaṃ bhagākṣaharaṃ bhujaṅgavibhūṣaṇaṃ śailarājasutāpariṣkṛtacāruvāmakalevaram | kṣveḍanīlagalaṃ paraśvadhadhāriṇaṃ mṛgadhāriṇaṃ (kṣvelanīla) candraśekharamāśraye mama kiṃ kariṣyati vai yamaḥ || 5|| bheṣajaṃ bhavarogiṇāmakhilāpadāmapahāriṇaṃ dakṣayajñavināśanaṃ triguṇātmakaṃ trivilocanam | bhuktimuktiphalapradaṃ sakalāghasaṅghanibarhaṇaṃ candraśekharamāśraye mama kiṃ kariṣyati vai yamaḥ || 6|| bhaktavatsalamarcitaṃ nidhimakṣayaṃ haridambaraṃ sarvabhūtapatiṃ parātparamaprameyamanāmayam | (parātparamaprameyamanuttamam) somavāridabhūhutāśanasomapānilakhākṛtiṃ (somavārin, somavārina) (bhohutāśana) candraśekharamāśraye mama kiṃ kariṣyati vai yamaḥ || 7|| viśvasṛṣṭividhāyinaṃ punareva pālanatatparaṃ saṃharantamatha prapañcamaśeṣalokanivāsinam | (saṃharantamapi) krīḍayantamaharniśaṃ gaṇanāthayūthasamākulaṃ (gaṇanāthayūthasamanvitaṃ) candraśekharamāśraye mama kiṃ kariṣyati vai yamaḥ || 8|| phalaśrutiḥ - mṛtyubhītamṛkaṇḍasūnukṛtastavaṃ śivasannidhau yatra kutra ca yaḥ paṭhenna hi tasya mṛtyubhayaṃ bhavet | dīrghamāyurarogitāmakhilārthasampadamādarāt (pūrṇamāyu, sampadamādaraṃ) candraśekhara eva tasya dadāti muktimayatnataḥ || || iti śrīśivarahasyāntargate śivākhye mārkaṇḍeyakṛtaṃ śrīcandraśekharāṣṭakaṃ sampūrṇam || - || śrīśivarahasyam | śivākhyaḥ caturthāṃśaḥ | adhyāyaḥ 14 mārkaṇḍeyatapaḥ - kālanigraha - mārkaṇḍeyavarapradānavarṇanam | 22-37+ || - || padmapurāṇa | adhyāya 236 | 75-82 || Mārkaṇḍeya mārkaṇḍeya beseeches Śiva Candraśekhara śiva candraśekhara to protect him from Yama yama who had appeared as the bearer of early death; and iterates the rhetoric, that since he is under the protection of Candraśekhara candraśekhara , what (harm) can Yama yama possibly do.