कामाक्षी-स्तोत्रम् कल्पानोकह-पुष्प-जाल-विलसन्-नीलालकां मातृकां कान्तां कञ्ज-दलेक्षणां कलि-मल-प्रध्वंसिनीं कालिकाम् काञ्ची-नूपुर-हार-दाम-सुभगां काञ्ची-पुरी-नायिकां कामाक्षीं करि-कुम्भ-सन्निभ-कुचां वन्दे महेशप्रियाम् काशाभांशुक-भासुरां प्रविलसत्-कोशातकी-सन्निभां चन्द्रार्कानल-लोचनां सुरुचिरालङ्कार-भूषोज्ज्वलाम् ब्रह्म-श्रीपति-वासवादि-मुनिभिः संसेविताङ्घ्रि-द्वयां कामाक्षीं गज-राज-मन्द-गमनां वन्दे महेशप्रियाम् ऐं क्लीं सौर्-इति यां वदन्ति मुनयस्तत्त्वार्थ-रूपां परां वाचाम् आदिम-कारणं हृदि सदा ध्यायन्ति यां योगिनः बालां फाल-विलोचनां नव-जपा-वर्णां सुषुम्नाश्रितां कामाक्षीं कलितावतंस-सुभगां वन्दे महेशप्रियाम् यत्पादाम्बुज-रेणु-लेशम् अनिशं लब्ध्वा विधत्ते विधिर्- विश्वं तत् परिपाति विष्णुरखिलं यस्याः प्रसादाच्चिरम् रुद्रः संहरति क्षणात् तदखिलं यन्मायया मोहितः कामाक्षीम् अति-चित्र-चारु-चरितां वन्दे महेशप्रियाम् सूक्ष्मात् सूक्ष्म-तरां सुलक्षित-तनुं क्षान्ताक्षरैर्लक्षितां वीक्षा-शिक्षित-राक्षसां त्रिभुवन-क्षेमङ्करीम् अक्षयाम् साक्षाल्लक्षण-लक्षिताक्षर-मयीं दाक्षायणीं साक्षिणीं कामाक्षीं शुभलक्षणैः सुललितां वन्दे महेशप्रियाम् ओङ्काराङ्गण-दीपिकाम् उपनिषत्-प्रासाद-पारावतीम् आम्नायाम्बुधि-चन्द्रिकाम् अघ-तमः-प्रध्वंस-हंस-प्रभाम् काञ्ची-पट्टण-पञ्जरान्तर-शुकीं कारुण्य-कल्लोलिनीं कामाक्षीं शिव-कामराज-महिषीं वन्दे महेशप्रियाम् ह्रीङ्कारात्मक-वर्ण-मात्र-पठनादैन्द्रीं श्रियं तन्वतीं चिन्मात्रां भुवनेश्वरीम् अनुदिनं भिक्षा-प्रदान-क्षमाम् विश्वाघौघ-निवारिणीं विमलिनीं विश्वम्भरां मातृकां कामाक्षीं परिपूर्ण-चन्द्र-वदनां वन्दे महेशप्रियाम् वाग्-देवीति च यां वदन्ति मुनयः क्षीराब्धि-कन्येति च क्षोणी-भृत्-तनयेति च श्रुति-गिरो याम् आमनन्ति स्फुटम् एकानेक-फल-प्रदां बहु-विधाऽऽकारास्तनूस्तन्वतीं कामाक्षीं सकलार्ति-भञ्जन-परां वन्दे महेशप्रियाम् मायाम् आदिम-कारणं त्रिजगताम् आराधिताङ्घ्रि-द्वयाम् आनन्दामृत-वारि-राशि-निलयां विद्यां विपश्चिद्धियाम् माया-मानुष-रूपिणीं मणि-लसन्मध्यां महामातृकां कामाक्षीं करिराज-मन्दगमनां वन्दे महेशप्रियाम् कान्ता काम-दुघा करीन्द्र-गमना कामारि-वामाङ्क-गा कल्याणी कलितावतार-सुभगा कस्तूरिका-चर्चिता कम्पा-तीर-रसाल-मूल-निलया कारुण्य-कल्लोलिनी कल्याणानि करोतु मे भगवती काञ्ची-पुरी-देवता ॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-कामाक्षीस्तोत्रं सम्पूर्णम्॥

