मृत्युञ्जयस्तोत्र १ मार्कण्डेयप्रोक्तं नरसिंहपुराणे
विष्णुमृत्युञ्जयस्तोत्रम् ।
ॐ नमो भगवते मृत्युञ्जयाय ।
ततो विष्ण्वर्पितमना मारकण्डेयो महामतिः ।
तुष्टाव प्रणतो भूत्वा देवदेव जनार्दनम्
विष्णुनैवोपदिष्टं तु स्तोत्रं कर्णे महामनाः ।
सम्भावितेन मनसा तेन तुष्टाव माधवम् ॥
ॐ नमो भगवते वासुदेवाय ।
मार्कण्डेय उवाच -
नारायणं सहस्राक्षं पद्मनाभं पुरातनम् ।
प्रणतोऽस्मि हृषीकेशं किं मे मृत्युः करिष्यति ॥ ६३॥
गोविन्दं पुण्डरीकाक्षमनन्तमजमव्ययम् ।
केशवं च प्रपन्नोऽस्मि किं मे मृत्युः करिष्यति ॥ ६४॥
वासुदेवं जगद्योनिं भानुवर्णमतीन्द्रियम् ।
दामोदरं प्रपन्नोऽस्मि किं मे मृत्युः करिष्यति ॥ ६५॥
शङ्खचक्रधरं देवं छन्नरूपिणमव्ययम् ।
अधोक्षजं प्रपन्नोऽस्मि किं मे मृत्युः करिष्यति ॥ ६६॥
वाराहं वामनं विष्णुं नरसिंहं जनार्दनम् ।
माधवं च प्रपन्नोऽस्मि किं मे मृत्युः करिष्यति ॥ ६७॥
पुरुषं पुष्करं पुण्यं क्षेमबीजं जगत्पतिम् ।
लोकनाथं प्रपन्नोऽस्मि किं मे मृत्युः करिष्यति ॥ ६८॥
भूतात्मानं महात्मानं जगद्योनिमयोनिजम् ।
विश्वरूपं प्रपन्नोऽस्मि किं मे मृत्युः करिष्यति ॥ ६९॥
सहस्रशिरसं देवं व्यक्ताव्यक्तं सनातनम् ।
महायोगं प्रपन्नोऽस्मि किं मे मृत्युः करिष्यति ॥ ७०॥
इत्युदीरितमाकर्ण्य स्तोत्रं तस्य महात्मनः ।
अपयातस्ततो मृत्युर्विष्णुदूतैश्च पीडितः ॥ ७१॥
इति तेन जितो मृत्युर्मार्कण्डेयेन धीमता ।
प्रसन्ने पुण्डरीकाक्षे नृसिंहे नास्ति दुर्लभम् ॥ ७२॥
मृत्युञ्जयमिदं पुण्यं मृत्युप्रशमनं शुभम् ।
मार्कण्डेयहितार्थाय स्वयं विष्णुरुवाच ह ॥ ७३॥
य इदं पठते भक्त्या त्रिकालं नियतः शुचिः ।
नाकाले तस्य मृत्युः स्यान्नरस्याच्युतचेतसः ॥ ७४॥
हृत्पद्ममध्ये पुरुषं पुराणं नारायणं शाश्वतमादिदेवम् ।
सञ्चिन्त्य सूर्यादपि राजमानं मृत्युं स योगी जितवांस्तदैव ॥ ७५॥
इति ।
नरसिंहपुराण अध्याय ७ श्लोकसंख्या ७५
इति श्रीनरसिंहपुराणे मार्कण्डेयमृत्युञ्जयो नाम सप्तमोऽध्यायः ॥ ७॥
नृसिंहपञ्जरस्तोत्रं - नृसिंहकोश २ ३८१
మృత్యుఞ్జయస్తోత్ర ౧ మార్కణ్డేయప్రోక్తం నరసింహపురాణే
విష్ణుమృత్యుఞ్జయస్తోత్రమ్ ।
ఓం నమో భగవతే మృత్యుఞ్జయాయ ।
తతో విష్ణ్వర్పితమనా మారకణ్డేయో మహామతిః ।
తుష్టావ ప్రణతో భూత్వా దేవదేవ జనార్దనమ్
విష్ణునైవోపదిష్టం తు స్తోత్రం కర్ణే మహామనాః ।
సమ్భావితేన మనసా తేన తుష్టావ మాధవమ్ ॥
ఓం నమో భగవతే వాసుదేవాయ ।
మార్కణ్డేయ ఉవాచ -
నారాయణం సహస్రాక్షం పద్మనాభం పురాతనమ్ ।
ప్రణతోఽస్మి హృషీకేశం కిం మే మృత్యుః కరిష్యతి ॥ ౬౩॥
గోవిన్దం పుణ్డరీకాక్షమనన్తమజమవ్యయమ్ ।
కేశవం చ ప్రపన్నోఽస్మి కిం మే మృత్యుః కరిష్యతి ॥ ౬౪॥
వాసుదేవం జగద్యోనిం భానువర్ణమతీన్ద్రియమ్ ।
దామోదరం ప్రపన్నోఽస్మి కిం మే మృత్యుః కరిష్యతి ॥ ౬౫॥
శఙ్ఖచక్రధరం దేవం ఛన్నరూపిణమవ్యయమ్ ।
అధోక్షజం ప్రపన్నోఽస్మి కిం మే మృత్యుః కరిష్యతి ॥ ౬౬॥
వారాహం వామనం విష్ణుం నరసింహం జనార్దనమ్ ।
మాధవం చ ప్రపన్నోఽస్మి కిం మే మృత్యుః కరిష్యతి ॥ ౬౭॥
పురుషం పుష్కరం పుణ్యం క్షేమబీజం జగత్పతిమ్ ।
లోకనాథం ప్రపన్నోఽస్మి కిం మే మృత్యుః కరిష్యతి ॥ ౬౮॥
భూతాత్మానం మహాత్మానం జగద్యోనిమయోనిజమ్ ।
