ईश्वरप्रोक्तमष्टमीपूजाकथनम्
(शिवरहस्यान्तर्गते महादेवाख्ये)
- शिवपार्वतीसंवादे -
ईश्वर उवाच ।
कृष्णाष्टम्यां महादेवि बोधायनविधानतः ।
स्त्रियो गृहस्थाः पुरुषा वर्णिनोऽपि महेश्वरि ॥ १॥
सर्वकृष्णाष्टमीष्वीशे उपोष्याहः प्रदोषके ।
नद्यां तडागे संस्नाय धौतवस्त्रधरः शुचिः ॥ २॥
भस्मत्रिपुण्ड्रसहितो रुद्राक्षाभरणैर्युतः ।
बिल्वपुष्पाणि सम्पाद्य धौतकुम्भानथाहतान् ॥ ३॥
कुशांश्च साग्रान्सम्पाद्य कृतनित्यक्रियो द्विजः ।
पूजास्थानं समालिप्य गोमयेन नवाम्भसा ॥ ४॥
रङ्गवल्लीशोभितं च पुष्पमण्टपकैर्युतम् ।
वितानपल्लवोपेतं तोरणावलिभूषितम् ॥ ५॥
तस्मिन् संस्थापिते पीठे समावाह्य वृषध्वजम् ।
साम्बं सगणमव्यग्र उग्रार्चनपरायणः ॥ ६॥
सङ्कल्प्य देशकालादि पञ्चाक्षरजपादरः ।
पाद्यार्ध्याचमनादीनि शङ्खं कुम्भं च साम्बुयुक् ॥ ७॥
लिङ्गाग्रे स्यापयेद्देवि सुकूर्चं गन्धपुष्पयुक् ।
पञ्चामृतं पञ्चगव्यं तथा फलरसानि च ॥ ८॥
मधुपर्कं च पात्रेषु स्थापयेद्गन्धपुष्पकम् ।
ताम्बूलं च हविर्देवि सम्पाद्याखण्डकाक्षताः ॥ ९॥
घृतदीपांस्ततो दिक्षु पिष्टैः कुर्यात्सवर्तिकान् ।
आत्वावहेति मन्त्रेण शिवमावाहयेद्व्रती ॥ १०॥
साम्बं च सगणं देवं लिङ्गेऽभ्यर्च्य पिनाकिनम् ।
पाद्यार्ध्याचमनादीनि दद्याद्देवि पृथक् पृथक् ॥ ११॥
मूलमन्त्रेण विधिवत् मधुपर्कं ततः शिवे ।
पञ्चामृतं पञ्चगव्यं तथा फलरसैः शिवे ॥ १२॥
गन्धपुष्पकुशाग्राम्बु लिङ्गे दद्यात्षडक्षरैः ।
शतरुद्रेण जपविद्गोशृङ्गेणाभिषेचयेत् ॥ १३॥
इमा आपः शिवेत्येव मापो दद्याच्छिवाय तु ।
आपोहिष्ठादिमनुभिरभिषिञ्चेत्ततः परम् ॥ १४॥
ब्रह्मजिज्ञैः पावमानैः कद्रुद्रायेति मन्त्रतः ।
सर्वोह्येषमहारुद्रः पुरुषोरुद्र इत्यपि ॥ १५॥
विश्वम्भूतमितीशानि वामदेवादिसामभिः ।
यजुः पतित्रमापोस्याद्योरुद्राग्नावितिमन्त्रतः ॥ १६॥
अभिषिच्य महादेवं शिवे लिङ्गस्वरूपिणम् ।
देवस्यत्वेति मन्त्रेण सकूर्चेनाभिषेचयेत् ॥ १७॥
भवाद्यैरष्टभिर्देवि तर्पयेन्नामभिः पृथक् ।
संशोध्य वाससा लिङ्गं पीठे संस्थाप्य पूजयेत् ॥ १८॥
वस्त्रं गन्धं सितं भस्म साक्षतं चोपवीतकं ।
सुवर्णरत्नाकल्पैश्च बिल्वैः पुष्पैश्च पूजयेत् ॥ १९॥
कमलोत्पलकल्हारमन्दारकरवीरकैः ॥ २०॥
कर्णिकारार्कदमनैः कनकैर्द्रोणसम्भवैः ।
शताष्टनामभिर्देवि निधनेत्यादिमन्त्रतः ॥ २१॥
धूपं च गुग्गुलोपेतं घृतदीपान् मनोरमान् ।
गणांश्च परितः पूज्य गन्धपुष्पाक्षतादिभिः ॥ २२॥
महाकालाय पूर्वे तु शङ्कुकर्णाय दक्षिणे ।
नन्दिकेशाय पश्चात्तु वक्रतुण्डाय चोत्तरे ॥ २३॥
ईशाने चण्डिकेशानं धर्मं चैव शिवाग्रतः ।
उत्तरे च महादेवि पूजयेदुपचारकैः ॥ २४॥
तत्तन्नामभिरेवेशि शिवस्य परितो यजेत् ।
उद्दीप्यस्वेति मन्त्रेण चाष्टपैष्टिकदीपतः ॥ २५॥
हविः साज्यं च ताम्बूलं शिवे दद्याद्गणेषु च ।
नीराजनं ततो दद्याद्वाद्यघोषपुरःसरम् ॥ २६॥
छत्रं च चामरं देवि व्यजनादर्शके तथा ।
प्रदक्षिणप्रणामं च स्तवमेतत्प्रयोजयेत् ॥ २७॥
जय शङ्कर पार्वतीपते हर
विधिविष्ण्विन्द्रसुसेविताब्जपाद ।
उरगेन्द्राभरण प्रसीद शम्भो
प्रसभं पापमपाकुरुष्व सद्यः ॥ २८॥
जय सोमानलसूर्यलोचनाद्य शम्भो
धृतचन्द्राङ्कजटाकुटीरगङ्गा ।
परिपाहिपतङ्ग मध्यवास
विधिमुण्डाभरण प्रसीद देव ॥ २९॥
जय सोमकलावतंस शूलपाणे
गणवृन्दामलसेवन प्रसीद ।
हर भर्गोरुमहोग्रकालकूट-
विषभक्षेन्दुकलालसत्कपर्द ॥ ३०॥
जय साम्ब महोरगेन्द्रहार
प्रसभं मन्मथनाशन प्रसीद भर्ग ।
भव भीम महेश्वराव शम्भो
