श्रीकाञ्चीकामकोटिपीठजगद्गुरुपरम्परास्तवः
(पञ्चषष्टितमैः पीठाधिपतिभिः श्रीमत्सुदर्शनमहादेवेन्द्रसरस्वतीश्रीचरणैः प्रणीतः)
नारायणं पद्मभुवं वसिष्ठं
शक्तिं च तत्पुत्रपराशरं च
व्यासं शुकं गौडपदं महान्तं
गोविन्दयोगीन्द्रमथास्य शिष्यम्
श्रीशङ्कराचार्यमथास्य पद्मपादं च हस्तामलकं च शिष्यम्
तं तोटकं वार्तिककारमन्यान् अस्मद्गुरून् सन्ततमानतोऽस्मि
सदाशिवसमारम्भां शङ्कराचार्यमध्यमाम्
अस्मदाचार्यपर्यन्तां वन्दे गुरुपरम्पराम्
सर्वतन्त्रस्वतन्त्राय सदाऽऽत्माद्वैतवेदिने
श्रीमते शङ्करार्याय वेदान्तगुरवे नमः
अविप्लुतब्रह्मचर्यान् अन्वितेन्द्रसरस्वतीन्
आत्तमिथ्यावारपथान् अद्वैताचार्यसङ्कथान्
आसेतुहिमवच्छैलं सदाचारप्रवर्तकान्
जगद्गुरून् स्तुमः काञ्चीशारदामठसंश्रयान्
पवित्रितेतराद्वैतमठपीठीशिरोभुवे
श्रीकाञ्चीशारदापीठगुरवे भवभीरवे
वार्तिकादिब्रह्मविद्याकर्त्रे ब्रह्मावतारिणे
सुरेश्वराचार्यनाम्ने योगीन्द्राय नमो नमः
अपोऽश्नन्नेव जैनान् य आप्राग्ज्योतिषमाच्छिनत्
शिशुमाचार्यवाग्वेणीरयरोधिमहोबलम्
सङ्क्षेपशारीरमुखप्रबन्धविवृताद्वयम्
ब्रह्मस्वरूपार्यभाष्यशान्त्याचार्यकपण्डितम्
सर्वज्ञचन्द्रनाम्ना च सर्वतो भुवि विश्रुतम्
सर्वज्ञसद्गुरुं वन्दे सर्वज्ञमिव भूगतम्
मेधाविनं सत्यबोधं व्याधूतविमतोच्चयम्
प्राच्यभाष्यत्रयव्याख्याप्रवीणं प्रभुमाश्रये
ज्ञानानन्दमुनीन्द्रार्यं ज्ञानोत्तमपराभिधम्
चन्द्रचूडपदासक्तं चन्द्रिकाकृतमाश्रये
शुद्धानन्दमुनीन्द्राणां विद्धार्हतमतत्विषाम्
आनन्दज्ञानसेव्यानाम् आलम्बे चरणाम्बुजम्
सर्वशाङ्करभाष्यौघभाष्यकर्तारमद्वयम्
सर्ववार्तिकसद्वृत्तिकृतं श्रीशैलगं भजे
कैवल्यानन्दयोगीन्द्रान् केवलं राजयोगिनः
कैवल्यमात्रनिरतान् कलयेम जगद्गुरून्
श्रीकृपाशङ्करार्याणां मर्यादातीततेजसाम्
षण्मताचार्यकजुषाम् अङ्घ्रिद्वन्द्वमहं श्रये
महिष्ठाय नमस्तस्मै महादेवाय योगिने
सुरेश्वरापराख्याय गुरवे दोषभीरवे
स्तुमः सदा शिवानन्दचिद्घनेन्द्रसरस्वतीन्
कामाक्षीचन्द्रमौल्यर्चाकलनैकलसन्मतीन्
सार्वभौमाभिधमहाव्रतचर्यापरायणान्
वन्दे जगद्गुरूंश्चन्द्रशेखरेन्द्रसरस्वतीन्
समाद्वात्रिंशदत्युग्रकाष्ठमौनसमाश्रयान्
जितमृत्यून् महालिङ्गभूतान् सच्चिद्घनान् नुमः
महाभैरवदुस्तन्त्रदुर्दान्तध्वान्तभास्करान्
विद्याघनान् नमस्यामि सर्वविद्याविचक्षणान्
आचार्यपदपाथोजपरिचर्यापरायणम्
गङ्गाधरं नमस्यामः सदा गङ्गाधरार्चकम्
जगज्जयिसुसौराष्ट्रजरदृष्टिमदापहान्
शकसिल्हकदर्पघ्नान् ईडीमहि महायतीन्
चतुस्समुद्रीक्रोडस्थवर्णाश्रमविचारकान्
श्रितविप्रव्रजस्कन्धसुवर्णान्दोलिकाचरान्
प्रत्यहं ब्रह्मसाहस्रसन्तर्पणधृतव्रतान्
सदाशिवसमाह्वानान् स्मरामः सद्गुरून् सदा
मायालोकायतीभूतबृहस्पतिमदापहान्
वन्दे सुरेन्द्रवन्द्याङ्घ्रीन् श्रीसुरेन्द्रसरस्वतीन्
श्रीविद्याकरुणालब्धब्रह्मविद्याहृतामयान्
वन्दे वशंवदप्राणान् मुनीन् विद्याघनान् मुहुः
विद्याघनकृपालब्धसर्ववेदान्तविस्तरम्
कौतस्कुतोत्पातकेतुं निश्शङ्कं नौमि शङ्करम्
चन्द्रचूडपदध्यानप्राप्तानन्दमहोदधीन्
यतीन्द्रांश्चन्द्रचूडेन्द्रान् स्मरामि मनसा सदा
