ब्रह्मेन्द्रदेवतादि स्तुतिः
श्री-महादेव उवाच
shlokacount9
ततः शक्रः सहस्राक्षो यमश्च वरुणस्तथा
कुबेरश्च महातेजाः पिनाकी वृषवाहनः
ब्रह्मा ब्रह्मविदां श्रेष्ठो मुनिभिः सिद्धचारणैः
ऋषयः पितरः साध्या गन्धर्वाप्सरसोरगाः
एते चान्ये विमानाग्र्यैराजग्मुर्यत्र राघवः
अब्रुवन् परमात्मानं रामं प्राञ्जलयश्च ते
कर्ता त्वं सर्वलोकानां साक्षी विज्ञानविग्रहः
वसूनामष्टमोऽसि त्वं रुद्राणां शङ्करो भवान्
आदिकर्ताऽसि लोकानां ब्रह्मा त्वं चतुराननः
अश्विनौ घ्राणभूतौ ते चक्षुषी चन्द्रभास्करौ
लोकानामादिरन्तोऽसि नित्य एकः सदोदितः
सदा शुद्धः सदा बुद्धः सदा मुक्तोऽगुणोऽद्वयः
त्वन्मायासंवृतानां त्वं भासि मानुषविग्रहः
त्वन्नाम स्मरतां राम सदा भासि चिदात्मकः
रावणेन हृतं स्थानमस्माकं तेजसा सह
त्वयाऽद्य निहतो दुष्टः पुनः प्राप्तं पदं स्वकम्
एवं स्तुवत्सु देवेषु ब्रह्मा साक्षात्पितामहः
अब्रवीत्प्रणतो भूत्वा रामं सत्यपथे स्थितम्
ब्रह्मोवाच
वन्दे देवं विष्णुमशेषस्थितिहेतुं
त्वामध्यात्मज्ञानिभिरन्तर्हृदि भाव्यम्
हेयाहेयद्वन्द्वविहीनं परमेकं
सत्तामात्रं सर्वहृदिस्थं दृशिरूपम्
प्राणापानौ निश्चयबुद्ध्या हृदि रुद्ध्वा
छित्वा सर्वं संशयबन्धं विषयौघान्
पश्यन्तीशं यं गतमोहा यतयस्तं
वन्दे रामं रत्नकिरीटं रविभासम्
मायातीतं माधवमाद्यं जगदादिं
मानातीतं मोहविनाशं मुनिवन्द्यम्
योगिध्येयं योगविधानं परिपूर्णं
वन्दे रामं रञ्जितलोकं रमणीयम्
भावाभावप्रत्ययहीनं भवमुख्यैः
योगासक्तैरर्चितपादाम्बुजयुग्मम्
नित्यं शुद्धं बुद्धमनन्तं प्रणवाख्यं
वन्दे रामं वीरमशेषासुरदावम्
त्वं मे नाथो नाथितकार्याखिलकारी
मानातीतो माधवरूपोऽखिलधारी
भक्त्या गम्यो भावितरूपो भवहारी
योगाभ्यासैर्भावितचेतःसहचारी
त्वामाद्यन्तं लोकततीनां परमीशं
लोकानां नो लौकिकमानैरधिगम्यम्
भक्तिश्रद्धाभावसमेतैर्भजनीयं
वन्दे रामं सुन्दरमिन्दीवरनीलम्
को वा ज्ञातुं त्वामतिमानं गतमानं
मायासक्तो माधव शक्तो मुनिमान्यम्
वृन्दारण्ये वन्दितवृन्दारकवृन्दं
वन्दे रामं भवमुखवन्द्यं सुखकन्दम्
नानाशास्त्रैर्वेदकदम्बैः प्रतिपाद्यं
नित्यानन्दं निर्विषयज्ञानमनादिम्
मत्सेवार्थं मानुषभावं प्रतिपन्नं
वन्दे रामं मरकतवर्णं मथुरेशम्
श्रद्धायुक्तो यः पठतीमं स्तवमाद्यं
ब्राह्मं ब्रह्मज्ञानविधानं भुवि मर्त्यः
रामं श्यामं कामितकामप्रदमीशं
ध्यात्वा ध्याता पातकजालैर्विगतः स्यात्
श्रुत्वा स्तुतिं लोकगुरोर्विभावसुः
