सिद्धसरस्वतीस्तोत्रं श्रीमद्-ब्रह्मविरचितम्
न्यासः
ॐ अस्य श्रीसरस्वतीस्तोत्रमन्त्रस्य।\\
ब्रह्मा ऋषिः। गायत्री छन्दः। श्रीसरस्वती देवता।\\
धर्मार्थकाममोक्षार्थे जपे विनियोगः।\\
ध्यानम्
आरूढा श्वेतहंसे भ्रमति च गगने दक्षिणे चाक्षसूत्रं
वामे हस्ते च दिव्याम्बरकनकमयं पुस्तकं ज्ञानगम्या
सा वीणां वादयन्ती स्वकरकरजपैः शास्त्रविज्ञानशब्दैः
क्रीडन्ती दिव्यरूपा करकमलधरा भारती सुप्रसन्ना
श्वेतपद्मासना देवी श्वेतगन्धानुलेपना
अर्चिता मुनिभिः सर्वैरृषिभिः स्तूयते सदा
एवं ध्यात्वा सदा देवीं वाञ्छितं लभते नरः
स्तोत्रम्
शुक्लां ब्रह्मविचारसारपरमामाद्यां जगद्व्यापिनीं
वीणापुस्तकधारिणीमभयदां जाड्यान्धकारापहाम्
हस्ते स्फटिकमालिकां विदधतीं पद्मासने संस्थितां
वन्दे तां परमेश्वरीं भगवतीं बुद्धिप्रदां शारदाम्
या कुन्देन्दुतुषारहारधवला या शुभ्रवस्त्रावृता
या वीणावरदण्डमण्डितकरा या श्वेतपद्मासना
या ब्रह्माच्युतशङ्करप्रभृतिभिर्देवैः सदा वन्दिता
सा मां पातु सरस्वती भगवती निःशेषजाड्यापहा
ह्रीं ह्रौं हृद्यैकबीजे शशिरुचिकमले कल्पविस्पष्टशोभे
भव्ये भव्यानुकूले कुमतिवनदवे विश्ववन्द्याङ्घ्रिपद्मे
पद्मे पद्मोपविष्टे प्रणजनमनोमोदसम्पादयित्रि
प्रोत्फुल्लज्ञानकूटे हरिनिजदयिते देवि संहारसारे
ऐं ऐं ऐं दृष्टमन्त्रे कमलभवमुखाम्भोजभूतस्वरूपे
रूपारूपप्रकाशे सकलगुणमये निर्गुणे निर्विकारे
न स्थूले नैव सूक्ष्मेऽप्यविदितविभवे नापि विज्ञानतत्त्वे
विश्वे विश्वान्तरात्मे सुरवरनमिते निष्कले नित्यशुद्धे
ह्रीं ह्रीं ह्रीं जाप्यतुष्टे हिमरुचिमुकुटे वल्लकीव्यग्रहस्ते
मातर्मातर्नमस्ते दह दह जडतां देहि बुद्धिं प्रशस्ताम्
विद्ये वेदान्तवेद्ये परिणतपठिते मोक्षदे मुक्तिमार्गे
मार्गातीतस्वरूपे भव मम वरदा शारदे शुभ्रहारे
धीं धीं धीं धारणाख्ये धृतिमतिनतिभिर्नामभिः कीर्तनीये
नित्येऽनित्ये निमित्ते मुनिगणनमिते नूतने वै पुराणे
पुण्ये पुण्यप्रवाहे हरिहरनमिते नित्यशुद्धे सुवर्णे
मातर्मात्रार्धतत्त्वे मतिमति मतिदे माधवप्रीतिमोदे
हूं हूं हूं स्वरूपे दह दह दुरितं पुस्तकव्यग्रहस्ते
सन्तुष्टाकारचित्ते स्मितमुखि सुभगे जृम्भिणि स्तम्भविद्ये
मोहे मुग्धप्रवाहे कुरु मम विमतिध्वान्तविध्वंसमीडे
गीर्गौर्वाग्भारति त्वं कविवररसनासिद्धिदे सिद्धिसाध्ये
स्तौमि त्वां त्वां च वन्दे मम खलु रसनां नो कदाचित् त्यजेथा
मा मे बुद्धिर्विरुद्धा भवतु न च मनो देवि मे यातु पापम्
मा मे दुःखं कदाचित् क्वचिदपि विषयेऽप्यस्तु मे नाकुलत्वं
शास्त्रे वादे कवित्वे प्रसरतु मम धीर्माऽस्तु कुण्ठा कदाऽपि
फलश्रुतिः
इत्येतैः श्लोकमुख्यैः प्रतिदिनमुषसि स्तौति यो भक्तिनम्रो
वाणी वाचस्पतेरप्यविदितविभवो वाक्पटुर्मृष्टकण्ठः
स्यादिष्टाद्यर्थलाभैः सुतमिव सततं पातितं सा च देवी
सौभाग्यं तस्य लोके प्रभवति कविता विघ्नमस्तं प्रयाति
निर्विघ्नं तस्य विद्या प्रभवति सततं चाश्रुतग्रन्थबोधः
कीर्तिस्रैलोक्यमध्ये निवसति वदने शारदा तस्य साक्षात्
दीर्घायुर्लोकपूज्यः सकलगुणनिधिः सन्ततं राजमान्यो
वाग्देव्याः सम्प्रसादात् त्रिजगति विजयी जायते सत्सभासु
ब्रह्मचारी व्रती मौनी त्रयोदश्यां निरामिषः
सारस्वतो जनः पाठात् सकृदिष्टार्थलाभवान्
पक्षद्वये त्रयोदश्याम् एकविंशतिसङ्ख्यया
अविच्छिन्नः पठेद्धीमान् ध्यात्वा देवीं सरस्वतीम्
सर्वपापविनिर्मुक्तः सुभगो लोकविश्रुतः
वाञ्छितं फलमाप्नोति लोकेऽस्मिन्नात्र संशयः
ब्रह्मणेति स्वयं प्रोक्तं सरस्वत्याः स्तवं शुभम्
प्रयत्नेन पठेन्नित्यं सोऽमृतत्वाय कल्पते
॥इति श्रीमद् ब्रह्मणा विरचितं श्री-सिद्धसरस्वतीस्तोत्रं सम्पूर्णम्॥
సిద్ధసరస్వతీస్తోత్రం శ్రీమద్-బ్రహ్మవిరచితమ్
న్యాసః
ఓం అస్య శ్రీసరస్వతీస్తోత్రమన్త్రస్య।\\
బ్రహ్మా ఋషిః। గాయత్రీ ఛన్దః। శ్రీసరస్వతీ దేవతా।\\
ధర్మార్థకామమోక్షార్థే జపే వినియోగః।\\
ధ్యానమ్
ఆరూఢా శ్వేతహంసే భ్రమతి చ గగనే దక్షిణే చాక్షసూత్రం
వామే హస్తే చ దివ్యామ్బరకనకమయం పుస్తకం జ్ఞానగమ్యా
సా వీణాం వాదయన్తీ స్వకరకరజపైః శాస్త్రవిజ్ఞానశబ్దైః
క్రీడన్తీ దివ్యరూపా కరకమలధరా భారతీ సుప్రసన్నా
శ్వేతపద్మాసనా దేవీ శ్వేతగన్ధానులేపనా
అర్చితా మునిభిః సర్వైరృషిభిః స్తూయతే సదా
ఏవం ధ్యాత్వా సదా దేవీం వాఞ్ఛితం లభతే నరః
స్తోత్రమ్
శుక్లాం బ్రహ్మవిచారసారపరమామాద్యాం జగద్వ్యాపినీం
వీణాపుస్తకధారిణీమభయదాం జాడ్యాన్ధకారాపహామ్
హస్తే స్ఫటికమాలికాం విదధతీం పద్మాసనే సంస్థితాం
వన్దే తాం పరమేశ్వరీం భగవతీం బుద్ధిప్రదాం శారదామ్
యా కున్దేన్దుతుషారహారధవలా యా శుభ్రవస్త్రావృతా
యా వీణావరదణ్డమణ్డితకరా యా శ్వేతపద్మాసనా
యా బ్రహ్మాచ్యుతశఙ్కరప్రభృతిభిర్దేవైః సదా వన్దితా
సా మాం పాతు సరస్వతీ భగవతీ నిఃశేషజాడ్యాపహా
హ్రీం హ్రౌం హృద్యైకబీజే శశిరుచికమలే కల్పవిస్పష్టశోభే
భవ్యే భవ్యానుకూలే కుమతివనదవే విశ్వవన్ద్యాఙ్ఘ్రిపద్మే
పద్మే పద్మోపవిష్టే ప్రణజనమనోమోదసమ్పాదయిత్రి
ప్రోత్ఫుల్లజ్ఞానకూటే హరినిజదయితే దేవి సంహారసారే
ఐం ఐం ఐం దృష్టమన్త్రే కమలభవముఖామ్భోజభూతస్వరూపే
రూపారూపప్రకాశే సకలగుణమయే నిర్గుణే నిర్వికారే
న స్థూలే నైవ సూక్ష్మేఽప్యవిదితవిభవే నాపి విజ్ఞానతత్త్వే
విశ్వే విశ్వాన్తరాత్మే సురవరనమితే నిష్కలే నిత్యశుద్ధే
హ్రీం హ్రీం హ్రీం జాప్యతుష్టే హిమరుచిముకుటే వల్లకీవ్యగ్రహస్తే
మాతర్మాతర్నమస్తే దహ దహ జడతాం దేహి బుద్ధిం ప్రశస్తామ్
విద్యే వేదాన్తవేద్యే పరిణతపఠితే మోక్షదే ముక్తిమార్గే
మార్గాతీతస్వరూపే భవ మమ వరదా శారదే శుభ్రహారే
ధీం ధీం ధీం ధారణాఖ్యే ధృతిమతినతిభిర్నామభిః కీర్తనీయే
నిత్యేఽనిత్యే నిమిత్తే మునిగణనమితే నూతనే వై పురాణే
పుణ్యే పుణ్యప్రవాహే హరిహరనమితే నిత్యశుద్ధే సువర్ణే