मयि दृष्टिं करुणां करुष्व शम्भो ॥ ३१॥
इति स्तुत्वा महादेवं कालाष्टम्यां तदा व्रती ।
प्रतिष्ठाप्य ततो वनिं स्वस्वशाखोक्तमार्गतः ॥ ३२॥
अशनीयं हविर्यत्स्याज्जुहुयात्तेन सर्पिषा ।
इमा रुद्रेत्यादिना मां पूर्वं तु जुहुयाच्छिवम् ॥ ३३॥
शतं हि मेत्यादिभिश्च अहं बिभर्मि इत्यपि ।
मान आयुषि इत्येतदन्ते पितरि इत्यपि ॥ ३४॥
मानः सूर्यस्य एवापि मानो महान्त इत्यपि ।
मानस्तोकेन मन्त्रेण हविष्मन्त इति क्रमात् ॥ ३५॥
वास्तोष्पतेति मन्त्रेण आर्द्रया रुद्र इत्यपि ।
देवस्य तु सुतायेति जुहुयाज्जातवेदसि ॥ ३६॥
ततः स्विष्टकृतं हुत्वा आज्यैर्होमं समापयेत् ।
पुनरष्टसुमैः पूज्य होमान्ते शं प्रसादयेत् ॥ ३७॥
प्रीयतां भगवानीशः साम्बः सगण ईश्वरः ।
अनया पूजया होमैस्तृप्तो मां स प्रसीदतु ॥ ३८॥
दद्यादर्घ्यं महेशाय स पुष्पाम्बु महेश्वरि ।
दुःखदारिद्र्य मग्नं मां समुद्धर महेश्वर ॥ ३९॥
अष्टम्यामर्घ्यदानेन अष्टमूर्ते प्रसीद मे ।
इत्यर्घ्यं च ततो दत्वा पूजामुद्वास्य सत्तमे ॥ ४०॥
ब्राह्मणाय हिरण्यं गां शाम्भवाय निवेदयेत् ।
यत्किञ्चिद्वा यथाशक्ति दद्यादीशानतुष्टमे ॥ ४१॥
भक्ष्यभोज्यान्नसंयुक्तं भुञ्जीयाच्छाम्भवैः सह ।
दक्षिणाभिश्च तान् पुष्पैर्गन्धताम्बूलपूर्वकम् ॥ ४२॥
भोजयेच्च स्वयं भुज्यान्नक्तं वा तत्र वर्तयेत् ।
कृष्णाष्टमीषु नियतमेष सामान्यतो विधिः ॥ ४३॥
एकाब्दं त्र्यब्दमथवा द्वादशाब्दमथापि वा ।
कृत्वा व्रतोद्यापनं च नक्काशी वा भवेत्ततः ॥ ४४॥
सितासितास्वष्टमीषु अविमुक्ते तु नैत्यिकम् ।
उपोष्यैवाविमुक्तेशं पूज्य बिल्वैः सुमैरपि ॥ ४५॥
शिवे गङ्गाम्बुभिः शीतैरभिषिच्य महेश्वरम् ।
धूपदीपादिनैवेद्यै स्तुवीतैतं महेश्वरम् ॥ ४६॥
कालाष्टमीषु नियतमविमुक्तेश्वरं हि माम् ॥ ४७॥
गङ्गाधरान्धकरिपो प्रमथाधिनाथ
विश्वेश विश्वगतसर्जकभर्जकान्ते ।
ब्रह्मादिविष्णुसुरवर्गसुपूजिताङ्घ्रे
मामीश पाहि दयया स्मरकालनाश ॥ ४८॥
इति स्तुत्वाऽविमुक्तेशं कालराजं प्रपूजयेत् ।
कालाष्टम्यां तु नियतं काशीवासी महेश्वरि ॥ ४९॥
मामेत्य गङ्गातटगं गन्धपुष्पाम्बुभिः सदा ।
अपूपहविषा चैव वटकैर्लङ्ङुकैरपि ॥ ५०॥
पूजयेद्धूपदीपैश्च कालाष्टम्यां स्तुवीत च ।
भैरवं भीषयणाकारं वासनिर्विघ्नहेतवे ॥ ५१॥
स्तोत्रेणानेन देवेशि काश्यां कालाष्टमीषु च ।
स्तुवीत पद्यैर्हृद्यैश्च ममाद्य गणपोत्तमम् ॥ ५२॥
प्रविष्टो योऽप्यथान्यत्र वसन्नेतत्स्तवं जपेत् ।
पुनः काशीं समासाद्य तत्र नष्टतनुर्भवेत् ॥ ६२॥
कालाष्टम्यां कालराजं स्तुवीतैवं प्रसाद्य च ।
काश्यामेव वसेन्नित्यं न पापे रमते हि सः ॥ ६३॥
किम्पुनर्बहुनोक्तेन कालाष्टम्यर्चको नरः ।
सर्वान्कामानवाप्नोति भुक्तिं मुक्तिं च विन्दति ॥ ६४॥
यज्ञायुतफलं प्राप्य मम लोके महीयते ।
ब्रह्महत्यादिभिः पापैर्मुच्यते नात्र संशयः ॥ ६५॥
मध्याष्टमीप्रथितसोमकलावतंसं
सर्वाष्टमीषु नगजे परिपूजयन्ति ।
नष्टानि तेषु दुरितानि भवन्ति सद्यो
हृष्टानि तेषु सुकृतानि विमुक्तिदानि ॥ ६६॥
यो वाऽविमुक्ते सितभस्मभालः
कालाष्टमीषु नितं मम कालराजम् ।
सम्पूजयत्यघगणैर्नबिभेति सद्यो
हृद्यो भवेदतितरां स भवेऽतिधन्यः ॥ ६७॥
॥ इति शिवरहस्यान्तर्गते ईश्वरप्रोक्तमष्टमीपूजाकथनं सम्पूर्णम् ॥
- ॥ श्रीशिवरहस्यम् । महादेवाख्यः एकादशमांशः । अध्यायः ३४ अष्टमीपूजाकथनम् । वावृत्तश्लोकाः ॥
- .. shrIshivarahasyam . mahAdevAkhyaH ekAdashamAMshaH . adhyAyaH 34 aShTamIpUjAkathanam . vAvRRittashlokAH ..