स्वाङ्के समादाय विदेहपुत्रिकाम्
विभ्राजमानां विमलारुणद्युतिं
रक्ताम्बरां दिव्यविभूषणान्विताम्
प्रोवाच साक्षी जगतां रघूत्तमं
प्रपन्नसर्वार्तिहरं हुताशनः
गृहाण देवीं रघुनाथ जानकीं
पुरा त्वया मय्यवरोपितां वने
विधाय मायाजनकात्मजां हरे
दशाननप्राणविनाशनाय च
हतो दशास्यः सह पुत्रबान्धवैः
निराकृतोऽनेन भरो भुवः प्रभो
तिरोहिता सा प्रतिबिम्बरूपिणी
कृता यदर्थं कृतकृत्यतां गता
ततोऽतिहृष्टां परिगृह्य जानकीं
रामः प्रहृष्टः प्रतिपूज्य पावकम्
स्वाङ्के समावेश्य सदाऽनपायिनीम्\\
श्रियं त्रिलोकीजननीं श्रियः पतिः।
दृष्ट्वाऽथरामंजनकात्मजायुतं
श्रिया स्फुरन्तं सुरनायको मुदा
भक्त्या गिरा गद्गदया समेत्य
कृताञ्जलिः स्तोतुमथोपचक्रमे
इन्द्र उवाच
भजेऽहं सदा राममिन्दीवराभं
भवारण्यदावानलाभाभिधानम्
भवानीहृदा भावितानन्दरूपं
भवाभावहेतुं भवादिप्रपन्नम्
सुरानीकदुःखौघनाशैकहेतुं
नराकारदेहं निराकारमीड्यम्
परेशं परानन्दरूपं वरेण्यं
हरिं राममीशं भजे भारनाशम्
प्रपन्नाखिलानन्ददोहं प्रपन्नं
प्रपन्नार्तिनिःशेषनाशाभिधानम्
तपोयोगयोगीशभावाभिभाव्यं
कपीशादिमित्रं भजे राममित्रम्
सदा भोगभाजां सुदूरे विभान्तं
सदा योगभाजामदूरे विभान्तम्
चिदानन्दकन्दं सदा राघवेशं
विदेहात्मजानन्दरूपं प्रपद्ये
महायोगमायाविशेषानुयुक्तो
विभासीश लीलानराकारवृत्तिः
त्वदानन्दलीलाकथापूर्णकर्णाः
सदानन्दरूपा भवन्तीह लोके
अहं मानपानाभिमत्तप्रमत्तो
न वेदाखिलेशाभिमानाभिमानः
इदानीं भवत्पादपद्मप्रसादात्
त्रिलोकाधिपत्याभिमानो विनष्टः
स्फुरद्रत्नकेयूरहाराभिरामं
धराभारभूतासुरानीकदावम्
शरच्चन्द्रवक्त्रं लसत्पद्मनेत्रं
दुरावारपारं भजे राघवेशम्
सुराधीशनीलाभ्रनीलाङ्गकान्तिं
विराधादिरक्षोवधाल्लोकशान्तिम्
किरीटादिशोभं पुरारातिलाभं
भजे रामचन्द्रं रघूणामधीशम्
लसच्चन्द्रकोटिप्रकाशादिपीठे
समासीनमङ्के समाधाय सीताम्
स्फुरद्धेमवर्णां तडित्पुञ्जभासां
भजे रामचन्द्रं निवृत्तार्तितन्द्रम्
ततः प्रोवाच भगवान् भवान्या सहितो भवः
रामं कमलपत्राक्षं विमानस्थो नभःस्थले
आगमिष्याम्ययोध्यायां द्रष्टुं त्वां राज्यसत्कृतम्
इदानीं पश्य पितरमस्य देहस्य राघव
॥इति श्रीमदध्यात्मरामायणे उमामहेश्वरसंवादे युद्धकाण्डे त्रयोदशे सर्गे
ब्रह्मेन्द्रदेवतादि स्तुतिः सम्पूर्णा॥
బ్రహ్మేన్ద్రదేవతాది స్తుతిః
శ్రీ-మహాదేవ ఉవాచ
shlokacount9
తతః శక్రః సహస్రాక్షో యమశ్చ వరుణస్తథా
కుబేరశ్చ మహాతేజాః పినాకీ వృషవాహనః
