स्कन्दप्रोक्तं शिवरहस्याभाषः
- शिवरहस्ये जैगीषव्यस्कन्दसंवादे -
नमस्कृत्वाप्रमेयाय महादेवाय शम्भवे ।
देवीं गजाननं देवं शैवाचार्यानकल्मषान् ॥ ४॥
माहेशांशः प्रथमतो नाम्नासौ मुनिसत्तम ।
जेगीपव्य प्रसादन्ते महेशस्य समागमः ॥ ५॥
गणानान्देवसंङ्घाना मुनीनाञ्च समागमः ।
मया प्रसादितो देवस्स्तोत्रवर्यण सत्तम ॥ ६॥
कैलासवर्णनञ्चैव विचित्रं श्रीमहेशितुः ।
देव्या महेशसंवादः कौतुकेन नगोत्तमे ॥ ७॥
चरित्रं शिवयोस्तत्र विचित्रं भूधरोत्तमे ।
कैलासेश्वरपूजा च महेशेन प्रकल्पनम् ॥ ८॥
द्वारप्राकाररचना गणानां स्थानकल्पनम् ।
मम देव्याश्च विप्रेन्द्र गणेशस्य महात्मनः ॥ ९॥
सहस्रलिङ्गाध्यायञ्च कैलासस्य तपः क्रिया ।
तत्प्रसादनमीशेन तन्मौलौवसतिस्तथा ॥ १०॥
कैलासस्याभिषेकश्च शम्भुना कल्पितोनगैः ।
जिज्ञासा चैवदेवानान्देव्यःप्रादुर्भवात्सुराः ॥ ११॥
ज्ञानार्थकथनञ्चैव चात्मलिङ्गस्य पूजनम् ।
माहेशेऽस्मिन्महेशेनकथाःप्रोक्ताश्शिवेन हि ॥ १२॥
दिक्संख्यया मुनिश्रेष्ठ कथितोऽयं सहस्रतः ।
द्वितीयांशोभवोनास्नातस्मिन्प्रोक्तंहरेणहि ॥ १३॥
देव्याश्चैव तपश्चर्या मणिद्वीपागमस्तथा ।
कल्पवाटीरम्यनीपवनद्वीपोपवणेनम् ॥ १४॥
चिन्तामणिमहासौधवर्णनं श्रीपुरस्यच ।
तस्मात्कैलासगमनं कामेशस्य वपुर्धरः ॥ १५॥
कामेशया च देव्याच तत्र नित्यमवस्थितिः ।
हिमाचलागमश्चैव देव्यास्तत्र गतिर्मुने ॥ १६॥
दूर्वाससोमहिम्नश्च कथनं तत्तपःक्रिया ।
द्वितीये भवसञ्ज्ञेऽत्र कथितं शङ्करेणहि ॥ १७॥
सहस्रत्रितयेनैव श्लोकसार्धेन शङ्करः ।
(श्लोकसार्धेन साहस्रत्रितयेनैव शङ्करः) ।
हरस्त्रितीयो देवेन कथितोंशो मुनीश्वराः ॥ १८॥
तस्मिन्मुनिप्रार्थनया व्यासेनपरिकीर्तनम् ।
गायत्रयाश्च तपश्चर्या देव्यागमनमुत्तमम् ॥ १९॥
गणानाम्प्रेषणश्चैच तीर्थेशमहिमा तथा ।
श्रीशैलमहिमा चापि मानसार्चनकल्पनम् ॥ २०॥
जनकस्य च संवादो याज्ञवल्क्येन शङ्करः ।
पद्मावत्या रत्ननिधेस्संवादः परमाद्भुतः ॥ २१॥
तस्पोत्तरार्धेचांशस्य पूजारत्ननिधेस्तथा ।
शिवस्य देवदेवस्य महादेवस्य शूलिनः ॥ २२॥
यमलोकस्य वृत्तान्तो देशनं शिवयोस्तथा ।
संवादो भस्मरुद्राक्षधारणे महिमापि च ॥ २३॥
गङ्गाया नर्मदायाश्च वरप्राप्त्युपवर्णनम् ।
माहेश्वरव्रतश्चैव वर्णनं श्रीमहेशितुः ॥ २४॥
शैवार्चनादिकथनं शिवढुण्ढिचरित्रकम् ।
त्रयस्त्रिंशत्सहस्रेण सङ्ख्यया प्रोक्त एवहि ॥ २५॥
चतुर्थश्शिवसञ्ज्ञोहि चांशस्साक्षाच्छिवोदितः ।
बृहज्जाबालधर्मादिकिथनं दशकस्य हि ॥ २६॥
भस्मस्द्राक्षमहिमा शिवलिङ्गार्चनस्य च ।
महिमा शिवभक्तानां शैवानां भोजनेऽपिच ॥ २७॥
शिवक्षेत्रनिवासस्य कथनं बिल्वपूजनात् ।
पूजाप्रभावकथनं तस्मिन्नंशे प्रकीर्तितम् ॥ २८॥
चतुस्सहस्रतस्सङ्ख्या देवदेवोदिता शुभा ।
भर्गोनान्ना पञ्चमांशः कथितोऽत्रशिवेनहि ॥ २९॥
ज्योतिर्लिङ्गद्वादशानां महिमा तत्र कीर्तितः ।
वामदेवोपदेशश्च श्रुतिसिद्धान्त कीतेनम् ॥ ३०॥
गङ्गासागरमाहात्म्यं प्रभासे पुष्करस्यच ।
हरिद्वारप्रभावश्च बिल्वमूलार्चनस्य च ॥ ३१॥
सहस्रनामकथनन्देवदेवस्य शूलिनः ।
महिमा देवदेवेन कथितोऽस्ति विशेषतः ॥ ३२॥
शिवायैषट्सहस्रोऽन्र कथितो मुनिसत्तम ।
शङ्करांशस्ततष्षष्ठो दिक्सङ्ख्या क्रमसङ्ख्यया ॥ ३३॥
कथितश्श्रीमहेशेन तस्मिन्रुद्रोपवर्णनम् ।
शिवलिङ्गार्चनस्यापि भस्सरुद्राक्षधारिणाम् ॥ ३४॥
