परशुरामकृत-दुर्गास्तोत्रम् श्री-परशुराम उवाच श्रीकृष्णस्य च गोलोके परिपूर्णतमस्य च आविर्भूता विग्रहतः परा सृष्ट्युन्मुखस्य च सूर्यकोटिप्रभायुक्ता वस्त्रालङ्कारभूषिता वह्निशुद्धांशुकाधाना सुस्मिता सुमनोहरा नवयौवनसम्पन्ना सिन्दूरारुण्यशोभिता ललितं कबरीभारं मालतीमाल्यमण्डितम् अहोऽनिर्वचनीया त्वं चारुमूर्तिं च बिभ्रती मोक्षप्रदा मुमुक्षूणां महाविष्णोर्विधिः स्वयम् मुमोह क्षणमात्रेण दृष्ट्वा त्वां सर्वमोहिनीम् बालैः सम्भूय सहसा सस्मिता धाविता पुरा सद्भिः ख्याता तेन राधा मूलप्रकृतिरीश्वरी कृष्णस्त्वां सहसा भीतो वीर्याधानं चकार ह ततो डिम्भं महज्जज्ञे ततो जातो महान्विराट् यस्यैव लोमकूपेषु ब्रह्माण्डान्यखिलानि च राधारतिक्रमेणैव तन्निःश्वासो बभूव ह स निःश्वासो महावायुः स विराड्विश्वधारकः भयघर्मजलेनैव पुप्लुवे विश्वगोलकम् स विराड् विश्वनिलयो जलराशिर्बभूव ह ततस्त्वं पञ्चधा भूय पञ्चमूर्तीश्च बिभ्रती प्राणाधिष्ठातृमूर्तिर्या कृष्णस्य परमात्मनः कृष्णप्राणाधिकां राधां तां वदन्ति पुराविदः वेदाधिष्ठातृमूर्तिर्या वेदशास्त्रप्रसूरपि तं सावित्रीं शुद्धरूपां प्रवदन्ति मनीषिणः ऐश्वर्याधिष्ठातृमूर्तिः शान्तिस्त्वं शान्तरूपिणी लक्ष्मीं वदन्ति सन्तस्तां शुद्धां सत्त्‍‌वस्वरूपिणीम् रागाधिष्ठात्री या देवी शुक्लमूर्तिः सतां प्रसूः सरस्वतीं तां शास्त्रज्ञां शास्त्रज्ञाः प्रवदन्त्यहो बुद्धिर्विद्या सर्वशक्तेर्या मूर्तिरधिदेवता सर्वमङ्गलदा सन्तो वदन्ति सर्वमङ्गलाम् सर्वमङ्गलमङ्गल्या सर्वमङ्गलरूपिणी सर्वमङ्गलबीजस्य शिवस्य निलयेऽधुना शिवे शिवास्वरूपा त्वं लक्ष्मीर्नारायणान्तिके सरस्वती च सावित्री वेदसू‌र्ब्रह्मणः प्रिया राधा रासेश्वरस्यैव परिपूर्णतमस्य च परमानन्दरूपस्य परमानन्दरूपिणी त्वत्कलांशांशकलया देवानामपि योषितः त्वं विद्या योषितः सर्वाः सर्वेषां बीजरूपिणी छाया सूर्यस्य चन्द्रस्य रोहिणी सर्वमोहिनी शची शक्रस्य कामस्य कामिनी रतिरीश्वरी वरुणानी जलेशस्य वायोः स्त्रीः प्राणवल्लभा वह्नेः प्रिया हि स्वाहा च कुबेरस्य च सुन्दरी यमस्य तु सुशीला च नैर्ऋतस्य च कैटभी ऐशानी स्याच्छशिकला शतरूपा मनोः प्रिया देवहूतिः कर्दमस्य वसिष्ठस्याप्यरुन्धती लोपामुद्राऽप्यगस्त्यस्य देवमाताऽदितिस्तथा अहल्या गौतमस्यापि सर्वाधारा वसुन्धरा गङ्गा च तुलसी चापि पृथिव्यां या सरिद्वरा एताः सर्वाश्च या ह्यन्या सर्वास्त्वत्कलयाऽम्बिके