బ్రహ్మా బ్రహ్మవిదాం శ్రేష్ఠో మునిభిః సిద్ధచారణైః
ఋషయః పితరః సాధ్యా గన్ధర్వాప్సరసోరగాః
ఏతే చాన్యే విమానాగ్ర్యైరాజగ్ముర్యత్ర రాఘవః
అబ్రువన్ పరమాత్మానం రామం ప్రాఞ్జలయశ్చ తే
కర్తా త్వం సర్వలోకానాం సాక్షీ విజ్ఞానవిగ్రహః
వసూనామష్టమోఽసి త్వం రుద్రాణాం శఙ్కరో భవాన్
ఆదికర్తాఽసి లోకానాం బ్రహ్మా త్వం చతురాననః
అశ్వినౌ ఘ్రాణభూతౌ తే చక్షుషీ చన్ద్రభాస్కరౌ
లోకానామాదిరన్తోఽసి నిత్య ఏకః సదోదితః
సదా శుద్ధః సదా బుద్ధః సదా ముక్తోఽగుణోఽద్వయః
త్వన్మాయాసంవృతానాం త్వం భాసి మానుషవిగ్రహః
త్వన్నామ స్మరతాం రామ సదా భాసి చిదాత్మకః
రావణేన హృతం స్థానమస్మాకం తేజసా సహ
త్వయాఽద్య నిహతో దుష్టః పునః ప్రాప్తం పదం స్వకమ్
ఏవం స్తువత్సు దేవేషు బ్రహ్మా సాక్షాత్పితామహః
అబ్రవీత్ప్రణతో భూత్వా రామం సత్యపథే స్థితమ్
బ్రహ్మోవాచ
వన్దే దేవం విష్ణుమశేషస్థితిహేతుం
త్వామధ్యాత్మజ్ఞానిభిరన్తర్హృది భావ్యమ్
హేయాహేయద్వన్ద్వవిహీనం పరమేకం
సత్తామాత్రం సర్వహృదిస్థం దృశిరూపమ్
ప్రాణాపానౌ నిశ్చయబుద్ధ్యా హృది రుద్ధ్వా
ఛిత్వా సర్వం సంశయబన్ధం విషయౌఘాన్
పశ్యన్తీశం యం గతమోహా యతయస్తం
వన్దే రామం రత్నకిరీటం రవిభాసమ్
మాయాతీతం మాధవమాద్యం జగదాదిం
మానాతీతం మోహవినాశం మునివన్ద్యమ్
యోగిధ్యేయం యోగవిధానం పరిపూర్ణం
వన్దే రామం రఞ్జితలోకం రమణీయమ్
భావాభావప్రత్యయహీనం భవముఖ్యైః
యోగాసక్తైరర్చితపాదామ్బుజయుగ్మమ్
నిత్యం శుద్ధం బుద్ధమనన్తం ప్రణవాఖ్యం
వన్దే రామం వీరమశేషాసురదావమ్
త్వం మే నాథో నాథితకార్యాఖిలకారీ
మానాతీతో మాధవరూపోఽఖిలధారీ
భక్త్యా గమ్యో భావితరూపో భవహారీ
యోగాభ్యాసైర్భావితచేతఃసహచారీ
త్వామాద్యన్తం లోకతతీనాం పరమీశం
లోకానాం నో లౌకికమానైరధిగమ్యమ్
భక్తిశ్రద్ధాభావసమేతైర్భజనీయం
వన్దే రామం సున్దరమిన్దీవరనీలమ్
కో వా జ్ఞాతుం త్వామతిమానం గతమానం
మాయాసక్తో మాధవ శక్తో మునిమాన్యమ్
వృన్దారణ్యే వన్దితవృన్దారకవృన్దం
వన్దే రామం భవముఖవన్ద్యం సుఖకన్దమ్
నానాశాస్త్రైర్వేదకదమ్బైః ప్రతిపాద్యం
నిత్యానన్దం నిర్విషయజ్ఞానమనాదిమ్
మత్సేవార్థం మానుషభావం ప్రతిపన్నం
వన్దే రామం మరకతవర్ణం మథురేశమ్
శ్రద్ధాయుక్తో యః పఠతీమం స్తవమాద్యం
బ్రాహ్మం బ్రహ్మజ్ఞానవిధానం భువి మర్త్యః
రామం శ్యామం కామితకామప్రదమీశం
ధ్యాత్వా ధ్యాతా పాతకజాలైర్విగతః స్యాత్
శ్రుత్వా స్తుతిం లోకగురోర్విభావసుః
స్వాఙ్కే సమాదాయ విదేహపుత్రికామ్
విభ్రాజమానాం విమలారుణద్యుతిం
రక్తామ్బరాం దివ్యవిభూషణాన్వితామ్
ప్రోవాచ సాక్షీ జగతాం రఘూత్తమం
ప్రపన్నసర్వార్తిహరం హుతాశనః