महिमा शाम्भवानाञ्च कथितो विस्तरेणहि ।
निदाघऋभुसंवादष्षष्ठांशो ज्ञानविस्तर ॥ ३५॥
उग्रो नाम्ना सप्तमोऽत्र कथितश्शंकरेण हि ।
देवस्य देव्या संवादो नामसाहस्रकीर्तनम् ॥ ३६॥
अविमुक्तप्रशंसा च शतर्चनतपःक्रिया ।
नाम्नामष्टोत्तराख्यानं महिन्नमथवेहरेः ॥ ३७॥
पुष्पदन्तमहिम्नाख्यकथनं तत्र सत्तम ।
काटकोटरजाख्यानं क्षेत्राणां महिमा तथा ॥ ३८॥
श्रीशैलस्यारुणाद्रेश्च तथावृद्धाचलस्यच ।
श्रीभीमद्दक्षिणकैलासमाहात्म्यपि विस्तरात् ॥ ३९॥
पुण्डरीकपुरस्यापि काञ्चयाश्श्रीमहिमाद्भुतः ।
कुम्भघोणप्रशंसाचतथामध्यार्जुनस्य च ॥ ४०॥
चतुर्दशसहस्रेण कथितोऽत्रशिवेनहि ।
भीमोऽष्टमोमहांशोऽत्रकथितोविस्तरेणहि ॥ ४१॥
दिङ्नागसङ्ख्यया चैव सहस्रेण मुनीश्वर ।
पाताललोकलिङ्गानां महिमाकथनम्मुने ॥ ४२॥
श्रीहाटकेशमहिमा शेषस्यातत्रतपःक्रिया ।
प्रसादश्च महेशेन तस्य भूभारधारणे ॥ ४३॥
सदाशिवोंशो नवमस्तस्मिञ्छम्भोःकथानम् ।
शिवेनोक्तं महादेव्यै नामसाहस्रमुत्तमम् ॥ ४४॥
कलौ शैवसमाचारप्रमाणेन विमुक्तिदम् ।
ईश्वरांशोऽत्र दशमो दशधर्मानुकीर्तनम् ॥ ४५॥
बिल्वार्चनं रुद्रजपः पञ्चाक्षरमहोदयः ।
शिवलिङ्गार्चनस्यापि भस्सरुद्राक्षकीर्तनम् ॥ ४६॥
शाम्भवानां शिवक्षेत्रेशैवभक्तार्चनन्तथा ।
शिवनाम्नस्स्मृतेश्चापि दशमे महिमातु यः ॥ ४७॥
तस्मिन्प्रकीर्तितोविप्रशङ्करस्याख्यसङ्ख्यया ।
एकादशो महादेवः प्रोक्तोंशश्शम्भुनातदा ॥ ४८॥
मन्नेत्रक्रमसङ्ख्ययातश्शिवपूजाक्रमात्मकः ।
अभिषेचनिकानाञ्च फलं पुष्पेषुकीर्तनम् ॥ ४९॥
भक्तीनान्दशकानाञ्च कीर्तनं पूजने तथा ।
मुनिसङ्ख्यया ग्रन्थतश्च ईशो नाम्नात्र द्वादशः ॥ ५०॥
शिवनाम्नां सहस्रस्य कीर्तनं तत्र कीर्तितम् ।
प्रसादर्शंकरस्यापि ममैवानुग्रहात्मकः ॥ ५१॥
शिवरत्नाकरकथामाहात्म्यं मुनितोषणम् ।
एतदध्यायसाहस्रैः कीर्तितं श्रीशिवेन हि ॥ ५२॥
देव्यै देवेन कथितं रहस्यं शिवसम्मतम् ।
सदाशिवसमो देवो नास्ति लोकत्रयेष्वपि ॥ ५३॥
तथा शिवरहस्येन तुल्यमन्यन्नविद्यते ।
शैवसारमहारत्नरकोशोऽयं मुनिसत्तम ॥ ५५॥
पुण्योऽयं पावनश्चायं भक्तिसारकथाश्रयः ।
संसारायासधर्माणां कथनेन विवर्जितम् ॥ ५६॥
वर्णाश्रमविचारादिकथाश्रमविवर्जितः ।
अत्याश्रमोक्तधर्माणामाकरोऽयं महामुने ॥ ५७॥
नानाकथासुधाश्शैवाः परमानन्दनिर्भराः ।
देव्यै देवेन कथिताश्शतसाहस्रतोऽधिकाः ॥ ५८॥
भक्तैश्श्राव्योऽयमतुलश्चेतिहासवरोत्तमः ।
शैवसारकथारत्नं सर्वस्वोऽयं मुनीश्वराः ॥ ५९॥
स्कन्दे गजानने गौर्यां यथाप्रीतिर्महेशितु ।
तथा शिवरहस्येऽपि गोप्यं गोप्यमिदं शुभम् ॥ ६०॥
नदेयं नैव वक्तव्यमादौ तेभ्यस्त्वया मुने ।
शप मत्पदयोर्विप्र नचेन्मूर्धाद्य ते पतेत् ॥ ६१॥
वेदान्तसारसर्वस्वं शिवभक्तिप्रकाशकम् ।
देयं भक्ताय विप्राय पुत्रायात्यन्तरागिणे ॥ ६२॥
वक्तव्यमनहंकारचित्तायात्मगुणाय च ।
शैवाय शम्भोरुत्कर्षभक्तियुक्ताय ते मुने ॥ ६३॥
संवत्सरोषितायत्वं भक्तायान्तेनिवासिने ।
त्रिणेत्रचिन्तापात्राय नान्यस्मै सत्यमुच्यते ॥ ६४॥
॥ इति शिवरहस्यान्तर्गते माहेश्वराख्ये स्कन्दप्रोक्तं शिवरहस्याभाषः ॥
- ॥ श्रीशिवरहस्यम् । माहेश्वराख्यः प्रथमांशः । अध्यायः ११ - जैगीषव्यस्कन्दसंवादे द्वादशांशसङ्ख्याकथनम् । ४-६४॥