गृहलक्ष्मीर्गृहे नॄणां राजलक्ष्मीश्च राजसु तपस्विनां तपस्या त्वं गायत्री ब्राह्मणस्य च सतां सत्त्‍‌वस्वरूपा त्वमसतां कलहाङ्कुरा ज्योतीरूपा निर्गुणस्य शक्तिस्त्वं सगुणस्य च सूर्ये प्रभास्वरूपा त्वं दाहिका च हुताशने जले शैत्यस्वरूपा च शोभारूपा निशाकरे त्वं भूमौ गन्धरूपा च आकाशे शब्दरूपिणी क्षुत्पिपासादयस्त्वं च जीविनां सर्वशक्तयः सर्वबीजस्वरूपा त्वं संसारे साररूपिणी स्मृतिर्मेधा च बुद्धिर्वा ज्ञानशक्तिर्विपश्चिताम् कृष्णेन विद्या या दत्ता सर्वज्ञानप्रसूः शुभा शूलिने कृपया सा त्वं यया मृत्युञ्जयः शिवः सृष्टिपालनसंहारशक्तयस्त्रिविधाश्च याः ब्रह्मविष्णुमहेशानां सा त्वमेव नमोऽस्तु ते मधुकैटभभीत्या च त्रस्तो धाता प्रकम्पितः स्तुत्वा मुक्तश्च यां देवीं तां मूर्ध्ना प्रणमाम्यहम् मधुकैटभयोर्युद्धे त्राताऽसौ विष्णुरीश्वरीम् बभूव शक्तिमान् स्तुत्वा तां दुर्गां प्रणमाम्यहम् त्रिपुरस्य महायुद्धे सरथे पतिते शिवे यां तुष्टुवुः सुराः सर्वे तां दुर्गां प्रणमाम्यहम् विष्णुना वृषरूपेण स्वयं शम्भुः समुत्थितः जघान त्रिपुरं स्तुत्वा तां दुर्गां प्रणमाम्यहम् यदाज्ञया वाति वातः सूर्यस्तपति सन्ततम् वर्षतीन्द्रो दहत्यग्निस्तां दुर्गां प्रणमाम्यहम् यदाज्ञया हि कालश्च शश्वद्-भ्रमति वेगतः मृत्युश्चरति जन्तूनां तां दुर्गां प्रणमाम्यहम् स्त्रष्टा सृजति सृष्टिं च पाता पाति यदाज्ञया संहर्ता संहरेत् काले तां दुर्गां प्रणमाम्यहम् ज्योतिःस्वरूपो भगवाञ्छ्रीकृष्णो निर्गुणः स्वयम् यया विना न शक्तश्च सृष्टिं कर्तुं नमामि ताम् रक्ष रक्ष जगन्मातरपराधं क्षमस्व मे शिशूनामपराधेन कुतो माता हि कुप्यति इत्युक्त्वा परशुरामश्च नत्वा तां च रुरोद ह तुष्टा दुर्गा सम्भ्रमेण चाभयं च वरं ददौ अमरो भव हे पुत्र वत्स सुस्थिरतां व्रज शर्वप्रसादात् सर्वत्र जयोऽस्तु तव सन्ततम् सर्वान्तरात्मा भगवांस्तुष्टः स्यात्सन्ततं हरिः भक्तिर्भवतु ते कृष्णे शिवदे च शिवे गुरौ इष्टदेवे गुरौ यस्य भक्तिर्भवति शाश्वती तं हन्तुं न हि शक्ताश्च रुष्टा वा सर्वदेवताः श्रीकृष्णस्य च भक्तस्त्वं शिष्यो वै शङ्करस्य च गुरुपत्‍‌नीं स्तौषि यस्मात् कस्त्वां हन्तुमिहेश्वरः अहो न कृष्णभक्तानामशुभं विद्यते क्वचित् अन्यदेवेषु ये भक्ता न भक्ता वा निरङ्कुशाः चन्द्रमा बलवांस्तुष्टो येषां भाग्यवतां भृगो तेषां तारागणा रुष्टाः किं कुर्वन्ति च दुर्बलाः यस्मै तुष्टः पालयति नरदेवो महान् सुखी