विष्णोरष्टोत्तरशतदिव्यस्थानीयनामस्तोत्रम्
अष्टोत्तरशतस्थानेष्वाविर्भूतं जगत्पतिम्
नमामि जगतामीशं नारायणमनन्यधीः
श्रीवैकुण्ठे वासुदेवमामोदे कर्षणाह्वयम्
प्रद्युम्नं च प्रमोदाख्ये सम्मोदे चानिरुद्धकम्
सत्यलोके तथा विष्णुं पद्माक्षं सूर्यमण्डले
क्षीराब्धौ शेषशयनं श्वेतद्वीपेतु तारकम्
नारायणं बदर्याख्ये नैमिषे हरिमव्ययम्
शालग्रामं हरिक्षेत्रे अयोध्यायां रघूत्तमम्
मथुरायां बालकृष्णं मायायां मधुसूदनम्
काश्यां तु भोगशयनमवन्त्यामवनीपतिम्
द्वारवत्यां यादवेन्द्रं व्रजे गोपीजनप्रियम्
वृन्दावने नन्दसूनुं गोविन्दं कालियह्रदे
गोवर्धने गोपवेषं भवघ्नं भक्तवत्सलम्
गोमन्तपर्वते शौरिं हरिद्वारे जगत्पतिम्
प्रयागे माधवं चैव गयायां तु गदाधरम्
गङ्गासागरगे विष्णुं चित्रकूटे तु राघवम्
नन्दिग्रामे राक्षसघ्नं प्रभासे विश्वरूपिणम्
श्रीकूर्मे कूर्ममचलं नीलाद्रौ पुरुषोत्तमम्
सिंहाचले महासिंहं गदिनं तुलसीवने
घृतशैले पापहरं श्वेताद्रौ सिंहरूपिणम्
योगानन्दं धर्मपुर्यां काकुले त्वान्ध्रनायकम्
अहोबिले गारुडाद्रौ हिरण्यासुरमर्दनम्
विट्ठलं पाण्डुरङ्गे तु वेङ्कटाद्रौ रमासखम्
नारायणं यादवाद्रौ नृसिंहं घटिकाचले
वरदं वारणगिरौ काञ्च्यां कमललोचनम्
यथोक्तकारिणं चैव परमेशपुराश्रयम्
पाण्डवानां तथा दूतं त्रिविक्रममथोन्नतम्
कामासिक्यां नृसिंहं च तथाष्टभुजसज्ञकम्
मेघाकारं शुभाकारं शेषाकारं तु शोभनम्
अन्तरा शितिकण्ठस्य कामकोट्यां शुभप्रदम्
कालमेघं खगारूढं कोटिसूर्यसमप्रभम्
दिव्यं दीपप्रकाशं च देवानामधिपं मुने
प्रवालवर्णं दीपाभं काञ्च्यामष्टादशस्थितम्
श्रीगृध्रसरसस्तीरे भान्तं विजयराघवम्
वीक्षारण्ये महापुण्ये शयानं वीरराघवम्
तोताद्रौ तुङ्गशयनं गजार्तिघ्नं गजस्थले
महाबलं बलिपुरे भक्तिसारे जगत्पतिम्
महावराहं श्रीमुष्णे महीन्द्रे पद्मलोचनम्
श्रीरङ्गे तु जगन्नाथं श्रीधामे जानकीप्रियम्
सारक्षेत्रे सारनाथं खण्डने हरचापहम्
श्रीनिवासस्थले पूर्णं सुवर्णं स्वर्णमन्दिरे
व्याघ्रपुर्यां महाविष्णुं भक्तिस्थाने तु भक्तिदम्
श्वेतह्रदे शान्तमूर्तिमग्निपुर्यां सुरप्रियम्
भर्गाख्यं भार्गवस्थाने वैकुण्ठाख्ये तु माधवम्
पुरुषोत्तमे भक्तसखं चक्रतीर्थे सुदर्शनम्
कुम्भकोणे चक्रपाणिं भूतस्थाने तु शार्ङ्गिणम्