- .. shrIshivarahasyam . mAheshvarAkhyaH prathamAMshaH . adhyAyaH 11 - jaigIShavyaskandasaMvAde dvAdashAMshasankhyAkathanam . 4-64..
Notes:
Skanda स्कन्द details to Jaigīṣavya जैगीषव्य about the contents of the Text of the Śiva-Rahasyam शिवरहस्यम् that comprises of Twelve Sections - Dvādaśāṁśa द्वादशांश that are named sequentially as Māheśaḥ माहेशः, Bhavaḥ भवः, Haraḥ हरः, Śivaḥ शिवः, Bhargaḥ भर्गः, Śaṅkaraḥ शङ्करः, Ugraḥ उग्रः, Bhīmaḥ भीमः, Sadāśivaḥ सदाशिवः, Īśvara ईश्वर, Mahādevaḥ महादेवः and Īśaḥ ईशः.
A description of the contents of the Twelve Sections - Dvādaśāṁśāḥ द्वादशांश of The ŚivaRahasyam शिवरहस्यम् given towards the conclusion of the Dvādaśāṁśaḥ द्वादशांश can be accessed from one of the links below.
Encoded and proofread by Ruma Dewan
% Text title : Skandaproktah Shivarahasyabhashah
% File name : shivarahasyAbhAShaHskandaproktaM.itx
% itxtitle : shivarahasyAbhAShaH skandaproktaH (shivarahasyAntargatA)
% engtitle : shivarahasyAbhAShaH skandaproktaH
% Category : shiva, shivarahasya
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | mAheshvarAkhyaH prathamAMshaH | adhyAyaH 11 - jaigIShavyaskandasaMvAde dvAdashAMshasaNkhyAkathanam | 4-64||
% Indexextra : (Scan, shivarahasyaviShayakathanam)
% Latest update : December 28, 2023
% Send corrections to : sanskrit@cheerful.com
% Site access : https://sanskritdocuments.org
skandaproktaṃ śivarahasyābhāṣaḥ
- śivarahasye jaigīṣavyaskandasaṃvāde -
namaskṛtvāprameyāya mahādevāya śambhave |
devīṃ gajānanaṃ devaṃ śaivācāryānakalmaṣān || 4||
māheśāṃśaḥ prathamato nāmnāsau munisattama |
jegīpavya prasādante maheśasya samāgamaḥ || 5||
gaṇānāndevasaṃṅghānā munīnāñca samāgamaḥ |
mayā prasādito devasstotravaryaṇa sattama || 6||
kailāsavarṇanañcaiva vicitraṃ śrīmaheśituḥ |
devyā maheśasaṃvādaḥ kautukena nagottame || 7||
caritraṃ śivayostatra vicitraṃ bhūdharottame |
kailāseśvarapūjā ca maheśena prakalpanam || 8||
dvāraprākāraracanā gaṇānāṃ sthānakalpanam |
mama devyāśca viprendra gaṇeśasya mahātmanaḥ || 9||
sahasraliṅgādhyāyañca kailāsasya tapaḥ kriyā |
tatprasādanamīśena tanmaulauvasatistathā || 10||
kailāsasyābhiṣekaśca śambhunā kalpitonagaiḥ |
jijñāsā caivadevānāndevyaḥprādurbhavātsurāḥ || 11||
jñānārthakathanañcaiva cātmaliṅgasya pūjanam |
māheśe'sminmaheśenakathāḥproktāśśivena hi || 12||
diksaṃkhyayā muniśreṣṭha kathito'yaṃ sahasrataḥ |
dvitīyāṃśobhavonāsnātasminproktaṃhareṇahi || 13||
devyāścaiva tapaścaryā maṇidvīpāgamastathā |
kalpavāṭīramyanīpavanadvīpopavaṇenam || 14||
cintāmaṇimahāsaudhavarṇanaṃ śrīpurasyaca |
tasmātkailāsagamanaṃ kāmeśasya vapurdharaḥ || 15||
kāmeśayā ca devyāca tatra nityamavasthitiḥ |
himācalāgamaścaiva devyāstatra gatirmune || 16||
dūrvāsasomahimnaśca kathanaṃ tattapaḥkriyā |
dvitīye bhavasañjñe'tra kathitaṃ śaṅkareṇahi || 17||