नमामि परिपूर्णश्रीबोधान् ग्रावाभिलापकान्
यदीक्षणात् पलायन्त प्राणिनामामयाधयः
सच्चित्सुखान् प्रपद्येऽहं सुखम् आप्तगुहास्थितीन्
चित्सुखाचार्यमीडेऽहं सत्सुखं कोङ्कणाश्रयम्
भजे श्रीसच्चिदानन्दघनेन्द्रान् रससाधनात्
लिङ्गात्मना परिणतान् प्रभासे योगसंश्रिते
भगवत्पादपादाब्जासक्तिनिर्णिक्तमानसान्
प्रज्ञाघनं चिद्विलासं महादेवं च मैथिलम्
पूर्णबोधं च बोधं च भक्तियोगप्रवर्तकम्
ब्रह्मानन्दघनेन्द्रं च नमामि नियतात्मनः
चिदानन्दघनेन्द्राणां लम्बिकायोगसेविनाम्
जीर्णपर्णाशिनां पादौ प्रपद्ये मनसा सदा
सच्चिदानन्दनामानं शिवार्चनपरायणम्
भाषापञ्चदशीप्राज्ञं भावयामि सदा मुदा
भूप्रदक्षिणकर्मैकसक्तं श्रीचन्द्रशेखरम्
त्रातदावाग्निसन्दग्धकिशोरकमुपास्महे
चित्सुखेन्द्रं सुखेनैव क्रान्तसह्यगुहागृहम्
कामरूपचरं नानारूपवन्तमुपास्महे
निर्दोषसंयमधरान् चित्सुखानन्दतापसान्
विद्याघनेन्द्रान् श्रीविद्यावशीकृतजनान् स्तुमः
शङ्करेन्द्रयतीन्द्राणां पादुके ब्रह्मसम्भृते
नमामि शिरसा याभ्यां त्रीन् लोकान् व्यचरन्मुनिः
सच्चिद्विलासयोगीन्द्रं महादेवेन्द्रमुज्ज्वलम्
गङ्गाधरेन्द्रमप्येतान् नौमि वादिशिरोमणीन्
ब्रह्मानन्दघनेन्द्राख्यांस्तथाऽऽनन्दघनान् अपि
पूर्णबोधमहर्षींश्च ज्ञाननिष्ठानुपास्महे
वृत्त्याऽऽजगर्या श्रीशैलगुहागृहकृतस्थितीन्
श्रीमत्परशिवाभिख्यान् सर्वातीतान् श्रये सदा
अन्योन्यसदृशान्योन्यौ बोधश्रीचन्द्रशेखरौ
प्रणवोपासनासक्तमानसौ मनसा श्रये
मुक्तिलिङ्गार्चनानन्दविस्मृताशेषवृत्तये
चिदम्बररहस्यन्तर्लीनदेहाय योगिने
अद्वैतानन्दसाम्राज्यविद्रुताशेषपाप्मने
अद्वैतानन्दबोधाय नमो ब्रह्म समीयुषे
श्रये महादेवचन्द्रशेखरेन्द्रमहामुनी
महाव्रतसमारब्धकोटिहोमान्तगामिनौ
विद्यातीर्थसमाह्वानान् श्रीविद्यानाथयोगिनः
विद्यया शङ्करप्रख्यान् विद्यारण्यगुरून् भजे
सच्चिद्घनेन्द्रान् अद्वैतब्रह्मानन्दमुनीनपि
सान्द्रानन्दयतीन्द्रांश्च तथाप्यद्वैतशेवधीन्
महादेवशिवाद्वैतसुखानन्दयतीश्वरौ
मनसा भावये नित्यं महासंयमधारिणौ
वीक्षणात् सर्वभूतानां विषव्याधिनिबर्हणम्
शिवयोगीश्वरं साक्षाच्चिन्तयामि सदा मुदा
प्रत्यग्ज्योतिःप्रकाशेन्द्रान् प्रत्यग्ज्योतिरुपासिनः
न्यक्कृताशेषदुस्तर्ककार्कश्यान् सततं स्तुमः
शङ्करानन्दयोगीन्द्रपदपङ्कजयोर्युगम्
बुक्कभूपशिरोरत्नं स्मरामि सततं हृदा
श्रीपूर्णानन्दमौनीन्द्रं नेपालनृपदेशिकम्
अव्याहतस्वसञ्चारं संश्रयामि जगद्गुरुम्
महादेवश्च तच्छिष्यश्चन्द्रशेखरयोग्यपि
स्तां मे हृदि सदा धीरावद्वैतमतदेशिकौ
प्रवीरसेतुभूपालसेविताङ्घ्रिसरोरुहान्
भजे सदाशिवेन्द्रश्रीबोधेश्वरगुरून् सदा
सदाशिवश्रीब्रह्मेन्द्रधृतस्वपदपादुकान्
धीरान् परशिवेन्द्रार्यान् ध्यायामि सततं हृदि
आत्मबोधयतीन्द्राणाम् आशीताचलचारिणाम्
अन्यश्रीशङ्कराचार्यधीकृतामङ्घ्रिमाश्रये
भगवन्नामसाम्राज्यलक्ष्मीसर्वस्वविग्रहान्
श्रीमद् बोधेन्द्रयोगीन्द्रदेशिकेन्द्रानुपास्महे
अद्वैतात्मप्रकाशाय सर्वशास्त्रार्थवेदिने
विधूतसर्वभेदाय नमो विश्वातिशायिने
आ सप्तमाज्जीर्णपर्णजलवातारुणांशुभिः
कृतस्वप्राणयात्राय महादेवाय सन्नतिः
