षष्ठीदेवी-स्तोत्रम् प्रियव्रत उवाच नमो देव्यै महादेव्यै सिद्‍ध्यै शान्त्यै नमो नमः शुभायै देवसेनायै षष्ठीदेव्यै नमो नमः वरदायै पुत्रदायै धनदायै नमो नमः सुखदायै मोक्षदायै षष्ठीदेव्यै नमो नमः शक्तेः षष्ठांशरूपायै सिद्धायै च नमो नमः मायायै सिद्धयोगिन्यै षष्ठीदेव्यै नमो नमः पारायै पारदायै च षष्ठीदेव्यै नमो नमः सारायै सारदायै च पारायै सर्वकर्मणाम् बालाधिष्ठातृदेव्यै च षष्ठीदेव्यै नमो नमः कल्याणदायै कल्याण्यै फलदायै च कर्मणाम् प्रत्यक्षायै च भक्तानां षष्ठीदेव्यै नमो नमः पूज्यायै स्कन्दकान्तायै सर्वेषां सर्वकर्मसु देवरक्षणकारिण्यै षष्ठीदेव्यै नमो नमः शुद्धसत्त्वस्वरूपायै वन्दितायै नृणां सदा हिंसाक्रोधैर्वर्जितायै षष्ठीदेव्यै नमो नमः धनं देहि प्रियां देहि पुत्रं देहि सुरेश्वरि धर्मं देहि यशो देहि षष्ठीदेव्यै नमो नमः भूमिं देहि प्रजां देहि देहि विद्यां सुपूजिते कल्याणं च जयं देहि षष्ठीदेव्यै नमो नमः इति देवीं च संस्तूय लेभे पुत्रं प्रियव्रतः यशस्विनं च राजेन्द्रं षष्ठीदेवीप्रसादतः षष्ठीस्तोत्रमिदं ब्रह्मण् यः शृणोति च वत्सरम् अपुत्रो लभते पुत्रं वरं सुचिरजीवनम् वर्षमेकं च या भक्त्या संयतेदं शृणोति च सर्वपापाद्विनिर्मुक्ता महावन्ध्या प्रसूयते वीरपुत्रं च गुणिनं विद्यावन्तं यशस्विनम् सुचिरायुष्मन्तमेव षष्ठीमातृप्रसादतः काकवन्ध्या च या नारी मृतापत्या च या भवेत् वर्षं श्रुत्वा लभेत्पुत्रं षष्ठीदेवीप्रसादतः रोगयुक्ते च बाले च पिता माता शृणोति च मासं च मुच्यते बालः षष्ठीदेवीप्रसादतः ॥इति~श्री-ब्रह्मवैवर्तमहापुराणे~प्रकृतिखण्डे श्री-नारद-नारायण-संवादे षष्ठ्युपाख्याने श्री-प्रियव्रतविरचितं श्री-षष्ठीदेवीस्तोत्रं सम्पूर्णम्॥

షష్ఠీదేవీ-స్తోత్రమ్ ప్రియవ్రత ఉవాచ నమో దేవ్యై మహాదేవ్యై సిద్‍ధ్యై శాన్త్యై నమో నమః శుభాయై దేవసేనాయై షష్ఠీదేవ్యై నమో నమః వరదాయై పుత్రదాయై ధనదాయై నమో నమః సుఖదాయై మోక్షదాయై షష్ఠీదేవ్యై నమో నమః శక్తేః షష్ఠాంశరూపాయై సిద్ధాయై చ నమో నమః మాయాయై సిద్ధయోగిన్యై షష్ఠీదేవ్యై నమో నమః పారాయై పారదాయై చ షష్ఠీదేవ్యై నమో నమః సారాయై సారదాయై చ పారాయై సర్వకర్మణామ్ బాలాధిష్ఠాతృదేవ్యై చ షష్ఠీదేవ్యై నమో నమః కల్యాణదాయై కల్యాణ్యై ఫలదాయై చ కర్మణామ్ ప్రత్యక్షాయై చ భక్తానాం షష్ఠీదేవ్యై నమో నమః పూజ్యాయై స్కన్దకాన్తాయై సర్వేషాం సర్వకర్మసు దేవరక్షణకారిణ్యై షష్ఠీదేవ్యై నమో నమః శుద్ధసత్త్వస్వరూపాయై వన్దితాయై నృణాం సదా హింసాక్రోధైర్వర్జితాయై షష్ఠీదేవ్యై నమో నమః ధనం దేహి ప్రియాం దేహి పుత్రం దేహి సురేశ్వరి ధర్మం దేహి యశో దేహి షష్ఠీదేవ్యై నమో నమః భూమిం దేహి ప్రజాం దేహి దేహి విద్యాం సుపూజితే కల్యాణం చ జయం దేహి షష్ఠీదేవ్యై నమో నమః