शिवरहस्यविषयकथनम्
(शिवरहस्यान्तर्गते ईशाख्ये)
- जैगीषव्यस्कन्दसंवादे -
स्कन्द उवाच ।
अनुक्रमणिकाध्यायमंशानां कथनं द्विजाः ।
तत्र तत्र महेशस्य कथाऽऽख्यानमनुत्तमम् ॥ १॥
महेशांशः प्रथमतो नामतश्चात्र विश्रुतः ।
जैगीषव्यप्रसादार्थं महादेवस्य चागमः ॥ २॥
गणानां देवसङ्घानां मम संवादकीर्तनम् ।
कैलासवर्णनं चैव द्वारगोपुरवर्णनम् ॥ ३॥
कैलासेश्वरपूजाया लिङ्गाध्यायस्य कीर्तनम् ।
कैलासस्य तपश्चर्या गाणपत्यप्रसादनम् ॥ ४॥
तन्मौलौ वसतिः शम्भोर्जिज्ञासाऽमरसत्तमे ।
ज्ञानार्थकथनं चैव आत्मलिङ्गस्य पूजनम् ॥ ५॥
प्रथमेऽंशे कथाख्यानमुक्तं देव्यै शिवेन हि ।
अष्टश्लोकसहस्रेण शिवेनोक्तोऽयमद्भुतः ॥ ६॥
द्वितीयांशो भवेन्नाम्ना कथितः श्रीशिवेन हि ।
देव्या तपःप्रसादं च मणिद्वीपोपवर्णनम् ॥ ७॥
चिन्तामणिगृहस्यात्रवर्णनं श्रीपुरस्य च ।
तस्मात्कैलासगमनं कामकामेश्वरत्मकम् ॥ ८॥
विग्रहं देवदेवस्य हिमाचलसमागमः ।
हिमाचलालोकनं च कैलासस्य शिवस्य तु ॥ ९॥
देव्याश्च प्रेषणं तत्र मनोन्मन्याः समुद्भवः ।
दुर्वाससो महिम्नश्च कथनं तत्प्रसादनम् ॥ १०॥
द्वितीयेऽंशे प्रकथितं महादेवेन तत्र हि ।
श्लोकानां त्रिसहस्रेण गौर्यै तत्र महामुने ॥ ११॥
तृतीयो हरसंज्ञोऽत्र त्रिणेत्रेणैव चाकथि ।
केदारदर्शनं तत्र व्यासस्यापि द्विजैः सह ॥ १२॥
गायत्र्यास्तपसः सिद्धिर्देव्यानयनकीर्तनम् ।
गणानां प्रेषणं चैव रुद्रस्तवनकीर्तनम् ॥ १३॥
वेदपादस्तवश्चापि चमकप्रार्थना तथा ।
तीर्थेशचन्दनस्यापि महात्म्यं मानसार्चनम् ॥ १४॥
श्रीशैलकीर्तनं चैव जनकस्य मुनेस्तथा ।
संवादो वै रत्ननिधेः पद्मावत्या प्रकीर्तितः ॥ १५॥
यमलोकस्य वृत्तान्तं नर्मदागङ्गयोर्वरम् ।
भस्मरुद्राक्षमाहात्म्यं व्रतस्य परिकीर्तनम् ॥ १६॥
राज्ञो यमस्य पुत्रैश्च शिवार्चनकथानकम् ।
शिवदुण्ढिचरित्रं च भागद्वयमिदं द्विजाः ॥ १७॥
त्रयस्त्रिंशत्सहस्रेण श्लोकैरंशः प्रकीर्तितः ।
चतुर्थः शिवसंज्ञोऽत्र कथितोऽस्ति शिवेन हि ॥ १८॥
नन्दिभृङ्ग्युपमन्यूनां गाणपत्यस्तुतिक्रमः ।
चतुः सहस्रतः प्रोक्तो ह्यंशो गौर्यै पिनाकिना ॥ १९॥
पञ्चमो भर्गसंज्ञो हि लिङ्गद्वादशवर्णनम् ।
वामदेवस्तुतिश्चैव नामसाहस्रकीर्तनम् ॥ २०॥
गङ्गद्वारप्रभासस्य प्रभावः पुष्करस्य च ।
षट्सहस्रेण कथितो देव्यै देवेन शम्भुना ॥ २१॥
शङ्कराख्यांशकः षष्ठः व्याससूत्रादिकीर्तनम् ।
श्रुतिसिद्धान्तराद्धान्तो ज्ञानयोगप्रकाशनम् ॥ २२॥
निदाघऋभुसंवादोऽविमुक्तानुवर्णनम् ।
