तोटकाष्टकम् शङ्करं शङ्कराचार्यं केशवं बादरायणम् सूत्रभाष्यकृतौ वन्दे भगवन्तौ पुनः पुनः नारायणं पद्मभुवं वसिष्ठं शक्तिं च तत्पुत्रपराशरं च व्यासं शुकं गौडपदं महान्तं गोविन्दयोगीन्द्रमथास्य शिष्यम् श्री-शङ्कराचार्यमथास्य पद्मपादं च हस्तामलकं च शिष्यं तं तोटकं वार्तिककारमन्यानस्मद्गुरून् सन्ततमानतोऽस्मि विदिताखिल-शास्त्र-सुधा-जलधे महितोपनिषत्-कथितार्थ-निधे हृदये कलये विमलं चरणं भव शङ्कर देशिक मे शरणम् करुणा-वरुणालय पालय मां भव-सागर-दुःख-विदून-हृदम् रचयाखिल-दर्शन-तत्त्व-विदं भव शङ्कर देशिक मे शरणम् भवता जनता सुहिता भविता निज-बोध-विचारण-चारु-मते कलयेश्वर-जीव-विवेक-विदं भव शङ्कर देशिक मे शरणम् भव एव भवानिति मे नितरां समजायत चेतसि कौतुकिता मम वारय मोह-महा-जलधिं भव शङ्कर देशिक मे शरणम् सुकृतेऽधिकृते बहुधा भवतो भविता सम-दर्शन-लालसता अतिदीनमिमं परिपालय मां भव शङ्कर देशिक मे शरणम् जगतीमवितुं कलिताकृतयो विचरन्ति महा-महसश्छलतः अहिमांशुरिवात्र विभासि पुरो भव शङ्कर देशिक मे शरणम् गुरु-पुङ्गव पुङ्गव-केतन ते समतामयतां न हि कोऽपि सुधीः शरणागत-वत्सल तत्त्व-निधे भव शङ्कर देशिक मे शरणम् विदिता न मया विशदैक-कला न च किञ्चन काञ्चनमस्ति गुरो द्रुतमेव विधेहि कृपां सहजां भव शङ्कर देशिक मे शरणम् ॥इति श्री-तोटकाचार्यविरचितं श्री-तोटकाष्टकं सम्पूर्णम्॥

తోటకాష్టకమ్ శఙ్కరం శఙ్కరాచార్యం కేశవం బాదరాయణమ్ సూత్రభాష్యకృతౌ వన్దే భగవన్తౌ పునః పునః నారాయణం పద్మభువం వసిష్ఠం శక్తిం చ తత్పుత్రపరాశరం చ వ్యాసం శుకం గౌడపదం మహాన్తం గోవిన్దయోగీన్ద్రమథాస్య శిష్యమ్ శ్రీ-శఙ్కరాచార్యమథాస్య పద్మపాదం చ హస్తామలకం చ శిష్యం తం తోటకం వార్తికకారమన్యానస్మద్గురూన్ సన్తతమానతోఽస్మి విదితాఖిల-శాస్త్ర-సుధా-జలధే మహితోపనిషత్-కథితార్థ-నిధే హృదయే కలయే విమలం చరణం భవ శఙ్కర దేశిక మే శరణమ్ కరుణా-వరుణాలయ పాలయ మాం భవ-సాగర-దుఃఖ-విదూన-హృదమ్ రచయాఖిల-దర్శన-తత్త్వ-విదం భవ శఙ్కర దేశిక మే శరణమ్ భవతా జనతా సుహితా భవితా నిజ-బోధ-విచారణ-చారు-మతే కలయేశ్వర-జీవ-వివేక-విదం భవ శఙ్కర దేశిక మే శరణమ్ భవ ఏవ భవానితి మే నితరాం సమజాయత చేతసి కౌతుకితా మమ వారయ మోహ-మహా-జలధిం భవ శఙ్కర దేశిక మే శరణమ్ సుకృతేఽధికృతే బహుధా భవతో భవితా సమ-దర్శన-లాలసతా అతిదీనమిమం పరిపాలయ మాం భవ శఙ్కర దేశిక మే శరణమ్ జగతీమవితుం కలితాకృతయో విచరన్తి మహా-మహసశ్ఛలతః అహిమాంశురివాత్ర విభాసి పురో భవ శఙ్కర దేశిక మే శరణమ్ గురు-పుఙ్గవ పుఙ్గవ-కేతన తే సమతామయతాం న హి కోఽపి సుధీః శరణాగత-వత్సల తత్త్వ-నిధే భవ శఙ్కర దేశిక మే శరణమ్ విదితా న మయా విశదైక-కలా న చ కిఞ్చన కాఞ్చనమస్తి గురో ద్రుతమేవ విధేహి కృపాం సహజాం భవ శఙ్కర దేశిక మే శరణమ్ ॥ఇతి శ్రీ-తోటకాచార్యవిరచితం శ్రీ-తోటకాష్టకం సమ్పూర్ణమ్॥

toṭakāṣṭakam śaṅkaraṃ śaṅkarācāryaṃ keśavaṃ bādarāyaṇam sūtrabhāṣyakṛtau vande bhagavantau punaḥ punaḥ nārāyaṇaṃ padmabhuvaṃ vasiṣṭhaṃ śaktiṃ ca tatputraparāśaraṃ ca vyāsaṃ śukaṃ gauḍapadaṃ mahāntaṃ govindayogīndramathāsya śiṣyam śrī-śaṅkarācāryamathāsya padmapādaṃ ca hastāmalakaṃ ca śiṣyaṃ taṃ toṭakaṃ vārtikakāramanyānasmadgurūn santatamānato'smi viditākhila-śāstra-sudhā-jaladhe mahitopaniṣat-kathitārtha-nidhe hṛdaye kalaye vimalaṃ caraṇaṃ bhava śaṅkara deśika me śaraṇam karuṇā-varuṇālaya pālaya māṃ bhava-sāgara-duḥkha-vidūna-hṛdam racayākhila-darśana-tattva-vidaṃ bhava śaṅkara deśika me śaraṇam bhavatā janatā suhitā bhavitā nija-bodha-vicāraṇa-cāru-mate kalayeśvara-jīva-viveka-vidaṃ bhava śaṅkara deśika me śaraṇam bhava eva bhavāniti me nitarāṃ samajāyata cetasi kautukitā mama vāraya moha-mahā-jaladhiṃ bhava śaṅkara deśika me śaraṇam sukṛte'dhikṛte bahudhā bhavato bhavitā sama-darśana-lālasatā atidīnamimaṃ paripālaya māṃ bhava śaṅkara deśika me śaraṇam jagatīmavituṃ kalitākṛtayo vicaranti mahā-mahasaśchalataḥ ahimāṃśurivātra vibhāsi puro bhava śaṅkara deśika me śaraṇam guru-puṅgava puṅgava-ketana te samatāmayatāṃ na hi ko'pi sudhīḥ śaraṇāgata-vatsala tattva-nidhe bhava śaṅkara deśika me śaraṇam viditā na mayā viśadaika-kalā na ca kiñcana kāñcanamasti guro drutameva vidhehi kṛpāṃ sahajāṃ bhava śaṅkara deśika me śaraṇam ||iti śrī-toṭakācāryaviracitaṃ śrī-toṭakāṣṭakaṃ sampūrṇam||