Notes:
Śiva शिव delivers Upadeśa उपदेश to Pārvatī पार्वती about observing Aṣṭamī अष्टमी - especially that KṛṣṇaPakṣa कृष्णपक्ष - that is known as Kālāṣṭamī कालाष्टमी - and the merits of doing so.
He advises about worshiping Him with Mahādevī महादेवी and His gaṇa-s गणाः; and worshiping His Aśṭamūrti अष्टमूर्ति.
He also advises about the ŚivaStutiḥ शिवस्तुतिः and Kālabhairavāṣṭakam कालभैरवाष्टकम्; the latter being meant to be recited for worshiping Bhairava Kālarāja भैरव कालराज.
Selected Śloka-s from the Chapter are presented on this page.
Further details are mentioned in the Adhyāyaḥ 35 - Kṛṣṇāṣṭamīvratodyāpanakathanam अध्यायः ३५ - कृष्णाष्टमीव्रतोद्यापनकथनम्.
The Kālāṣṭamīkṛte ŚivaStutiḥ कालाष्टमीकृते शिवस्तुतिः and the Kālabhairavāṣṭakam कालाष्टकम् can be accessed from the links given below.
Proofread by Ruma Dewan
% Text title : Ishvaraproktam Ashtamipujakathanam
% File name : IshvaraproktaMaShTamIpUjAkathanam.itx
% itxtitle : aShTamIpUjAkathanam IshvaraproktaM (shivarahasyAntargatam)
% engtitle : IshvaraproktaM aShTamIpUjAkathanam
% Category : shiva, shivarahasya, pUjA
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | mahAdevAkhyaH ekAdashamAMshaH | adhyAyaH 34 aShTamIpUjAkathanam | vAvRittashlokAH ||
% Indexextra : (Scan, shivastutiH, kAlabhairavAShTakam)
% Latest update : October 29, 2024
% Send corrections to : sanskrit at cheerful dot c om
% Site access : https://sanskritdocuments.org
īśvaraproktamaṣṭamīpūjākathanam
(śivarahasyāntargate mahādevākhye)
- śivapārvatīsaṃvāde -
īśvara uvāca |
kṛṣṇāṣṭamyāṃ mahādevi bodhāyanavidhānataḥ |
striyo gṛhasthāḥ puruṣā varṇino'pi maheśvari || 1||
sarvakṛṣṇāṣṭamīṣvīśe upoṣyāhaḥ pradoṣake |
nadyāṃ taḍāge saṃsnāya dhautavastradharaḥ śuciḥ || 2||
bhasmatripuṇḍrasahito rudrākṣābharaṇairyutaḥ |
bilvapuṣpāṇi sampādya dhautakumbhānathāhatān || 3||
kuśāṃśca sāgrānsampādya kṛtanityakriyo dvijaḥ |
pūjāsthānaṃ samālipya gomayena navāmbhasā || 4||
raṅgavallīśobhitaṃ ca puṣpamaṇṭapakairyutam |
vitānapallavopetaṃ toraṇāvalibhūṣitam || 5||
tasmin saṃsthāpite pīṭhe samāvāhya vṛṣadhvajam |
sāmbaṃ sagaṇamavyagra ugrārcanaparāyaṇaḥ || 6||
saṅkalpya deśakālādi pañcākṣarajapādaraḥ |
pādyārdhyācamanādīni śaṅkhaṃ kumbhaṃ ca sāmbuyuk || 7||
liṅgāgre syāpayeddevi sukūrcaṃ gandhapuṣpayuk |
pañcāmṛtaṃ pañcagavyaṃ tathā phalarasāni ca || 8||
madhuparkaṃ ca pātreṣu sthāpayedgandhapuṣpakam |
tāmbūlaṃ ca havirdevi sampādyākhaṇḍakākṣatāḥ || 9||
ghṛtadīpāṃstato dikṣu piṣṭaiḥ kuryātsavartikān |
ātvāvaheti mantreṇa śivamāvāhayedvratī || 10||
sāmbaṃ ca sagaṇaṃ devaṃ liṅge'bhyarcya pinākinam |
pādyārdhyācamanādīni dadyāddevi pṛthak pṛthak || 11||
mūlamantreṇa vidhivat madhuparkaṃ tataḥ śive |
pañcāmṛtaṃ pañcagavyaṃ tathā phalarasaiḥ śive || 12||
gandhapuṣpakuśāgrāmbu liṅge dadyātṣaḍakṣaraiḥ |
śatarudreṇa japavidgośaṛṅgeṇābhiṣecayet || 13||
imā āpaḥ śivetyeva māpo dadyācchivāya tu |