चोलकेरलचेरौड्रपाण्ड्यकर्णाटकोङ्कणान्
महाराष्ट्रान्ध्रसौराष्ट्रमगधादींश्च भूभुजः
शिष्यान् आसेतुशीताद्रि शासते पुण्यकर्मणे
श्रीचन्द्रशेखरेन्द्राय जगतो गुरवे नमः
निष्पापवृत्तये नित्यनिर्धूतभवकॢप्तये
महादेवाय सततं नमोऽस्तु नतरक्षिणे
श्रीविद्योपासनादार्ढ्यवशीकृतचराचरान्
श्रीचन्द्रशेखरेन्द्रार्यान् शङ्करप्रतिमान् नुमः
श्रीकाञ्चीशारदापीठसंस्थितानाम् इमां क्रमात्
स्तुतिं जगद्गुरूणां यः पठेत् स सुखभाग् भवेत्
॥परिशिष्टम् - १॥
(अत्र १-४ पद्यानि पोलहग्रामाभिजनैः श्रीरामशास्त्रिभिः प्रकाशितानि। ५ पद्यं नवषष्टितमैः पीठाधिपतिभिः श्रीमज्जयेन्द्रसरस्वतीश्रीपादैः रचितम्। ६-७ पद्ये शिमिलिग्रामाभिजनैः राधाकृष्णशास्त्रिभिः विरचिते।)
कलानन्दपरब्रह्मानन्दानुभवतुन्दिलान्
महादेवेन्द्रयमिनः सततं संश्रये हृदा
प्रतिदिनविहितश्रीचन्द्रमौलीश्वरार्चा-
प्रसितसकलदेहः प्रौढपुण्यानुभावः
मनसि सततमास्तां श्रीमहादेवनामा
मम गुरुरितकाञ्चीशारदापीठसीमा
अतिबाल्यविधृतसंयमविमलमनःसेवितेशचरणयुगान्
श्रीचन्द्रशेखरेन्द्रान् साम्प्रतमाचार्यशेखरान् प्रणुमः
लक्ष्मीनारायण इति पूर्वाश्रमनामभूषितं शान्तम्
ऋग्वेदे सम्यगधीतिनं महादेवमाश्रयामि गुरुम्
अपारकरुणासिन्धुं ज्ञानदं शान्तरूपिणम्
श्रीचन्द्रशेखरगुरुं प्रणमामि मुदाऽन्वहम्
परित्यज्य मौनं वटाधःस्थितिं च
व्रजन् भारतस्य प्रदेशात् प्रदेशम्
मधुस्यन्दिवाचा जनान् धर्ममार्गे
नयन् श्रीजयेन्द्रो गुरुर्भाति चित्ते
नमामः शङ्करान्वाख्यविजयेन्द्रसरस्वतीम्
श्रीगुरुं शिष्टमार्गानुनेतारं सन्मतिप्रदम्
देवे देहे च देशे च भक्त्यारोग्य-सुख-प्रदम्
बुध-पामर-सेव्यं तं श्री-जयेन्द्रं नमाम्यहम्
नमामः शङ्करान्वाख्य-विजयेन्द्रसरस्वतीम्
श्रीगुरुं शिष्टमार्गानुनेतारं सन्मतिप्रदम्
सत्यनारायणक्षेत्रात् सत्यव्रतमुपागतम्
आश्रये कामकोटीशं सत्यश्रीचन्द्रशेखरम्
శ్రీకాఞ్చీకామకోటిపీఠజగద్గురుపరమ్పరాస్తవః
(పఞ్చషష్టితమైః పీఠాధిపతిభిః శ్రీమత్సుదర్శనమహాదేవేన్ద్రసరస్వతీశ్రీచరణైః ప్రణీతః)
నారాయణం పద్మభువం వసిష్ఠం
శక్తిం చ తత్పుత్రపరాశరం చ
వ్యాసం శుకం గౌడపదం మహాన్తం
గోవిన్దయోగీన్ద్రమథాస్య శిష్యమ్
శ్రీశఙ్కరాచార్యమథాస్య పద్మపాదం చ హస్తామలకం చ శిష్యమ్
తం తోటకం వార్తికకారమన్యాన్ అస్మద్గురూన్ సన్తతమానతోఽస్మి
సదాశివసమారమ్భాం శఙ్కరాచార్యమధ్యమామ్
అస్మదాచార్యపర్యన్తాం వన్దే గురుపరమ్పరామ్
సర్వతన్త్రస్వతన్త్రాయ సదాఽఽత్మాద్వైతవేదినే
శ్రీమతే శఙ్కరార్యాయ వేదాన్తగురవే నమః
అవిప్లుతబ్రహ్మచర్యాన్ అన్వితేన్ద్రసరస్వతీన్
ఆత్తమిథ్యావారపథాన్ అద్వైతాచార్యసఙ్కథాన్
ఆసేతుహిమవచ్ఛైలం సదాచారప్రవర్తకాన్
జగద్గురూన్ స్తుమః కాఞ్చీశారదామఠసంశ్రయాన్
పవిత్రితేతరాద్వైతమఠపీఠీశిరోభువే
శ్రీకాఞ్చీశారదాపీఠగురవే భవభీరవే
వార్తికాదిబ్రహ్మవిద్యాకర్త్రే బ్రహ్మావతారిణే
సురేశ్వరాచార్యనామ్నే యోగీన్ద్రాయ నమో నమః
అపోఽశ్నన్నేవ జైనాన్ య ఆప్రాగ్జ్యోతిషమాచ్ఛినత్
శిశుమాచార్యవాగ్వేణీరయరోధిమహోబలమ్
సఙ్క్షేపశారీరముఖప్రబన్ధవివృతాద్వయమ్
బ్రహ్మస్వరూపార్యభాష్యశాన్త్యాచార్యకపణ్డితమ్
సర్వజ్ఞచన్ద్రనామ్నా చ సర్వతో భువి విశ్రుతమ్
సర్వజ్ఞసద్గురుం వన్దే సర్వజ్ఞమివ భూగతమ్