గృహాణ దేవీం రఘునాథ జానకీం
పురా త్వయా మయ్యవరోపితాం వనే
విధాయ మాయాజనకాత్మజాం హరే
దశాననప్రాణవినాశనాయ చ
హతో దశాస్యః సహ పుత్రబాన్ధవైః
నిరాకృతోఽనేన భరో భువః ప్రభో
తిరోహితా సా ప్రతిబిమ్బరూపిణీ
కృతా యదర్థం కృతకృత్యతాం గతా
తతోఽతిహృష్టాం పరిగృహ్య జానకీం
రామః ప్రహృష్టః ప్రతిపూజ్య పావకమ్
స్వాఙ్కే సమావేశ్య సదాఽనపాయినీమ్\\
శ్రియం త్రిలోకీజననీం శ్రియః పతిః।
దృష్ట్వాఽథరామంజనకాత్మజాయుతం
శ్రియా స్ఫురన్తం సురనాయకో ముదా
భక్త్యా గిరా గద్గదయా సమేత్య
కృతాఞ్జలిః స్తోతుమథోపచక్రమే
ఇన్ద్ర ఉవాచ
భజేఽహం సదా రామమిన్దీవరాభం
భవారణ్యదావానలాభాభిధానమ్
భవానీహృదా భావితానన్దరూపం
భవాభావహేతుం భవాదిప్రపన్నమ్
సురానీకదుఃఖౌఘనాశైకహేతుం
నరాకారదేహం నిరాకారమీడ్యమ్
పరేశం పరానన్దరూపం వరేణ్యం
హరిం రామమీశం భజే భారనాశమ్
ప్రపన్నాఖిలానన్దదోహం ప్రపన్నం
ప్రపన్నార్తినిఃశేషనాశాభిధానమ్
తపోయోగయోగీశభావాభిభావ్యం
కపీశాదిమిత్రం భజే రామమిత్రమ్
సదా భోగభాజాం సుదూరే విభాన్తం
సదా యోగభాజామదూరే విభాన్తమ్
చిదానన్దకన్దం సదా రాఘవేశం
విదేహాత్మజానన్దరూపం ప్రపద్యే
మహాయోగమాయావిశేషానుయుక్తో
విభాసీశ లీలానరాకారవృత్తిః
త్వదానన్దలీలాకథాపూర్ణకర్ణాః
సదానన్దరూపా భవన్తీహ లోకే
అహం మానపానాభిమత్తప్రమత్తో
న వేదాఖిలేశాభిమానాభిమానః
ఇదానీం భవత్పాదపద్మప్రసాదాత్
త్రిలోకాధిపత్యాభిమానో వినష్టః
స్ఫురద్రత్నకేయూరహారాభిరామం
ధరాభారభూతాసురానీకదావమ్
శరచ్చన్ద్రవక్త్రం లసత్పద్మనేత్రం
దురావారపారం భజే రాఘవేశమ్
సురాధీశనీలాభ్రనీలాఙ్గకాన్తిం
విరాధాదిరక్షోవధాల్లోకశాన్తిమ్
కిరీటాదిశోభం పురారాతిలాభం
భజే రామచన్ద్రం రఘూణామధీశమ్
లసచ్చన్ద్రకోటిప్రకాశాదిపీఠే
సమాసీనమఙ్కే సమాధాయ సీతామ్
స్ఫురద్ధేమవర్ణాం తడిత్పుఞ్జభాసాం
భజే రామచన్ద్రం నివృత్తార్తితన్ద్రమ్
తతః ప్రోవాచ భగవాన్ భవాన్యా సహితో భవః
రామం కమలపత్రాక్షం విమానస్థో నభఃస్థలే
ఆగమిష్యామ్యయోధ్యాయాం ద్రష్టుం త్వాం రాజ్యసత్కృతమ్
ఇదానీం పశ్య పితరమస్య దేహస్య రాఘవ
॥ఇతి శ్రీమదధ్యాత్మరామాయణే ఉమామహేశ్వరసంవాదే యుద్ధకాణ్డే త్రయోదశే సర్గే
బ్రహ్మేన్ద్రదేవతాది స్తుతిః సమ్పూర్ణా॥
brahmendradevatādi stutiḥ
śrī-mahādeva uvāca
shlokacount9
tataḥ śakraḥ sahasrākṣo yamaśca varuṇastathā
kuberaśca mahātejāḥ pinākī vṛṣavāhanaḥ
brahmā brahmavidāṃ śreṣṭho munibhiḥ siddhacāraṇaiḥ
ṛṣayaḥ pitaraḥ sādhyā gandharvāpsarasoragāḥ
ete cānye vimānāgryairājagmuryatra rāghavaḥ