āpohiṣṭhādimanubhirabhiṣiñcettataḥ param || 14||
brahmajijñaiḥ pāvamānaiḥ kadrudrāyeti mantrataḥ |
sarvohyeṣamahārudraḥ puruṣorudra ityapi || 15||
viśvambhūtamitīśāni vāmadevādisāmabhiḥ |
yajuḥ patitramāposyādyorudrāgnāvitimantrataḥ || 16||
abhiṣicya mahādevaṃ śive liṅgasvarūpiṇam |
devasyatveti mantreṇa sakūrcenābhiṣecayet || 17||
bhavādyairaṣṭabhirdevi tarpayennāmabhiḥ pṛthak |
saṃśodhya vāsasā liṅgaṃ pīṭhe saṃsthāpya pūjayet || 18||
vastraṃ gandhaṃ sitaṃ bhasma sākṣataṃ copavītakaṃ |
suvarṇaratnākalpaiśca bilvaiḥ puṣpaiśca pūjayet || 19||
kamalotpalakalhāramandārakaravīrakaiḥ || 20||
karṇikārārkadamanaiḥ kanakairdroṇasambhavaiḥ |
śatāṣṭanāmabhirdevi nidhanetyādimantrataḥ || 21||
dhūpaṃ ca guggulopetaṃ ghṛtadīpān manoramān |
gaṇāṃśca paritaḥ pūjya gandhapuṣpākṣatādibhiḥ || 22||
mahākālāya pūrve tu śaṅkukarṇāya dakṣiṇe |
nandikeśāya paścāttu vakratuṇḍāya cottare || 23||
īśāne caṇḍikeśānaṃ dharmaṃ caiva śivāgrataḥ |
uttare ca mahādevi pūjayedupacārakaiḥ || 24||
tattannāmabhireveśi śivasya parito yajet |
uddīpyasveti mantreṇa cāṣṭapaiṣṭikadīpataḥ || 25||
haviḥ sājyaṃ ca tāmbūlaṃ śive dadyādgaṇeṣu ca |
nīrājanaṃ tato dadyādvādyaghoṣapuraḥsaram || 26||
chatraṃ ca cāmaraṃ devi vyajanādarśake tathā |
pradakṣiṇapraṇāmaṃ ca stavametatprayojayet || 27||
jaya śaṅkara pārvatīpate hara
vidhiviṣṇvindrasusevitābjapāda |
uragendrābharaṇa prasīda śambho
prasabhaṃ pāpamapākuruṣva sadyaḥ || 28||
jaya somānalasūryalocanādya śambho
dhṛtacandrāṅkajaṭākuṭīragaṅgā |
paripāhipataṅga madhyavāsa
vidhimuṇḍābharaṇa prasīda deva || 29||
jaya somakalāvataṃsa śūlapāṇe
gaṇavṛndāmalasevana prasīda |
hara bhargorumahograkālakūṭa-
viṣabhakṣendukalālasatkaparda || 30||
jaya sāmba mahoragendrahāra
prasabhaṃ manmathanāśana prasīda bharga |
bhava bhīma maheśvarāva śambho
mayi dṛṣṭiṃ karuṇāṃ karuṣva śambho || 31||
iti stutvā mahādevaṃ kālāṣṭamyāṃ tadā vratī |
pratiṣṭhāpya tato vaniṃ svasvaśākhoktamārgataḥ || 32||
aśanīyaṃ haviryatsyājjuhuyāttena sarpiṣā |
imā rudretyādinā māṃ pūrvaṃ tu juhuyācchivam || 33||
śataṃ hi metyādibhiśca ahaṃ bibharmi ityapi |
māna āyuṣi ityetadante pitari ityapi || 34||
mānaḥ sūryasya evāpi māno mahānta ityapi |
mānastokena mantreṇa haviṣmanta iti kramāt || 35||
vāstoṣpateti mantreṇa ārdrayā rudra ityapi |
devasya tu sutāyeti juhuyājjātavedasi || 36||
tataḥ sviṣṭakṛtaṃ hutvā ājyairhomaṃ samāpayet |
punaraṣṭasumaiḥ pūjya homānte śaṃ prasādayet || 37||
prīyatāṃ bhagavānīśaḥ sāmbaḥ sagaṇa īśvaraḥ |
anayā pūjayā homaistṛpto māṃ sa prasīdatu || 38||
dadyādarghyaṃ maheśāya sa puṣpāmbu maheśvari |
duḥkhadāridrya magnaṃ māṃ samuddhara maheśvara || 39||
aṣṭamyāmarghyadānena aṣṭamūrte prasīda me |
ityarghyaṃ ca tato datvā pūjāmudvāsya sattame || 40||
brāhmaṇāya hiraṇyaṃ gāṃ śāmbhavāya nivedayet |
yatkiñcidvā yathāśakti dadyādīśānatuṣṭame || 41||
bhakṣyabhojyānnasaṃyuktaṃ bhuñjīyācchāmbhavaiḥ saha |