మేధావినం సత్యబోధం వ్యాధూతవిమతోచ్చయమ్
ప్రాచ్యభాష్యత్రయవ్యాఖ్యాప్రవీణం ప్రభుమాశ్రయే
జ్ఞానానన్దమునీన్ద్రార్యం జ్ఞానోత్తమపరాభిధమ్
చన్ద్రచూడపదాసక్తం చన్ద్రికాకృతమాశ్రయే
శుద్ధానన్దమునీన్ద్రాణాం విద్ధార్హతమతత్విషామ్
ఆనన్దజ్ఞానసేవ్యానామ్ ఆలమ్బే చరణామ్బుజమ్
సర్వశాఙ్కరభాష్యౌఘభాష్యకర్తారమద్వయమ్
సర్వవార్తికసద్వృత్తికృతం శ్రీశైలగం భజే
కైవల్యానన్దయోగీన్ద్రాన్ కేవలం రాజయోగినః
కైవల్యమాత్రనిరతాన్ కలయేమ జగద్గురూన్
శ్రీకృపాశఙ్కరార్యాణాం మర్యాదాతీతతేజసామ్
షణ్మతాచార్యకజుషామ్ అఙ్ఘ్రిద్వన్ద్వమహం శ్రయే
మహిష్ఠాయ నమస్తస్మై మహాదేవాయ యోగినే
సురేశ్వరాపరాఖ్యాయ గురవే దోషభీరవే
స్తుమః సదా శివానన్దచిద్ఘనేన్ద్రసరస్వతీన్
కామాక్షీచన్ద్రమౌల్యర్చాకలనైకలసన్మతీన్
సార్వభౌమాభిధమహావ్రతచర్యాపరాయణాన్
వన్దే జగద్గురూంశ్చన్ద్రశేఖరేన్ద్రసరస్వతీన్
సమాద్వాత్రింశదత్యుగ్రకాష్ఠమౌనసమాశ్రయాన్
జితమృత్యూన్ మహాలిఙ్గభూతాన్ సచ్చిద్ఘనాన్ నుమః
మహాభైరవదుస్తన్త్రదుర్దాన్తధ్వాన్తభాస్కరాన్
విద్యాఘనాన్ నమస్యామి సర్వవిద్యావిచక్షణాన్
ఆచార్యపదపాథోజపరిచర్యాపరాయణమ్
గఙ్గాధరం నమస్యామః సదా గఙ్గాధరార్చకమ్
జగజ్జయిసుసౌరాష్ట్రజరదృష్టిమదాపహాన్
శకసిల్హకదర్పఘ్నాన్ ఈడీమహి మహాయతీన్
చతుస్సముద్రీక్రోడస్థవర్ణాశ్రమవిచారకాన్
శ్రితవిప్రవ్రజస్కన్ధసువర్ణాన్దోలికాచరాన్
ప్రత్యహం బ్రహ్మసాహస్రసన్తర్పణధృతవ్రతాన్
సదాశివసమాహ్వానాన్ స్మరామః సద్గురూన్ సదా
మాయాలోకాయతీభూతబృహస్పతిమదాపహాన్
వన్దే సురేన్ద్రవన్ద్యాఙ్ఘ్రీన్ శ్రీసురేన్ద్రసరస్వతీన్
శ్రీవిద్యాకరుణాలబ్ధబ్రహ్మవిద్యాహృతామయాన్
వన్దే వశంవదప్రాణాన్ మునీన్ విద్యాఘనాన్ ముహుః
విద్యాఘనకృపాలబ్ధసర్వవేదాన్తవిస్తరమ్
కౌతస్కుతోత్పాతకేతుం నిశ్శఙ్కం నౌమి శఙ్కరమ్
చన్ద్రచూడపదధ్యానప్రాప్తానన్దమహోదధీన్
యతీన్ద్రాంశ్చన్ద్రచూడేన్ద్రాన్ స్మరామి మనసా సదా
నమామి పరిపూర్ణశ్రీబోధాన్ గ్రావాభిలాపకాన్
యదీక్షణాత్ పలాయన్త ప్రాణినామామయాధయః
సచ్చిత్సుఖాన్ ప్రపద్యేఽహం సుఖమ్ ఆప్తగుహాస్థితీన్
చిత్సుఖాచార్యమీడేఽహం సత్సుఖం కోఙ్కణాశ్రయమ్
భజే శ్రీసచ్చిదానన్దఘనేన్ద్రాన్ రససాధనాత్
లిఙ్గాత్మనా పరిణతాన్ ప్రభాసే యోగసంశ్రితే
భగవత్పాదపాదాబ్జాసక్తినిర్ణిక్తమానసాన్
ప్రజ్ఞాఘనం చిద్విలాసం మహాదేవం చ మైథిలమ్
పూర్ణబోధం చ బోధం చ భక్తియోగప్రవర్తకమ్
బ్రహ్మానన్దఘనేన్ద్రం చ నమామి నియతాత్మనః
చిదానన్దఘనేన్ద్రాణాం లమ్బికాయోగసేవినామ్
జీర్ణపర్ణాశినాం పాదౌ ప్రపద్యే మనసా సదా
సచ్చిదానన్దనామానం శివార్చనపరాయణమ్
భాషాపఞ్చదశీప్రాజ్ఞం భావయామి సదా ముదా
భూప్రదక్షిణకర్మైకసక్తం శ్రీచన్ద్రశేఖరమ్
త్రాతదావాగ్నిసన్దగ్ధకిశోరకముపాస్మహే
చిత్సుఖేన్ద్రం సుఖేనైవ క్రాన్తసహ్యగుహాగృహమ్
కామరూపచరం నానారూపవన్తముపాస్మహే
నిర్దోషసంయమధరాన్ చిత్సుఖానన్దతాపసాన్
విద్యాఘనేన్ద్రాన్ శ్రీవిద్యావశీకృతజనాన్ స్తుమః
శఙ్కరేన్ద్రయతీన్ద్రాణాం పాదుకే బ్రహ్మసమ్భృతే
నమామి శిరసా యాభ్యాం త్రీన్ లోకాన్ వ్యచరన్మునిః
సచ్చిద్విలాసయోగీన్ద్రం మహాదేవేన్ద్రముజ్జ్వలమ్
గఙ్గాధరేన్ద్రమప్యేతాన్ నౌమి వాదిశిరోమణీన్
బ్రహ్మానన్దఘనేన్ద్రాఖ్యాంస్తథాఽఽనన్దఘనాన్ అపి