abruvan paramātmānaṃ rāmaṃ prāñjalayaśca te
kartā tvaṃ sarvalokānāṃ sākṣī vijñānavigrahaḥ
vasūnāmaṣṭamo'si tvaṃ rudrāṇāṃ śaṅkaro bhavān
ādikartā'si lokānāṃ brahmā tvaṃ caturānanaḥ
aśvinau ghrāṇabhūtau te cakṣuṣī candrabhāskarau
lokānāmādiranto'si nitya ekaḥ sadoditaḥ
sadā śuddhaḥ sadā buddhaḥ sadā mukto'guṇo'dvayaḥ
tvanmāyāsaṃvṛtānāṃ tvaṃ bhāsi mānuṣavigrahaḥ
tvannāma smaratāṃ rāma sadā bhāsi cidātmakaḥ
rāvaṇena hṛtaṃ sthānamasmākaṃ tejasā saha
tvayā'dya nihato duṣṭaḥ punaḥ prāptaṃ padaṃ svakam
evaṃ stuvatsu deveṣu brahmā sākṣātpitāmahaḥ
abravītpraṇato bhūtvā rāmaṃ satyapathe sthitam
brahmovāca
vande devaṃ viṣṇumaśeṣasthitihetuṃ
tvāmadhyātmajñānibhirantarhṛdi bhāvyam
heyāheyadvandvavihīnaṃ paramekaṃ
sattāmātraṃ sarvahṛdisthaṃ dṛśirūpam
prāṇāpānau niścayabuddhyā hṛdi ruddhvā
chitvā sarvaṃ saṃśayabandhaṃ viṣayaughān
paśyantīśaṃ yaṃ gatamohā yatayastaṃ
vande rāmaṃ ratnakirīṭaṃ ravibhāsam
māyātītaṃ mādhavamādyaṃ jagadādiṃ
mānātītaṃ mohavināśaṃ munivandyam
yogidhyeyaṃ yogavidhānaṃ paripūrṇaṃ
vande rāmaṃ rañjitalokaṃ ramaṇīyam
bhāvābhāvapratyayahīnaṃ bhavamukhyaiḥ
yogāsaktairarcitapādāmbujayugmam
nityaṃ śuddhaṃ buddhamanantaṃ praṇavākhyaṃ
vande rāmaṃ vīramaśeṣāsuradāvam
tvaṃ me nātho nāthitakāryākhilakārī
mānātīto mādhavarūpo'khiladhārī
bhaktyā gamyo bhāvitarūpo bhavahārī
yogābhyāsairbhāvitacetaḥsahacārī
tvāmādyantaṃ lokatatīnāṃ paramīśaṃ
lokānāṃ no laukikamānairadhigamyam
bhaktiśraddhābhāvasametairbhajanīyaṃ
vande rāmaṃ sundaramindīvaranīlam
ko vā jñātuṃ tvāmatimānaṃ gatamānaṃ
māyāsakto mādhava śakto munimānyam
vṛndāraṇye vanditavṛndārakavṛndaṃ
vande rāmaṃ bhavamukhavandyaṃ sukhakandam
nānāśāstrairvedakadambaiḥ pratipādyaṃ
nityānandaṃ nirviṣayajñānamanādim
matsevārthaṃ mānuṣabhāvaṃ pratipannaṃ
vande rāmaṃ marakatavarṇaṃ mathureśam
śraddhāyukto yaḥ paṭhatīmaṃ stavamādyaṃ
brāhmaṃ brahmajñānavidhānaṃ bhuvi martyaḥ
rāmaṃ śyāmaṃ kāmitakāmapradamīśaṃ
dhyātvā dhyātā pātakajālairvigataḥ syāt
śrutvā stutiṃ lokagurorvibhāvasuḥ
svāṅke samādāya videhaputrikām
vibhrājamānāṃ vimalāruṇadyutiṃ
raktāmbarāṃ divyavibhūṣaṇānvitām
