श्री-परमशिवेन्द्र-कृतं सुब्रह्मण्य-भुजङ्गम् गणेशं नमस्कृत्य गौरी-कुमारं गजास्यं गुहस्याग्र-जातं गभीरम् प्रलम्बोदरं शूर्प-कर्णं त्रि-णेत्रं प्रवक्ष्ये भुजङ्ग-प्रयातं गुहस्य पृथक्-षट्-किरीट-स्फुरद्-दिव्य-रत्न- प्रभाक्षिप्त-मार्तण्ड-कोटि-प्रकाशम् चलत्-कुण्डलोद्यत्-सु-गण्ड-स्थलान्तं महानर्घ-हारोज्ज्वलत्-कम्बु-कण्ठम् शरत्-पूर्ण-चन्द्र-प्रभा-चारु-वक्त्रं विराजल्ललाटं कृपा-पूर्ण-नेत्रम् लसद्-भ्रू-सु-नासा-पुटं विद्रुमोष्ठं सु-दन्तावलिं सुस्मितं प्रेम-पूर्णम् द्वि-षड्-बाहु-दण्डाग्र-देदीप्यमानं क्वणत्-कङ्कणालङ्कृतोदार-हस्तम् लसन्मुद्रिका-रत्न-राजत्-कराग्रं क्वणत्-किङ्किणी-रम्य-काञ्ची-कलापम् विशालोदरं विस्फुरत्-पूर्ण-कुक्षिं कटौ-स्वर्ण-सूत्रं तटिद्-वर्ण-गात्रम् सु-लावण्य-नाभी-सरस्तीर-राजत्- सु-शैवाल-रोमावली-रोचमानम् सु-कल्लोल-वीची-वली-रोचमानं लसन्मध्य-सुस्निग्ध-वासो वसानम् स्फुरच्चारु-दिव्योरु-जङ्घा-सु-गुल्फं विकस्वत्-पदाब्जं नखेन्दु-प्रभाढ्यम् द्वि-षट्-पङ्कजाक्षं महा-शक्ति-युक्तं त्रि-लोक-प्रशस्तं सु-कुक्के-पुर-स्थम् प्रपन्नार्ति-नाशं प्रसन्नं फणीशं पर-ब्रह्म-रूपं प्रकाशं परेशम् कुमारं वरेण्यं शरण्यं सु-पुण्यं सु-लावण्य-पण्यं सुरेशानुवर्ण्यम् लसत्-पूर्ण-कारुण्य-लक्ष्मीश-गण्यं सु-कारुण्यमार्याग्र-गण्यं नमामि स्फुरद्-रत्न-पीठोपरि भ्राजमानं हृदम्भोज-मध्ये महा-सन्निधानम् समावृत्त-जानु-प्रभा-शोभमानं सुरैः सेव्यमानं भजे बर्हि-यानम् ज्वल-च्चारु-चामीकरादर्श-पूर्णं चलच्चामर-च्छत्र-चित्र-ध्वजाढ्यम् सुवर्णामलान्दोलिका-मध्य-संस्थं महाहीन्द्र-रूपं भजे सु-प्रतापम् धनुर्बाण-चक्राभयं वज्र-खेटं त्रि-शूलासि-पाशाङ्कुशाभीति-शङ्खम् ज्वलत्-कुक्कुटं प्रोल्लसद्-द्वादशाक्षं प्रशस्तायुधं षण्मुखं तं भजेऽहम् स्फुरच्चारु-गण्डं द्वि-षड्-बाहु-दण्डं श्रितामर्त्य-षण्डं सुसम्पत्-करण्डम् द्विषद्-वंश-खण्डं सदा दान-शौण्डं भव-प्रेम-पिण्डं भजे सु-प्रचण्डम् सदा दीन-पक्षं सुर-द्विड्-विपक्षं सुमृष्टान्न-भक्ष्य-प्रदानैक-दक्षम् श्रितामर्त्य-वृक्षं महा-दैत्य-शिक्षं बहु-क्षीण-पक्षं भजे द्वादशाक्षम् त्रि-मूर्ति-स्वरूपं त्रयी-सत्-कलापं त्रि-लोकाधिनाथं त्रिणेत्रात्म-जातम् त्रि-शक्त्या प्रयुक्तं सु-पुण्य-प्रशस्तं