పూర్ణబోధమహర్షీంశ్చ జ్ఞాననిష్ఠానుపాస్మహే
వృత్త్యాఽఽజగర్యా శ్రీశైలగుహాగృహకృతస్థితీన్
శ్రీమత్పరశివాభిఖ్యాన్ సర్వాతీతాన్ శ్రయే సదా
అన్యోన్యసదృశాన్యోన్యౌ బోధశ్రీచన్ద్రశేఖరౌ
ప్రణవోపాసనాసక్తమానసౌ మనసా శ్రయే
ముక్తిలిఙ్గార్చనానన్దవిస్మృతాశేషవృత్తయే
చిదమ్బరరహస్యన్తర్లీనదేహాయ యోగినే
అద్వైతానన్దసామ్రాజ్యవిద్రుతాశేషపాప్మనే
అద్వైతానన్దబోధాయ నమో బ్రహ్మ సమీయుషే
శ్రయే మహాదేవచన్ద్రశేఖరేన్ద్రమహామునీ
మహావ్రతసమారబ్ధకోటిహోమాన్తగామినౌ
విద్యాతీర్థసమాహ్వానాన్ శ్రీవిద్యానాథయోగినః
విద్యయా శఙ్కరప్రఖ్యాన్ విద్యారణ్యగురూన్ భజే
సచ్చిద్ఘనేన్ద్రాన్ అద్వైతబ్రహ్మానన్దమునీనపి
సాన్ద్రానన్దయతీన్ద్రాంశ్చ తథాప్యద్వైతశేవధీన్
మహాదేవశివాద్వైతసుఖానన్దయతీశ్వరౌ
మనసా భావయే నిత్యం మహాసంయమధారిణౌ
వీక్షణాత్ సర్వభూతానాం విషవ్యాధినిబర్హణమ్
శివయోగీశ్వరం సాక్షాచ్చిన్తయామి సదా ముదా
ప్రత్యగ్జ్యోతిఃప్రకాశేన్ద్రాన్ ప్రత్యగ్జ్యోతిరుపాసినః
న్యక్కృతాశేషదుస్తర్కకార్కశ్యాన్ సతతం స్తుమః
శఙ్కరానన్దయోగీన్ద్రపదపఙ్కజయోర్యుగమ్
బుక్కభూపశిరోరత్నం స్మరామి సతతం హృదా
శ్రీపూర్ణానన్దమౌనీన్ద్రం నేపాలనృపదేశికమ్
అవ్యాహతస్వసఞ్చారం సంశ్రయామి జగద్గురుమ్
మహాదేవశ్చ తచ్ఛిష్యశ్చన్ద్రశేఖరయోగ్యపి
స్తాం మే హృది సదా ధీరావద్వైతమతదేశికౌ
ప్రవీరసేతుభూపాలసేవితాఙ్ఘ్రిసరోరుహాన్
భజే సదాశివేన్ద్రశ్రీబోధేశ్వరగురూన్ సదా
సదాశివశ్రీబ్రహ్మేన్ద్రధృతస్వపదపాదుకాన్
ధీరాన్ పరశివేన్ద్రార్యాన్ ధ్యాయామి సతతం హృది
ఆత్మబోధయతీన్ద్రాణామ్ ఆశీతాచలచారిణామ్
అన్యశ్రీశఙ్కరాచార్యధీకృతామఙ్ఘ్రిమాశ్రయే
భగవన్నామసామ్రాజ్యలక్ష్మీసర్వస్వవిగ్రహాన్
శ్రీమద్ బోధేన్ద్రయోగీన్ద్రదేశికేన్ద్రానుపాస్మహే
అద్వైతాత్మప్రకాశాయ సర్వశాస్త్రార్థవేదినే
విధూతసర్వభేదాయ నమో విశ్వాతిశాయినే
ఆ సప్తమాజ్జీర్ణపర్ణజలవాతారుణాంశుభిః
కృతస్వప్రాణయాత్రాయ మహాదేవాయ సన్నతిః
చోలకేరలచేరౌడ్రపాణ్డ్యకర్ణాటకోఙ్కణాన్
మహారాష్ట్రాన్ధ్రసౌరాష్ట్రమగధాదీంశ్చ భూభుజః
శిష్యాన్ ఆసేతుశీతాద్రి శాసతే పుణ్యకర్మణే
శ్రీచన్ద్రశేఖరేన్ద్రాయ జగతో గురవే నమః
నిష్పాపవృత్తయే నిత్యనిర్ధూతభవకౢప్తయే
మహాదేవాయ సతతం నమోఽస్తు నతరక్షిణే
శ్రీవిద్యోపాసనాదార్ఢ్యవశీకృతచరాచరాన్
శ్రీచన్ద్రశేఖరేన్ద్రార్యాన్ శఙ్కరప్రతిమాన్ నుమః
శ్రీకాఞ్చీశారదాపీఠసంస్థితానామ్ ఇమాం క్రమాత్
స్తుతిం జగద్గురూణాం యః పఠేత్ స సుఖభాగ్ భవేత్
॥పరిశిష్టమ్ - ౧॥
(అత్ర ౧-౪ పద్యాని పోలహగ్రామాభిజనైః శ్రీరామశాస్త్రిభిః ప్రకాశితాని। ౫ పద్యం నవషష్టితమైః పీఠాధిపతిభిః శ్రీమజ్జయేన్ద్రసరస్వతీశ్రీపాదైః రచితమ్। ౬-౭ పద్యే శిమిలిగ్రామాభిజనైః రాధాకృష్ణశాస్త్రిభిః విరచితే।)
కలానన్దపరబ్రహ్మానన్దానుభవతున్దిలాన్
మహాదేవేన్ద్రయమినః సతతం సంశ్రయే హృదా
ప్రతిదినవిహితశ్రీచన్ద్రమౌలీశ్వరార్చా-
ప్రసితసకలదేహః ప్రౌఢపుణ్యానుభావః
మనసి సతతమాస్తాం శ్రీమహాదేవనామా
మమ గురురితకాఞ్చీశారదాపీఠసీమా
అతిబాల్యవిధృతసంయమవిమలమనఃసేవితేశచరణయుగాన్
శ్రీచన్ద్రశేఖరేన్ద్రాన్ సామ్ప్రతమాచార్యశేఖరాన్ ప్రణుమః
లక్ష్మీనారాయణ ఇతి పూర్వాశ్రమనామభూషితం శాన్తమ్
ఋగ్వేదే సమ్యగధీతినం మహాదేవమాశ్రయామి గురుమ్
అపారకరుణాసిన్ధుం జ్ఞానదం శాన్తరూపిణమ్