విశ్వరూపం ప్రపన్నోఽస్మి కిం మే మృత్యుః కరిష్యతి ॥ ౬౯॥
సహస్రశిరసం దేవం వ్యక్తావ్యక్తం సనాతనమ్ ।
మహాయోగం ప్రపన్నోఽస్మి కిం మే మృత్యుః కరిష్యతి ॥ ౭౦॥
ఇత్యుదీరితమాకర్ణ్య స్తోత్రం తస్య మహాత్మనః ।
అపయాతస్తతో మృత్యుర్విష్ణుదూతైశ్చ పీడితః ॥ ౭౧॥
ఇతి తేన జితో మృత్యుర్మార్కణ్డేయేన ధీమతా ।
ప్రసన్నే పుణ్డరీకాక్షే నృసింహే నాస్తి దుర్లభమ్ ॥ ౭౨॥
మృత్యుఞ్జయమిదం పుణ్యం మృత్యుప్రశమనం శుభమ్ ।
మార్కణ్డేయహితార్థాయ స్వయం విష్ణురువాచ హ ॥ ౭౩॥
య ఇదం పఠతే భక్త్యా త్రికాలం నియతః శుచిః ।
నాకాలే తస్య మృత్యుః స్యాన్నరస్యాచ్యుతచేతసః ॥ ౭౪॥
హృత్పద్మమధ్యే పురుషం పురాణం నారాయణం శాశ్వతమాదిదేవమ్ ।
సఞ్చిన్త్య సూర్యాదపి రాజమానం మృత్యుం స యోగీ జితవాంస్తదైవ ॥ ౭౫॥
ఇతి ।
నరసింహపురాణ అధ్యాయ ౭ శ్లోకసంఖ్యా ౭౫
ఇతి శ్రీనరసింహపురాణే మార్కణ్డేయమృత్యుఞ్జయో నామ సప్తమోఽధ్యాయః ॥ ౭॥
నృసింహపఞ్జరస్తోత్రం - నృసింహకోశ ౨ ౩౮౧
mṛtyuñjayastotra 1 mārkaṇḍeyaproktaṃ narasiṃhapurāṇe
viṣṇumṛtyuñjayastotram |
oṃ namo bhagavate mṛtyuñjayāya |
tato viṣṇvarpitamanā mārakaṇḍeyo mahāmatiḥ |
tuṣṭāva praṇato bhūtvā devadeva janārdanam
viṣṇunaivopadiṣṭaṃ tu stotraṃ karṇe mahāmanāḥ |
sambhāvitena manasā tena tuṣṭāva mādhavam ||
oṃ namo bhagavate vāsudevāya |
mārkaṇḍeya uvāca -
nārāyaṇaṃ sahasrākṣaṃ padmanābhaṃ purātanam |
praṇato'smi hṛṣīkeśaṃ kiṃ me mṛtyuḥ kariṣyati || 63||
govindaṃ puṇḍarīkākṣamanantamajamavyayam |
keśavaṃ ca prapanno'smi kiṃ me mṛtyuḥ kariṣyati || 64||
vāsudevaṃ jagadyoniṃ bhānuvarṇamatīndriyam |
dāmodaraṃ prapanno'smi kiṃ me mṛtyuḥ kariṣyati || 65||
śaṅkhacakradharaṃ devaṃ channarūpiṇamavyayam |
adhokṣajaṃ prapanno'smi kiṃ me mṛtyuḥ kariṣyati || 66||
vārāhaṃ vāmanaṃ viṣṇuṃ narasiṃhaṃ janārdanam |
mādhavaṃ ca prapanno'smi kiṃ me mṛtyuḥ kariṣyati || 67||
puruṣaṃ puṣkaraṃ puṇyaṃ kṣemabījaṃ jagatpatim |
lokanāthaṃ prapanno'smi kiṃ me mṛtyuḥ kariṣyati || 68||
bhūtātmānaṃ mahātmānaṃ jagadyonimayonijam |
viśvarūpaṃ prapanno'smi kiṃ me mṛtyuḥ kariṣyati || 69||
sahasraśirasaṃ devaṃ vyaktāvyaktaṃ sanātanam |
mahāyogaṃ prapanno'smi kiṃ me mṛtyuḥ kariṣyati || 70||
ityudīritamākarṇya stotraṃ tasya mahātmanaḥ |
apayātastato mṛtyurviṣṇudūtaiśca pīḍitaḥ || 71||
iti tena jito mṛtyurmārkaṇḍeyena dhīmatā |
prasanne puṇḍarīkākṣe nṛsiṃhe nāsti durlabham || 72||
mṛtyuñjayamidaṃ puṇyaṃ mṛtyupraśamanaṃ śubham |
mārkaṇḍeyahitārthāya svayaṃ viṣṇuruvāca ha || 73||
ya idaṃ paṭhate bhaktyā trikālaṃ niyataḥ śuciḥ |
nākāle tasya mṛtyuḥ syānnarasyācyutacetasaḥ || 74||
hṛtpadmamadhye puruṣaṃ purāṇaṃ nārāyaṇaṃ śāśvatamādidevam |
sañcintya sūryādapi rājamānaṃ mṛtyuṃ sa yogī jitavāṃstadaiva || 75||
iti |
narasiṃhapurāṇa adhyāya 7 ślokasaṃkhyā 75
iti śrīnarasiṃhapurāṇe mārkaṇḍeyamṛtyuñjayo nāma saptamo'dhyāyaḥ || 7||
nṛsiṃhapañjarastotraṃ - nṛsiṃhakośa 2 381