कपिस्थले गजार्तिघ्नं गोविन्दं चित्रकूटके
अनुत्तमं चोत्तमायां श्वेताद्रौ पद्मलोचनम्
पार्थस्थले परब्रह्म कृष्णाकोट्यां मधुद्विषम्
नन्दपुर्यां महानन्दं वृद्धपुर्यां वृषाश्रयम्
असङ्गं सङ्गमग्रामे शरण्ये शरणं महत्
दक्षिणद्वारकायां तु गोपालं जगतां पतिम्
सिंहक्षेत्रे महासिंहं मल्लारिं मणिमण्डपे
निबिडे निबिडाकारं धानुष्के जगदीश्वरम्
मौहूरे कालमेघं तु मधुरायां तु सुन्दरम्
वृषभाद्रौ महापुण्ये परमस्वामिसज्ञकम्
श्रीमद्वरगुणे नाथं कुरुकायां रमासखम्
गोष्ठीपुरे गोष्ठपतिं शयानं दर्भसंस्तरे
धन्विमङ्गलके शौरिं बलाढ्यं भ्रमरस्थले
कुरङ्गे तु तथा पूर्णं कृष्णामेकं वटस्थले
अच्युतं क्षुद्रनद्यां तु पद्मनाभमनन्तके
एतानि विष्णोः स्थानानि पूजितानि महात्मभिः
अधिष्ठितानि देवेश तत्रासीनं च माधवम्
यः स्मरेत्सततं भक्त्या चेतसानन्यगामिना
स विधूयातिसंसारबन्धं याति हरेः पदम्
अष्टोत्तरशतं विष्णोः स्थानानि पठता स्वयम्
अधीताः सकला वेदाः कृताश्च विविधा मखाः
सम्पादिता तथा मुक्तिः परमानन्ददायिनी
अवगाढानि तीर्थानि ज्ञातः स भगवान् हरिः
आद्यमेतत्स्वयं व्यक्तं विमानं रङ्गसज्ञकम्
श्रीमुष्णं वेङ्कटाद्रिं च शालग्रामं च नैमिषम्
तोताद्रिं पुष्करं चैव नरनारायणाश्रमम्
अष्टौ मे मूर्तयः सन्ति स्वयं व्यक्ता महीतले
॥ इति श्रीविष्णोरष्टोत्तरशतदिव्यस्थानीयनामस्तोत्रं सम्पूर्णम् ॥
విష్ణోరష్టోత్తరశతదివ్యస్థానీయనామస్తోత్రమ్
అష్టోత్తరశతస్థానేష్వావిర్భూతం జగత్పతిమ్
నమామి జగతామీశం నారాయణమనన్యధీః
శ్రీవైకుణ్ఠే వాసుదేవమామోదే కర్షణాహ్వయమ్
ప్రద్యుమ్నం చ ప్రమోదాఖ్యే సమ్మోదే చానిరుద్ధకమ్
సత్యలోకే తథా విష్ణుం పద్మాక్షం సూర్యమణ్డలే
క్షీరాబ్ధౌ శేషశయనం శ్వేతద్వీపేతు తారకమ్
నారాయణం బదర్యాఖ్యే నైమిషే హరిమవ్యయమ్
శాలగ్రామం హరిక్షేత్రే అయోధ్యాయాం రఘూత్తమమ్
మథురాయాం బాలకృష్ణం మాయాయాం మధుసూదనమ్
కాశ్యాం తు భోగశయనమవన్త్యామవనీపతిమ్
ద్వారవత్యాం యాదవేన్ద్రం వ్రజే గోపీజనప్రియమ్
వృన్దావనే నన్దసూనుం గోవిన్దం కాలియహ్రదే
గోవర్ధనే గోపవేషం భవఘ్నం భక్తవత్సలమ్
గోమన్తపర్వతే శౌరిం హరిద్వారే జగత్పతిమ్
ప్రయాగే మాధవం చైవ గయాయాం తు గదాధరమ్
గఙ్గాసాగరగే విష్ణుం చిత్రకూటే తు రాఘవమ్
నన్దిగ్రామే రాక్షసఘ్నం ప్రభాసే విశ్వరూపిణమ్
శ్రీకూర్మే కూర్మమచలం నీలాద్రౌ పురుషోత్తమమ్