కామాక్షీ-స్తోత్రమ్ కల్పానోకహ-పుష్ప-జాల-విలసన్-నీలాలకాం మాతృకాం కాన్తాం కఞ్జ-దలేక్షణాం కలి-మల-ప్రధ్వంసినీం కాలికామ్ కాఞ్చీ-నూపుర-హార-దామ-సుభగాం కాఞ్చీ-పురీ-నాయికాం కామాక్షీం కరి-కుమ్భ-సన్నిభ-కుచాం వన్దే మహేశప్రియామ్ కాశాభాంశుక-భాసురాం ప్రవిలసత్-కోశాతకీ-సన్నిభాం చన్ద్రార్కానల-లోచనాం సురుచిరాలఙ్కార-భూషోజ్జ్వలామ్ బ్రహ్మ-శ్రీపతి-వాసవాది-మునిభిః సంసేవితాఙ్ఘ్రి-ద్వయాం కామాక్షీం గజ-రాజ-మన్ద-గమనాం వన్దే మహేశప్రియామ్ ఐం క్లీం సౌర్-ఇతి యాం వదన్తి మునయస్తత్త్వార్థ-రూపాం పరాం వాచామ్ ఆదిమ-కారణం హృది సదా ధ్యాయన్తి యాం యోగినః బాలాం ఫాల-విలోచనాం నవ-జపా-వర్ణాం సుషుమ్నాశ్రితాం కామాక్షీం కలితావతంస-సుభగాం వన్దే మహేశప్రియామ్ యత్పాదామ్బుజ-రేణు-లేశమ్ అనిశం లబ్ధ్వా విధత్తే విధిర్- విశ్వం తత్ పరిపాతి విష్ణురఖిలం యస్యాః ప్రసాదాచ్చిరమ్ రుద్రః సంహరతి క్షణాత్ తదఖిలం యన్మాయయా మోహితః కామాక్షీమ్ అతి-చిత్ర-చారు-చరితాం వన్దే మహేశప్రియామ్ సూక్ష్మాత్ సూక్ష్మ-తరాం సులక్షిత-తనుం క్షాన్తాక్షరైర్లక్షితాం వీక్షా-శిక్షిత-రాక్షసాం త్రిభువన-క్షేమఙ్కరీమ్ అక్షయామ్ సాక్షాల్లక్షణ-లక్షితాక్షర-మయీం దాక్షాయణీం సాక్షిణీం కామాక్షీం శుభలక్షణైః సులలితాం వన్దే మహేశప్రియామ్ ఓఙ్కారాఙ్గణ-దీపికామ్ ఉపనిషత్-ప్రాసాద-పారావతీమ్ ఆమ్నాయామ్బుధి-చన్ద్రికామ్ అఘ-తమః-ప్రధ్వంస-హంస-ప్రభామ్ కాఞ్చీ-పట్టణ-పఞ్జరాన్తర-శుకీం కారుణ్య-కల్లోలినీం కామాక్షీం శివ-కామరాజ-మహిషీం వన్దే మహేశప్రియామ్ హ్రీఙ్కారాత్మక-వర్ణ-మాత్ర-పఠనాదైన్ద్రీం శ్రియం తన్వతీం చిన్మాత్రాం భువనేశ్వరీమ్ అనుదినం భిక్షా-ప్రదాన-క్షమామ్ విశ్వాఘౌఘ-నివారిణీం విమలినీం విశ్వమ్భరాం మాతృకాం కామాక్షీం పరిపూర్ణ-చన్ద్ర-వదనాం వన్దే మహేశప్రియామ్ వాగ్-దేవీతి చ యాం వదన్తి మునయః క్షీరాబ్ధి-కన్యేతి చ క్షోణీ-భృత్-తనయేతి చ శ్రుతి-గిరో యామ్ ఆమనన్తి స్ఫుటమ్ ఏకానేక-ఫల-ప్రదాం బహు-విధాఽఽకారాస్తనూస్తన్వతీం కామాక్షీం సకలార్తి-భఞ్జన-పరాం వన్దే మహేశప్రియామ్ మాయామ్ ఆదిమ-కారణం త్రిజగతామ్ ఆరాధితాఙ్ఘ్రి-ద్వయామ్ ఆనన్దామృత-వారి-రాశి-నిలయాం విద్యాం విపశ్చిద్ధియామ్ మాయా-మానుష-రూపిణీం మణి-లసన్మధ్యాం మహామాతృకాం కామాక్షీం కరిరాజ-మన్దగమనాం వన్దే మహేశప్రియామ్ కాన్తా కామ-దుఘా కరీన్ద్ర-గమనా కామారి-వామాఙ్క-గా కల్యాణీ కలితావతార-సుభగా కస్తూరికా-చర్చితా కమ్పా-తీర-రసాల-మూల-నిలయా కారుణ్య-కల్లోలినీ కల్యాణాని కరోతు మే భగవతీ కాఞ్చీ-పురీ-దేవతా ॥ఇతి శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య శ్రీమచ్ఛఙ్కరభగవతః కృతౌ శ్రీ-కామాక్షీస్తోత్రం సమ్పూర్ణమ్॥