sahasratritayenaiva ślokasārdhena śaṅkaraḥ |
(ślokasārdhena sāhasratritayenaiva śaṅkaraḥ) |
harastritīyo devena kathitoṃśo munīśvarāḥ || 18||
tasminmuniprārthanayā vyāsenaparikīrtanam |
gāyatrayāśca tapaścaryā devyāgamanamuttamam || 19||
gaṇānāmpreṣaṇaścaica tīrtheśamahimā tathā |
śrīśailamahimā cāpi mānasārcanakalpanam || 20||
janakasya ca saṃvādo yājñavalkyena śaṅkaraḥ |
padmāvatyā ratnanidhessaṃvādaḥ paramādbhutaḥ || 21||
taspottarārdhecāṃśasya pūjāratnanidhestathā |
śivasya devadevasya mahādevasya śūlinaḥ || 22||
yamalokasya vṛttānto deśanaṃ śivayostathā |
saṃvādo bhasmarudrākṣadhāraṇe mahimāpi ca || 23||
gaṅgāyā narmadāyāśca varaprāptyupavarṇanam |
māheśvaravrataścaiva varṇanaṃ śrīmaheśituḥ || 24||
śaivārcanādikathanaṃ śivaḍhuṇḍhicaritrakam |
trayastriṃśatsahasreṇa saṅkhyayā prokta evahi || 25||
caturthaśśivasañjñohi cāṃśassākṣācchivoditaḥ |
bṛhajjābāladharmādikithanaṃ daśakasya hi || 26||
bhasmasdrākṣamahimā śivaliṅgārcanasya ca |
mahimā śivabhaktānāṃ śaivānāṃ bhojane'pica || 27||
śivakṣetranivāsasya kathanaṃ bilvapūjanāt |
pūjāprabhāvakathanaṃ tasminnaṃśe prakīrtitam || 28||
catussahasratassaṅkhyā devadevoditā śubhā |
bhargonānnā pañcamāṃśaḥ kathito'traśivenahi || 29||
jyotirliṅgadvādaśānāṃ mahimā tatra kīrtitaḥ |
vāmadevopadeśaśca śrutisiddhānta kītenam || 30||
gaṅgāsāgaramāhātmyaṃ prabhāse puṣkarasyaca |
haridvāraprabhāvaśca bilvamūlārcanasya ca || 31||
sahasranāmakathanandevadevasya śūlinaḥ |
mahimā devadevena kathito'sti viśeṣataḥ || 32||
śivāyaiṣaṭsahasro'nra kathito munisattama |
śaṅkarāṃśastataṣṣaṣṭho diksaṅkhyā kramasaṅkhyayā || 33||
kathitaśśrīmaheśena tasminrudropavarṇanam |
śivaliṅgārcanasyāpi bhassarudrākṣadhāriṇām || 34||
mahimā śāmbhavānāñca kathito vistareṇahi |
nidāghaṛbhusaṃvādaṣṣaṣṭhāṃśo jñānavistara || 35||
ugro nāmnā saptamo'tra kathitaśśaṃkareṇa hi |
devasya devyā saṃvādo nāmasāhasrakīrtanam || 36||
avimuktapraśaṃsā ca śatarcanatapaḥkriyā |
nāmnāmaṣṭottarākhyānaṃ mahinnamathavehareḥ || 37||
puṣpadantamahimnākhyakathanaṃ tatra sattama |
kāṭakoṭarajākhyānaṃ kṣetrāṇāṃ mahimā tathā || 38||
śrīśailasyāruṇādreśca tathāvṛddhācalasyaca |
śrībhīmaddakṣiṇakailāsamāhātmyapi vistarāt || 39||
puṇḍarīkapurasyāpi kāñcayāśśrīmahimādbhutaḥ |
kumbhaghoṇapraśaṃsācatathāmadhyārjunasya ca || 40||
caturdaśasahasreṇa kathito'traśivenahi |
bhīmo'ṣṭamomahāṃśo'trakathitovistareṇahi || 41||
diṅnāgasaṅkhyayā caiva sahasreṇa munīśvara |
pātālalokaliṅgānāṃ mahimākathanammune || 42||
śrīhāṭakeśamahimā śeṣasyātatratapaḥkriyā |
prasādaśca maheśena tasya bhūbhāradhāraṇe || 43||
sadāśivoṃśo navamastasmiñchambhoḥkathānam |
śivenoktaṃ mahādevyai nāmasāhasramuttamam || 44||
kalau śaivasamācārapramāṇena vimuktidam |
īśvarāṃśo'tra daśamo daśadharmānukīrtanam || 45||