dakṣiṇābhiśca tān puṣpairgandhatāmbūlapūrvakam || 42||
bhojayecca svayaṃ bhujyānnaktaṃ vā tatra vartayet |
kṛṣṇāṣṭamīṣu niyatameṣa sāmānyato vidhiḥ || 43||
ekābdaṃ tryabdamathavā dvādaśābdamathāpi vā |
kṛtvā vratodyāpanaṃ ca nakkāśī vā bhavettataḥ || 44||
sitāsitāsvaṣṭamīṣu avimukte tu naityikam |
upoṣyaivāvimukteśaṃ pūjya bilvaiḥ sumairapi || 45||
śive gaṅgāmbubhiḥ śītairabhiṣicya maheśvaram |
dhūpadīpādinaivedyai stuvītaitaṃ maheśvaram || 46||
kālāṣṭamīṣu niyatamavimukteśvaraṃ hi mām || 47||
gaṅgādharāndhakaripo pramathādhinātha
viśveśa viśvagatasarjakabharjakānte |
brahmādiviṣṇusuravargasupūjitāṅghre
māmīśa pāhi dayayā smarakālanāśa || 48||
iti stutvā'vimukteśaṃ kālarājaṃ prapūjayet |
kālāṣṭamyāṃ tu niyataṃ kāśīvāsī maheśvari || 49||
māmetya gaṅgātaṭagaṃ gandhapuṣpāmbubhiḥ sadā |
apūpahaviṣā caiva vaṭakairlaṅṅukairapi || 50||
pūjayeddhūpadīpaiśca kālāṣṭamyāṃ stuvīta ca |
bhairavaṃ bhīṣayaṇākāraṃ vāsanirvighnahetave || 51||
stotreṇānena deveśi kāśyāṃ kālāṣṭamīṣu ca |
stuvīta padyairhṛdyaiśca mamādya gaṇapottamam || 52||
praviṣṭo yo'pyathānyatra vasannetatstavaṃ japet |
punaḥ kāśīṃ samāsādya tatra naṣṭatanurbhavet || 62||
kālāṣṭamyāṃ kālarājaṃ stuvītaivaṃ prasādya ca |
kāśyāmeva vasennityaṃ na pāpe ramate hi saḥ || 63||
kimpunarbahunoktena kālāṣṭamyarcako naraḥ |
sarvānkāmānavāpnoti bhuktiṃ muktiṃ ca vindati || 64||
yajñāyutaphalaṃ prāpya mama loke mahīyate |
brahmahatyādibhiḥ pāpairmucyate nātra saṃśayaḥ || 65||
madhyāṣṭamīprathitasomakalāvataṃsaṃ
sarvāṣṭamīṣu nagaje paripūjayanti |
naṣṭāni teṣu duritāni bhavanti sadyo
hṛṣṭāni teṣu sukṛtāni vimuktidāni || 66||
yo vā'vimukte sitabhasmabhālaḥ
kālāṣṭamīṣu nitaṃ mama kālarājam |
sampūjayatyaghagaṇairnabibheti sadyo
hṛdyo bhavedatitarāṃ sa bhave'tidhanyaḥ || 67||
|| iti śivarahasyāntargate īśvaraproktamaṣṭamīpūjākathanaṃ sampūrṇam ||
- || śrīśivarahasyam | mahādevākhyaḥ ekādaśamāṃśaḥ | adhyāyaḥ 34 aṣṭamīpūjākathanam | vāvṛttaślokāḥ ||
- .. shrIshivarahasyam . mahAdevAkhyaH ekAdashamAMshaH . adhyAyaH 34 aShTamIpUjAkathanam . vAvRRittashlokAH ..
Notes:
Śiva śiva delivers Upadeśa upadeśa to Pārvatī pārvatī about observing Aṣṭamī aṣṭamī - especially that KṛṣṇaPakṣa kṛṣṇapakṣa - that is known as Kālāṣṭamī kālāṣṭamī - and the merits of doing so.
He advises about worshiping Him with Mahādevī mahādevī and His gaṇa-s gaṇāḥ; and worshiping His Aśṭamūrti aṣṭamūrti.
He also advises about the ŚivaStutiḥ śivastutiḥ and Kālabhairavāṣṭakam kālabhairavāṣṭakam; the latter being meant to be recited for worshiping Bhairava Kālarāja bhairava kālarāja.
Selected Śloka-s from the Chapter are presented on this page.
Further details are mentioned in the Adhyāyaḥ 35 - Kṛṣṇāṣṭamīvratodyāpanakathanam adhyāyaḥ 35 - kṛṣṇāṣṭamīvratodyāpanakathanam.
The Kālāṣṭamīkṛte ŚivaStutiḥ kālāṣṭamīkṛte śivastutiḥ and the Kālabhairavāṣṭakam kālāṣṭakam can be accessed from the links given below.