సింహాచలే మహాసింహం గదినం తులసీవనే
ఘృతశైలే పాపహరం శ్వేతాద్రౌ సింహరూపిణమ్
యోగానన్దం ధర్మపుర్యాం కాకులే త్వాన్ధ్రనాయకమ్
అహోబిలే గారుడాద్రౌ హిరణ్యాసురమర్దనమ్
విట్ఠలం పాణ్డురఙ్గే తు వేఙ్కటాద్రౌ రమాసఖమ్
నారాయణం యాదవాద్రౌ నృసింహం ఘటికాచలే
వరదం వారణగిరౌ కాఞ్చ్యాం కమలలోచనమ్
యథోక్తకారిణం చైవ పరమేశపురాశ్రయమ్
పాణ్డవానాం తథా దూతం త్రివిక్రమమథోన్నతమ్
కామాసిక్యాం నృసింహం చ తథాష్టభుజసజ్ఞకమ్
మేఘాకారం శుభాకారం శేషాకారం తు శోభనమ్
అన్తరా శితికణ్ఠస్య కామకోట్యాం శుభప్రదమ్
కాలమేఘం ఖగారూఢం కోటిసూర్యసమప్రభమ్
దివ్యం దీపప్రకాశం చ దేవానామధిపం మునే
ప్రవాలవర్ణం దీపాభం కాఞ్చ్యామష్టాదశస్థితమ్
శ్రీగృధ్రసరసస్తీరే భాన్తం విజయరాఘవమ్
వీక్షారణ్యే మహాపుణ్యే శయానం వీరరాఘవమ్
తోతాద్రౌ తుఙ్గశయనం గజార్తిఘ్నం గజస్థలే
మహాబలం బలిపురే భక్తిసారే జగత్పతిమ్
మహావరాహం శ్రీముష్ణే మహీన్ద్రే పద్మలోచనమ్
శ్రీరఙ్గే తు జగన్నాథం శ్రీధామే జానకీప్రియమ్
సారక్షేత్రే సారనాథం ఖణ్డనే హరచాపహమ్
శ్రీనివాసస్థలే పూర్ణం సువర్ణం స్వర్ణమన్దిరే
వ్యాఘ్రపుర్యాం మహావిష్ణుం భక్తిస్థానే తు భక్తిదమ్
శ్వేతహ్రదే శాన్తమూర్తిమగ్నిపుర్యాం సురప్రియమ్
భర్గాఖ్యం భార్గవస్థానే వైకుణ్ఠాఖ్యే తు మాధవమ్
పురుషోత్తమే భక్తసఖం చక్రతీర్థే సుదర్శనమ్
కుమ్భకోణే చక్రపాణిం భూతస్థానే తు శార్ఙ్గిణమ్
కపిస్థలే గజార్తిఘ్నం గోవిన్దం చిత్రకూటకే
అనుత్తమం చోత్తమాయాం శ్వేతాద్రౌ పద్మలోచనమ్
పార్థస్థలే పరబ్రహ్మ కృష్ణాకోట్యాం మధుద్విషమ్
నన్దపుర్యాం మహానన్దం వృద్ధపుర్యాం వృషాశ్రయమ్
అసఙ్గం సఙ్గమగ్రామే శరణ్యే శరణం మహత్
దక్షిణద్వారకాయాం తు గోపాలం జగతాం పతిమ్
సింహక్షేత్రే మహాసింహం మల్లారిం మణిమణ్డపే
నిబిడే నిబిడాకారం ధానుష్కే జగదీశ్వరమ్
మౌహూరే కాలమేఘం తు మధురాయాం తు సున్దరమ్
వృషభాద్రౌ మహాపుణ్యే పరమస్వామిసజ్ఞకమ్
శ్రీమద్వరగుణే నాథం కురుకాయాం రమాసఖమ్
గోష్ఠీపురే గోష్ఠపతిం శయానం దర్భసంస్తరే
ధన్విమఙ్గలకే శౌరిం బలాఢ్యం భ్రమరస్థలే
కురఙ్గే తు తథా పూర్ణం కృష్ణామేకం వటస్థలే
అచ్యుతం క్షుద్రనద్యాం తు పద్మనాభమనన్తకే
ఏతాని విష్ణోః స్థానాని పూజితాని మహాత్మభిః
అధిష్ఠితాని దేవేశ తత్రాసీనం చ మాధవమ్
యః స్మరేత్సతతం భక్త్యా చేతసానన్యగామినా
స విధూయాతిసంసారబన్ధం యాతి హరేః పదమ్