శ్రీచన్ద్రశేఖరగురుం ప్రణమామి ముదాఽన్వహమ్
పరిత్యజ్య మౌనం వటాధఃస్థితిం చ
వ్రజన్ భారతస్య ప్రదేశాత్ ప్రదేశమ్
మధుస్యన్దివాచా జనాన్ ధర్మమార్గే
నయన్ శ్రీజయేన్ద్రో గురుర్భాతి చిత్తే
నమామః శఙ్కరాన్వాఖ్యవిజయేన్ద్రసరస్వతీమ్
శ్రీగురుం శిష్టమార్గానునేతారం సన్మతిప్రదమ్
దేవే దేహే చ దేశే చ భక్త్యారోగ్య-సుఖ-ప్రదమ్
బుధ-పామర-సేవ్యం తం శ్రీ-జయేన్ద్రం నమామ్యహమ్
నమామః శఙ్కరాన్వాఖ్య-విజయేన్ద్రసరస్వతీమ్
శ్రీగురుం శిష్టమార్గానునేతారం సన్మతిప్రదమ్
సత్యనారాయణక్షేత్రాత్ సత్యవ్రతముపాగతమ్
ఆశ్రయే కామకోటీశం సత్యశ్రీచన్ద్రశేఖరమ్
śrīkāñcīkāmakoṭipīṭhajagadguruparamparāstavaḥ
(pañcaṣaṣṭitamaiḥ pīṭhādhipatibhiḥ śrīmatsudarśanamahādevendrasarasvatīśrīcaraṇaiḥ praṇītaḥ)
nārāyaṇaṃ padmabhuvaṃ vasiṣṭhaṃ
śaktiṃ ca tatputraparāśaraṃ ca
vyāsaṃ śukaṃ gauḍapadaṃ mahāntaṃ
govindayogīndramathāsya śiṣyam
śrīśaṅkarācāryamathāsya padmapādaṃ ca hastāmalakaṃ ca śiṣyam
taṃ toṭakaṃ vārtikakāramanyān asmadgurūn santatamānato'smi
sadāśivasamārambhāṃ śaṅkarācāryamadhyamām
asmadācāryaparyantāṃ vande guruparamparām
sarvatantrasvatantrāya sadā''tmādvaitavedine
śrīmate śaṅkarāryāya vedāntagurave namaḥ
aviplutabrahmacaryān anvitendrasarasvatīn
āttamithyāvārapathān advaitācāryasaṅkathān
āsetuhimavacchailaṃ sadācārapravartakān
jagadgurūn stumaḥ kāñcīśāradāmaṭhasaṃśrayān
pavitritetarādvaitamaṭhapīṭhīśirobhuve
śrīkāñcīśāradāpīṭhagurave bhavabhīrave
vārtikādibrahmavidyākartre brahmāvatāriṇe
sureśvarācāryanāmne yogīndrāya namo namaḥ
apo'śnanneva jainān ya āprāgjyotiṣamācchinat
śiśumācāryavāgveṇīrayarodhimahobalam
saṅkṣepaśārīramukhaprabandhavivṛtādvayam
brahmasvarūpāryabhāṣyaśāntyācāryakapaṇḍitam
sarvajñacandranāmnā ca sarvato bhuvi viśrutam
sarvajñasadguruṃ vande sarvajñamiva bhūgatam
medhāvinaṃ satyabodhaṃ vyādhūtavimatoccayam
prācyabhāṣyatrayavyākhyāpravīṇaṃ prabhumāśraye
jñānānandamunīndrāryaṃ jñānottamaparābhidham
candracūḍapadāsaktaṃ candrikākṛtamāśraye
śuddhānandamunīndrāṇāṃ viddhārhatamatatviṣām
ānandajñānasevyānām ālambe caraṇāmbujam
sarvaśāṅkarabhāṣyaughabhāṣyakartāramadvayam
sarvavārtikasadvṛttikṛtaṃ śrīśailagaṃ bhaje
kaivalyānandayogīndrān kevalaṃ rājayoginaḥ
kaivalyamātraniratān kalayema jagadgurūn
śrīkṛpāśaṅkarāryāṇāṃ maryādātītatejasām
ṣaṇmatācāryakajuṣām aṅghridvandvamahaṃ śraye
mahiṣṭhāya namastasmai mahādevāya yogine
sureśvarāparākhyāya gurave doṣabhīrave
stumaḥ sadā śivānandacidghanendrasarasvatīn
kāmākṣīcandramaulyarcākalanaikalasanmatīn
sārvabhaumābhidhamahāvratacaryāparāyaṇān
vande jagadgurūṃścandraśekharendrasarasvatīn
samādvātriṃśadatyugrakāṣṭhamaunasamāśrayān
jitamṛtyūn mahāliṅgabhūtān saccidghanān numaḥ
mahābhairavadustantradurdāntadhvāntabhāskarān