bilvārcanaṃ rudrajapaḥ pañcākṣaramahodayaḥ |
śivaliṅgārcanasyāpi bhassarudrākṣakīrtanam || 46||
śāmbhavānāṃ śivakṣetreśaivabhaktārcanantathā |
śivanāmnassmṛteścāpi daśame mahimātu yaḥ || 47||
tasminprakīrtitovipraśaṅkarasyākhyasaṅkhyayā |
ekādaśo mahādevaḥ proktoṃśaśśambhunātadā || 48||
mannetrakramasaṅkhyayātaśśivapūjākramātmakaḥ |
abhiṣecanikānāñca phalaṃ puṣpeṣukīrtanam || 49||
bhaktīnāndaśakānāñca kīrtanaṃ pūjane tathā |
munisaṅkhyayā granthataśca īśo nāmnātra dvādaśaḥ || 50||
śivanāmnāṃ sahasrasya kīrtanaṃ tatra kīrtitam |
prasādarśaṃkarasyāpi mamaivānugrahātmakaḥ || 51||
śivaratnākarakathāmāhātmyaṃ munitoṣaṇam |
etadadhyāyasāhasraiḥ kīrtitaṃ śrīśivena hi || 52||
devyai devena kathitaṃ rahasyaṃ śivasammatam |
sadāśivasamo devo nāsti lokatrayeṣvapi || 53||
tathā śivarahasyena tulyamanyannavidyate |
śaivasāramahāratnarakośo'yaṃ munisattama || 55||
puṇyo'yaṃ pāvanaścāyaṃ bhaktisārakathāśrayaḥ |
saṃsārāyāsadharmāṇāṃ kathanena vivarjitam || 56||
varṇāśramavicārādikathāśramavivarjitaḥ |
atyāśramoktadharmāṇāmākaro'yaṃ mahāmune || 57||
nānākathāsudhāśśaivāḥ paramānandanirbharāḥ |
devyai devena kathitāśśatasāhasrato'dhikāḥ || 58||
bhaktaiśśrāvyo'yamatulaścetihāsavarottamaḥ |
śaivasārakathāratnaṃ sarvasvo'yaṃ munīśvarāḥ || 59||
skande gajānane gauryāṃ yathāprītirmaheśitu |
tathā śivarahasye'pi gopyaṃ gopyamidaṃ śubham || 60||
nadeyaṃ naiva vaktavyamādau tebhyastvayā mune |
śapa matpadayorvipra nacenmūrdhādya te patet || 61||
vedāntasārasarvasvaṃ śivabhaktiprakāśakam |
deyaṃ bhaktāya viprāya putrāyātyantarāgiṇe || 62||
vaktavyamanahaṃkāracittāyātmaguṇāya ca |
śaivāya śambhorutkarṣabhaktiyuktāya te mune || 63||
saṃvatsaroṣitāyatvaṃ bhaktāyāntenivāsine |
triṇetracintāpātrāya nānyasmai satyamucyate || 64||
|| iti śivarahasyāntargate māheśvarākhye skandaproktaṃ śivarahasyābhāṣaḥ ||
- || śrīśivarahasyam | māheśvarākhyaḥ prathamāṃśaḥ | adhyāyaḥ 11 - jaigīṣavyaskandasaṃvāde dvādaśāṃśasaṅkhyākathanam | 4-64||
- .. shrIshivarahasyam . mAheshvarAkhyaH prathamAMshaH . adhyAyaH 11 - jaigIShavyaskandasaMvAde dvAdashAMshasankhyAkathanam . 4-64..
Notes:
Skanda skanda details to Jaigīṣavya jaigīṣavya about the contents of the Text of the Śiva-Rahasyam śivarahasyam that comprises of Twelve Sections - Dvādaśāṁśa dvādaśāṃśa that are named sequentially as Māheśaḥ māheśaḥ, Bhavaḥ bhavaḥ, Haraḥ haraḥ, Śivaḥ śivaḥ, Bhargaḥ bhargaḥ, Śaṅkaraḥ śaṅkaraḥ, Ugraḥ ugraḥ, Bhīmaḥ bhīmaḥ, Sadāśivaḥ sadāśivaḥ, Īśvara īśvara, Mahādevaḥ mahādevaḥ and Īśaḥ īśaḥ.
A description of the contents of the Twelve Sections - Dvādaśāṁśāḥ dvādaśāṃśa of The ŚivaRahasyam śivarahasyam given towards the conclusion of the Dvādaśāṁśaḥ dvādaśāṃśa can be accessed from one of the links below.