तस्य किं वा करिष्यन्ति रुष्टा भृत्याश्च दुर्बलाः इत्युक्त्वा पार्वती तुष्टा दत्त्‍‌वा रामाय चाऽऽशिषम् जगामान्तःपुरं तूर्णं हर्षशब्दो बभूव ह फलश्रुतिः स्तोत्रं वै काण्वशाखोक्तं पूजाकाले च यः पठेत् यात्राकाले च प्रातर्वा वाञ्छितार्थं लभेद्ध्रुवम् पुत्रार्थी लभते पुत्रं कन्यार्थी कन्यकां लभेत् विद्यार्थी लभते विद्यां प्रजार्थी चाऽऽप्नुयात् प्रजाम् भ्रष्टराज्यो लभेद्राज्यं नष्टवित्तो धनं लभेत् यस्य रुष्टो गुरुर्देवो राजा वा बान्धवोऽथवा तस्मै तुष्टश्च वरदः स्तोत्रराजप्रसादतः दस्युग्रस्तो फणिग्रस्तः शत्रुग्रस्तो भयानकः व्याधिग्रस्तो भवेन्मुक्तः स्तोत्रस्मरणमात्रतः राजद्वारे श्मशाने च कारागारे च बन्धने जलराशौ निमग्नश्च मुक्तस्तत्स्मृतिमात्रतः स्वामिभेदे पुत्रभेदे मित्रभेदे च दारुणे स्तोत्रस्मरणमात्रेण वाञ्छितार्थं लभेद्ध्रुवम् कृत्वा हविष्यं वर्षं च स्तोत्रराजं श्रृणोति या भक्त्या दुर्गां च सम्पूज्य महावन्ध्या प्रसूयते लभते सा दिव्यपुत्रं ज्ञानिनं चिरजीविनम् असौभाग्या च सौभाग्यं षण्मासश्रवणाल्लभेत् नवमासं काकवन्ध्या मृतवत्सा च भक्तितः स्तोत्रराजं या श्रृणोति सा पुत्रं लभते ध्रुवम् कन्यामाता पुत्रहीना पञ्चमासं श्रृणोति या घटे सम्पूज्य दुर्गां च सा पुत्रं लभते ध्रुवम् ॥इति~श्री-ब्रह्मवैवर्तमहापुराणे~गणपतिखण्डे पञ्चचत्वारिंशेऽध्याये श्री-नारद-नारायण-संवादे श्री-परशुरामकृतं श्री-दुर्गास्तोत्रं सम्पूर्णम्॥

పరశురామకృత-దుర్గాస్తోత్రమ్ శ్రీ-పరశురామ ఉవాచ శ్రీకృష్ణస్య చ గోలోకే పరిపూర్ణతమస్య చ ఆవిర్భూతా విగ్రహతః పరా సృష్ట్యున్ముఖస్య చ సూర్యకోటిప్రభాయుక్తా వస్త్రాలఙ్కారభూషితా వహ్నిశుద్ధాంశుకాధానా సుస్మితా సుమనోహరా నవయౌవనసమ్పన్నా సిన్దూరారుణ్యశోభితా లలితం కబరీభారం మాలతీమాల్యమణ్డితమ్ అహోఽనిర్వచనీయా త్వం చారుమూర్తిం చ బిభ్రతీ మోక్షప్రదా ముముక్షూణాం మహావిష్ణోర్విధిః స్వయమ్ ముమోహ క్షణమాత్రేణ దృష్ట్వా త్వాం సర్వమోహినీమ్ బాలైః సమ్భూయ సహసా సస్మితా ధావితా పురా సద్భిః ఖ్యాతా తేన రాధా మూలప్రకృతిరీశ్వరీ కృష్ణస్త్వాం సహసా భీతో వీర్యాధానం చకార హ తతో డిమ్భం మహజ్జజ్ఞే తతో జాతో మహాన్విరాట్ యస్యైవ లోమకూపేషు బ్రహ్మాణ్డాన్యఖిలాని చ రాధారతిక్రమేణైవ తన్నిఃశ్వాసో బభూవ హ స నిఃశ్వాసో మహావాయుః స విరాడ్విశ్వధారకః భయఘర్మజలేనైవ పుప్లువే విశ్వగోలకమ్ స విరాడ్ విశ్వనిలయో జలరాశిర్బభూవ హ తతస్త్వం పఞ్చధా భూయ పఞ్చమూర్తీశ్చ బిభ్రతీ ప్రాణాధిష్ఠాతృమూర్తిర్యా కృష్ణస్య పరమాత్మనః కృష్ణప్రాణాధికాం రాధాం తాం వదన్తి పురావిదః వేదాధిష్ఠాతృమూర్తిర్యా వేదశాస్త్రప్రసూరపి తం సావిత్రీం శుద్ధరూపాం ప్రవదన్తి మనీషిణః ఐశ్వర్యాధిష్ఠాతృమూర్తిః శాన్తిస్త్వం శాన్తరూపిణీ లక్ష్మీం వదన్తి సన్తస్తాం శుద్ధాం సత్త్‍‌వస్వరూపిణీమ్ రాగాధిష్ఠాత్రీ యా దేవీ శుక్లమూర్తిః సతాం ప్రసూః సరస్వతీం తాం శాస్త్రజ్ఞాం శాస్త్రజ్ఞాః ప్రవదన్త్యహో బుద్ధిర్విద్యా సర్వశక్తేర్యా మూర్తిరధిదేవతా సర్వమఙ్గలదా సన్తో వదన్తి సర్వమఙ్గలామ్ సర్వమఙ్గలమఙ్గల్యా సర్వమఙ్గలరూపిణీ సర్వమఙ్గలబీజస్య శివస్య నిలయేఽధునా శివే శివాస్వరూపా త్వం లక్ష్మీర్నారాయణాన్తికే సరస్వతీ చ సావిత్రీ వేదసూ‌ర్బ్రహ్మణః ప్రియా రాధా రాసేశ్వరస్యైవ పరిపూర్ణతమస్య చ పరమానన్దరూపస్య పరమానన్దరూపిణీ త్వత్కలాంశాంశకలయా దేవానామపి యోషితః త్వం విద్యా యోషితః సర్వాః సర్వేషాం బీజరూపిణీ ఛాయా సూర్యస్య చన్ద్రస్య రోహిణీ సర్వమోహినీ శచీ శక్రస్య కామస్య కామినీ రతిరీశ్వరీ వరుణానీ జలేశస్య వాయోః స్త్రీః ప్రాణవల్లభా వహ్నేః ప్రియా హి స్వాహా చ కుబేరస్య చ సున్దరీ యమస్య తు సుశీలా చ నైర్ఋతస్య చ కైటభీ ఐశానీ స్యాచ్ఛశికలా శతరూపా మనోః ప్రియా దేవహూతిః కర్దమస్య వసిష్ఠస్యాప్యరున్ధతీ లోపాముద్రాఽప్యగస్త్యస్య దేవమాతాఽదితిస్తథా అహల్యా గౌతమస్యాపి సర్వాధారా వసున్ధరా గఙ్గా చ తులసీ చాపి పృథివ్యాం యా సరిద్వరా ఏతాః సర్వాశ్చ యా హ్యన్యా సర్వాస్త్వత్కలయాఽమ్బికే గృహలక్ష్మీర్గృహే నౄణాం రాజలక్ష్మీశ్చ రాజసు తపస్వినాం తపస్యా త్వం గాయత్రీ బ్రాహ్మణస్య చ సతాం సత్త్‍‌వస్వరూపా త్వమసతాం కలహాఙ్కురా జ్యోతీరూపా నిర్గుణస్య శక్తిస్త్వం సగుణస్య చ సూర్యే ప్రభాస్వరూపా త్వం దాహికా చ హుతాశనే జలే శైత్యస్వరూపా చ శోభారూపా నిశాకరే త్వం భూమౌ గన్ధరూపా చ ఆకాశే శబ్దరూపిణీ క్షుత్పిపాసాదయస్త్వం చ జీవినాం సర్వశక్తయః సర్వబీజస్వరూపా త్వం సంసారే సారరూపిణీ స్మృతిర్మేధా చ బుద్ధిర్వా జ్ఞానశక్తిర్విపశ్చితామ్ కృష్ణేన విద్యా యా దత్తా సర్వజ్ఞానప్రసూః శుభా శూలినే కృపయా సా త్వం యయా మృత్యుఞ్జయః శివః సృష్టిపాలనసంహారశక్తయస్త్రివిధాశ్చ యాః బ్రహ్మవిష్ణుమహేశానాం సా త్వమేవ నమోఽస్తు తే మధుకైటభభీత్యా చ త్రస్తో ధాతా ప్రకమ్పితః స్తుత్వా ముక్తశ్చ యాం దేవీం తాం మూర్ధ్నా ప్రణమామ్యహమ్ మధుకైటభయోర్యుద్ధే త్రాతాఽసౌ విష్ణురీశ్వరీమ్ బభూవ శక్తిమాన్ స్తుత్వా తాం దుర్గాం ప్రణమామ్యహమ్ త్రిపురస్య మహాయుద్ధే సరథే పతితే