निर्वाणदशकम् न भूमिर्न तोयं न तेजो न वायुर्न खं नेन्द्रि यं वा न तेषां समूहः अनेकान्तिकत्वात्सुषुप्त्येकसिद्धस्तदेकोऽवशिष्टः शिवः केवलोऽहम् १ न वर्णा न वर्णाश्रमाचारधर्मा न मे धारणा ध्यानयोगादयोऽपि अनात्माश्रयोऽहं ममाध्यासहीनात्तदेकोऽवशिष्टः शिवः केवलोऽहम् २ न माता पिता वा न देवा न लोका न वेदा न यज्ञा न तीर्थं ब्रुवन्ति सुषुप्तौ निरस्तातिशून्यात्मकत्वात्तदेकोऽवशिष्टः शिवः केवलोऽहम् ३ न साख्यं न शैवं न तत्पाञ्चरात्रं न जैनं न मीमांसकादेर्मतं वा विशिष्टानुभूत्या विशुद्धात्मकत्वात्तदेकोऽवशिष्टः शिवः केवलोऽहम् ४ न चोर्ध्वं न चाधो न चान्तर्न बाह्यं न मध्यं न तिर्यङ्न पूर्वा परा दिक् वियद्व्यापकत्वादखण्डैकरूपस्तदेकोऽवशिष्टः शिवः केवलोऽहम् ५ न शुक्लं न कृष्णं न रक्तं न पीतं न पीनं न कुब्जं न ह्रस्वं न दीर्घम् अरूपं तथा ज्योतिराकारकत्वात्तदेकोऽवशिष्टः शिवः केवलोऽहम् ६ न शास्ता न शास्त्रं न शिष्यो न शिक्षा न च त्वं न चाहं न चायं प्रपञ्चः स्वरूपावबोधाद्विकल्पासहिष्णुस्तदेकोऽवशिष्टः शिवः केवलोऽहम् ७ न जाग्रन्न मे स्वप्नको वा सुषुप्तिर्न विश्वो न वा तैजसः प्राज्ञको वा अविद्यात्मकत्वात्त्रयाणां तुरीयं तदेकोऽवशिष्टः शिवः केवलोऽहम् ८ अपि व्यापकत्वादितत्त्वात्प्रयोगात् स्वतःसिद्धभावादनन्याश्रयत्वात् जगत्तुच्छमेतत्समस्तं तदन्यत्तदेकोऽवशिष्टः शिवः केवलोऽहम् ९ न चैकं तदन्यद्द्वितीयं कुतः स्यान्न चाकेवलत्वं न वा केवलत्वात् न शून्यं न चाशून्यमद्वैतकत्वात्कथं सर्ववेदान्तसिद्धं ब्रवीमि १० Reference: P. RŒmatejapŒö¶eyena, B¨ihatstotraratnŒkaraú, (ChaukhambŒ VidyŒbhavana: VarŒöas´, 1993).

నిర్వాణదశకమ్ న భూమిర్న తోయం న తేజో న వాయుర్న ఖం నేన్ద్రి యం వా న తేషాం సమూహః అనేకాన్తికత్వాత్సుషుప్త్యేకసిద్ధస్తదేకోఽవశిష్టః శివః కేవలోఽహమ్ ౧ న వర్ణా న వర్ణాశ్రమాచారధర్మా న మే ధారణా ధ్యానయోగాదయోఽపి అనాత్మాశ్రయోఽహం మమాధ్యాసహీనాత్తదేకోఽవశిష్టః శివః కేవలోఽహమ్ ౨ న మాతా పితా వా న దేవా న లోకా న వేదా న యజ్ఞా న తీర్థం బ్రువన్తి సుషుప్తౌ నిరస్తాతిశూన్యాత్మకత్వాత్తదేకోఽవశిష్టః శివః కేవలోఽహమ్ ౩ న సాఖ్యం న శైవం న తత్పాఞ్చరాత్రం న జైనం న మీమాంసకాదేర్మతం వా విశిష్టానుభూత్యా విశుద్ధాత్మకత్వాత్తదేకోఽవశిష్టః శివః కేవలోఽహమ్ ౪ న చోర్ధ్వం న చాధో న చాన్తర్న బాహ్యం న మధ్యం న తిర్యఙ్న పూర్వా పరా దిక్ వియద్వ్యాపకత్వాదఖణ్డైకరూపస్తదేకోఽవశిష్టః శివః కేవలోఽహమ్ ౫ న శుక్లం న కృష్ణం న రక్తం న పీతం న పీనం న కుబ్జం న హ్రస్వం న దీర్ఘమ్ అరూపం తథా జ్యోతిరాకారకత్వాత్తదేకోఽవశిష్టః శివః కేవలోఽహమ్ ౬ న శాస్తా న శాస్త్రం న శిష్యో న శిక్షా న చ త్వం న చాహం న చాయం ప్రపఞ్చః స్వరూపావబోధాద్వికల్పాసహిష్ణుస్తదేకోఽవశిష్టః శివః కేవలోఽహమ్ ౭ న జాగ్రన్న మే స్వప్నకో వా సుషుప్తిర్న విశ్వో న వా తైజసః ప్రాజ్ఞకో వా అవిద్యాత్మకత్వాత్త్రయాణాం తురీయం తదేకోఽవశిష్టః శివః కేవలోఽహమ్ ౮ అపి వ్యాపకత్వాదితత్త్వాత్ప్రయోగాత్ స్వతఃసిద్ధభావాదనన్యాశ్రయత్వాత్ జగత్తుచ్ఛమేతత్సమస్తం తదన్యత్తదేకోఽవశిష్టః శివః కేవలోఽహమ్ ౯ న చైకం తదన్యద్ద్వితీయం కుతః స్యాన్న చాకేవలత్వం న వా కేవలత్వాత్ న శూన్యం న చాశూన్యమద్వైతకత్వాత్కథం సర్వవేదాన్తసిద్ధం బ్రవీమి ౧౦ Reference: P. RŒmatejapŒö¶eyena, B¨ihatstotraratnŒkaraú, (ChaukhambŒ VidyŒbhavana: VarŒöas´, 1993).

nirvāṇadaśakam na bhūmirna toyaṃ na tejo na vāyurna khaṃ nendri yaṃ vā na teṣāṃ samūhaḥ anekāntikatvātsuṣuptyekasiddhastadeko'vaśiṣṭaḥ śivaḥ kevalo'ham 1 na varṇā na varṇāśramācāradharmā na me dhāraṇā dhyānayogādayo'pi anātmāśrayo'haṃ mamādhyāsahīnāttadeko'vaśiṣṭaḥ śivaḥ kevalo'ham 2 na mātā pitā vā na devā na lokā na vedā na yajñā na tīrthaṃ bruvanti suṣuptau nirastātiśūnyātmakatvāttadeko'vaśiṣṭaḥ śivaḥ kevalo'ham 3 na sākhyaṃ na śaivaṃ na tatpāñcarātraṃ na jainaṃ na mīmāṃsakādermataṃ vā viśiṣṭānubhūtyā viśuddhātmakatvāttadeko'vaśiṣṭaḥ śivaḥ kevalo'ham 4 na cordhvaṃ na cādho na cāntarna bāhyaṃ na madhyaṃ na tiryaṅna pūrvā parā dik viyadvyāpakatvādakhaṇḍaikarūpastadeko'vaśiṣṭaḥ śivaḥ kevalo'ham 5 na śuklaṃ na kṛṣṇaṃ na raktaṃ na pītaṃ na pīnaṃ na kubjaṃ na hrasvaṃ na dīrgham arūpaṃ tathā jyotirākārakatvāttadeko'vaśiṣṭaḥ śivaḥ kevalo'ham 6 na śāstā na śāstraṃ na śiṣyo na śikṣā na ca tvaṃ na cāhaṃ na cāyaṃ prapañcaḥ svarūpāvabodhādvikalpāsahiṣṇustadeko'vaśiṣṭaḥ śivaḥ kevalo'ham 7 na jāgranna me svapnako vā suṣuptirna viśvo na vā taijasaḥ prājñako vā avidyātmakatvāttrayāṇāṃ turīyaṃ tadeko'vaśiṣṭaḥ śivaḥ kevalo'ham 8 api vyāpakatvāditattvātprayogāt svataḥsiddhabhāvādananyāśrayatvāt jagattucchametatsamastaṃ tadanyattadeko'vaśiṣṭaḥ śivaḥ kevalo'ham 9 na caikaṃ tadanyaddvitīyaṃ kutaḥ syānna cākevalatvaṃ na vā kevalatvāt na śūnyaṃ na cāśūnyamadvaitakatvātkathaṃ sarvavedāntasiddhaṃ bravīmi 10 Reference: P. RŒmatejapŒö¶eyena, B¨ihatstotraratnŒkaraú, (ChaukhambŒ VidyŒbhavana: VarŒöas´, 1993).