Encoded and proofread by Ruma Dewan
% Text title : Skandaproktah Shivarahasyabhashah
% File name : shivarahasyAbhAShaHskandaproktaM.itx
% itxtitle : shivarahasyAbhAShaH skandaproktaH (shivarahasyAntargatA)
% engtitle : shivarahasyAbhAShaH skandaproktaH
% Category : shiva, shivarahasya
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | mAheshvarAkhyaH prathamAMshaH | adhyAyaH 11 - jaigIShavyaskandasaMvAde dvAdashAMshasaNkhyAkathanam | 4-64||
% Indexextra : (Scan, shivarahasyaviShayakathanam)
% Latest update : December 28, 2023
% Send corrections to : sanskrit@cheerful.com
% Site access : https://sanskritdocuments.org
స్కన్దప్రోక్తం శివరహస్యాభాషః
- శివరహస్యే జైగీషవ్యస్కన్దసంవాదే -
నమస్కృత్వాప్రమేయాయ మహాదేవాయ శమ్భవే ।
దేవీం గజాననం దేవం శైవాచార్యానకల్మషాన్ ॥ ౪॥
మాహేశాంశః ప్రథమతో నామ్నాసౌ మునిసత్తమ ।
జేగీపవ్య ప్రసాదన్తే మహేశస్య సమాగమః ॥ ౫॥
గణానాన్దేవసంఙ్ఘానా మునీనాఞ్చ సమాగమః ।
మయా ప్రసాదితో దేవస్స్తోత్రవర్యణ సత్తమ ॥ ౬॥
కైలాసవర్ణనఞ్చైవ విచిత్రం శ్రీమహేశితుః ।
దేవ్యా మహేశసంవాదః కౌతుకేన నగోత్తమే ॥ ౭॥
చరిత్రం శివయోస్తత్ర విచిత్రం భూధరోత్తమే ।
కైలాసేశ్వరపూజా చ మహేశేన ప్రకల్పనమ్ ॥ ౮॥
ద్వారప్రాకారరచనా గణానాం స్థానకల్పనమ్ ।
మమ దేవ్యాశ్చ విప్రేన్ద్ర గణేశస్య మహాత్మనః ॥ ౯॥
సహస్రలిఙ్గాధ్యాయఞ్చ కైలాసస్య తపః క్రియా ।
తత్ప్రసాదనమీశేన తన్మౌలౌవసతిస్తథా ॥ ౧౦॥
కైలాసస్యాభిషేకశ్చ శమ్భునా కల్పితోనగైః ।
జిజ్ఞాసా చైవదేవానాన్దేవ్యఃప్రాదుర్భవాత్సురాః ॥ ౧౧॥
జ్ఞానార్థకథనఞ్చైవ చాత్మలిఙ్గస్య పూజనమ్ ।
మాహేశేఽస్మిన్మహేశేనకథాఃప్రోక్తాశ్శివేన హి ॥ ౧౨॥
దిక్సంఖ్యయా మునిశ్రేష్ఠ కథితోఽయం సహస్రతః ।
ద్వితీయాంశోభవోనాస్నాతస్మిన్ప్రోక్తంహరేణహి ॥ ౧౩॥
దేవ్యాశ్చైవ తపశ్చర్యా మణిద్వీపాగమస్తథా ।
కల్పవాటీరమ్యనీపవనద్వీపోపవణేనమ్ ॥ ౧౪॥
చిన్తామణిమహాసౌధవర్ణనం శ్రీపురస్యచ ।
తస్మాత్కైలాసగమనం కామేశస్య వపుర్ధరః ॥ ౧౫॥
కామేశయా చ దేవ్యాచ తత్ర నిత్యమవస్థితిః ।
హిమాచలాగమశ్చైవ దేవ్యాస్తత్ర గతిర్మునే ॥ ౧౬॥
దూర్వాససోమహిమ్నశ్చ కథనం తత్తపఃక్రియా ।
ద్వితీయే భవసఞ్జ్ఞేఽత్ర కథితం శఙ్కరేణహి ॥ ౧౭॥
సహస్రత్రితయేనైవ శ్లోకసార్ధేన శఙ్కరః ।
(శ్లోకసార్ధేన సాహస్రత్రితయేనైవ శఙ్కరః) ।
హరస్త్రితీయో దేవేన కథితోంశో మునీశ్వరాః ॥ ౧౮॥
తస్మిన్మునిప్రార్థనయా వ్యాసేనపరికీర్తనమ్ ।
గాయత్రయాశ్చ తపశ్చర్యా దేవ్యాగమనముత్తమమ్ ॥ ౧౯॥
గణానామ్ప్రేషణశ్చైచ తీర్థేశమహిమా తథా ।
శ్రీశైలమహిమా చాపి మానసార్చనకల్పనమ్ ॥ ౨౦॥
జనకస్య చ సంవాదో యాజ్ఞవల్క్యేన శఙ్కరః ।
పద్మావత్యా రత్ననిధేస్సంవాదః పరమాద్భుతః ॥ ౨౧॥
తస్పోత్తరార్ధేచాంశస్య పూజారత్ననిధేస్తథా ।
శివస్య దేవదేవస్య మహాదేవస్య శూలినః ॥ ౨౨॥
యమలోకస్య వృత్తాన్తో దేశనం శివయోస్తథా ।
సంవాదో భస్మరుద్రాక్షధారణే మహిమాపి చ ॥ ౨౩॥
గఙ్గాయా నర్మదాయాశ్చ వరప్రాప్త్యుపవర్ణనమ్ ।