శివే యాం తుష్టువుః సురాః సర్వే తాం దుర్గాం ప్రణమామ్యహమ్ విష్ణునా వృషరూపేణ స్వయం శమ్భుః సముత్థితః జఘాన త్రిపురం స్తుత్వా తాం దుర్గాం ప్రణమామ్యహమ్ యదాజ్ఞయా వాతి వాతః సూర్యస్తపతి సన్తతమ్ వర్షతీన్ద్రో దహత్యగ్నిస్తాం దుర్గాం ప్రణమామ్యహమ్ యదాజ్ఞయా హి కాలశ్చ శశ్వద్-భ్రమతి వేగతః మృత్యుశ్చరతి జన్తూనాం తాం దుర్గాం ప్రణమామ్యహమ్ స్త్రష్టా సృజతి సృష్టిం చ పాతా పాతి యదాజ్ఞయా సంహర్తా సంహరేత్ కాలే తాం దుర్గాం ప్రణమామ్యహమ్ జ్యోతిఃస్వరూపో భగవాఞ్ఛ్రీకృష్ణో నిర్గుణః స్వయమ్ యయా వినా న శక్తశ్చ సృష్టిం కర్తుం నమామి తామ్ రక్ష రక్ష జగన్మాతరపరాధం క్షమస్వ మే శిశూనామపరాధేన కుతో మాతా హి కుప్యతి ఇత్యుక్త్వా పరశురామశ్చ నత్వా తాం చ రురోద హ తుష్టా దుర్గా సమ్భ్రమేణ చాభయం చ వరం దదౌ అమరో భవ హే పుత్ర వత్స సుస్థిరతాం వ్రజ శర్వప్రసాదాత్ సర్వత్ర జయోఽస్తు తవ సన్తతమ్ సర్వాన్తరాత్మా భగవాంస్తుష్టః స్యాత్సన్తతం హరిః భక్తిర్భవతు తే కృష్ణే శివదే చ శివే గురౌ ఇష్టదేవే గురౌ యస్య భక్తిర్భవతి శాశ్వతీ తం హన్తుం న హి శక్తాశ్చ రుష్టా వా సర్వదేవతాః శ్రీకృష్ణస్య చ భక్తస్త్వం శిష్యో వై శఙ్కరస్య చ గురుపత్‍‌నీం స్తౌషి యస్మాత్ కస్త్వాం హన్తుమిహేశ్వరః అహో న కృష్ణభక్తానామశుభం విద్యతే క్వచిత్ అన్యదేవేషు యే భక్తా న భక్తా వా నిరఙ్కుశాః చన్ద్రమా బలవాంస్తుష్టో యేషాం భాగ్యవతాం భృగో తేషాం తారాగణా రుష్టాః కిం కుర్వన్తి చ దుర్బలాః యస్మై తుష్టః పాలయతి నరదేవో మహాన్ సుఖీ తస్య కిం వా కరిష్యన్తి రుష్టా భృత్యాశ్చ దుర్బలాః ఇత్యుక్త్వా పార్వతీ తుష్టా దత్త్‍‌వా రామాయ చాఽఽశిషమ్ జగామాన్తఃపురం తూర్ణం హర్షశబ్దో బభూవ హ ఫలశ్రుతిః స్తోత్రం వై కాణ్వశాఖోక్తం పూజాకాలే చ యః పఠేత్ యాత్రాకాలే చ ప్రాతర్వా వాఞ్ఛితార్థం లభేద్ధ్రువమ్ పుత్రార్థీ లభతే పుత్రం కన్యార్థీ కన్యకాం లభేత్ విద్యార్థీ లభతే విద్యాం ప్రజార్థీ చాఽఽప్నుయాత్ ప్రజామ్ భ్రష్టరాజ్యో లభేద్రాజ్యం నష్టవిత్తో ధనం లభేత్ యస్య రుష్టో గురుర్దేవో రాజా వా బాన్ధవోఽథవా తస్మై తుష్టశ్చ వరదః స్తోత్రరాజప్రసాదతః దస్యుగ్రస్తో ఫణిగ్రస్తః శత్రుగ్రస్తో భయానకః వ్యాధిగ్రస్తో భవేన్ముక్తః స్తోత్రస్మరణమాత్రతః రాజద్వారే శ్మశానే చ కారాగారే చ బన్ధనే జలరాశౌ నిమగ్నశ్చ ముక్తస్తత్స్మృతిమాత్రతః స్వామిభేదే పుత్రభేదే మిత్రభేదే చ దారుణే స్తోత్రస్మరణమాత్రేణ వాఞ్ఛితార్థం లభేద్ధ్రువమ్ కృత్వా హవిష్యం వర్షం చ స్తోత్రరాజం శ్రృణోతి యా భక్త్యా దుర్గాం చ సమ్పూజ్య మహావన్ధ్యా ప్రసూయతే లభతే సా దివ్యపుత్రం జ్ఞానినం చిరజీవినమ్ అసౌభాగ్యా చ సౌభాగ్యం షణ్మాసశ్రవణాల్లభేత్ నవమాసం కాకవన్ధ్యా మృతవత్సా చ భక్తితః స్తోత్రరాజం యా శ్రృణోతి సా పుత్రం లభతే ధ్రువమ్ కన్యామాతా పుత్రహీనా పఞ్చమాసం శ్రృణోతి యా ఘటే సమ్పూజ్య దుర్గాం చ సా పుత్రం లభతే ధ్రువమ్ ॥