शारदाभुजङ्गप्रयाताष्टकम् सुवक्षोजकुम्भां सुधापूर्णकुम्भां प्रसादावलम्बां प्रपुण्यावलम्बाम् सदास्येन्दुबिम्बां सदानोष्ठबिम्बां भजे शारदाम्बामजस्रं मदम्बाम् कटाक्षे दयार्द्रो करे ज्ञानमुद्रां कलाभिर्विनिद्रां कलापैः सुभद्राम् पुरस्त्रीं विनिद्रां पुरस्तुङ्गभद्रां भजे शारदाम्बामजस्रं मदम्बाम् ललामाङ्कफालां लसद्गानलोलां स्वभक्तैकपालां यशःश्रीकपोलाम् करे त्वक्षमालां कनत्प्रत्नलोलां भजे शारदाम्बामजस्रं मदम्बाम् सुसीमन्तवेणीं दृशा निर्जितैणीं रमत्कीरवाणीं नमद्वज्रपाणीम् सुधामन्थरास्यां मुदा चिन्त्यवेणीं भजे शारदाम्बामजस्रं मदम्बाम् सुशान्तां सुदेहां दृगन्ते कचान्तां लसत्सल्लताङ्गीमनन्तामचिन्त्याम् स्मरेत्तापसैः सङ्गपूर्वस्थितां तां भजे शारदाम्बामजस्रं मदम्बाम् कुरङ्गे तुरङ्गे मृगेन्द्रे खगेन्द्रे मराले मदेभे महोक्षेऽधिरूढाम् महत्यां नवम्यां सदा सामरूपां भजे शारदाम्बामजस्रं मदम्बाम् ज्वलत्कान्तिवह्निं जगन्मोहनाङ्गीं भजे मानसाम्भोजसुभ्रान्तभृङ्गीम् निजस्तोत्रसङ्गीतनृत्यप्रभाङ्गीं भजे शारदाम्बामजस्रं मदम्बाम् भवाम्भोजनेत्राजसम्पूज्यमानां लसन्मन्दहासप्रभावक्त्रचिह्नाम् चलच्चञ्चलाचारुताटङ्ककर्णो भजे शारदाम्बामजस्रं मदम्बाम् ॥इति~श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-शारदाभुजङ्गप्रयाताष्टकं सम्पूर्णम्॥

శారదాభుజఙ్గప్రయాతాష్టకమ్ సువక్షోజకుమ్భాం సుధాపూర్ణకుమ్భాం ప్రసాదావలమ్బాం ప్రపుణ్యావలమ్బామ్ సదాస్యేన్దుబిమ్బాం సదానోష్ఠబిమ్బాం భజే శారదామ్బామజస్రం మదమ్బామ్ కటాక్షే దయార్ద్రో కరే జ్ఞానముద్రాం కలాభిర్వినిద్రాం కలాపైః సుభద్రామ్ పురస్త్రీం వినిద్రాం పురస్తుఙ్గభద్రాం భజే శారదామ్బామజస్రం మదమ్బామ్ లలామాఙ్కఫాలాం లసద్గానలోలాం స్వభక్తైకపాలాం యశఃశ్రీకపోలామ్ కరే త్వక్షమాలాం కనత్ప్రత్నలోలాం భజే శారదామ్బామజస్రం మదమ్బామ్ సుసీమన్తవేణీం దృశా నిర్జితైణీం రమత్కీరవాణీం నమద్వజ్రపాణీమ్ సుధామన్థరాస్యాం ముదా చిన్త్యవేణీం భజే శారదామ్బామజస్రం మదమ్బామ్ సుశాన్తాం సుదేహాం దృగన్తే కచాన్తాం లసత్సల్లతాఙ్గీమనన్తామచిన్త్యామ్ స్మరేత్తాపసైః సఙ్గపూర్వస్థితాం తాం భజే శారదామ్బామజస్రం మదమ్బామ్ కురఙ్గే తురఙ్గే మృగేన్ద్రే ఖగేన్ద్రే మరాలే మదేభే మహోక్షేఽధిరూఢామ్ మహత్యాం నవమ్యాం సదా సామరూపాం భజే శారదామ్బామజస్రం మదమ్బామ్ జ్వలత్కాన్తివహ్నిం జగన్మోహనాఙ్గీం భజే మానసామ్భోజసుభ్రాన్తభృఙ్గీమ్ నిజస్తోత్రసఙ్గీతనృత్యప్రభాఙ్గీం భజే శారదామ్బామజస్రం మదమ్బామ్ భవామ్భోజనేత్రాజసమ్పూజ్యమానాం లసన్మన్దహాసప్రభావక్త్రచిహ్నామ్ చలచ్చఞ్చలాచారుతాటఙ్కకర్ణో భజే శారదామ్బామజస్రం మదమ్బామ్ ॥ఇతి~శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య శ్రీమచ్ఛఙ్కరభగవతః కృతౌ శ్రీ-శారదాభుజఙ్గప్రయాతాష్టకం సమ్పూర్ణమ్॥

śāradābhujaṅgaprayātāṣṭakam suvakṣojakumbhāṃ sudhāpūrṇakumbhāṃ prasādāvalambāṃ prapuṇyāvalambām sadāsyendubimbāṃ sadānoṣṭhabimbāṃ bhaje śāradāmbāmajasraṃ madambām kaṭākṣe dayārdro kare jñānamudrāṃ kalābhirvinidrāṃ kalāpaiḥ subhadrām purastrīṃ vinidrāṃ purastuṅgabhadrāṃ bhaje śāradāmbāmajasraṃ madambām lalāmāṅkaphālāṃ lasadgānalolāṃ svabhaktaikapālāṃ yaśaḥśrīkapolām kare tvakṣamālāṃ kanatpratnalolāṃ bhaje śāradāmbāmajasraṃ madambām susīmantaveṇīṃ dṛśā nirjitaiṇīṃ ramatkīravāṇīṃ namadvajrapāṇīm sudhāmantharāsyāṃ mudā cintyaveṇīṃ bhaje śāradāmbāmajasraṃ madambām suśāntāṃ sudehāṃ dṛgante kacāntāṃ lasatsallatāṅgīmanantāmacintyām smarettāpasaiḥ saṅgapūrvasthitāṃ tāṃ bhaje śāradāmbāmajasraṃ madambām kuraṅge turaṅge mṛgendre khagendre marāle madebhe mahokṣe'dhirūḍhām mahatyāṃ navamyāṃ sadā sāmarūpāṃ bhaje śāradāmbāmajasraṃ madambām jvalatkāntivahniṃ jaganmohanāṅgīṃ bhaje mānasāmbhojasubhrāntabhṛṅgīm nijastotrasaṅgītanṛtyaprabhāṅgīṃ bhaje śāradāmbāmajasraṃ madambām bhavāmbhojanetrājasampūjyamānāṃ lasanmandahāsaprabhāvaktracihnām calaccañcalācārutāṭaṅkakarṇo bhaje śāradāmbāmajasraṃ madambām ||iti~śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-śāradābhujaṅgaprayātāṣṭakaṃ sampūrṇam||