रङ्गनाथस्तोत्रम् सप्तप्राकारमध्ये सरसिजमुकुलोद्भासमाने विमाने कावेरीमध्यदेशे फणिपतिशयने शेषपर्यङ्कभागे निद्रामुद्राभिरामं कटिनिकटशिरः पार्श्वविन्यस्तहस्तं पद्माधात्रीकराभ्यां परिचितचरणं रङ्गराजं भजेऽहम् आनन्दरूपे निजबोधरूपे ब्रह्मस्वरूपे श्रुतिमूर्तिरूपे शशाङ्करूपे रमणीयरूपे श्रीरङ्गरूपे रमतां मनो मे कावेरितीरे करुणाविलोले मन्दारमूले धृतचारुचेले दैत्यान्तकालेऽखिललोकलीले श्रीरङ्गलीले रमतां मनो मे लक्ष्मीनिवासे जगतां निवासे हृत्पद्मवासे रविबिम्बवासे कृपानिवासे गुणबृन्दवासे श्रीरङ्गवासे रमतां मनो मे ब्रह्मादिवन्द्ये जगदेकवन्द्ये मुकुन्दवन्द्ये सुरनाथवन्द्ये व्यासादिवन्द्ये सनकादिवन्द्ये श्रीरङ्गवन्द्ये रमतां मनो मे ब्रह्माधिराजे गरुडाधिराजे वैकुण्ठराजे सुरराजराजे त्रैलोक्यराजेऽखिललोकराजे श्रीरङ्गराजे रमतां मनो मे अमोघमुद्रे परिपूर्णनिद्रे श्रीयोगनिद्रे ससमुद्रनिद्रे श्रितैकभद्रे जगदेकनिद्रे श्रीरङ्गभद्रे रमतां मनो मे स चित्रशायी भुजगेन्द्रशायी नन्दाङ्कशायी कमलाङ्कशायी क्षीराब्धिशायी वटपत्रशायी श्रीरङ्गशायी रमतां मनो मे इदं हि रङ्गं त्यजतामिहाङ्गं पुनर्नचाङ्कं यदि चाङ्गमेति पाणौ रथाङ्गं चरणेम्बु गाङ्गं याने विहङ्गं शयने भुजङ्गम् रङ्गनाथाष्टकं पुण्यं प्रातरुत्थाय यः पठेत् सर्वान् कामानवाप्नोति रङ्गिसायुज्यमाप्नुयात् ॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-रङ्गनाथाष्टकं सम्पूर्णम्॥

రఙ్గనాథస్తోత్రమ్ సప్తప్రాకారమధ్యే సరసిజముకులోద్భాసమానే విమానే కావేరీమధ్యదేశే ఫణిపతిశయనే శేషపర్యఙ్కభాగే నిద్రాముద్రాభిరామం కటినికటశిరః పార్శ్వవిన్యస్తహస్తం పద్మాధాత్రీకరాభ్యాం పరిచితచరణం రఙ్గరాజం భజేఽహమ్ ఆనన్దరూపే నిజబోధరూపే బ్రహ్మస్వరూపే శ్రుతిమూర్తిరూపే శశాఙ్కరూపే రమణీయరూపే శ్రీరఙ్గరూపే రమతాం మనో మే కావేరితీరే కరుణావిలోలే మన్దారమూలే ధృతచారుచేలే దైత్యాన్తకాలేఽఖిలలోకలీలే శ్రీరఙ్గలీలే రమతాం మనో మే లక్ష్మీనివాసే జగతాం నివాసే హృత్పద్మవాసే రవిబిమ్బవాసే కృపానివాసే గుణబృన్దవాసే శ్రీరఙ్గవాసే రమతాం మనో మే బ్రహ్మాదివన్ద్యే జగదేకవన్ద్యే ముకున్దవన్ద్యే సురనాథవన్ద్యే వ్యాసాదివన్ద్యే సనకాదివన్ద్యే శ్రీరఙ్గవన్ద్యే రమతాం మనో మే బ్రహ్మాధిరాజే గరుడాధిరాజే వైకుణ్ఠరాజే సురరాజరాజే త్రైలోక్యరాజేఽఖిలలోకరాజే శ్రీరఙ్గరాజే రమతాం మనో మే అమోఘముద్రే పరిపూర్ణనిద్రే శ్రీయోగనిద్రే ససముద్రనిద్రే శ్రితైకభద్రే జగదేకనిద్రే శ్రీరఙ్గభద్రే రమతాం మనో మే స చిత్రశాయీ భుజగేన్ద్రశాయీ నన్దాఙ్కశాయీ కమలాఙ్కశాయీ క్షీరాబ్ధిశాయీ వటపత్రశాయీ శ్రీరఙ్గశాయీ రమతాం మనో మే ఇదం హి రఙ్గం త్యజతామిహాఙ్గం పునర్నచాఙ్కం యది చాఙ్గమేతి పాణౌ రథాఙ్గం చరణేమ్బు గాఙ్గం యానే విహఙ్గం శయనే భుజఙ్గమ్ రఙ్గనాథాష్టకం పుణ్యం ప్రాతరుత్థాయ యః పఠేత్ సర్వాన్ కామానవాప్నోతి రఙ్గిసాయుజ్యమాప్నుయాత్ ॥ఇతి శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య శ్రీమచ్ఛఙ్కరభగవతః కృతౌ శ్రీ-రఙ్గనాథాష్టకం సమ్పూర్ణమ్॥

raṅganāthastotram saptaprākāramadhye sarasijamukulodbhāsamāne vimāne kāverīmadhyadeśe phaṇipatiśayane śeṣaparyaṅkabhāge nidrāmudrābhirāmaṃ kaṭinikaṭaśiraḥ pārśvavinyastahastaṃ padmādhātrīkarābhyāṃ paricitacaraṇaṃ raṅgarājaṃ bhaje'ham ānandarūpe nijabodharūpe brahmasvarūpe śrutimūrtirūpe śaśāṅkarūpe ramaṇīyarūpe śrīraṅgarūpe ramatāṃ mano me kāveritīre karuṇāvilole mandāramūle dhṛtacārucele daityāntakāle'khilalokalīle śrīraṅgalīle ramatāṃ mano me lakṣmīnivāse jagatāṃ nivāse hṛtpadmavāse ravibimbavāse kṛpānivāse guṇabṛndavāse śrīraṅgavāse ramatāṃ mano me brahmādivandye jagadekavandye mukundavandye suranāthavandye vyāsādivandye sanakādivandye śrīraṅgavandye ramatāṃ mano me brahmādhirāje garuḍādhirāje vaikuṇṭharāje surarājarāje trailokyarāje'khilalokarāje śrīraṅgarāje ramatāṃ mano me amoghamudre paripūrṇanidre śrīyoganidre sasamudranidre śritaikabhadre jagadekanidre śrīraṅgabhadre ramatāṃ mano me sa citraśāyī bhujagendraśāyī nandāṅkaśāyī kamalāṅkaśāyī kṣīrābdhiśāyī vaṭapatraśāyī śrīraṅgaśāyī ramatāṃ mano me idaṃ hi raṅgaṃ tyajatāmihāṅgaṃ punarnacāṅkaṃ yadi cāṅgameti pāṇau rathāṅgaṃ caraṇembu gāṅgaṃ yāne vihaṅgaṃ śayane bhujaṅgam raṅganāthāṣṭakaṃ puṇyaṃ prātarutthāya yaḥ paṭhet sarvān kāmānavāpnoti raṅgisāyujyamāpnuyāt ||iti śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-raṅganāthāṣṭakaṃ sampūrṇam||