ఇతి~శ్రీ-బ్రహ్మవైవర్తమహాపురాణే~గణపతిఖణ్డే పఞ్చచత్వారింశేఽధ్యాయే శ్రీ-నారద-నారాయణ-సంవాదే శ్రీ-పరశురామకృతం శ్రీ-దుర్గాస్తోత్రం సమ్పూర్ణమ్॥

paraśurāmakṛta-durgāstotram śrī-paraśurāma uvāca śrīkṛṣṇasya ca goloke paripūrṇatamasya ca āvirbhūtā vigrahataḥ parā sṛṣṭyunmukhasya ca sūryakoṭiprabhāyuktā vastrālaṅkārabhūṣitā vahniśuddhāṃśukādhānā susmitā sumanoharā navayauvanasampannā sindūrāruṇyaśobhitā lalitaṃ kabarībhāraṃ mālatīmālyamaṇḍitam aho'nirvacanīyā tvaṃ cārumūrtiṃ ca bibhratī mokṣapradā mumukṣūṇāṃ mahāviṣṇorvidhiḥ svayam mumoha kṣaṇamātreṇa dṛṣṭvā tvāṃ sarvamohinīm bālaiḥ sambhūya sahasā sasmitā dhāvitā purā sadbhiḥ khyātā tena rādhā mūlaprakṛtirīśvarī kṛṣṇastvāṃ sahasā bhīto vīryādhānaṃ cakāra ha tato ḍimbhaṃ mahajjajñe tato jāto mahānvirāṭ yasyaiva lomakūpeṣu brahmāṇḍānyakhilāni ca rādhāratikrameṇaiva tanniḥśvāso babhūva ha sa niḥśvāso mahāvāyuḥ sa virāḍviśvadhārakaḥ bhayagharmajalenaiva pupluve viśvagolakam sa virāḍ viśvanilayo jalarāśirbabhūva ha tatastvaṃ pañcadhā bhūya pañcamūrtīśca bibhratī prāṇādhiṣṭhātṛmūrtiryā kṛṣṇasya paramātmanaḥ kṛṣṇaprāṇādhikāṃ rādhāṃ tāṃ vadanti purāvidaḥ vedādhiṣṭhātṛmūrtiryā vedaśāstraprasūrapi taṃ sāvitrīṃ śuddharūpāṃ pravadanti manīṣiṇaḥ aiśvaryādhiṣṭhātṛmūrtiḥ śāntistvaṃ śāntarūpiṇī lakṣmīṃ vadanti santastāṃ śuddhāṃ satt‍‌vasvarūpiṇīm rāgādhiṣṭhātrī yā devī śuklamūrtiḥ satāṃ prasūḥ sarasvatīṃ tāṃ śāstrajñāṃ śāstrajñāḥ pravadantyaho buddhirvidyā sarvaśakteryā mūrtiradhidevatā sarvamaṅgaladā santo vadanti sarvamaṅgalām sarvamaṅgalamaṅgalyā sarvamaṅgalarūpiṇī sarvamaṅgalabījasya śivasya nilaye'dhunā śive śivāsvarūpā tvaṃ lakṣmīrnārāyaṇāntike sarasvatī ca sāvitrī vedasū‌rbrahmaṇaḥ priyā rādhā rāseśvarasyaiva paripūrṇatamasya ca paramānandarūpasya paramānandarūpiṇī