Proofread by Ruma Dewan
% Text title : Ishvaraproktam Ashtamipujakathanam
% File name : IshvaraproktaMaShTamIpUjAkathanam.itx
% itxtitle : aShTamIpUjAkathanam IshvaraproktaM (shivarahasyAntargatam)
% engtitle : IshvaraproktaM aShTamIpUjAkathanam
% Category : shiva, shivarahasya, pUjA
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | mahAdevAkhyaH ekAdashamAMshaH | adhyAyaH 34 aShTamIpUjAkathanam | vAvRittashlokAH ||
% Indexextra : (Scan, shivastutiH, kAlabhairavAShTakam)
% Latest update : October 29, 2024
% Send corrections to : sanskrit at cheerful dot c om
% Site access : https://sanskritdocuments.org
ఈశ్వరప్రోక్తమష్టమీపూజాకథనమ్
(శివరహస్యాన్తర్గతే మహాదేవాఖ్యే)
- శివపార్వతీసంవాదే -
ఈశ్వర ఉవాచ ।
కృష్ణాష్టమ్యాం మహాదేవి బోధాయనవిధానతః ।
స్త్రియో గృహస్థాః పురుషా వర్ణినోఽపి మహేశ్వరి ॥ ౧॥
సర్వకృష్ణాష్టమీష్వీశే ఉపోష్యాహః ప్రదోషకే ।
నద్యాం తడాగే సంస్నాయ ధౌతవస్త్రధరః శుచిః ॥ ౨॥
భస్మత్రిపుణ్డ్రసహితో రుద్రాక్షాభరణైర్యుతః ।
బిల్వపుష్పాణి సమ్పాద్య ధౌతకుమ్భానథాహతాన్ ॥ ౩॥
కుశాంశ్చ సాగ్రాన్సమ్పాద్య కృతనిత్యక్రియో ద్విజః ।
పూజాస్థానం సమాలిప్య గోమయేన నవామ్భసా ॥ ౪॥
రఙ్గవల్లీశోభితం చ పుష్పమణ్టపకైర్యుతమ్ ।
వితానపల్లవోపేతం తోరణావలిభూషితమ్ ॥ ౫॥
తస్మిన్ సంస్థాపితే పీఠే సమావాహ్య వృషధ్వజమ్ ।
సామ్బం సగణమవ్యగ్ర ఉగ్రార్చనపరాయణః ॥ ౬॥
సఙ్కల్ప్య దేశకాలాది పఞ్చాక్షరజపాదరః ।
పాద్యార్ధ్యాచమనాదీని శఙ్ఖం కుమ్భం చ సామ్బుయుక్ ॥ ౭॥
లిఙ్గాగ్రే స్యాపయేద్దేవి సుకూర్చం గన్ధపుష్పయుక్ ।
పఞ్చామృతం పఞ్చగవ్యం తథా ఫలరసాని చ ॥ ౮॥
మధుపర్కం చ పాత్రేషు స్థాపయేద్గన్ధపుష్పకమ్ ।
తామ్బూలం చ హవిర్దేవి సమ్పాద్యాఖణ్డకాక్షతాః ॥ ౯॥
ఘృతదీపాంస్తతో దిక్షు పిష్టైః కుర్యాత్సవర్తికాన్ ।
ఆత్వావహేతి మన్త్రేణ శివమావాహయేద్వ్రతీ ॥ ౧౦॥
సామ్బం చ సగణం దేవం లిఙ్గేఽభ్యర్చ్య పినాకినమ్ ।
పాద్యార్ధ్యాచమనాదీని దద్యాద్దేవి పృథక్ పృథక్ ॥ ౧౧॥
మూలమన్త్రేణ విధివత్ మధుపర్కం తతః శివే ।
పఞ్చామృతం పఞ్చగవ్యం తథా ఫలరసైః శివే ॥ ౧౨॥
గన్ధపుష్పకుశాగ్రామ్బు లిఙ్గే దద్యాత్షడక్షరైః ।
శతరుద్రేణ జపవిద్గోశృఙ్గేణాభిషేచయేత్ ॥ ౧౩॥
ఇమా ఆపః శివేత్యేవ మాపో దద్యాచ్ఛివాయ తు ।
ఆపోహిష్ఠాదిమనుభిరభిషిఞ్చేత్తతః పరమ్ ॥ ౧౪॥
బ్రహ్మజిజ్ఞైః పావమానైః కద్రుద్రాయేతి మన్త్రతః ।
సర్వోహ్యేషమహారుద్రః పురుషోరుద్ర ఇత్యపి ॥ ౧౫॥
విశ్వమ్భూతమితీశాని వామదేవాదిసామభిః ।
యజుః పతిత్రమాపోస్యాద్యోరుద్రాగ్నావితిమన్త్రతః ॥ ౧౬॥
అభిషిచ్య మహాదేవం శివే లిఙ్గస్వరూపిణమ్ ।
దేవస్యత్వేతి మన్త్రేణ సకూర్చేనాభిషేచయేత్ ॥ ౧౭॥
భవాద్యైరష్టభిర్దేవి తర్పయేన్నామభిః పృథక్ ।
సంశోధ్య వాససా లిఙ్గం పీఠే సంస్థాప్య పూజయేత్ ॥ ౧౮॥
వస్త్రం గన్ధం సితం భస్మ సాక్షతం చోపవీతకం ।
సువర్ణరత్నాకల్పైశ్చ బిల్వైః పుష్పైశ్చ పూజయేత్ ॥ ౧౯॥
కమలోత్పలకల్హారమన్దారకరవీరకైః ॥ ౨౦॥
కర్ణికారార్కదమనైః కనకైర్ద్రోణసమ్భవైః ।
శతాష్టనామభిర్దేవి నిధనేత్యాదిమన్త్రతః ॥ ౨౧॥
ధూపం చ గుగ్గులోపేతం ఘృతదీపాన్ మనోరమాన్ ।