पञ्चसाहस्रतः प्रोक्तः शिवायै श्रीशिवेन हि ॥ २३॥
उग्रो नाम्ना सप्तमांशः कथितः शिवकाशकृत् ।
सहस्रनामकथनं वैष्णवं तु महिम्नकम् ॥ २४॥
पुष्पदन्तमहिम्नश्च नाम्नामष्टोत्तरं शतम् ।
श्रीमद्दक्षिणकैलासशोणवृद्धाचलप्रभोः ॥ २५॥
श्रीमदभ्रसभायाश्च काञ्चीकुम्भेश्वरस्य च ।
मध्यार्जुनप्रभावं च कीर्तितं तत्र विस्तरात् ॥ २६॥
चतुर्दश सहस्रेण श्लोकानां तत्र शङ्करः ।
भीमाख्ययाऽष्टमांशोऽत्र कथितः शङ्करेण हि ॥ २७॥
कद्रूसुपर्णीसंवादः काश्यपस्य प्रसादनम् ।
अमृताहरणं तत्र नागभूषत्वमीशितुः ॥ २८॥
पाताललिङ्गमहिमा बिल्वोत्पत्तिः प्रकीर्तिता ।
चतुः सहस्रतः श्लोकैः प्रोक्तो देवेन तत्र हि ॥ २९॥
सदाशिवाख्यो नवमः कलिधर्मप्रबोधकः ।
भूतभव्यादिभक्तानां सुचरित्रकथाश्रयः ॥ ३०॥
सहस्रसप्तश्लोकेन सोंऽशः प्रोक्तः शिवेन हि ।
ईश्वराख्योऽत्र दशमः भस्मरुद्राक्षधारणात् ॥ ३१॥
रुद्रपञ्चाक्षरस्यापि शिवलिङ्गमहोदयः ।
शिवधर्मप्रशंसार्थाः शिवभक्तार्चने फलम् ॥ ३२॥
अष्टश्लोकसहस्रेण कथितोऽस्ति पिनाकिना ।
एकादशो महादेवः प्रोक्तोऽयं नामतो मुने ॥ ३३॥
आभिषेचनिकानां तु कालं पुष्पेषु वै फलम् ।
मासि मास्यर्चनस्यापि सोमवाराष्टमीषु च ॥ ३४॥
प्रदोषे च चतुर्दश्यां पूजने च फलं द्विज ।
षट्पञ्चाशद्देशमध्यस्थशिवक्षेत्रानुकीर्तनम् ॥ ३५॥
षट्सहस्रेण कथितः श्लोकैरत्र शिवेन हि ।
ईशाख्यो द्वादशांशोऽयं यत्र दक्षविनाशनम् ॥ ३६॥
उद्वाहश्च तथा शम्भोः स्कन्दोत्पत्यसुरार्दनम् ।
स्कन्दस्य च शिवस्यैव नामसाहस्रकीर्तनम् ॥ ३७॥
रुद्रस्तुतिर्वेदपादजयस्तुत्युपवर्णनम् ।
अविमुक्तप्रवेशं च जैगीषव्यस्य सत्तमाः ॥ ३८॥
अनुक्रमेण कथनं श्रवणे महिमाऽस्य हि ।
तथा पञ्चसहस्रेण श्लोकैरेष शिवोदितः ॥ ३९॥
शिवस्यैवं रहस्यार्थरत्नाकरमिदं मुने ।
प्रथमः षाष्टिकोऽध्यायो द्वितीयस्त्रिंशताकृतः ॥ ४०॥
तृतीयस्त्रिशतं माने त्रिधाभूतोऽयमुत्तमः ।
चतुर्थः पञ्चत्रिंशच्च चत्वारिंशच्च पञ्चमः ॥ ४१॥
षष्ठः पञ्चाशता प्रोक्तः सप्तमः पञ्चविंशतिः ।
शिवस्थानानुकथनः सप्तमो द्विशतात्मकः ॥ ४२॥
अष्टमस्त्रिंशदध्यायः षष्षष्टिर्नवमे द्विज ।
दशमस्त्रिंशतं प्रोक्तो मुने एकादशोऽपि हि ॥ ४३॥
पञ्चाशद् द्वादशांशोऽत्र ह्यध्यायाः परिकीर्तिताः ॥ ४४॥
॥ इति शिवरहस्यान्तर्गते शिवरहस्यविषयकथनं सम्पूर्णम् ॥
- ॥ श्रीशिवरहस्यम् । ईशाख्यः द्वादशमांशः । ३६ फलश्रवणकथनम् । १-४४ ॥
- .. shrIshivarahasyam . IshAkhyaH dvAdashamAMshaH . 36 phalashravaNakathanam . 1-44 ..