మాతర్మాత్రార్ధతత్త్వే మతిమతి మతిదే మాధవప్రీతిమోదే
హూం హూం హూం స్వరూపే దహ దహ దురితం పుస్తకవ్యగ్రహస్తే
సన్తుష్టాకారచిత్తే స్మితముఖి సుభగే జృమ్భిణి స్తమ్భవిద్యే
మోహే ముగ్ధప్రవాహే కురు మమ విమతిధ్వాన్తవిధ్వంసమీడే
గీర్గౌర్వాగ్భారతి త్వం కవివరరసనాసిద్ధిదే సిద్ధిసాధ్యే
స్తౌమి త్వాం త్వాం చ వన్దే మమ ఖలు రసనాం నో కదాచిత్ త్యజేథా
మా మే బుద్ధిర్విరుద్ధా భవతు న చ మనో దేవి మే యాతు పాపమ్
మా మే దుఃఖం కదాచిత్ క్వచిదపి విషయేఽప్యస్తు మే నాకులత్వం
శాస్త్రే వాదే కవిత్వే ప్రసరతు మమ ధీర్మాఽస్తు కుణ్ఠా కదాఽపి
ఫలశ్రుతిః
ఇత్యేతైః శ్లోకముఖ్యైః ప్రతిదినముషసి స్తౌతి యో భక్తినమ్రో
వాణీ వాచస్పతేరప్యవిదితవిభవో వాక్పటుర్మృష్టకణ్ఠః
స్యాదిష్టాద్యర్థలాభైః సుతమివ సతతం పాతితం సా చ దేవీ
సౌభాగ్యం తస్య లోకే ప్రభవతి కవితా విఘ్నమస్తం ప్రయాతి
నిర్విఘ్నం తస్య విద్యా ప్రభవతి సతతం చాశ్రుతగ్రన్థబోధః
కీర్తిస్రైలోక్యమధ్యే నివసతి వదనే శారదా తస్య సాక్షాత్
దీర్ఘాయుర్లోకపూజ్యః సకలగుణనిధిః సన్తతం రాజమాన్యో
వాగ్దేవ్యాః సమ్ప్రసాదాత్ త్రిజగతి విజయీ జాయతే సత్సభాసు
బ్రహ్మచారీ వ్రతీ మౌనీ త్రయోదశ్యాం నిరామిషః
సారస్వతో జనః పాఠాత్ సకృదిష్టార్థలాభవాన్
పక్షద్వయే త్రయోదశ్యామ్ ఏకవింశతిసఙ్ఖ్యయా
అవిచ్ఛిన్నః పఠేద్ధీమాన్ ధ్యాత్వా దేవీం సరస్వతీమ్
సర్వపాపవినిర్ముక్తః సుభగో లోకవిశ్రుతః
వాఞ్ఛితం ఫలమాప్నోతి లోకేఽస్మిన్నాత్ర సంశయః
బ్రహ్మణేతి స్వయం ప్రోక్తం సరస్వత్యాః స్తవం శుభమ్
ప్రయత్నేన పఠేన్నిత్యం సోఽమృతత్వాయ కల్పతే
॥ఇతి శ్రీమద్ బ్రహ్మణా విరచితం శ్రీ-సిద్ధసరస్వతీస్తోత్రం సమ్పూర్ణమ్॥
siddhasarasvatīstotraṃ śrīmad-brahmaviracitam
nyāsaḥ
oṃ asya śrīsarasvatīstotramantrasya|\\
brahmā ṛṣiḥ| gāyatrī chandaḥ| śrīsarasvatī devatā|\\
dharmārthakāmamokṣārthe jape viniyogaḥ|\\
dhyānam
ārūḍhā śvetahaṃse bhramati ca gagane dakṣiṇe cākṣasūtraṃ
vāme haste ca divyāmbarakanakamayaṃ pustakaṃ jñānagamyā
sā vīṇāṃ vādayantī svakarakarajapaiḥ śāstravijñānaśabdaiḥ
krīḍantī divyarūpā karakamaladharā bhāratī suprasannā
śvetapadmāsanā devī śvetagandhānulepanā
arcitā munibhiḥ sarvairṛṣibhiḥ stūyate sadā
evaṃ dhyātvā sadā devīṃ vāñchitaṃ labhate naraḥ
stotram
śuklāṃ brahmavicārasāraparamāmādyāṃ jagadvyāpinīṃ
vīṇāpustakadhāriṇīmabhayadāṃ jāḍyāndhakārāpahām
haste sphaṭikamālikāṃ vidadhatīṃ padmāsane saṃsthitāṃ
vande tāṃ parameśvarīṃ bhagavatīṃ buddhipradāṃ śāradām
yā kundendutuṣārahāradhavalā yā śubhravastrāvṛtā
yā vīṇāvaradaṇḍamaṇḍitakarā yā śvetapadmāsanā
yā brahmācyutaśaṅkaraprabhṛtibhirdevaiḥ sadā vanditā
sā māṃ pātu sarasvatī bhagavatī niḥśeṣajāḍyāpahā