మాహేశ్వరవ్రతశ్చైవ వర్ణనం శ్రీమహేశితుః ॥ ౨౪॥
శైవార్చనాదికథనం శివఢుణ్ఢిచరిత్రకమ్ ।
త్రయస్త్రింశత్సహస్రేణ సఙ్ఖ్యయా ప్రోక్త ఏవహి ॥ ౨౫॥
చతుర్థశ్శివసఞ్జ్ఞోహి చాంశస్సాక్షాచ్ఛివోదితః ।
బృహజ్జాబాలధర్మాదికిథనం దశకస్య హి ॥ ౨౬॥
భస్మస్ద్రాక్షమహిమా శివలిఙ్గార్చనస్య చ ।
మహిమా శివభక్తానాం శైవానాం భోజనేఽపిచ ॥ ౨౭॥
శివక్షేత్రనివాసస్య కథనం బిల్వపూజనాత్ ।
పూజాప్రభావకథనం తస్మిన్నంశే ప్రకీర్తితమ్ ॥ ౨౮॥
చతుస్సహస్రతస్సఙ్ఖ్యా దేవదేవోదితా శుభా ।
భర్గోనాన్నా పఞ్చమాంశః కథితోఽత్రశివేనహి ॥ ౨౯॥
జ్యోతిర్లిఙ్గద్వాదశానాం మహిమా తత్ర కీర్తితః ।
వామదేవోపదేశశ్చ శ్రుతిసిద్ధాన్త కీతేనమ్ ॥ ౩౦॥
గఙ్గాసాగరమాహాత్మ్యం ప్రభాసే పుష్కరస్యచ ।
హరిద్వారప్రభావశ్చ బిల్వమూలార్చనస్య చ ॥ ౩౧॥
సహస్రనామకథనన్దేవదేవస్య శూలినః ।
మహిమా దేవదేవేన కథితోఽస్తి విశేషతః ॥ ౩౨॥
శివాయైషట్సహస్రోఽన్ర కథితో మునిసత్తమ ।
శఙ్కరాంశస్తతష్షష్ఠో దిక్సఙ్ఖ్యా క్రమసఙ్ఖ్యయా ॥ ౩౩॥
కథితశ్శ్రీమహేశేన తస్మిన్రుద్రోపవర్ణనమ్ ।
శివలిఙ్గార్చనస్యాపి భస్సరుద్రాక్షధారిణామ్ ॥ ౩౪॥
మహిమా శామ్భవానాఞ్చ కథితో విస్తరేణహి ।
నిదాఘఋభుసంవాదష్షష్ఠాంశో జ్ఞానవిస్తర ॥ ౩౫॥
ఉగ్రో నామ్నా సప్తమోఽత్ర కథితశ్శంకరేణ హి ।
దేవస్య దేవ్యా సంవాదో నామసాహస్రకీర్తనమ్ ॥ ౩౬॥
అవిముక్తప్రశంసా చ శతర్చనతపఃక్రియా ।
నామ్నామష్టోత్తరాఖ్యానం మహిన్నమథవేహరేః ॥ ౩౭॥
పుష్పదన్తమహిమ్నాఖ్యకథనం తత్ర సత్తమ ।
కాటకోటరజాఖ్యానం క్షేత్రాణాం మహిమా తథా ॥ ౩౮॥
శ్రీశైలస్యారుణాద్రేశ్చ తథావృద్ధాచలస్యచ ।
శ్రీభీమద్దక్షిణకైలాసమాహాత్మ్యపి విస్తరాత్ ॥ ౩౯॥
పుణ్డరీకపురస్యాపి కాఞ్చయాశ్శ్రీమహిమాద్భుతః ।
కుమ్భఘోణప్రశంసాచతథామధ్యార్జునస్య చ ॥ ౪౦॥
చతుర్దశసహస్రేణ కథితోఽత్రశివేనహి ।
భీమోఽష్టమోమహాంశోఽత్రకథితోవిస్తరేణహి ॥ ౪౧॥
దిఙ్నాగసఙ్ఖ్యయా చైవ సహస్రేణ మునీశ్వర ।
పాతాలలోకలిఙ్గానాం మహిమాకథనమ్మునే ॥ ౪౨॥
శ్రీహాటకేశమహిమా శేషస్యాతత్రతపఃక్రియా ।
ప్రసాదశ్చ మహేశేన తస్య భూభారధారణే ॥ ౪౩॥
సదాశివోంశో నవమస్తస్మిఞ్ఛమ్భోఃకథానమ్ ।
శివేనోక్తం మహాదేవ్యై నామసాహస్రముత్తమమ్ ॥ ౪౪॥
కలౌ శైవసమాచారప్రమాణేన విముక్తిదమ్ ।
ఈశ్వరాంశోఽత్ర దశమో దశధర్మానుకీర్తనమ్ ॥ ౪౫॥
బిల్వార్చనం రుద్రజపః పఞ్చాక్షరమహోదయః ।
శివలిఙ్గార్చనస్యాపి భస్సరుద్రాక్షకీర్తనమ్ ॥ ౪౬॥
శామ్భవానాం శివక్షేత్రేశైవభక్తార్చనన్తథా ।
శివనామ్నస్స్మృతేశ్చాపి దశమే మహిమాతు యః ॥ ౪౭॥
తస్మిన్ప్రకీర్తితోవిప్రశఙ్కరస్యాఖ్యసఙ్ఖ్యయా ।
ఏకాదశో మహాదేవః ప్రోక్తోంశశ్శమ్భునాతదా ॥ ౪౮॥
మన్నేత్రక్రమసఙ్ఖ్యయాతశ్శివపూజాక్రమాత్మకః ।
అభిషేచనికానాఞ్చ ఫలం పుష్పేషుకీర్తనమ్ ॥ ౪౯॥
భక్తీనాన్దశకానాఞ్చ కీర్తనం పూజనే తథా ।
మునిసఙ్ఖ్యయా గ్రన్థతశ్చ ఈశో నామ్నాత్ర ద్వాదశః ॥ ౫౦॥
శివనామ్నాం సహస్రస్య కీర్తనం తత్ర కీర్తితమ్ ।
ప్రసాదర్శంకరస్యాపి మమైవానుగ్రహాత్మకః ॥ ౫౧॥
శివరత్నాకరకథామాహాత్మ్యం మునితోషణమ్ ।
ఏతదధ్యాయసాహస్రైః కీర్తితం శ్రీశివేన హి ॥ ౫౨॥