అష్టోత్తరశతం విష్ణోః స్థానాని పఠతా స్వయమ్
అధీతాః సకలా వేదాః కృతాశ్చ వివిధా మఖాః
సమ్పాదితా తథా ముక్తిః పరమానన్దదాయినీ
అవగాఢాని తీర్థాని జ్ఞాతః స భగవాన్ హరిః
ఆద్యమేతత్స్వయం వ్యక్తం విమానం రఙ్గసజ్ఞకమ్
శ్రీముష్ణం వేఙ్కటాద్రిం చ శాలగ్రామం చ నైమిషమ్
తోతాద్రిం పుష్కరం చైవ నరనారాయణాశ్రమమ్
అష్టౌ మే మూర్తయః సన్తి స్వయం వ్యక్తా మహీతలే
॥ ఇతి శ్రీవిష్ణోరష్టోత్తరశతదివ్యస్థానీయనామస్తోత్రం సమ్పూర్ణమ్ ॥
viṣṇoraṣṭottaraśatadivyasthānīyanāmastotram
aṣṭottaraśatasthāneṣvāvirbhūtaṃ jagatpatim
namāmi jagatāmīśaṃ nārāyaṇamananyadhīḥ
śrīvaikuṇṭhe vāsudevamāmode karṣaṇāhvayam
pradyumnaṃ ca pramodākhye sammode cāniruddhakam
satyaloke tathā viṣṇuṃ padmākṣaṃ sūryamaṇḍale
kṣīrābdhau śeṣaśayanaṃ śvetadvīpetu tārakam
nārāyaṇaṃ badaryākhye naimiṣe harimavyayam
śālagrāmaṃ harikṣetre ayodhyāyāṃ raghūttamam
mathurāyāṃ bālakṛṣṇaṃ māyāyāṃ madhusūdanam
kāśyāṃ tu bhogaśayanamavantyāmavanīpatim
dvāravatyāṃ yādavendraṃ vraje gopījanapriyam
vṛndāvane nandasūnuṃ govindaṃ kāliyahrade
govardhane gopaveṣaṃ bhavaghnaṃ bhaktavatsalam
gomantaparvate śauriṃ haridvāre jagatpatim
prayāge mādhavaṃ caiva gayāyāṃ tu gadādharam
gaṅgāsāgarage viṣṇuṃ citrakūṭe tu rāghavam
nandigrāme rākṣasaghnaṃ prabhāse viśvarūpiṇam
śrīkūrme kūrmamacalaṃ nīlādrau puruṣottamam
siṃhācale mahāsiṃhaṃ gadinaṃ tulasīvane
ghṛtaśaile pāpaharaṃ śvetādrau siṃharūpiṇam
yogānandaṃ dharmapuryāṃ kākule tvāndhranāyakam
ahobile gāruḍādrau hiraṇyāsuramardanam
viṭṭhalaṃ pāṇḍuraṅge tu veṅkaṭādrau ramāsakham
nārāyaṇaṃ yādavādrau nṛsiṃhaṃ ghaṭikācale
varadaṃ vāraṇagirau kāñcyāṃ kamalalocanam
yathoktakāriṇaṃ caiva parameśapurāśrayam
pāṇḍavānāṃ tathā dūtaṃ trivikramamathonnatam
kāmāsikyāṃ nṛsiṃhaṃ ca tathāṣṭabhujasajñakam
meghākāraṃ śubhākāraṃ śeṣākāraṃ tu śobhanam
antarā śitikaṇṭhasya kāmakoṭyāṃ śubhapradam
kālameghaṃ khagārūḍhaṃ koṭisūryasamaprabham
divyaṃ dīpaprakāśaṃ ca devānāmadhipaṃ mune
pravālavarṇaṃ dīpābhaṃ kāñcyāmaṣṭādaśasthitam
