गायत्री-रामायणम्
शुक्लाम्बरधरं विष्णुं शशिवर्णं चतुर्भुजम्
प्रसन्नवदनं ध्यायेत् सर्वविघ्नोपशान्तये
वागीशाद्याः सुमनसः सर्वार्थानामुपक्रमे
यं नत्वा कृतकृत्याः स्युस्तं नमामि गजाननम्
श्री-गुरु-प्रार्थना
गुरुर्ब्रह्मा गुरुर्विष्णुर्गुरुर्देवो महेश्वरः
गुरुः साक्षात् परं ब्रह्म तस्मै श्री-गुरवे नमः
सदाशिवसमारम्भां शङ्कराचार्यमध्यमाम्
अस्मदाचार्यपर्यन्तां वन्दे गुरुपरम्पराम्
अखण्डमण्डलाकारं व्याप्तं येन चराचरम्
तत्पदं दर्शितं येन तस्मै श्री-गुरवे नमः
श्री-सरस्वती-प्रार्थना
दोर्भिर्युक्ता चतुर्भिः स्फटिकमणिनिभैरक्षमालां दधाना
हस्तेनैकेन पद्मं सितमपि च शुकं पुस्तकं चापरेण
भासा कुन्देन्दुशङ्खस्फटिकमणिनिभा भासमानाऽसमाना
सा मे वाग्देवतेयं निवसतु वदने सर्वदा सुप्रसन्ना
श्री-वाल्मीकि-नमस्क्रिया
कूजन्तं राम रामेति मधुरं मधुराक्षरम्
आरुह्य कविताशाखां वन्दे वाल्मीकिकोकिलम्
वाल्मीकेर्मुनिसिंहस्य कवितावनचारिणः
शृण्वन् रामकथानादं को न याति परां गतिम्
यः पिबन् सततं रामचरितामृतसागरम्
अतृप्तस्तं मुनिं वन्दे प्राचेतसमकल्मषम्
श्री-हनुमन्नमस्क्रिया
गोष्पदीकृत-वाराशिं मशकीकृत-राक्षसम्
रामायण-महामाला-रत्नं वन्देऽनिलात्मजम्
अञ्जनानन्दनं वीरं जानकीशोकनाशनम्
कपीशमक्षहन्तारं वन्दे लङ्काभयङ्करम्
उल्लङ्घ्य सिन्धोः सलिलं सलीलं यः शोकवह्निं जनकात्मजायाः
आदाय तेनैव ददाह लङ्कां नमामि तं प्राञ्जलिराञ्जनेयम्
आञ्जनेयमतिपाटलाननं काञ्चनाद्रि-कमनीय-विग्रहम्
पारिजात-तरुमूल-वासिनं भावयामि पवमान-नन्दनम्
यत्र यत्र रघुनाथकीर्तनं तत्र तत्र कृतमस्तकाञ्जलिम्
बाष्पवारिपरिपूर्णलोचनं मारुतिं नमत राक्षसान्तकम्
मनोजवं मारुततुल्यवेगं जितेन्द्रियं बुद्धिमतां वरिष्ठम्
वातात्मजं वानरयूथमुख्यं श्रीरामदूतं शिरसा नमामि
श्री-रामायण-प्रार्थना
यः कर्णाञ्जलिसम्पुटैरहरहः सम्यक् पिबत्यादरात्
वाल्मीकेर्वदनारविन्दगलितं रामायणाख्यं मधु
जन्म-व्याधि-जरा-विपत्ति-मरणैरत्यन्त-सोपद्रवं
संसारं स विहाय गच्छति पुमान् विष्णोः पदं शाश्वतम्
तदुपगत-समास-सन्धियोगं सममधुरोपनतार्थ-वाक्यबद्धम्
रघुवरचरितं मुनिप्रणीतं दशशिरसश्च वधं निशामयध्वम्
वाल्मीकि-गिरिसम्भूता रामसागरगामिनी
पुनातु भुवनं पुण्या रामायणमहानदी
श्लोकसारजलाकीर्णं सर्गकल्लोलसङ्कुलम्
काण्डग्राहमहामीनं वन्दे रामायणार्णवम्
वेदवेद्ये परे पुंसि जाते दशरथात्मजे