దేవ్యై దేవేన కథితం రహస్యం శివసమ్మతమ్ ।
సదాశివసమో దేవో నాస్తి లోకత్రయేష్వపి ॥ ౫౩॥
తథా శివరహస్యేన తుల్యమన్యన్నవిద్యతే ।
శైవసారమహారత్నరకోశోఽయం మునిసత్తమ ॥ ౫౫॥
పుణ్యోఽయం పావనశ్చాయం భక్తిసారకథాశ్రయః ।
సంసారాయాసధర్మాణాం కథనేన వివర్జితమ్ ॥ ౫౬॥
వర్ణాశ్రమవిచారాదికథాశ్రమవివర్జితః ।
అత్యాశ్రమోక్తధర్మాణామాకరోఽయం మహామునే ॥ ౫౭॥
నానాకథాసుధాశ్శైవాః పరమానన్దనిర్భరాః ।
దేవ్యై దేవేన కథితాశ్శతసాహస్రతోఽధికాః ॥ ౫౮॥
భక్తైశ్శ్రావ్యోఽయమతులశ్చేతిహాసవరోత్తమః ।
శైవసారకథారత్నం సర్వస్వోఽయం మునీశ్వరాః ॥ ౫౯॥
స్కన్దే గజాననే గౌర్యాం యథాప్రీతిర్మహేశితు ।
తథా శివరహస్యేఽపి గోప్యం గోప్యమిదం శుభమ్ ॥ ౬౦॥
నదేయం నైవ వక్తవ్యమాదౌ తేభ్యస్త్వయా మునే ।
శప మత్పదయోర్విప్ర నచేన్మూర్ధాద్య తే పతేత్ ॥ ౬౧॥
వేదాన్తసారసర్వస్వం శివభక్తిప్రకాశకమ్ ।
దేయం భక్తాయ విప్రాయ పుత్రాయాత్యన్తరాగిణే ॥ ౬౨॥
వక్తవ్యమనహంకారచిత్తాయాత్మగుణాయ చ ।
శైవాయ శమ్భోరుత్కర్షభక్తియుక్తాయ తే మునే ॥ ౬౩॥
సంవత్సరోషితాయత్వం భక్తాయాన్తేనివాసినే ।
త్రిణేత్రచిన్తాపాత్రాయ నాన్యస్మై సత్యముచ్యతే ॥ ౬౪॥
॥ ఇతి శివరహస్యాన్తర్గతే మాహేశ్వరాఖ్యే స్కన్దప్రోక్తం శివరహస్యాభాషః ॥
- ॥ శ్రీశివరహస్యమ్ । మాహేశ్వరాఖ్యః ప్రథమాంశః । అధ్యాయః ౧౧ - జైగీషవ్యస్కన్దసంవాదే ద్వాదశాంశసఙ్ఖ్యాకథనమ్ । ౪-౬౪॥
- .. shrIshivarahasyam . mAheshvarAkhyaH prathamAMshaH . adhyAyaH 11 - jaigIShavyaskandasaMvAde dvAdashAMshasankhyAkathanam . 4-64..
Notes:
Skanda స్కన్ద details to Jaigīṣavya జైగీషవ్య about the contents of the Text of the Śiva-Rahasyam శివరహస్యమ్ that comprises of Twelve Sections - Dvādaśāṁśa ద్వాదశాంశ that are named sequentially as Māheśaḥ మాహేశః, Bhavaḥ భవః, Haraḥ హరః, Śivaḥ శివః, Bhargaḥ భర్గః, Śaṅkaraḥ శఙ్కరః, Ugraḥ ఉగ్రః, Bhīmaḥ భీమః, Sadāśivaḥ సదాశివః, Īśvara ఈశ్వర, Mahādevaḥ మహాదేవః and Īśaḥ ఈశః.
A description of the contents of the Twelve Sections - Dvādaśāṁśāḥ ద్వాదశాంశ of The ŚivaRahasyam శివరహస్యమ్ given towards the conclusion of the Dvādaśāṁśaḥ ద్వాదశాంశ can be accessed from one of the links below.
Encoded and proofread by Ruma Dewan
% Text title : Skandaproktah Shivarahasyabhashah
% File name : shivarahasyAbhAShaHskandaproktaM.itx
% itxtitle : shivarahasyAbhAShaH skandaproktaH (shivarahasyAntargatA)
% engtitle : shivarahasyAbhAShaH skandaproktaH
% Category : shiva, shivarahasya
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | mAheshvarAkhyaH prathamAMshaH | adhyAyaH 11 - jaigIShavyaskandasaMvAde dvAdashAMshasaNkhyAkathanam | 4-64||
% Indexextra : (Scan, shivarahasyaviShayakathanam)
% Latest update : December 28, 2023
% Send corrections to : sanskrit@cheerful.com
% Site access : https://sanskritdocuments.org