दक्षिणामूर्तिस्तोत्रम् समरपुङ्गवदीक्षितकृतम् आधिक्यम् अस्माज्जगतोऽधिगन्तुं विश्वाधिकोक्तेर्विषयं प्रपद्ये कालग्रहग्राहभयापनुत्त्यै कृतान्तशिक्षाकृतिनं प्रपद्ये शृङ्गारभूजृम्भणवारणाय प्रसूनकोदण्डरिपुं प्रपद्ये विनेतुम् आर्तिं विषयाध्वजन्यां वटद्रुमाधोवसतिं प्रपद्ये मोहातिरेकस्मयमोषणाय पादार्दितापस्मरणं प्रपद्ये कर्माटवीपाटनकौतुकेन पाणौ विराजत्परशुं प्रपद्ये विशुद्धविज्ञानविकासहेतोः प्रबोधमुद्राभरितं प्रपद्ये तापत्रयाटोपसमापनाय प्रालेयधामाभरणं प्रपद्ये वैमल्यसम्पादनवाञ्छयाऽहं मन्दाकिनीमाल्यधरं प्रपद्ये प्रसादलाभं परम् ईहमानो मुग्धस्मितोल्लासिमुखं प्रपद्ये व्यथाम् अशेषाम् अपनेतुकामो नाम्ना मृडं नाथम् अहं प्रपद्ये अनाद्यविद्याशमनं प्रपद्ये नाम्ना महिम्नाऽपि च शङ्करं त्वाम्१ सर्वज्ञतासारभृतं प्रपद्ये निस्सीमसौहित्यनिधिं प्रपद्ये अनादिबोधायतनं प्रपद्ये स्वतन्त्रतायाः सदनं प्रपद्ये हरं प्रपद्येऽहम् अलुप्तशक्तिम् अमेयसामर्थ्यम् अहं प्रपद्ये शिवं प्रपद्ये जनकं विधातुः ईशं हृषीकेशगुरुं प्रपद्ये एवं प्रपत्तिम् ईशाने तन्वते तत्त्वदर्शिनः तत्क्रतुन्यायरसिकाः तत्तादृशफलाप्तये 89 १एतत् श्लोकार्धं श्रीचन्द्रशेखरेन्द्रसरस्वतीश्रीपादैः पूरितम् इति मद्रपुरीवास्तव्यैः प्राध्यापकवीऴिनाथमहाभागैः निवेदितम्। ॥इति श्री-समरपुङ्गवदीक्षितकृतयात्राप्रबन्धग्रन्थे विद्यमानं श्री-दक्षिणामूर्तिस्तोत्रम् सम्पूर्णम्॥

దక్షిణామూర్తిస్తోత్రమ్ సమరపుఙ్గవదీక్షితకృతమ్ ఆధిక్యమ్ అస్మాజ్జగతోఽధిగన్తుం విశ్వాధికోక్తేర్విషయం ప్రపద్యే కాలగ్రహగ్రాహభయాపనుత్త్యై కృతాన్తశిక్షాకృతినం ప్రపద్యే శృఙ్గారభూజృమ్భణవారణాయ ప్రసూనకోదణ్డరిపుం ప్రపద్యే వినేతుమ్ ఆర్తిం విషయాధ్వజన్యాం వటద్రుమాధోవసతిం ప్రపద్యే మోహాతిరేకస్మయమోషణాయ పాదార్దితాపస్మరణం ప్రపద్యే కర్మాటవీపాటనకౌతుకేన పాణౌ విరాజత్పరశుం ప్రపద్యే విశుద్ధవిజ్ఞానవికాసహేతోః ప్రబోధముద్రాభరితం ప్రపద్యే తాపత్రయాటోపసమాపనాయ ప్రాలేయధామాభరణం ప్రపద్యే వైమల్యసమ్పాదనవాఞ్ఛయాఽహం మన్దాకినీమాల్యధరం ప్రపద్యే ప్రసాదలాభం పరమ్ ఈహమానో ముగ్ధస్మితోల్లాసిముఖం ప్రపద్యే వ్యథామ్ అశేషామ్ అపనేతుకామో నామ్నా మృడం నాథమ్ అహం ప్రపద్యే అనాద్యవిద్యాశమనం ప్రపద్యే నామ్నా