ఇతి దేవీం చ సంస్తూయ లేభే పుత్రం ప్రియవ్రతః యశస్వినం చ రాజేన్ద్రం షష్ఠీదేవీప్రసాదతః షష్ఠీస్తోత్రమిదం బ్రహ్మణ్ యః శృణోతి చ వత్సరమ్ అపుత్రో లభతే పుత్రం వరం సుచిరజీవనమ్ వర్షమేకం చ యా భక్త్యా సంయతేదం శృణోతి చ సర్వపాపాద్వినిర్ముక్తా మహావన్ధ్యా ప్రసూయతే వీరపుత్రం చ గుణినం విద్యావన్తం యశస్వినమ్ సుచిరాయుష్మన్తమేవ షష్ఠీమాతృప్రసాదతః కాకవన్ధ్యా చ యా నారీ మృతాపత్యా చ యా భవేత్ వర్షం శ్రుత్వా లభేత్పుత్రం షష్ఠీదేవీప్రసాదతః రోగయుక్తే చ బాలే చ పితా మాతా శృణోతి చ మాసం చ ముచ్యతే బాలః షష్ఠీదేవీప్రసాదతః ॥ఇతి~శ్రీ-బ్రహ్మవైవర్తమహాపురాణే~ప్రకృతిఖణ్డే శ్రీ-నారద-నారాయణ-సంవాదే షష్ఠ్యుపాఖ్యానే శ్రీ-ప్రియవ్రతవిరచితం శ్రీ-షష్ఠీదేవీస్తోత్రం సమ్పూర్ణమ్॥

ṣaṣṭhīdevī-stotram priyavrata uvāca namo devyai mahādevyai sid‍dhyai śāntyai namo namaḥ śubhāyai devasenāyai ṣaṣṭhīdevyai namo namaḥ varadāyai putradāyai dhanadāyai namo namaḥ sukhadāyai mokṣadāyai ṣaṣṭhīdevyai namo namaḥ śakteḥ ṣaṣṭhāṃśarūpāyai siddhāyai ca namo namaḥ māyāyai siddhayoginyai ṣaṣṭhīdevyai namo namaḥ pārāyai pāradāyai ca ṣaṣṭhīdevyai namo namaḥ sārāyai sāradāyai ca pārāyai sarvakarmaṇām bālādhiṣṭhātṛdevyai ca ṣaṣṭhīdevyai namo namaḥ kalyāṇadāyai kalyāṇyai phaladāyai ca karmaṇām pratyakṣāyai ca bhaktānāṃ ṣaṣṭhīdevyai namo namaḥ pūjyāyai skandakāntāyai sarveṣāṃ sarvakarmasu devarakṣaṇakāriṇyai ṣaṣṭhīdevyai namo namaḥ śuddhasattvasvarūpāyai vanditāyai nṛṇāṃ sadā hiṃsākrodhairvarjitāyai ṣaṣṭhīdevyai namo namaḥ dhanaṃ dehi priyāṃ dehi putraṃ dehi sureśvari dharmaṃ dehi yaśo dehi ṣaṣṭhīdevyai namo namaḥ bhūmiṃ dehi prajāṃ dehi dehi vidyāṃ supūjite kalyāṇaṃ ca jayaṃ dehi ṣaṣṭhīdevyai namo namaḥ iti devīṃ ca saṃstūya lebhe putraṃ priyavrataḥ yaśasvinaṃ ca rājendraṃ ṣaṣṭhīdevīprasādataḥ ṣaṣṭhīstotramidaṃ brahmaṇ yaḥ śṛṇoti ca vatsaram aputro labhate putraṃ varaṃ sucirajīvanam varṣamekaṃ ca yā bhaktyā saṃyatedaṃ śṛṇoti ca sarvapāpādvinirmuktā mahāvandhyā prasūyate vīraputraṃ ca guṇinaṃ vidyāvantaṃ yaśasvinam sucirāyuṣmantameva ṣaṣṭhīmātṛprasādataḥ kākavandhyā ca yā nārī mṛtāpatyā ca yā bhavet varṣaṃ śrutvā labhetputraṃ ṣaṣṭhīdevīprasādataḥ rogayukte ca bāle ca pitā mātā śṛṇoti ca māsaṃ ca mucyate bālaḥ ṣaṣṭhīdevīprasādataḥ ||iti~śrī-brahmavaivartamahāpurāṇe~prakṛtikhaṇḍe śrī-nārada-nārāyaṇa-saṃvāde ṣaṣṭhyupākhyāne śrī-priyavrataviracitaṃ śrī-ṣaṣṭhīdevīstotraṃ sampūrṇam||