Notes:
Skanda स्कन्द details to Jaigīṣavya जैगीषव्य about the contents of the Twelve Sections - Dvādaśāṁśāḥ द्वादशांशाः of The ŚivaRahasyam शिवरहस्यम् that are named sequentially as Māheśaḥ/Māheshvaraḥ माहेशः/माहेश्वरः, Bhavaḥ भवः, Haraḥ हरः, Śivaḥ शिवः, Bhargaḥ भर्गः, Śaṅkaraḥ शङ्करः, Ugraḥ उग्रः, Bhīmaḥ भीमः, Sadāśivaḥ सदाशिवः, Īśvara ईश्वर, Mahādevaḥ महादेवः and Īśaḥ ईशः.
The number of Chapters in each Aṁśa अंश has been mentioned too, some of which differ from those found in the referenced source publication.
A description of the contents of the Twelve Sections - Dvādaśāṁśāḥ द्वादशांशाः of The ŚivaRahasyam शिवरहस्यम् given in the beginning of the Prathamāṃśaḥ प्रथमांशः can be accessed from one of the links below.
Proofread by Ruma Dewan
% Text title : Shivarahasyavishayakathanam
% File name : shivarahasyaviShayakathanam.itx
% itxtitle : shivarahasyaviShayakathanam (shivarahasyAntargatam)
% engtitle : shivarahasyaviShayakathanam
% Category : shiva, shivarahasya
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | IshAkhyaH dvAdashamAMshaH | 36 phalashravaNakathanam | 1-44 ||
% Indexextra : (Scan, shivarahasyAbhAShaH)
% Latest update : December 28, 2024
% Send corrections to : sanskrit at cheerful dot c om
% Site access : https://sanskritdocuments.org
śivarahasyaviṣayakathanam
(śivarahasyāntargate īśākhye)
- jaigīṣavyaskandasaṃvāde -
skanda uvāca |
anukramaṇikādhyāyamaṃśānāṃ kathanaṃ dvijāḥ |
tatra tatra maheśasya kathā''khyānamanuttamam || 1||
maheśāṃśaḥ prathamato nāmataścātra viśrutaḥ |
jaigīṣavyaprasādārthaṃ mahādevasya cāgamaḥ || 2||
gaṇānāṃ devasaṅghānāṃ mama saṃvādakīrtanam |
kailāsavarṇanaṃ caiva dvāragopuravarṇanam || 3||
kailāseśvarapūjāyā liṅgādhyāyasya kīrtanam |
kailāsasya tapaścaryā gāṇapatyaprasādanam || 4||
tanmaulau vasatiḥ śambhorjijñāsā'marasattame |
jñānārthakathanaṃ caiva ātmaliṅgasya pūjanam || 5||
prathame'ṃśe kathākhyānamuktaṃ devyai śivena hi |
aṣṭaślokasahasreṇa śivenokto'yamadbhutaḥ || 6||
dvitīyāṃśo bhavennāmnā kathitaḥ śrīśivena hi |
devyā tapaḥprasādaṃ ca maṇidvīpopavarṇanam || 7||
cintāmaṇigṛhasyātravarṇanaṃ śrīpurasya ca |
tasmātkailāsagamanaṃ kāmakāmeśvaratmakam || 8||
vigrahaṃ devadevasya himācalasamāgamaḥ |
himācalālokanaṃ ca kailāsasya śivasya tu || 9||