tvatkalāṃśāṃśakalayā devānāmapi yoṣitaḥ tvaṃ vidyā yoṣitaḥ sarvāḥ sarveṣāṃ bījarūpiṇī chāyā sūryasya candrasya rohiṇī sarvamohinī śacī śakrasya kāmasya kāminī ratirīśvarī varuṇānī jaleśasya vāyoḥ strīḥ prāṇavallabhā vahneḥ priyā hi svāhā ca kuberasya ca sundarī yamasya tu suśīlā ca nairṛtasya ca kaiṭabhī aiśānī syācchaśikalā śatarūpā manoḥ priyā devahūtiḥ kardamasya vasiṣṭhasyāpyarundhatī lopāmudrā'pyagastyasya devamātā'ditistathā ahalyā gautamasyāpi sarvādhārā vasundharā gaṅgā ca tulasī cāpi pṛthivyāṃ yā saridvarā etāḥ sarvāśca yā hyanyā sarvāstvatkalayā'mbike gṛhalakṣmīrgṛhe nṝṇāṃ rājalakṣmīśca rājasu tapasvināṃ tapasyā tvaṃ gāyatrī brāhmaṇasya ca satāṃ satt‍‌vasvarūpā tvamasatāṃ kalahāṅkurā jyotīrūpā nirguṇasya śaktistvaṃ saguṇasya ca sūrye prabhāsvarūpā tvaṃ dāhikā ca hutāśane jale śaityasvarūpā ca śobhārūpā niśākare tvaṃ bhūmau gandharūpā ca ākāśe śabdarūpiṇī kṣutpipāsādayastvaṃ ca jīvināṃ sarvaśaktayaḥ sarvabījasvarūpā tvaṃ saṃsāre sārarūpiṇī smṛtirmedhā ca buddhirvā jñānaśaktirvipaścitām kṛṣṇena vidyā yā dattā sarvajñānaprasūḥ śubhā śūline kṛpayā sā tvaṃ yayā mṛtyuñjayaḥ śivaḥ sṛṣṭipālanasaṃhāraśaktayastrividhāśca yāḥ brahmaviṣṇumaheśānāṃ sā tvameva namo'stu te madhukaiṭabhabhītyā ca trasto dhātā prakampitaḥ stutvā muktaśca yāṃ devīṃ tāṃ mūrdhnā praṇamāmyaham madhukaiṭabhayoryuddhe trātā'sau viṣṇurīśvarīm babhūva śaktimān stutvā tāṃ durgāṃ praṇamāmyaham tripurasya mahāyuddhe sarathe patite śive yāṃ tuṣṭuvuḥ surāḥ sarve tāṃ durgāṃ praṇamāmyaham viṣṇunā vṛṣarūpeṇa svayaṃ śambhuḥ samutthitaḥ jaghāna tripuraṃ stutvā tāṃ durgāṃ praṇamāmyaham yadājñayā vāti vātaḥ sūryastapati santatam varṣatīndro dahatyagnistāṃ durgāṃ praṇamāmyaham yadājñayā hi kālaśca śaśvad-bhramati vegataḥ mṛtyuścarati jantūnāṃ tāṃ durgāṃ praṇamāmyaham straṣṭā sṛjati sṛṣṭiṃ ca pātā pāti yadājñayā saṃhartā saṃharet kāle tāṃ durgāṃ praṇamāmyaham jyotiḥsvarūpo bhagavāñchrīkṛṣṇo nirguṇaḥ svayam yayā vinā na śaktaśca sṛṣṭiṃ kartuṃ namāmi tām rakṣa rakṣa jaganmātaraparādhaṃ kṣamasva me śiśūnāmaparādhena kuto mātā