वेदः प्राचेतसादासीत् साक्षाद्रामायणात्मना
श्री-राम-ध्यानम्
वैदेहीसहितं सुरद्रुमतले हैमे महामण्डपे
मध्ये पुष्पकमासने मणिमये वीरासने सुस्थितम्
अग्रे वाचयति प्रभञ्जनसुते तत्त्वं मुनिभ्यः परं
व्याख्यान्तं भरतादिभिः परिवृतं रामं भजे श्यामलम्
वामे भूमिसुता पुरश्च हनुमान् पश्चात् सुमित्रासुतः
शत्रुघ्नो भरतश्च पार्श्वदलयोर्वाय्वादिकोणेषु च
सुग्रीवश्च विभीषणश्च युवराट् तारासुतो जाम्बवान्
मध्ये नीलसरोजकोमलरुचिं रामं भजे श्यामलम्
रामं रामानुजं सीतां भरतं भरतानुजम्
सुग्रीवं वायुसूनुं च प्रणमामि पुनः पुनः
नमोऽस्तु रामाय सलक्ष्मणाय
देव्यै च तस्यै जनकात्मजायै
नमोऽस्तु रुद्रेन्द्रयमानिलेभ्यो
नमोऽस्तु चन्द्रार्कमरुद्गणेभ्यः
ॐ श्री-गुरुभ्यो नमः।
गायत्री रामयाणम्
तपः स्वाध्यायनिरतं तपस्वी वाग्विदां वरम्
नारदं परिपप्रच्छ वाल्मीकिर्मुनिपुङ्गवम्१-१-१
स हत्वा राक्षसान् सर्वान् यज्ञघ्नान् रघुनन्दनः
ऋषिभिः पूजितः सम्यक् यथेन्द्रो विजये पुरा१-३०-२३
विश्वामित्रस्तु धर्मात्मा श्रुत्वा जनकभाषितम्
वत्स राम धनुः पश्य इति राघवमब्रवीत्१-६७-१२
तुष्टावास्य तदा वंशं प्रविश्य च विशाम्पतेः
शयनीयं नरेन्द्रस्य तदासाद्य व्यतिष्ठत२-१५-२०
वनवासं हि सङ्ख्याय वासांस्याभरणानि च
भर्तारमनुगच्छन्त्यै सीतायै श्वशुरो ददौ२-४०-१५
राजा सत्यं च धर्मं च राजा कुलवतां कुलम्
राजा माता पिता चैव राजा हितकरो नृणाम्२-६७-३४
निरीक्ष्य स मुहूर्तं तु ददर्श भरतो गुरुम्
उटजे राममासीनं जटामण्डलधारिणम्२-९९-२५
यदि बुद्धिः कृता द्रष्टुम् अगस्त्यं तं महामुनिम्
अद्यैव गमने बुद्धिं रोचयस्व महायशाः३-११-४४
भरतस्यार्यपुत्रस्य श्वश्रूणां मम च प्रभो
मृगरूपमिदं व्यक्तं विस्मयं जनयिष्यति३-४३-१७
गच्छ शीघ्रमितो राम सुग्रीवं तं महाबलम्
वयस्यं तं कुरु क्षिप्रमितो गत्वाऽद्य राघव३-७२-१७
देशकालौ प्रतीक्षस्व क्षममाणः प्रियाप्रिये
सुखदुःखसहः काले सुग्रीववशगो भव४-२२-२०
वन्द्यास्ते तु तपः सिद्धास्तपसा वीतकल्मषाः
प्रष्टव्याश्चापि सीतायाः प्रवृत्तिं विनयान्वितैः४-४३-३४
स निर्जित्य पुरीं श्रेष्ठां लङ्कां तां कामरूपिणीम्
विक्रमेण महातेजा हनूमान्मारुतात्मजः५-४-१
धन्या देवाः सगन्धर्वाः सिद्धाश्च परमर्षयः
मम पश्यन्ति ये नाथं रामं राजीवलोचनम्५-२६-४१
मङ्गलाभिमुखी तस्य सा तदासीन्महाकपेः
उपतस्थे विशालाक्षी प्रयता हव्यवाहनम्५-५३-२६
हितं महार्थं मृदु हेतुसंहितं