त्रि-काल-ज्ञमिष्टार्थ-दं तं भजेऽहम् विराजद्-भुजङ्गं विशालोत्तमाङ्गं विशुद्धात्म-सङ्गं विवृद्ध-प्रसङ्गम् विचिन्त्यं शुभाङ्गं विकृत्तासुराङ्गं भव-व्याधि-भङ्गं भजे कुक्क-लिङ्गम् गुह स्कन्द गाङ्गेय गौरी-सुतेश- प्रिय क्रौञ्च-भित् तारकारे सुरेश मयूरासनाशेष-दोष-प्रणाश प्रसीद प्रसीद प्रभो चित्-प्रकाश लपन् देव-सेनेश भूतेश शेष- स्वरूपाग्नि-भूः कार्त्तिकेयान्न-दातः यदेत्थं स्मरिष्यामि भक्त्या भवन्तं तदा मे षडास्य प्रसीद प्रसीद भुजे शौर्य-धैर्यं करे दान-धर्मः कटाक्षेऽतिशान्तिः षडास्येषु हास्यम् हृदब्जे दया यस्य तं देवमन्यं कुमारान्न जाने न जाने न जाने मही-निर्जरेशान्महा-नृत्य-तोषात् विहङ्गाधिरूढाद् बिलान्तर्विगूढात् महेशात्म-जातान्महा-भोगि-नाथाद् गुहाद् दैवमन्यन्न मन्ये न मन्ये सुरोत्तुङ्ग-शृङ्गार-सङ्गीत-पूर्ण- प्रसङ्ग-प्रियासङ्ग-सम्मोहनाङ्ग भुजङ्गेश भूतेश भृङ्गेश तुभ्यं नमः कुक्क-लिङ्गाय तस्मै नमस्ते नमः काल-कण्ठ-प्ररूढाय तस्मै नमो नीलकण्ठाधिरूढाय तस्मै नमः प्रोल्लसच्चारु-चूडाय तस्मै नमो दिव्य-रूपाय शान्ताय तस्मै नमस्ते नमः पार्वती-नन्दनाय स्फुरच्चित्र-बर्ही-कृत-स्यन्दनाय नमश्चर्चिताङ्गोज्ज्वलच्चन्दनाय प्रविच्छेदित-प्राण-भृद्-बन्धनाय नमस्ते नमस्ते जगत्-पावनात्त- स्वरूपाय तस्मै जगज्जीवनाय नमस्ते नमस्ते जगद्-वन्दिताय ह्यरूपाय तस्मै जगन्मोहनाय नमस्ते नमस्ते नमः क्रौञ्च-भेत्त्रे नमस्ते नमस्ते नमो विश्व-कर्त्रे नमस्ते नमस्ते नमो विश्व-गोप्त्रे नमस्ते नमस्ते नमो विश्व-हन्त्रे नमस्ते नमस्ते नमो विश्व-भर्त्रे नमस्ते नमस्ते नमो विश्व-धात्रे नमस्ते नमस्ते नमो विश्व-नेत्रे नमस्ते नमस्ते नमो विश्व-शास्त्रे नमस्ते नमश्शेष-रूपाय तुभ्यं नमस्ते नमो दिव्य-चापाय तुभ्यम् नमस्ते नमः सत्-प्रतापाय तुभ्यं नमस्ते नमः सत्-कलापाय तुभ्यम् नमस्ते नमः सत्-किरीटाय तुभ्यं नमस्ते नमः स्वर्ण-पीठाय तुभ्यम् नमस्ते नमः सल्ललाटाय तुभ्यं नमस्ते नमो दिव्य-रूपाय तुभ्यम् नमस्ते नमो लोक-रक्षाय तुभ्यं नमस्ते नमो दीन-रक्षाय तुभ्यम् नमस्ते नमो दैत्य-शिक्षाय तुभ्यं नमस्ते नमो द्वादशाक्षाय तुभ्यम् भुजङ्गाकृते त्वत्-प्रियार्थं मयेदं भुजङ्ग-प्रयातेन वृत्तेन कॢप्तम् तव स्तोत्रमेतत् पवित्रं सु-पुण्यं