provāca sākṣī jagatāṃ raghūttamaṃ
prapannasarvārtiharaṃ hutāśanaḥ
gṛhāṇa devīṃ raghunātha jānakīṃ
purā tvayā mayyavaropitāṃ vane
vidhāya māyājanakātmajāṃ hare
daśānanaprāṇavināśanāya ca
hato daśāsyaḥ saha putrabāndhavaiḥ
nirākṛto'nena bharo bhuvaḥ prabho
tirohitā sā pratibimbarūpiṇī
kṛtā yadarthaṃ kṛtakṛtyatāṃ gatā
tato'tihṛṣṭāṃ parigṛhya jānakīṃ
rāmaḥ prahṛṣṭaḥ pratipūjya pāvakam
svāṅke samāveśya sadā'napāyinīm\\
śriyaṃ trilokījananīṃ śriyaḥ patiḥ|
dṛṣṭvā'tharāmaṃjanakātmajāyutaṃ
śriyā sphurantaṃ suranāyako mudā
bhaktyā girā gadgadayā sametya
kṛtāñjaliḥ stotumathopacakrame
indra uvāca
bhaje'haṃ sadā rāmamindīvarābhaṃ
bhavāraṇyadāvānalābhābhidhānam
bhavānīhṛdā bhāvitānandarūpaṃ
bhavābhāvahetuṃ bhavādiprapannam
surānīkaduḥkhaughanāśaikahetuṃ
narākāradehaṃ nirākāramīḍyam
pareśaṃ parānandarūpaṃ vareṇyaṃ
hariṃ rāmamīśaṃ bhaje bhāranāśam
prapannākhilānandadohaṃ prapannaṃ
prapannārtiniḥśeṣanāśābhidhānam
tapoyogayogīśabhāvābhibhāvyaṃ
kapīśādimitraṃ bhaje rāmamitram
sadā bhogabhājāṃ sudūre vibhāntaṃ
sadā yogabhājāmadūre vibhāntam
cidānandakandaṃ sadā rāghaveśaṃ
videhātmajānandarūpaṃ prapadye
mahāyogamāyāviśeṣānuyukto
vibhāsīśa līlānarākāravṛttiḥ
tvadānandalīlākathāpūrṇakarṇāḥ
sadānandarūpā bhavantīha loke
ahaṃ mānapānābhimattapramatto
na vedākhileśābhimānābhimānaḥ
idānīṃ bhavatpādapadmaprasādāt
trilokādhipatyābhimāno vinaṣṭaḥ
sphuradratnakeyūrahārābhirāmaṃ
dharābhārabhūtāsurānīkadāvam
śaraccandravaktraṃ lasatpadmanetraṃ
durāvārapāraṃ bhaje rāghaveśam
surādhīśanīlābhranīlāṅgakāntiṃ
virādhādirakṣovadhāllokaśāntim
kirīṭādiśobhaṃ purārātilābhaṃ
bhaje rāmacandraṃ raghūṇāmadhīśam
lasaccandrakoṭiprakāśādipīṭhe
samāsīnamaṅke samādhāya sītām
sphuraddhemavarṇāṃ taḍitpuñjabhāsāṃ
bhaje rāmacandraṃ nivṛttārtitandram
tataḥ provāca bhagavān bhavānyā sahito bhavaḥ
rāmaṃ kamalapatrākṣaṃ vimānastho nabhaḥsthale
āgamiṣyāmyayodhyāyāṃ draṣṭuṃ tvāṃ rājyasatkṛtam
idānīṃ paśya pitaramasya dehasya rāghava
||iti śrīmadadhyātmarāmāyaṇe umāmaheśvarasaṃvāde yuddhakāṇḍe trayodaśe sarge
brahmendradevatādi stutiḥ sampūrṇā||