vidyāghanān namasyāmi sarvavidyāvicakṣaṇān
ācāryapadapāthojaparicaryāparāyaṇam
gaṅgādharaṃ namasyāmaḥ sadā gaṅgādharārcakam
jagajjayisusaurāṣṭrajaradṛṣṭimadāpahān
śakasilhakadarpaghnān īḍīmahi mahāyatīn
catussamudrīkroḍasthavarṇāśramavicārakān
śritavipravrajaskandhasuvarṇāndolikācarān
pratyahaṃ brahmasāhasrasantarpaṇadhṛtavratān
sadāśivasamāhvānān smarāmaḥ sadgurūn sadā
māyālokāyatībhūtabṛhaspatimadāpahān
vande surendravandyāṅghrīn śrīsurendrasarasvatīn
śrīvidyākaruṇālabdhabrahmavidyāhṛtāmayān
vande vaśaṃvadaprāṇān munīn vidyāghanān muhuḥ
vidyāghanakṛpālabdhasarvavedāntavistaram
kautaskutotpātaketuṃ niśśaṅkaṃ naumi śaṅkaram
candracūḍapadadhyānaprāptānandamahodadhīn
yatīndrāṃścandracūḍendrān smarāmi manasā sadā
namāmi paripūrṇaśrībodhān grāvābhilāpakān
yadīkṣaṇāt palāyanta prāṇināmāmayādhayaḥ
saccitsukhān prapadye'haṃ sukham āptaguhāsthitīn
citsukhācāryamīḍe'haṃ satsukhaṃ koṅkaṇāśrayam
bhaje śrīsaccidānandaghanendrān rasasādhanāt
liṅgātmanā pariṇatān prabhāse yogasaṃśrite
bhagavatpādapādābjāsaktinirṇiktamānasān
prajñāghanaṃ cidvilāsaṃ mahādevaṃ ca maithilam
pūrṇabodhaṃ ca bodhaṃ ca bhaktiyogapravartakam
brahmānandaghanendraṃ ca namāmi niyatātmanaḥ
cidānandaghanendrāṇāṃ lambikāyogasevinām
jīrṇaparṇāśināṃ pādau prapadye manasā sadā
saccidānandanāmānaṃ śivārcanaparāyaṇam
bhāṣāpañcadaśīprājñaṃ bhāvayāmi sadā mudā
bhūpradakṣiṇakarmaikasaktaṃ śrīcandraśekharam
trātadāvāgnisandagdhakiśorakamupāsmahe
citsukhendraṃ sukhenaiva krāntasahyaguhāgṛham
kāmarūpacaraṃ nānārūpavantamupāsmahe
nirdoṣasaṃyamadharān citsukhānandatāpasān
vidyāghanendrān śrīvidyāvaśīkṛtajanān stumaḥ
śaṅkarendrayatīndrāṇāṃ pāduke brahmasambhṛte
namāmi śirasā yābhyāṃ trīn lokān vyacaranmuniḥ
saccidvilāsayogīndraṃ mahādevendramujjvalam
gaṅgādharendramapyetān naumi vādiśiromaṇīn
brahmānandaghanendrākhyāṃstathā''nandaghanān api
pūrṇabodhamaharṣīṃśca jñānaniṣṭhānupāsmahe
vṛttyā''jagaryā śrīśailaguhāgṛhakṛtasthitīn
śrīmatparaśivābhikhyān sarvātītān śraye sadā
anyonyasadṛśānyonyau bodhaśrīcandraśekharau
praṇavopāsanāsaktamānasau manasā śraye
muktiliṅgārcanānandavismṛtāśeṣavṛttaye
cidambararahasyantarlīnadehāya yogine
advaitānandasāmrājyavidrutāśeṣapāpmane
advaitānandabodhāya namo brahma samīyuṣe
śraye mahādevacandraśekharendramahāmunī
mahāvratasamārabdhakoṭihomāntagāminau
vidyātīrthasamāhvānān śrīvidyānāthayoginaḥ
vidyayā śaṅkaraprakhyān vidyāraṇyagurūn bhaje
saccidghanendrān advaitabrahmānandamunīnapi
sāndrānandayatīndrāṃśca tathāpyadvaitaśevadhīn
mahādevaśivādvaitasukhānandayatīśvarau
manasā bhāvaye nityaṃ mahāsaṃyamadhāriṇau
vīkṣaṇāt sarvabhūtānāṃ viṣavyādhinibarhaṇam