hi kupyati ityuktvā paraśurāmaśca natvā tāṃ ca ruroda ha tuṣṭā durgā sambhrameṇa cābhayaṃ ca varaṃ dadau amaro bhava he putra vatsa susthiratāṃ vraja śarvaprasādāt sarvatra jayo'stu tava santatam sarvāntarātmā bhagavāṃstuṣṭaḥ syātsantataṃ hariḥ bhaktirbhavatu te kṛṣṇe śivade ca śive gurau iṣṭadeve gurau yasya bhaktirbhavati śāśvatī taṃ hantuṃ na hi śaktāśca ruṣṭā vā sarvadevatāḥ śrīkṛṣṇasya ca bhaktastvaṃ śiṣyo vai śaṅkarasya ca gurupat‍‌nīṃ stauṣi yasmāt kastvāṃ hantumiheśvaraḥ aho na kṛṣṇabhaktānāmaśubhaṃ vidyate kvacit anyadeveṣu ye bhaktā na bhaktā vā niraṅkuśāḥ candramā balavāṃstuṣṭo yeṣāṃ bhāgyavatāṃ bhṛgo teṣāṃ tārāgaṇā ruṣṭāḥ kiṃ kurvanti ca durbalāḥ yasmai tuṣṭaḥ pālayati naradevo mahān sukhī tasya kiṃ vā kariṣyanti ruṣṭā bhṛtyāśca durbalāḥ ityuktvā pārvatī tuṣṭā datt‍‌vā rāmāya cā''śiṣam jagāmāntaḥpuraṃ tūrṇaṃ harṣaśabdo babhūva ha phalaśrutiḥ stotraṃ vai kāṇvaśākhoktaṃ pūjākāle ca yaḥ paṭhet yātrākāle ca prātarvā vāñchitārthaṃ labheddhruvam putrārthī labhate putraṃ kanyārthī kanyakāṃ labhet vidyārthī labhate vidyāṃ prajārthī cā''pnuyāt prajām bhraṣṭarājyo labhedrājyaṃ naṣṭavitto dhanaṃ labhet yasya ruṣṭo gururdevo rājā vā bāndhavo'thavā tasmai tuṣṭaśca varadaḥ stotrarājaprasādataḥ dasyugrasto phaṇigrastaḥ śatrugrasto bhayānakaḥ vyādhigrasto bhavenmuktaḥ stotrasmaraṇamātrataḥ rājadvāre śmaśāne ca kārāgāre ca bandhane jalarāśau nimagnaśca muktastatsmṛtimātrataḥ svāmibhede putrabhede mitrabhede ca dāruṇe stotrasmaraṇamātreṇa vāñchitārthaṃ labheddhruvam kṛtvā haviṣyaṃ varṣaṃ ca stotrarājaṃ śrṛṇoti yā bhaktyā durgāṃ ca sampūjya mahāvandhyā prasūyate labhate sā divyaputraṃ jñāninaṃ cirajīvinam asaubhāgyā ca saubhāgyaṃ ṣaṇmāsaśravaṇāllabhet navamāsaṃ kākavandhyā mṛtavatsā ca bhaktitaḥ stotrarājaṃ yā śrṛṇoti sā putraṃ labhate dhruvam kanyāmātā putrahīnā pañcamāsaṃ śrṛṇoti yā ghaṭe sampūjya durgāṃ ca sā putraṃ labhate dhruvam ||iti~śrī-brahmavaivartamahāpurāṇe~gaṇapatikhaṇḍe pañcacatvāriṃśe'dhyāye śrī-nārada-nārāyaṇa-saṃvāde śrī-paraśurāmakṛtaṃ śrī-durgāstotraṃ sampūrṇam||