परानन्द-सन्दोह-संवर्धनाय त्वदन्यत् परं दैवतं नाभिजाने प्रभो पाहि सम्पूर्ण-दृष्ट्यानुगृह्य यथा-शक्ति भक्त्या कृतं स्तोत्रमेकं विभो मेऽपराधं क्षमस्वाखिलेश इदं तारकारेर्गुण-स्तोत्र-राजं पठन्तस्त्रि-कालं प्रपन्ना जना ये सुपुत्राष्ट-भोगानिह त्वेव भुक्त्वा लभन्ते तदन्ते परं स्वर्ग-भोगम् ॥ इति श्रीमत्-काञ्ची-कामकोटि-मूलाम्नाय-सर्वज्ञ-पीठाधिपति-जगद्गुरु-शङ्कराचार्य-श्रीमत्-सदाशिव-बोधेन्द्र-सरस्वती-श्रीचरण-अन्तेवासिवर्य-श्रीमत्-परमशिवेन्द्र-सरस्वती-श्रीचरण-विरचितं सुब्रह्मण्य-भुजङ्गं सम्पूर्णम् ॥

శ్రీ-పరమశివేన్ద్ర-కృతం సుబ్రహ్మణ్య-భుజఙ్గమ్ గణేశం నమస్కృత్య గౌరీ-కుమారం గజాస్యం గుహస్యాగ్ర-జాతం గభీరమ్ ప్రలమ్బోదరం శూర్ప-కర్ణం త్రి-ణేత్రం ప్రవక్ష్యే భుజఙ్గ-ప్రయాతం గుహస్య పృథక్-షట్-కిరీట-స్ఫురద్-దివ్య-రత్న- ప్రభాక్షిప్త-మార్తణ్డ-కోటి-ప్రకాశమ్ చలత్-కుణ్డలోద్యత్-సు-గణ్డ-స్థలాన్తం మహానర్ఘ-హారోజ్జ్వలత్-కమ్బు-కణ్ఠమ్ శరత్-పూర్ణ-చన్ద్ర-ప్రభా-చారు-వక్త్రం విరాజల్లలాటం కృపా-పూర్ణ-నేత్రమ్ లసద్-భ్రూ-సు-నాసా-పుటం విద్రుమోష్ఠం సు-దన్తావలిం సుస్మితం ప్రేమ-పూర్ణమ్ ద్వి-షడ్-బాహు-దణ్డాగ్ర-దేదీప్యమానం క్వణత్-కఙ్కణాలఙ్కృతోదార-హస్తమ్ లసన్ముద్రికా-రత్న-రాజత్-కరాగ్రం క్వణత్-కిఙ్కిణీ-రమ్య-కాఞ్చీ-కలాపమ్ విశాలోదరం విస్ఫురత్-పూర్ణ-కుక్షిం కటౌ-స్వర్ణ-సూత్రం తటిద్-వర్ణ-గాత్రమ్ సు-లావణ్య-నాభీ-సరస్తీర-రాజత్- సు-శైవాల-రోమావలీ-రోచమానమ్ సు-కల్లోల-వీచీ-వలీ-రోచమానం లసన్మధ్య-సుస్నిగ్ధ-వాసో వసానమ్ స్ఫురచ్చారు-దివ్యోరు-జఙ్ఘా-సు-గుల్ఫం వికస్వత్-పదాబ్జం నఖేన్దు-ప్రభాఢ్యమ్ ద్వి-షట్-పఙ్కజాక్షం మహా-శక్తి-యుక్తం త్రి-లోక-ప్రశస్తం సు-కుక్కే-పుర-స్థమ్ ప్రపన్నార్తి-నాశం ప్రసన్నం ఫణీశం పర-బ్రహ్మ-రూపం ప్రకాశం పరేశమ్ కుమారం వరేణ్యం శరణ్యం సు-పుణ్యం సు-లావణ్య-పణ్యం సురేశానువర్ణ్యమ్ లసత్-పూర్ణ-కారుణ్య-లక్ష్మీశ-గణ్యం సు-కారుణ్యమార్యాగ్ర-గణ్యం నమామి స్ఫురద్-రత్న-పీఠోపరి భ్రాజమానం హృదమ్భోజ-మధ్యే మహా-సన్నిధానమ్ సమావృత్త-జాను-ప్రభా-శోభమానం సురైః సేవ్యమానం భజే బర్హి-యానమ్ జ్వల-చ్చారు-చామీకరాదర్శ-పూర్ణం చలచ్చామర-చ్ఛత్ర-చిత్ర-ధ్వజాఢ్యమ్ సువర్ణామలాన్దోలికా-మధ్య-సంస్థం మహాహీన్ద్ర-రూపం భజే సు-ప్రతాపమ్ ధనుర్బాణ-చక్రాభయం