మహిమ్నాఽపి చ శఙ్కరం త్వామ్౧ సర్వజ్ఞతాసారభృతం ప్రపద్యే నిస్సీమసౌహిత్యనిధిం ప్రపద్యే అనాదిబోధాయతనం ప్రపద్యే స్వతన్త్రతాయాః సదనం ప్రపద్యే హరం ప్రపద్యేఽహమ్ అలుప్తశక్తిమ్ అమేయసామర్థ్యమ్ అహం ప్రపద్యే శివం ప్రపద్యే జనకం విధాతుః ఈశం హృషీకేశగురుం ప్రపద్యే ఏవం ప్రపత్తిమ్ ఈశానే తన్వతే తత్త్వదర్శినః తత్క్రతున్యాయరసికాః తత్తాదృశఫలాప్తయే 89 ౧ఏతత్ శ్లోకార్ధం శ్రీచన్ద్రశేఖరేన్ద్రసరస్వతీశ్రీపాదైః పూరితమ్ ఇతి మద్రపురీవాస్తవ్యైః ప్రాధ్యాపకవీఴినాథమహాభాగైః నివేదితమ్। ॥ఇతి శ్రీ-సమరపుఙ్గవదీక్షితకృతయాత్రాప్రబన్ధగ్రన్థే విద్యమానం శ్రీ-దక్షిణామూర్తిస్తోత్రమ్ సమ్పూర్ణమ్॥

dakṣiṇāmūrtistotram samarapuṅgavadīkṣitakṛtam ādhikyam asmājjagato'dhigantuṃ viśvādhikokterviṣayaṃ prapadye kālagrahagrāhabhayāpanuttyai kṛtāntaśikṣākṛtinaṃ prapadye śṛṅgārabhūjṛmbhaṇavāraṇāya prasūnakodaṇḍaripuṃ prapadye vinetum ārtiṃ viṣayādhvajanyāṃ vaṭadrumādhovasatiṃ prapadye mohātirekasmayamoṣaṇāya pādārditāpasmaraṇaṃ prapadye karmāṭavīpāṭanakautukena pāṇau virājatparaśuṃ prapadye viśuddhavijñānavikāsahetoḥ prabodhamudrābharitaṃ prapadye tāpatrayāṭopasamāpanāya prāleyadhāmābharaṇaṃ prapadye vaimalyasampādanavāñchayā'haṃ mandākinīmālyadharaṃ prapadye prasādalābhaṃ param īhamāno mugdhasmitollāsimukhaṃ prapadye vyathām aśeṣām apanetukāmo nāmnā mṛḍaṃ nātham ahaṃ prapadye anādyavidyāśamanaṃ prapadye nāmnā mahimnā'pi ca śaṅkaraṃ tvām1 sarvajñatāsārabhṛtaṃ prapadye nissīmasauhityanidhiṃ prapadye anādibodhāyatanaṃ prapadye svatantratāyāḥ sadanaṃ prapadye haraṃ prapadye'ham aluptaśaktim ameyasāmarthyam ahaṃ prapadye śivaṃ prapadye janakaṃ vidhātuḥ īśaṃ hṛṣīkeśaguruṃ prapadye evaṃ prapattim īśāne tanvate tattvadarśinaḥ tatkratunyāyarasikāḥ tattādṛśaphalāptaye 89 1etat ślokārdhaṃ śrīcandraśekharendrasarasvatīśrīpādaiḥ pūritam iti madrapurīvāstavyaiḥ prādhyāpakavīḻināthamahābhāgaiḥ niveditam| ||iti śrī-samarapuṅgavadīkṣitakṛtayātrāprabandhagranthe vidyamānaṃ śrī-dakṣiṇāmūrtistotram sampūrṇam||