devyāśca preṣaṇaṃ tatra manonmanyāḥ samudbhavaḥ |
durvāsaso mahimnaśca kathanaṃ tatprasādanam || 10||
dvitīye'ṃśe prakathitaṃ mahādevena tatra hi |
ślokānāṃ trisahasreṇa gauryai tatra mahāmune || 11||
tṛtīyo harasaṃjño'tra triṇetreṇaiva cākathi |
kedāradarśanaṃ tatra vyāsasyāpi dvijaiḥ saha || 12||
gāyatryāstapasaḥ siddhirdevyānayanakīrtanam |
gaṇānāṃ preṣaṇaṃ caiva rudrastavanakīrtanam || 13||
vedapādastavaścāpi camakaprārthanā tathā |
tīrtheśacandanasyāpi mahātmyaṃ mānasārcanam || 14||
śrīśailakīrtanaṃ caiva janakasya munestathā |
saṃvādo vai ratnanidheḥ padmāvatyā prakīrtitaḥ || 15||
yamalokasya vṛttāntaṃ narmadāgaṅgayorvaram |
bhasmarudrākṣamāhātmyaṃ vratasya parikīrtanam || 16||
rājño yamasya putraiśca śivārcanakathānakam |
śivaduṇḍhicaritraṃ ca bhāgadvayamidaṃ dvijāḥ || 17||
trayastriṃśatsahasreṇa ślokairaṃśaḥ prakīrtitaḥ |
caturthaḥ śivasaṃjño'tra kathito'sti śivena hi || 18||
nandibhṛṅgyupamanyūnāṃ gāṇapatyastutikramaḥ |
catuḥ sahasrataḥ prokto hyaṃśo gauryai pinākinā || 19||
pañcamo bhargasaṃjño hi liṅgadvādaśavarṇanam |
vāmadevastutiścaiva nāmasāhasrakīrtanam || 20||
gaṅgadvāraprabhāsasya prabhāvaḥ puṣkarasya ca |
ṣaṭsahasreṇa kathito devyai devena śambhunā || 21||
śaṅkarākhyāṃśakaḥ ṣaṣṭhaḥ vyāsasūtrādikīrtanam |
śrutisiddhāntarāddhānto jñānayogaprakāśanam || 22||
nidāghaṛbhusaṃvādo'vimuktānuvarṇanam |
pañcasāhasrataḥ proktaḥ śivāyai śrīśivena hi || 23||
ugro nāmnā saptamāṃśaḥ kathitaḥ śivakāśakṛt |
sahasranāmakathanaṃ vaiṣṇavaṃ tu mahimnakam || 24||
puṣpadantamahimnaśca nāmnāmaṣṭottaraṃ śatam |
śrīmaddakṣiṇakailāsaśoṇavṛddhācalaprabhoḥ || 25||
śrīmadabhrasabhāyāśca kāñcīkumbheśvarasya ca |
madhyārjunaprabhāvaṃ ca kīrtitaṃ tatra vistarāt || 26||
caturdaśa sahasreṇa ślokānāṃ tatra śaṅkaraḥ |
bhīmākhyayā'ṣṭamāṃśo'tra kathitaḥ śaṅkareṇa hi || 27||
kadrūsuparṇīsaṃvādaḥ kāśyapasya prasādanam |
amṛtāharaṇaṃ tatra nāgabhūṣatvamīśituḥ || 28||
pātālaliṅgamahimā bilvotpattiḥ prakīrtitā |
catuḥ sahasrataḥ ślokaiḥ prokto devena tatra hi || 29||
sadāśivākhyo navamaḥ kalidharmaprabodhakaḥ |
bhūtabhavyādibhaktānāṃ sucaritrakathāśrayaḥ || 30||
sahasrasaptaślokena soṃ'śaḥ proktaḥ śivena hi |
īśvarākhyo'tra daśamaḥ bhasmarudrākṣadhāraṇāt || 31||