గణాంశ్చ పరితః పూజ్య గన్ధపుష్పాక్షతాదిభిః ॥ ౨౨॥
మహాకాలాయ పూర్వే తు శఙ్కుకర్ణాయ దక్షిణే ।
నన్దికేశాయ పశ్చాత్తు వక్రతుణ్డాయ చోత్తరే ॥ ౨౩॥
ఈశానే చణ్డికేశానం ధర్మం చైవ శివాగ్రతః ।
ఉత్తరే చ మహాదేవి పూజయేదుపచారకైః ॥ ౨౪॥
తత్తన్నామభిరేవేశి శివస్య పరితో యజేత్ ।
ఉద్దీప్యస్వేతి మన్త్రేణ చాష్టపైష్టికదీపతః ॥ ౨౫॥
హవిః సాజ్యం చ తామ్బూలం శివే దద్యాద్గణేషు చ ।
నీరాజనం తతో దద్యాద్వాద్యఘోషపురఃసరమ్ ॥ ౨౬॥
ఛత్రం చ చామరం దేవి వ్యజనాదర్శకే తథా ।
ప్రదక్షిణప్రణామం చ స్తవమేతత్ప్రయోజయేత్ ॥ ౨౭॥
జయ శఙ్కర పార్వతీపతే హర
విధివిష్ణ్విన్ద్రసుసేవితాబ్జపాద ।
ఉరగేన్ద్రాభరణ ప్రసీద శమ్భో
ప్రసభం పాపమపాకురుష్వ సద్యః ॥ ౨౮॥
జయ సోమానలసూర్యలోచనాద్య శమ్భో
ధృతచన్ద్రాఙ్కజటాకుటీరగఙ్గా ।
పరిపాహిపతఙ్గ మధ్యవాస
విధిముణ్డాభరణ ప్రసీద దేవ ॥ ౨౯॥
జయ సోమకలావతంస శూలపాణే
గణవృన్దామలసేవన ప్రసీద ।
హర భర్గోరుమహోగ్రకాలకూట-
విషభక్షేన్దుకలాలసత్కపర్ద ॥ ౩౦॥
జయ సామ్బ మహోరగేన్ద్రహార
ప్రసభం మన్మథనాశన ప్రసీద భర్గ ।
భవ భీమ మహేశ్వరావ శమ్భో
మయి దృష్టిం కరుణాం కరుష్వ శమ్భో ॥ ౩౧॥
ఇతి స్తుత్వా మహాదేవం కాలాష్టమ్యాం తదా వ్రతీ ।
ప్రతిష్ఠాప్య తతో వనిం స్వస్వశాఖోక్తమార్గతః ॥ ౩౨॥
అశనీయం హవిర్యత్స్యాజ్జుహుయాత్తేన సర్పిషా ।
ఇమా రుద్రేత్యాదినా మాం పూర్వం తు జుహుయాచ్ఛివమ్ ॥ ౩౩॥
శతం హి మేత్యాదిభిశ్చ అహం బిభర్మి ఇత్యపి ।
మాన ఆయుషి ఇత్యేతదన్తే పితరి ఇత్యపి ॥ ౩౪॥
మానః సూర్యస్య ఏవాపి మానో మహాన్త ఇత్యపి ।
మానస్తోకేన మన్త్రేణ హవిష్మన్త ఇతి క్రమాత్ ॥ ౩౫॥
వాస్తోష్పతేతి మన్త్రేణ ఆర్ద్రయా రుద్ర ఇత్యపి ।
దేవస్య తు సుతాయేతి జుహుయాజ్జాతవేదసి ॥ ౩౬॥
తతః స్విష్టకృతం హుత్వా ఆజ్యైర్హోమం సమాపయేత్ ।
పునరష్టసుమైః పూజ్య హోమాన్తే శం ప్రసాదయేత్ ॥ ౩౭॥
ప్రీయతాం భగవానీశః సామ్బః సగణ ఈశ్వరః ।
అనయా పూజయా హోమైస్తృప్తో మాం స ప్రసీదతు ॥ ౩౮॥
దద్యాదర్ఘ్యం మహేశాయ స పుష్పామ్బు మహేశ్వరి ।
దుఃఖదారిద్ర్య మగ్నం మాం సముద్ధర మహేశ్వర ॥ ౩౯॥
అష్టమ్యామర్ఘ్యదానేన అష్టమూర్తే ప్రసీద మే ।
ఇత్యర్ఘ్యం చ తతో దత్వా పూజాముద్వాస్య సత్తమే ॥ ౪౦॥
బ్రాహ్మణాయ హిరణ్యం గాం శామ్భవాయ నివేదయేత్ ।
యత్కిఞ్చిద్వా యథాశక్తి దద్యాదీశానతుష్టమే ॥ ౪౧॥
భక్ష్యభోజ్యాన్నసంయుక్తం భుఞ్జీయాచ్ఛామ్భవైః సహ ।
దక్షిణాభిశ్చ తాన్ పుష్పైర్గన్ధతామ్బూలపూర్వకమ్ ॥ ౪౨॥
భోజయేచ్చ స్వయం భుజ్యాన్నక్తం వా తత్ర వర్తయేత్ ।
కృష్ణాష్టమీషు నియతమేష సామాన్యతో విధిః ॥ ౪౩॥
ఏకాబ్దం త్ర్యబ్దమథవా ద్వాదశాబ్దమథాపి వా ।
కృత్వా వ్రతోద్యాపనం చ నక్కాశీ వా భవేత్తతః ॥ ౪౪॥
సితాసితాస్వష్టమీషు అవిముక్తే తు నైత్యికమ్ ।
ఉపోష్యైవావిముక్తేశం పూజ్య బిల్వైః సుమైరపి ॥ ౪౫॥
శివే గఙ్గామ్బుభిః శీతైరభిషిచ్య మహేశ్వరమ్ ।
ధూపదీపాదినైవేద్యై స్తువీతైతం మహేశ్వరమ్ ॥ ౪౬॥
కాలాష్టమీషు నియతమవిముక్తేశ్వరం హి మామ్ ॥ ౪౭॥
గఙ్గాధరాన్ధకరిపో ప్రమథాధినాథ
విశ్వేశ విశ్వగతసర్జకభర్జకాన్తే ।
బ్రహ్మాదివిష్ణుసురవర్గసుపూజితాఙ్ఘ్రే
మామీశ పాహి దయయా స్మరకాలనాశ ॥ ౪౮॥
ఇతి స్తుత్వాఽవిముక్తేశం కాలరాజం ప్రపూజయేత్ ।
కాలాష్టమ్యాం తు నియతం కాశీవాసీ మహేశ్వరి ॥ ౪౯॥