śrīgṛdhrasarasastīre bhāntaṃ vijayarāghavam
vīkṣāraṇye mahāpuṇye śayānaṃ vīrarāghavam
totādrau tuṅgaśayanaṃ gajārtighnaṃ gajasthale
mahābalaṃ balipure bhaktisāre jagatpatim
mahāvarāhaṃ śrīmuṣṇe mahīndre padmalocanam
śrīraṅge tu jagannāthaṃ śrīdhāme jānakīpriyam
sārakṣetre sāranāthaṃ khaṇḍane haracāpaham
śrīnivāsasthale pūrṇaṃ suvarṇaṃ svarṇamandire
vyāghrapuryāṃ mahāviṣṇuṃ bhaktisthāne tu bhaktidam
śvetahrade śāntamūrtimagnipuryāṃ surapriyam
bhargākhyaṃ bhārgavasthāne vaikuṇṭhākhye tu mādhavam
puruṣottame bhaktasakhaṃ cakratīrthe sudarśanam
kumbhakoṇe cakrapāṇiṃ bhūtasthāne tu śārṅgiṇam
kapisthale gajārtighnaṃ govindaṃ citrakūṭake
anuttamaṃ cottamāyāṃ śvetādrau padmalocanam
pārthasthale parabrahma kṛṣṇākoṭyāṃ madhudviṣam
nandapuryāṃ mahānandaṃ vṛddhapuryāṃ vṛṣāśrayam
asaṅgaṃ saṅgamagrāme śaraṇye śaraṇaṃ mahat
dakṣiṇadvārakāyāṃ tu gopālaṃ jagatāṃ patim
siṃhakṣetre mahāsiṃhaṃ mallāriṃ maṇimaṇḍape
nibiḍe nibiḍākāraṃ dhānuṣke jagadīśvaram
mauhūre kālameghaṃ tu madhurāyāṃ tu sundaram
vṛṣabhādrau mahāpuṇye paramasvāmisajñakam
śrīmadvaraguṇe nāthaṃ kurukāyāṃ ramāsakham
goṣṭhīpure goṣṭhapatiṃ śayānaṃ darbhasaṃstare
dhanvimaṅgalake śauriṃ balāḍhyaṃ bhramarasthale
kuraṅge tu tathā pūrṇaṃ kṛṣṇāmekaṃ vaṭasthale
acyutaṃ kṣudranadyāṃ tu padmanābhamanantake
etāni viṣṇoḥ sthānāni pūjitāni mahātmabhiḥ
adhiṣṭhitāni deveśa tatrāsīnaṃ ca mādhavam
yaḥ smaretsatataṃ bhaktyā cetasānanyagāminā
sa vidhūyātisaṃsārabandhaṃ yāti hareḥ padam
aṣṭottaraśataṃ viṣṇoḥ sthānāni paṭhatā svayam
adhītāḥ sakalā vedāḥ kṛtāśca vividhā makhāḥ
sampāditā tathā muktiḥ paramānandadāyinī
avagāḍhāni tīrthāni jñātaḥ sa bhagavān hariḥ
ādyametatsvayaṃ vyaktaṃ vimānaṃ raṅgasajñakam
śrīmuṣṇaṃ veṅkaṭādriṃ ca śālagrāmaṃ ca naimiṣam
totādriṃ puṣkaraṃ caiva naranārāyaṇāśramam
aṣṭau me mūrtayaḥ santi svayaṃ vyaktā mahītale
|| iti śrīviṣṇoraṣṭottaraśatadivyasthānīyanāmastotraṃ sampūrṇam ||