rudrapañcākṣarasyāpi śivaliṅgamahodayaḥ |
śivadharmapraśaṃsārthāḥ śivabhaktārcane phalam || 32||
aṣṭaślokasahasreṇa kathito'sti pinākinā |
ekādaśo mahādevaḥ prokto'yaṃ nāmato mune || 33||
ābhiṣecanikānāṃ tu kālaṃ puṣpeṣu vai phalam |
māsi māsyarcanasyāpi somavārāṣṭamīṣu ca || 34||
pradoṣe ca caturdaśyāṃ pūjane ca phalaṃ dvija |
ṣaṭpañcāśaddeśamadhyasthaśivakṣetrānukīrtanam || 35||
ṣaṭsahasreṇa kathitaḥ ślokairatra śivena hi |
īśākhyo dvādaśāṃśo'yaṃ yatra dakṣavināśanam || 36||
udvāhaśca tathā śambhoḥ skandotpatyasurārdanam |
skandasya ca śivasyaiva nāmasāhasrakīrtanam || 37||
rudrastutirvedapādajayastutyupavarṇanam |
avimuktapraveśaṃ ca jaigīṣavyasya sattamāḥ || 38||
anukrameṇa kathanaṃ śravaṇe mahimā'sya hi |
tathā pañcasahasreṇa ślokaireṣa śivoditaḥ || 39||
śivasyaivaṃ rahasyārtharatnākaramidaṃ mune |
prathamaḥ ṣāṣṭiko'dhyāyo dvitīyastriṃśatākṛtaḥ || 40||
tṛtīyastriśataṃ māne tridhābhūto'yamuttamaḥ |
caturthaḥ pañcatriṃśacca catvāriṃśacca pañcamaḥ || 41||
ṣaṣṭhaḥ pañcāśatā proktaḥ saptamaḥ pañcaviṃśatiḥ |
śivasthānānukathanaḥ saptamo dviśatātmakaḥ || 42||
aṣṭamastriṃśadadhyāyaḥ ṣaṣṣaṣṭirnavame dvija |
daśamastriṃśataṃ prokto mune ekādaśo'pi hi || 43||
pañcāśad dvādaśāṃśo'tra hyadhyāyāḥ parikīrtitāḥ || 44||
|| iti śivarahasyāntargate śivarahasyaviṣayakathanaṃ sampūrṇam ||
- || śrīśivarahasyam | īśākhyaḥ dvādaśamāṃśaḥ | 36 phalaśravaṇakathanam | 1-44 ||
- .. shrIshivarahasyam . IshAkhyaH dvAdashamAMshaH . 36 phalashravaNakathanam . 1-44 ..
Notes:
Skanda skanda details to Jaigīṣavya jaigīṣavya about the contents of the Twelve Sections - Dvādaśāṁśāḥ dvādaśāṃśāḥ of The ŚivaRahasyam śivarahasyam that are named sequentially as Māheśaḥ/Māheshvaraḥ māheśaḥ/māheśvaraḥ, Bhavaḥ bhavaḥ, Haraḥ haraḥ, Śivaḥ śivaḥ, Bhargaḥ bhargaḥ, Śaṅkaraḥ śaṅkaraḥ, Ugraḥ ugraḥ, Bhīmaḥ bhīmaḥ, Sadāśivaḥ sadāśivaḥ, Īśvara īśvara, Mahādevaḥ mahādevaḥ and Īśaḥ īśaḥ.
The number of Chapters in each Aṁśa aṃśa has been mentioned too, some of which differ from those found in the referenced source publication.
A description of the contents of the Twelve Sections - Dvādaśāṁśāḥ dvādaśāṃśāḥ of The ŚivaRahasyam śivarahasyam given in the beginning of the Prathamāṃśaḥ prathamāṃśaḥ can be accessed from one of the links below.