మామేత్య గఙ్గాతటగం గన్ధపుష్పామ్బుభిః సదా ।
అపూపహవిషా చైవ వటకైర్లఙ్ఙుకైరపి ॥ ౫౦॥
పూజయేద్ధూపదీపైశ్చ కాలాష్టమ్యాం స్తువీత చ ।
భైరవం భీషయణాకారం వాసనిర్విఘ్నహేతవే ॥ ౫౧॥
స్తోత్రేణానేన దేవేశి కాశ్యాం కాలాష్టమీషు చ ।
స్తువీత పద్యైర్హృద్యైశ్చ మమాద్య గణపోత్తమమ్ ॥ ౫౨॥
ప్రవిష్టో యోఽప్యథాన్యత్ర వసన్నేతత్స్తవం జపేత్ ।
పునః కాశీం సమాసాద్య తత్ర నష్టతనుర్భవేత్ ॥ ౬౨॥
కాలాష్టమ్యాం కాలరాజం స్తువీతైవం ప్రసాద్య చ ।
కాశ్యామేవ వసేన్నిత్యం న పాపే రమతే హి సః ॥ ౬౩॥
కిమ్పునర్బహునోక్తేన కాలాష్టమ్యర్చకో నరః ।
సర్వాన్కామానవాప్నోతి భుక్తిం ముక్తిం చ విన్దతి ॥ ౬౪॥
యజ్ఞాయుతఫలం ప్రాప్య మమ లోకే మహీయతే ।
బ్రహ్మహత్యాదిభిః పాపైర్ముచ్యతే నాత్ర సంశయః ॥ ౬౫॥
మధ్యాష్టమీప్రథితసోమకలావతంసం
సర్వాష్టమీషు నగజే పరిపూజయన్తి ।
నష్టాని తేషు దురితాని భవన్తి సద్యో
హృష్టాని తేషు సుకృతాని విముక్తిదాని ॥ ౬౬॥
యో వాఽవిముక్తే సితభస్మభాలః
కాలాష్టమీషు నితం మమ కాలరాజమ్ ।
సమ్పూజయత్యఘగణైర్నబిభేతి సద్యో
హృద్యో భవేదతితరాం స భవేఽతిధన్యః ॥ ౬౭॥
॥ ఇతి శివరహస్యాన్తర్గతే ఈశ్వరప్రోక్తమష్టమీపూజాకథనం సమ్పూర్ణమ్ ॥
- ॥ శ్రీశివరహస్యమ్ । మహాదేవాఖ్యః ఏకాదశమాంశః । అధ్యాయః ౩౪ అష్టమీపూజాకథనమ్ । వావృత్తశ్లోకాః ॥
- .. shrIshivarahasyam . mahAdevAkhyaH ekAdashamAMshaH . adhyAyaH 34 aShTamIpUjAkathanam . vAvRRittashlokAH ..
Notes:
Śiva శివ delivers Upadeśa ఉపదేశ to Pārvatī పార్వతీ about observing Aṣṭamī అష్టమీ - especially that KṛṣṇaPakṣa కృష్ణపక్ష - that is known as Kālāṣṭamī కాలాష్టమీ - and the merits of doing so.
He advises about worshiping Him with Mahādevī మహాదేవీ and His gaṇa-s గణాః; and worshiping His Aśṭamūrti అష్టమూర్తి.
He also advises about the ŚivaStutiḥ శివస్తుతిః and Kālabhairavāṣṭakam కాలభైరవాష్టకమ్; the latter being meant to be recited for worshiping Bhairava Kālarāja భైరవ కాలరాజ.
Selected Śloka-s from the Chapter are presented on this page.
Further details are mentioned in the Adhyāyaḥ 35 - Kṛṣṇāṣṭamīvratodyāpanakathanam అధ్యాయః ౩౫ - కృష్ణాష్టమీవ్రతోద్యాపనకథనమ్.
The Kālāṣṭamīkṛte ŚivaStutiḥ కాలాష్టమీకృతే శివస్తుతిః and the Kālabhairavāṣṭakam కాలాష్టకమ్ can be accessed from the links given below.
Proofread by Ruma Dewan
% Text title : Ishvaraproktam Ashtamipujakathanam
% File name : IshvaraproktaMaShTamIpUjAkathanam.itx
% itxtitle : aShTamIpUjAkathanam IshvaraproktaM (shivarahasyAntargatam)
% engtitle : IshvaraproktaM aShTamIpUjAkathanam
% Category : shiva, shivarahasya, pUjA
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | mahAdevAkhyaH ekAdashamAMshaH | adhyAyaH 34 aShTamIpUjAkathanam | vAvRittashlokAH ||
% Indexextra : (Scan, shivastutiH, kAlabhairavAShTakam)
% Latest update : October 29, 2024
% Send corrections to : sanskrit at cheerful dot c om
% Site access : https://sanskritdocuments.org