śivayogīśvaraṃ sākṣāccintayāmi sadā mudā
pratyagjyotiḥprakāśendrān pratyagjyotirupāsinaḥ
nyakkṛtāśeṣadustarkakārkaśyān satataṃ stumaḥ
śaṅkarānandayogīndrapadapaṅkajayoryugam
bukkabhūpaśiroratnaṃ smarāmi satataṃ hṛdā
śrīpūrṇānandamaunīndraṃ nepālanṛpadeśikam
avyāhatasvasañcāraṃ saṃśrayāmi jagadgurum
mahādevaśca tacchiṣyaścandraśekharayogyapi
stāṃ me hṛdi sadā dhīrāvadvaitamatadeśikau
pravīrasetubhūpālasevitāṅghrisaroruhān
bhaje sadāśivendraśrībodheśvaragurūn sadā
sadāśivaśrībrahmendradhṛtasvapadapādukān
dhīrān paraśivendrāryān dhyāyāmi satataṃ hṛdi
ātmabodhayatīndrāṇām āśītācalacāriṇām
anyaśrīśaṅkarācāryadhīkṛtāmaṅghrimāśraye
bhagavannāmasāmrājyalakṣmīsarvasvavigrahān
śrīmad bodhendrayogīndradeśikendrānupāsmahe
advaitātmaprakāśāya sarvaśāstrārthavedine
vidhūtasarvabhedāya namo viśvātiśāyine
ā saptamājjīrṇaparṇajalavātāruṇāṃśubhiḥ
kṛtasvaprāṇayātrāya mahādevāya sannatiḥ
colakeralacerauḍrapāṇḍyakarṇāṭakoṅkaṇān
mahārāṣṭrāndhrasaurāṣṭramagadhādīṃśca bhūbhujaḥ
śiṣyān āsetuśītādri śāsate puṇyakarmaṇe
śrīcandraśekharendrāya jagato gurave namaḥ
niṣpāpavṛttaye nityanirdhūtabhavakḷptaye
mahādevāya satataṃ namo'stu natarakṣiṇe
śrīvidyopāsanādārḍhyavaśīkṛtacarācarān
śrīcandraśekharendrāryān śaṅkarapratimān numaḥ
śrīkāñcīśāradāpīṭhasaṃsthitānām imāṃ kramāt
stutiṃ jagadgurūṇāṃ yaḥ paṭhet sa sukhabhāg bhavet
||pariśiṣṭam - 1||
(atra 1-4 padyāni polahagrāmābhijanaiḥ śrīrāmaśāstribhiḥ prakāśitāni| 5 padyaṃ navaṣaṣṭitamaiḥ pīṭhādhipatibhiḥ śrīmajjayendrasarasvatīśrīpādaiḥ racitam| 6-7 padye śimiligrāmābhijanaiḥ rādhākṛṣṇaśāstribhiḥ viracite|)
kalānandaparabrahmānandānubhavatundilān
mahādevendrayaminaḥ satataṃ saṃśraye hṛdā
pratidinavihitaśrīcandramaulīśvarārcā-
prasitasakaladehaḥ prauḍhapuṇyānubhāvaḥ
manasi satatamāstāṃ śrīmahādevanāmā
mama gururitakāñcīśāradāpīṭhasīmā
atibālyavidhṛtasaṃyamavimalamanaḥseviteśacaraṇayugān
śrīcandraśekharendrān sāmpratamācāryaśekharān praṇumaḥ
lakṣmīnārāyaṇa iti pūrvāśramanāmabhūṣitaṃ śāntam
ṛgvede samyagadhītinaṃ mahādevamāśrayāmi gurum
apārakaruṇāsindhuṃ jñānadaṃ śāntarūpiṇam
śrīcandraśekharaguruṃ praṇamāmi mudā'nvaham
parityajya maunaṃ vaṭādhaḥsthitiṃ ca
vrajan bhāratasya pradeśāt pradeśam
madhusyandivācā janān dharmamārge
nayan śrījayendro gururbhāti citte
namāmaḥ śaṅkarānvākhyavijayendrasarasvatīm
śrīguruṃ śiṣṭamārgānunetāraṃ sanmatipradam
deve dehe ca deśe ca bhaktyārogya-sukha-pradam
budha-pāmara-sevyaṃ taṃ śrī-jayendraṃ namāmyaham
namāmaḥ śaṅkarānvākhya-vijayendrasarasvatīm
śrīguruṃ śiṣṭamārgānunetāraṃ sanmatipradam
satyanārāyaṇakṣetrāt satyavratamupāgatam
āśraye kāmakoṭīśaṃ satyaśrīcandraśekharam