Proofread by Ruma Dewan
% Text title : Shivarahasyavishayakathanam
% File name : shivarahasyaviShayakathanam.itx
% itxtitle : shivarahasyaviShayakathanam (shivarahasyAntargatam)
% engtitle : shivarahasyaviShayakathanam
% Category : shiva, shivarahasya
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | IshAkhyaH dvAdashamAMshaH | 36 phalashravaNakathanam | 1-44 ||
% Indexextra : (Scan, shivarahasyAbhAShaH)
% Latest update : December 28, 2024
% Send corrections to : sanskrit at cheerful dot c om
% Site access : https://sanskritdocuments.org
శివరహస్యవిషయకథనమ్
(శివరహస్యాన్తర్గతే ఈశాఖ్యే)
- జైగీషవ్యస్కన్దసంవాదే -
స్కన్ద ఉవాచ ।
అనుక్రమణికాధ్యాయమంశానాం కథనం ద్విజాః ।
తత్ర తత్ర మహేశస్య కథాఽఽఖ్యానమనుత్తమమ్ ॥ ౧॥
మహేశాంశః ప్రథమతో నామతశ్చాత్ర విశ్రుతః ।
జైగీషవ్యప్రసాదార్థం మహాదేవస్య చాగమః ॥ ౨॥
గణానాం దేవసఙ్ఘానాం మమ సంవాదకీర్తనమ్ ।
కైలాసవర్ణనం చైవ ద్వారగోపురవర్ణనమ్ ॥ ౩॥
కైలాసేశ్వరపూజాయా లిఙ్గాధ్యాయస్య కీర్తనమ్ ।
కైలాసస్య తపశ్చర్యా గాణపత్యప్రసాదనమ్ ॥ ౪॥
తన్మౌలౌ వసతిః శమ్భోర్జిజ్ఞాసాఽమరసత్తమే ।
జ్ఞానార్థకథనం చైవ ఆత్మలిఙ్గస్య పూజనమ్ ॥ ౫॥
ప్రథమేఽంశే కథాఖ్యానముక్తం దేవ్యై శివేన హి ।
అష్టశ్లోకసహస్రేణ శివేనోక్తోఽయమద్భుతః ॥ ౬॥
ద్వితీయాంశో భవేన్నామ్నా కథితః శ్రీశివేన హి ।
దేవ్యా తపఃప్రసాదం చ మణిద్వీపోపవర్ణనమ్ ॥ ౭॥
చిన్తామణిగృహస్యాత్రవర్ణనం శ్రీపురస్య చ ।
తస్మాత్కైలాసగమనం కామకామేశ్వరత్మకమ్ ॥ ౮॥
విగ్రహం దేవదేవస్య హిమాచలసమాగమః ।
హిమాచలాలోకనం చ కైలాసస్య శివస్య తు ॥ ౯॥
దేవ్యాశ్చ ప్రేషణం తత్ర మనోన్మన్యాః సముద్భవః ।
దుర్వాససో మహిమ్నశ్చ కథనం తత్ప్రసాదనమ్ ॥ ౧౦॥
ద్వితీయేఽంశే ప్రకథితం మహాదేవేన తత్ర హి ।
శ్లోకానాం త్రిసహస్రేణ గౌర్యై తత్ర మహామునే ॥ ౧౧॥
తృతీయో హరసంజ్ఞోఽత్ర త్రిణేత్రేణైవ చాకథి ।
కేదారదర్శనం తత్ర వ్యాసస్యాపి ద్విజైః సహ ॥ ౧౨॥
గాయత్ర్యాస్తపసః సిద్ధిర్దేవ్యానయనకీర్తనమ్ ।
గణానాం ప్రేషణం చైవ రుద్రస్తవనకీర్తనమ్ ॥ ౧౩॥
వేదపాదస్తవశ్చాపి చమకప్రార్థనా తథా ।
తీర్థేశచన్దనస్యాపి మహాత్మ్యం మానసార్చనమ్ ॥ ౧౪॥
శ్రీశైలకీర్తనం చైవ జనకస్య మునేస్తథా ।
సంవాదో వై రత్ననిధేః పద్మావత్యా ప్రకీర్తితః ॥ ౧౫॥
యమలోకస్య వృత్తాన్తం నర్మదాగఙ్గయోర్వరమ్ ।
భస్మరుద్రాక్షమాహాత్మ్యం వ్రతస్య పరికీర్తనమ్ ॥ ౧౬॥
రాజ్ఞో యమస్య పుత్రైశ్చ శివార్చనకథానకమ్ ।