hrīṃ hrauṃ hṛdyaikabīje śaśirucikamale kalpavispaṣṭaśobhe
bhavye bhavyānukūle kumativanadave viśvavandyāṅghripadme
padme padmopaviṣṭe praṇajanamanomodasampādayitri
protphullajñānakūṭe harinijadayite devi saṃhārasāre
aiṃ aiṃ aiṃ dṛṣṭamantre kamalabhavamukhāmbhojabhūtasvarūpe
rūpārūpaprakāśe sakalaguṇamaye nirguṇe nirvikāre
na sthūle naiva sūkṣme'pyaviditavibhave nāpi vijñānatattve
viśve viśvāntarātme suravaranamite niṣkale nityaśuddhe
hrīṃ hrīṃ hrīṃ jāpyatuṣṭe himarucimukuṭe vallakīvyagrahaste
mātarmātarnamaste daha daha jaḍatāṃ dehi buddhiṃ praśastām
vidye vedāntavedye pariṇatapaṭhite mokṣade muktimārge
mārgātītasvarūpe bhava mama varadā śārade śubhrahāre
dhīṃ dhīṃ dhīṃ dhāraṇākhye dhṛtimatinatibhirnāmabhiḥ kīrtanīye
nitye'nitye nimitte munigaṇanamite nūtane vai purāṇe
puṇye puṇyapravāhe hariharanamite nityaśuddhe suvarṇe
mātarmātrārdhatattve matimati matide mādhavaprītimode
hūṃ hūṃ hūṃ svarūpe daha daha duritaṃ pustakavyagrahaste
santuṣṭākāracitte smitamukhi subhage jṛmbhiṇi stambhavidye
mohe mugdhapravāhe kuru mama vimatidhvāntavidhvaṃsamīḍe
gīrgaurvāgbhārati tvaṃ kavivararasanāsiddhide siddhisādhye
staumi tvāṃ tvāṃ ca vande mama khalu rasanāṃ no kadācit tyajethā
mā me buddhirviruddhā bhavatu na ca mano devi me yātu pāpam
mā me duḥkhaṃ kadācit kvacidapi viṣaye'pyastu me nākulatvaṃ
śāstre vāde kavitve prasaratu mama dhīrmā'stu kuṇṭhā kadā'pi
phalaśrutiḥ
ityetaiḥ ślokamukhyaiḥ pratidinamuṣasi stauti yo bhaktinamro
vāṇī vācaspaterapyaviditavibhavo vākpaṭurmṛṣṭakaṇṭhaḥ
syādiṣṭādyarthalābhaiḥ sutamiva satataṃ pātitaṃ sā ca devī
saubhāgyaṃ tasya loke prabhavati kavitā vighnamastaṃ prayāti
nirvighnaṃ tasya vidyā prabhavati satataṃ cāśrutagranthabodhaḥ
kīrtisrailokyamadhye nivasati vadane śāradā tasya sākṣāt
dīrghāyurlokapūjyaḥ sakalaguṇanidhiḥ santataṃ rājamānyo
vāgdevyāḥ samprasādāt trijagati vijayī jāyate satsabhāsu
brahmacārī vratī maunī trayodaśyāṃ nirāmiṣaḥ
sārasvato janaḥ pāṭhāt sakṛdiṣṭārthalābhavān
pakṣadvaye trayodaśyām ekaviṃśatisaṅkhyayā
avicchinnaḥ paṭheddhīmān dhyātvā devīṃ sarasvatīm
sarvapāpavinirmuktaḥ subhago lokaviśrutaḥ
vāñchitaṃ phalamāpnoti loke'sminnātra saṃśayaḥ
brahmaṇeti svayaṃ proktaṃ sarasvatyāḥ stavaṃ śubham
prayatnena paṭhennityaṃ so'mṛtatvāya kalpate
||iti śrīmad brahmaṇā viracitaṃ śrī-siddhasarasvatīstotraṃ sampūrṇam||