వజ్ర-ఖేటం త్రి-శూలాసి-పాశాఙ్కుశాభీతి-శఙ్ఖమ్ జ్వలత్-కుక్కుటం ప్రోల్లసద్-ద్వాదశాక్షం ప్రశస్తాయుధం షణ్ముఖం తం భజేఽహమ్ స్ఫురచ్చారు-గణ్డం ద్వి-షడ్-బాహు-దణ్డం శ్రితామర్త్య-షణ్డం సుసమ్పత్-కరణ్డమ్ ద్విషద్-వంశ-ఖణ్డం సదా దాన-శౌణ్డం భవ-ప్రేమ-పిణ్డం భజే సు-ప్రచణ్డమ్ సదా దీన-పక్షం సుర-ద్విడ్-విపక్షం సుమృష్టాన్న-భక్ష్య-ప్రదానైక-దక్షమ్ శ్రితామర్త్య-వృక్షం మహా-దైత్య-శిక్షం బహు-క్షీణ-పక్షం భజే ద్వాదశాక్షమ్ త్రి-మూర్తి-స్వరూపం త్రయీ-సత్-కలాపం త్రి-లోకాధినాథం త్రిణేత్రాత్మ-జాతమ్ త్రి-శక్త్యా ప్రయుక్తం సు-పుణ్య-ప్రశస్తం త్రి-కాల-జ్ఞమిష్టార్థ-దం తం భజేఽహమ్ విరాజద్-భుజఙ్గం విశాలోత్తమాఙ్గం విశుద్ధాత్మ-సఙ్గం వివృద్ధ-ప్రసఙ్గమ్ విచిన్త్యం శుభాఙ్గం వికృత్తాసురాఙ్గం భవ-వ్యాధి-భఙ్గం భజే కుక్క-లిఙ్గమ్ గుహ స్కన్ద గాఙ్గేయ గౌరీ-సుతేశ- ప్రియ క్రౌఞ్చ-భిత్ తారకారే సురేశ మయూరాసనాశేష-దోష-ప్రణాశ ప్రసీద ప్రసీద ప్రభో చిత్-ప్రకాశ లపన్ దేవ-సేనేశ భూతేశ శేష- స్వరూపాగ్ని-భూః కార్త్తికేయాన్న-దాతః యదేత్థం స్మరిష్యామి భక్త్యా భవన్తం తదా మే షడాస్య ప్రసీద ప్రసీద భుజే శౌర్య-ధైర్యం కరే దాన-ధర్మః కటాక్షేఽతిశాన్తిః షడాస్యేషు హాస్యమ్ హృదబ్జే దయా యస్య తం దేవమన్యం కుమారాన్న జానే న జానే న జానే మహీ-నిర్జరేశాన్మహా-నృత్య-తోషాత్ విహఙ్గాధిరూఢాద్ బిలాన్తర్విగూఢాత్ మహేశాత్మ-జాతాన్మహా-భోగి-నాథాద్ గుహాద్ దైవమన్యన్న మన్యే న మన్యే సురోత్తుఙ్గ-శృఙ్గార-సఙ్గీత-పూర్ణ- ప్రసఙ్గ-ప్రియాసఙ్గ-సమ్మోహనాఙ్గ భుజఙ్గేశ భూతేశ భృఙ్గేశ తుభ్యం నమః కుక్క-లిఙ్గాయ తస్మై నమస్తే నమః కాల-కణ్ఠ-ప్రరూఢాయ తస్మై నమో నీలకణ్ఠాధిరూఢాయ తస్మై నమః ప్రోల్లసచ్చారు-చూడాయ తస్మై నమో దివ్య-రూపాయ శాన్తాయ తస్మై నమస్తే నమః పార్వతీ-నన్దనాయ స్ఫురచ్చిత్ర-బర్హీ-కృత-స్యన్దనాయ నమశ్చర్చితాఙ్గోజ్జ్వలచ్చన్దనాయ ప్రవిచ్ఛేదిత-ప్రాణ-భృద్-బన్ధనాయ నమస్తే నమస్తే జగత్-పావనాత్త- స్వరూపాయ తస్మై జగజ్జీవనాయ నమస్తే నమస్తే జగద్-వన్దితాయ హ్యరూపాయ తస్మై జగన్మోహనాయ నమస్తే నమస్తే నమః క్రౌఞ్చ-భేత్త్రే నమస్తే నమస్తే నమో విశ్వ-కర్త్రే నమస్తే నమస్తే నమో విశ్వ-గోప్త్రే నమస్తే నమస్తే నమో విశ్వ-హన్త్రే నమస్తే నమస్తే నమో విశ్వ-భర్త్రే నమస్తే నమస్తే నమో విశ్వ-ధాత్రే నమస్తే నమస్తే నమో విశ్వ-నేత్రే