శివదుణ్ఢిచరిత్రం చ భాగద్వయమిదం ద్విజాః ॥ ౧౭॥
త్రయస్త్రింశత్సహస్రేణ శ్లోకైరంశః ప్రకీర్తితః ।
చతుర్థః శివసంజ్ఞోఽత్ర కథితోఽస్తి శివేన హి ॥ ౧౮॥
నన్దిభృఙ్గ్యుపమన్యూనాం గాణపత్యస్తుతిక్రమః ।
చతుః సహస్రతః ప్రోక్తో హ్యంశో గౌర్యై పినాకినా ॥ ౧౯॥
పఞ్చమో భర్గసంజ్ఞో హి లిఙ్గద్వాదశవర్ణనమ్ ।
వామదేవస్తుతిశ్చైవ నామసాహస్రకీర్తనమ్ ॥ ౨౦॥
గఙ్గద్వారప్రభాసస్య ప్రభావః పుష్కరస్య చ ।
షట్సహస్రేణ కథితో దేవ్యై దేవేన శమ్భునా ॥ ౨౧॥
శఙ్కరాఖ్యాంశకః షష్ఠః వ్యాససూత్రాదికీర్తనమ్ ।
శ్రుతిసిద్ధాన్తరాద్ధాన్తో జ్ఞానయోగప్రకాశనమ్ ॥ ౨౨॥
నిదాఘఋభుసంవాదోఽవిముక్తానువర్ణనమ్ ।
పఞ్చసాహస్రతః ప్రోక్తః శివాయై శ్రీశివేన హి ॥ ౨౩॥
ఉగ్రో నామ్నా సప్తమాంశః కథితః శివకాశకృత్ ।
సహస్రనామకథనం వైష్ణవం తు మహిమ్నకమ్ ॥ ౨౪॥
పుష్పదన్తమహిమ్నశ్చ నామ్నామష్టోత్తరం శతమ్ ।
శ్రీమద్దక్షిణకైలాసశోణవృద్ధాచలప్రభోః ॥ ౨౫॥
శ్రీమదభ్రసభాయాశ్చ కాఞ్చీకుమ్భేశ్వరస్య చ ।
మధ్యార్జునప్రభావం చ కీర్తితం తత్ర విస్తరాత్ ॥ ౨౬॥
చతుర్దశ సహస్రేణ శ్లోకానాం తత్ర శఙ్కరః ।
భీమాఖ్యయాఽష్టమాంశోఽత్ర కథితః శఙ్కరేణ హి ॥ ౨౭॥
కద్రూసుపర్ణీసంవాదః కాశ్యపస్య ప్రసాదనమ్ ।
అమృతాహరణం తత్ర నాగభూషత్వమీశితుః ॥ ౨౮॥
పాతాలలిఙ్గమహిమా బిల్వోత్పత్తిః ప్రకీర్తితా ।
చతుః సహస్రతః శ్లోకైః ప్రోక్తో దేవేన తత్ర హి ॥ ౨౯॥
సదాశివాఖ్యో నవమః కలిధర్మప్రబోధకః ।
భూతభవ్యాదిభక్తానాం సుచరిత్రకథాశ్రయః ॥ ౩౦॥
సహస్రసప్తశ్లోకేన సోంఽశః ప్రోక్తః శివేన హి ।
ఈశ్వరాఖ్యోఽత్ర దశమః భస్మరుద్రాక్షధారణాత్ ॥ ౩౧॥
రుద్రపఞ్చాక్షరస్యాపి శివలిఙ్గమహోదయః ।
శివధర్మప్రశంసార్థాః శివభక్తార్చనే ఫలమ్ ॥ ౩౨॥
అష్టశ్లోకసహస్రేణ కథితోఽస్తి పినాకినా ।
ఏకాదశో మహాదేవః ప్రోక్తోఽయం నామతో మునే ॥ ౩౩॥
ఆభిషేచనికానాం తు కాలం పుష్పేషు వై ఫలమ్ ।
మాసి మాస్యర్చనస్యాపి సోమవారాష్టమీషు చ ॥ ౩౪॥
ప్రదోషే చ చతుర్దశ్యాం పూజనే చ ఫలం ద్విజ ।
షట్పఞ్చాశద్దేశమధ్యస్థశివక్షేత్రానుకీర్తనమ్ ॥ ౩౫॥
షట్సహస్రేణ కథితః శ్లోకైరత్ర శివేన హి ।
ఈశాఖ్యో ద్వాదశాంశోఽయం యత్ర దక్షవినాశనమ్ ॥ ౩౬॥
ఉద్వాహశ్చ తథా శమ్భోః స్కన్దోత్పత్యసురార్దనమ్ ।
స్కన్దస్య చ శివస్యైవ నామసాహస్రకీర్తనమ్ ॥ ౩౭॥
రుద్రస్తుతిర్వేదపాదజయస్తుత్యుపవర్ణనమ్ ।
అవిముక్తప్రవేశం చ జైగీషవ్యస్య సత్తమాః ॥ ౩౮॥
అనుక్రమేణ కథనం శ్రవణే మహిమాఽస్య హి ।
తథా పఞ్చసహస్రేణ శ్లోకైరేష శివోదితః ॥ ౩౯॥
శివస్యైవం రహస్యార్థరత్నాకరమిదం మునే ।