kāmākṣī-stotram kalpānokaha-puṣpa-jāla-vilasan-nīlālakāṃ mātṛkāṃ kāntāṃ kañja-dalekṣaṇāṃ kali-mala-pradhvaṃsinīṃ kālikām kāñcī-nūpura-hāra-dāma-subhagāṃ kāñcī-purī-nāyikāṃ kāmākṣīṃ kari-kumbha-sannibha-kucāṃ vande maheśapriyām kāśābhāṃśuka-bhāsurāṃ pravilasat-kośātakī-sannibhāṃ candrārkānala-locanāṃ surucirālaṅkāra-bhūṣojjvalām brahma-śrīpati-vāsavādi-munibhiḥ saṃsevitāṅghri-dvayāṃ kāmākṣīṃ gaja-rāja-manda-gamanāṃ vande maheśapriyām aiṃ klīṃ saur-iti yāṃ vadanti munayastattvārtha-rūpāṃ parāṃ vācām ādima-kāraṇaṃ hṛdi sadā dhyāyanti yāṃ yoginaḥ bālāṃ phāla-vilocanāṃ nava-japā-varṇāṃ suṣumnāśritāṃ kāmākṣīṃ kalitāvataṃsa-subhagāṃ vande maheśapriyām yatpādāmbuja-reṇu-leśam aniśaṃ labdhvā vidhatte vidhir- viśvaṃ tat paripāti viṣṇurakhilaṃ yasyāḥ prasādācciram rudraḥ saṃharati kṣaṇāt tadakhilaṃ yanmāyayā mohitaḥ kāmākṣīm ati-citra-cāru-caritāṃ vande maheśapriyām sūkṣmāt sūkṣma-tarāṃ sulakṣita-tanuṃ kṣāntākṣarairlakṣitāṃ vīkṣā-śikṣita-rākṣasāṃ tribhuvana-kṣemaṅkarīm akṣayām sākṣāllakṣaṇa-lakṣitākṣara-mayīṃ dākṣāyaṇīṃ sākṣiṇīṃ kāmākṣīṃ śubhalakṣaṇaiḥ sulalitāṃ vande maheśapriyām oṅkārāṅgaṇa-dīpikām upaniṣat-prāsāda-pārāvatīm āmnāyāmbudhi-candrikām agha-tamaḥ-pradhvaṃsa-haṃsa-prabhām kāñcī-paṭṭaṇa-pañjarāntara-śukīṃ kāruṇya-kallolinīṃ kāmākṣīṃ śiva-kāmarāja-mahiṣīṃ vande maheśapriyām hrīṅkārātmaka-varṇa-mātra-paṭhanādaindrīṃ śriyaṃ tanvatīṃ cinmātrāṃ bhuvaneśvarīm anudinaṃ bhikṣā-pradāna-kṣamām viśvāghaugha-nivāriṇīṃ vimalinīṃ viśvambharāṃ mātṛkāṃ kāmākṣīṃ paripūrṇa-candra-vadanāṃ vande maheśapriyām vāg-devīti ca yāṃ vadanti munayaḥ kṣīrābdhi-kanyeti ca kṣoṇī-bhṛt-tanayeti ca śruti-giro yām āmananti sphuṭam ekāneka-phala-pradāṃ bahu-vidhā''kārāstanūstanvatīṃ kāmākṣīṃ sakalārti-bhañjana-parāṃ vande maheśapriyām māyām ādima-kāraṇaṃ trijagatām ārādhitāṅghri-dvayām ānandāmṛta-vāri-rāśi-nilayāṃ vidyāṃ vipaściddhiyām māyā-mānuṣa-rūpiṇīṃ maṇi-lasanmadhyāṃ mahāmātṛkāṃ kāmākṣīṃ karirāja-mandagamanāṃ vande maheśapriyām kāntā kāma-dughā karīndra-gamanā kāmāri-vāmāṅka-gā kalyāṇī kalitāvatāra-subhagā kastūrikā-carcitā kampā-tīra-rasāla-mūla-nilayā kāruṇya-kallolinī kalyāṇāni karotu me bhagavatī kāñcī-purī-devatā ||iti śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-kāmākṣīstotraṃ sampūrṇam||