నమస్తే నమస్తే నమో విశ్వ-శాస్త్రే నమస్తే నమశ్శేష-రూపాయ తుభ్యం నమస్తే నమో దివ్య-చాపాయ తుభ్యమ్ నమస్తే నమః సత్-ప్రతాపాయ తుభ్యం నమస్తే నమః సత్-కలాపాయ తుభ్యమ్ నమస్తే నమః సత్-కిరీటాయ తుభ్యం నమస్తే నమః స్వర్ణ-పీఠాయ తుభ్యమ్ నమస్తే నమః సల్లలాటాయ తుభ్యం నమస్తే నమో దివ్య-రూపాయ తుభ్యమ్ నమస్తే నమో లోక-రక్షాయ తుభ్యం నమస్తే నమో దీన-రక్షాయ తుభ్యమ్ నమస్తే నమో దైత్య-శిక్షాయ తుభ్యం నమస్తే నమో ద్వాదశాక్షాయ తుభ్యమ్ భుజఙ్గాకృతే త్వత్-ప్రియార్థం మయేదం భుజఙ్గ-ప్రయాతేన వృత్తేన కౢప్తమ్ తవ స్తోత్రమేతత్ పవిత్రం సు-పుణ్యం పరానన్ద-సన్దోహ-సంవర్ధనాయ త్వదన్యత్ పరం దైవతం నాభిజానే ప్రభో పాహి సమ్పూర్ణ-దృష్ట్యానుగృహ్య యథా-శక్తి భక్త్యా కృతం స్తోత్రమేకం విభో మేఽపరాధం క్షమస్వాఖిలేశ ఇదం తారకారేర్గుణ-స్తోత్ర-రాజం పఠన్తస్త్రి-కాలం ప్రపన్నా జనా యే సుపుత్రాష్ట-భోగానిహ త్వేవ భుక్త్వా లభన్తే తదన్తే పరం స్వర్గ-భోగమ్ ॥ ఇతి శ్రీమత్-కాఞ్చీ-కామకోటి-మూలామ్నాయ-సర్వజ్ఞ-పీఠాధిపతి-జగద్గురు-శఙ్కరాచార్య-శ్రీమత్-సదాశివ-బోధేన్ద్ర-సరస్వతీ-శ్రీచరణ-అన్తేవాసివర్య-శ్రీమత్-పరమశివేన్ద్ర-సరస్వతీ-శ్రీచరణ-విరచితం సుబ్రహ్మణ్య-భుజఙ్గం సమ్పూర్ణమ్ ॥

śrī-paramaśivendra-kṛtaṃ subrahmaṇya-bhujaṅgam gaṇeśaṃ namaskṛtya gaurī-kumāraṃ gajāsyaṃ guhasyāgra-jātaṃ gabhīram pralambodaraṃ śūrpa-karṇaṃ tri-ṇetraṃ pravakṣye bhujaṅga-prayātaṃ guhasya pṛthak-ṣaṭ-kirīṭa-sphurad-divya-ratna- prabhākṣipta-mārtaṇḍa-koṭi-prakāśam calat-kuṇḍalodyat-su-gaṇḍa-sthalāntaṃ mahānargha-hārojjvalat-kambu-kaṇṭham śarat-pūrṇa-candra-prabhā-cāru-vaktraṃ virājallalāṭaṃ kṛpā-pūrṇa-netram lasad-bhrū-su-nāsā-puṭaṃ vidrumoṣṭhaṃ su-dantāvaliṃ susmitaṃ prema-pūrṇam dvi-ṣaḍ-bāhu-daṇḍāgra-dedīpyamānaṃ kvaṇat-kaṅkaṇālaṅkṛtodāra-hastam lasanmudrikā-ratna-rājat-karāgraṃ kvaṇat-kiṅkiṇī-ramya-kāñcī-kalāpam viśālodaraṃ visphurat-pūrṇa-kukṣiṃ kaṭau-svarṇa-sūtraṃ taṭid-varṇa-gātram su-lāvaṇya-nābhī-sarastīra-rājat- su-śaivāla-romāvalī-rocamānam su-kallola-vīcī-valī-rocamānaṃ lasanmadhya-susnigdha-vāso vasānam sphuraccāru-divyoru-jaṅghā-su-gulphaṃ vikasvat-padābjaṃ nakhendu-prabhāḍhyam dvi-ṣaṭ-paṅkajākṣaṃ mahā-śakti-yuktaṃ tri-loka-praśastaṃ su-kukke-pura-stham prapannārti-nāśaṃ prasannaṃ phaṇīśaṃ para-brahma-rūpaṃ prakāśaṃ pareśam kumāraṃ vareṇyaṃ śaraṇyaṃ su-puṇyaṃ su-lāvaṇya-paṇyaṃ sureśānuvarṇyam lasat-pūrṇa-kāruṇya-lakṣmīśa-gaṇyaṃ su-kāruṇyamāryāgra-gaṇyaṃ namāmi sphurad-ratna-pīṭhopari bhrājamānaṃ hṛdambhoja-madhye mahā-sannidhānam samāvṛtta-jānu-prabhā-śobhamānaṃ suraiḥ sevyamānaṃ bhaje barhi-yānam jvala-ccāru-cāmīkarādarśa-pūrṇaṃ calaccāmara-cchatra-citra-dhvajāḍhyam suvarṇāmalāndolikā-madhya-saṃsthaṃ mahāhīndra-rūpaṃ bhaje su-pratāpam dhanurbāṇa-cakrābhayaṃ vajra-kheṭaṃ tri-śūlāsi-pāśāṅkuśābhīti-śaṅkham jvalat-kukkuṭaṃ prollasad-dvādaśākṣaṃ praśastāyudhaṃ ṣaṇmukhaṃ taṃ bhaje'ham sphuraccāru-gaṇḍaṃ dvi-ṣaḍ-bāhu-daṇḍaṃ śritāmartya-ṣaṇḍaṃ susampat-karaṇḍam dviṣad-vaṃśa-khaṇḍaṃ sadā dāna-śauṇḍaṃ bhava-prema-piṇḍaṃ bhaje su-pracaṇḍam sadā dīna-pakṣaṃ sura-dviḍ-vipakṣaṃ sumṛṣṭānna-bhakṣya-pradānaika-dakṣam śritāmartya-vṛkṣaṃ mahā-daitya-śikṣaṃ bahu-kṣīṇa-pakṣaṃ bhaje dvādaśākṣam tri-mūrti-svarūpaṃ trayī-sat-kalāpaṃ tri-lokādhināthaṃ triṇetrātma-jātam tri-śaktyā prayuktaṃ su-puṇya-praśastaṃ tri-kāla-jñamiṣṭārtha-daṃ taṃ bhaje'ham virājad-bhujaṅgaṃ viśālottamāṅgaṃ viśuddhātma-saṅgaṃ vivṛddha-prasaṅgam vicintyaṃ śubhāṅgaṃ vikṛttāsurāṅgaṃ bhava-vyādhi-bhaṅgaṃ bhaje kukka-liṅgam guha skanda gāṅgeya gaurī-suteśa- priya krauñca-bhit tārakāre sureśa mayūrāsanāśeṣa-doṣa-praṇāśa prasīda prasīda prabho cit-prakāśa lapan deva-seneśa bhūteśa śeṣa- svarūpāgni-bhūḥ kārttikeyānna-dātaḥ yadetthaṃ smariṣyāmi bhaktyā bhavantaṃ tadā me ṣaḍāsya prasīda prasīda bhuje śaurya-dhairyaṃ kare dāna-dharmaḥ kaṭākṣe'tiśāntiḥ ṣaḍāsyeṣu hāsyam hṛdabje dayā yasya taṃ devamanyaṃ kumārānna jāne na jāne na jāne mahī-nirjareśānmahā-nṛtya-toṣāt vihaṅgādhirūḍhād bilāntarvigūḍhāt maheśātma-jātānmahā-bhogi-nāthād guhād daivamanyanna manye na manye