ప్రథమః షాష్టికోఽధ్యాయో ద్వితీయస్త్రింశతాకృతః ॥ ౪౦॥
తృతీయస్త్రిశతం మానే త్రిధాభూతోఽయముత్తమః ।
చతుర్థః పఞ్చత్రింశచ్చ చత్వారింశచ్చ పఞ్చమః ॥ ౪౧॥
షష్ఠః పఞ్చాశతా ప్రోక్తః సప్తమః పఞ్చవింశతిః ।
శివస్థానానుకథనః సప్తమో ద్విశతాత్మకః ॥ ౪౨॥
అష్టమస్త్రింశదధ్యాయః షష్షష్టిర్నవమే ద్విజ ।
దశమస్త్రింశతం ప్రోక్తో మునే ఏకాదశోఽపి హి ॥ ౪౩॥
పఞ్చాశద్ ద్వాదశాంశోఽత్ర హ్యధ్యాయాః పరికీర్తితాః ॥ ౪౪॥
॥ ఇతి శివరహస్యాన్తర్గతే శివరహస్యవిషయకథనం సమ్పూర్ణమ్ ॥
- ॥ శ్రీశివరహస్యమ్ । ఈశాఖ్యః ద్వాదశమాంశః । ౩౬ ఫలశ్రవణకథనమ్ । ౧-౪౪ ॥
- .. shrIshivarahasyam . IshAkhyaH dvAdashamAMshaH . 36 phalashravaNakathanam . 1-44 ..
Notes:
Skanda స్కన్ద details to Jaigīṣavya జైగీషవ్య about the contents of the Twelve Sections - Dvādaśāṁśāḥ ద్వాదశాంశాః of The ŚivaRahasyam శివరహస్యమ్ that are named sequentially as Māheśaḥ/Māheshvaraḥ మాహేశః/మాహేశ్వరః, Bhavaḥ భవః, Haraḥ హరః, Śivaḥ శివః, Bhargaḥ భర్గః, Śaṅkaraḥ శఙ్కరః, Ugraḥ ఉగ్రః, Bhīmaḥ భీమః, Sadāśivaḥ సదాశివః, Īśvara ఈశ్వర, Mahādevaḥ మహాదేవః and Īśaḥ ఈశః.
The number of Chapters in each Aṁśa అంశ has been mentioned too, some of which differ from those found in the referenced source publication.
A description of the contents of the Twelve Sections - Dvādaśāṁśāḥ ద్వాదశాంశాః of The ŚivaRahasyam శివరహస్యమ్ given in the beginning of the Prathamāṃśaḥ ప్రథమాంశః can be accessed from one of the links below.
Proofread by Ruma Dewan
% Text title : Shivarahasyavishayakathanam
% File name : shivarahasyaviShayakathanam.itx
% itxtitle : shivarahasyaviShayakathanam (shivarahasyAntargatam)
% engtitle : shivarahasyaviShayakathanam
% Category : shiva, shivarahasya
% Location : doc_shiva
% Sublocation : shiva
% Language : Sanskrit
% Subject : philosophy/hinduism/religion
% Transliterated by : Ruma Dewan
% Proofread by : Ruma Dewan
% Description/comments : shrIshivarahasyam | IshAkhyaH dvAdashamAMshaH | 36 phalashravaNakathanam | 1-44 ||
% Indexextra : (Scan, shivarahasyAbhAShaH)
% Latest update : December 28, 2024
% Send corrections to : sanskrit at cheerful dot c om
% Site access : https://sanskritdocuments.org