surottuṅga-śṛṅgāra-saṅgīta-pūrṇa- prasaṅga-priyāsaṅga-sammohanāṅga bhujaṅgeśa bhūteśa bhṛṅgeśa tubhyaṃ namaḥ kukka-liṅgāya tasmai namaste namaḥ kāla-kaṇṭha-prarūḍhāya tasmai namo nīlakaṇṭhādhirūḍhāya tasmai namaḥ prollasaccāru-cūḍāya tasmai namo divya-rūpāya śāntāya tasmai namaste namaḥ pārvatī-nandanāya sphuraccitra-barhī-kṛta-syandanāya namaścarcitāṅgojjvalaccandanāya pravicchedita-prāṇa-bhṛd-bandhanāya namaste namaste jagat-pāvanātta- svarūpāya tasmai jagajjīvanāya namaste namaste jagad-vanditāya hyarūpāya tasmai jaganmohanāya namaste namaste namaḥ krauñca-bhettre namaste namaste namo viśva-kartre namaste namaste namo viśva-goptre namaste namaste namo viśva-hantre namaste namaste namo viśva-bhartre namaste namaste namo viśva-dhātre namaste namaste namo viśva-netre namaste namaste namo viśva-śāstre namaste namaśśeṣa-rūpāya tubhyaṃ namaste namo divya-cāpāya tubhyam namaste namaḥ sat-pratāpāya tubhyaṃ namaste namaḥ sat-kalāpāya tubhyam namaste namaḥ sat-kirīṭāya tubhyaṃ namaste namaḥ svarṇa-pīṭhāya tubhyam namaste namaḥ sallalāṭāya tubhyaṃ namaste namo divya-rūpāya tubhyam namaste namo loka-rakṣāya tubhyaṃ namaste namo dīna-rakṣāya tubhyam namaste namo daitya-śikṣāya tubhyaṃ namaste namo dvādaśākṣāya tubhyam bhujaṅgākṛte tvat-priyārthaṃ mayedaṃ bhujaṅga-prayātena vṛttena kḷptam tava stotrametat pavitraṃ su-puṇyaṃ parānanda-sandoha-saṃvardhanāya tvadanyat paraṃ daivataṃ nābhijāne prabho pāhi sampūrṇa-dṛṣṭyānugṛhya yathā-śakti bhaktyā kṛtaṃ stotramekaṃ vibho me'parādhaṃ kṣamasvākhileśa idaṃ tārakārerguṇa-stotra-rājaṃ paṭhantastri-kālaṃ prapannā janā ye suputrāṣṭa-bhogāniha tveva bhuktvā labhante tadante paraṃ svarga-bhogam || iti śrīmat-kāñcī-kāmakoṭi-mūlāmnāya-sarvajña-pīṭhādhipati-jagadguru-śaṅkarācārya-śrīmat-sadāśiva-bodhendra-sarasvatī-śrīcaraṇa-antevāsivarya-śrīmat-paramaśivendra-sarasvatī-śrīcaraṇa-viracitaṃ subrahmaṇya-bhujaṅgaṃ sampūrṇam ||