व्यतीतकालायतिसम्प्रतिक्षमम्
निशम्य तद्वाक्यमुपस्थितज्वरः
प्रसङ्गवानुत्तरमेतदब्रवीत्६-१०-२७
धर्मात्मा रक्षसां श्रेष्ठः सम्प्राप्तोऽयं विभीषणः
लङ्कैश्वर्यं ध्रुवं श्रीमानयं प्राप्नोत्यकण्टकम्६-४१-६८
यो वज्रपाताशनिसन्निपातान्
न चुक्षुभे नापि चचाल राजा
स रामबाणाभिहतो भृशार्तः
चचाल चापं च मुमोच वीरः६-५९-१४०
यस्य विक्रममासाद्य राक्षसा निधनं गताः
तं मन्ये राघवं वीरं नारायणमनामयम्६-७२-११
न ते ददर्शिरे रामं दहन्तमरिवाहिनीम्
मोहिताः परमास्त्रेण गान्धर्वेण महात्मना६-९४-२६
प्रणम्य देवताभ्यश्च ब्राह्मणेभ्यश्च मैथिली
बद्धाञ्जलिपुटा चेदमुवाचाग्निसमीपतः६-११९-२३
चालनात्पर्वतेन्द्रस्य गणा देवाश्च कम्पिताः
चचाल पार्वती चापि तदाऽऽश्लिष्टा महेश्वरम्७-१६-२६
दाराः पुत्राः पुरं राष्ट्रं भोगाच्छादनभोजनम्
सर्वमेवाविभक्तं नौ भविष्यति हरीश्वर७-३४-४१
यामेव रात्रिं शत्रुघ्नः पर्णशालां समाविशत्
तामेव रात्रिं सीताऽपि प्रसूता दारकद्वयम्७-६६-१
इदं रामायणं कृत्स्नं गायत्रीबीजसंयुतम्
त्रिसन्ध्यं यः पठेन्नित्यं सर्वपापैः प्रमुच्यते
॥इति श्री-गायत्री रामायणं सम्पूर्णम्॥
मङ्गलश्लोकाः
स्वस्ति प्रजाभ्यः परिपालयन्तां
न्यायेन मार्गेण महीं महीशाः
गोब्राह्मणेभ्यः शुभमस्तु नित्यं
लोकाः समस्ताः सुखिनो भवन्तु
काले वर्षतु पर्जन्यः पृथिवी सस्यशालिनी
देशोऽयं क्षोभरहितो ब्राह्मणाः सन्तु निर्भयाः
अपुत्राः पुत्रिणः सन्तु पुत्रिणः सन्तु पौत्रिणः
अधनाः सधनाः सन्तु जीवन्तु शरदां शतम्
चरितं रघुनाथस्य शतकोटि-प्रविस्तरम्
एकैकमक्षरं पुंसां महापातकनाशनम्
शृण्वन् रामायणं भक्त्या यः पादं पदमेव वा
स याति ब्रह्मणः स्थानं ब्रह्मणा पूज्यते सदा
रामाय रामभद्राय रामचन्द्राय वेधसे
रघुनाथाय नाथाय सीतायाः पतये नमः
यन्मङ्गलं सहस्राक्षे सर्वदेवनमस्कृते
वृत्रनाशे समभवत् तत्ते भवतु मङ्गलम्
यन्मङ्गलं सुपर्णस्य विनताऽकल्पयत् पुरा
अमृतं प्रार्थयानस्य तत्ते भवतु मङ्गलम्
अमृतोत्पादने दैत्यान् घ्नतो वज्रधरस्य यत्
अदितिर्मङ्गलं प्रादात् तत्ते भवतु मङ्गलम्
त्रीन् विक्रमान् प्रक्रमतो विष्णोरमिततेजसः
यदासीन्मङ्गलं राम तत्ते भवतु मङ्गलम्
ऋषयः सागरा द्वीपा वेदा लोका दिशश्च ते
मङ्गलानि महाबाहो दिशन्तु तव सर्वदा
मङ्गलं कोसलेन्द्राय महनीयगुणाब्धये
चक्रवर्तितनूजाय सार्वभौमाय मङ्गलम्
कायेन वाचा मनसेन्द्रियैर्वा
बुद्ध्याऽऽत्मना वा प्रकृतेः स्वभावात्
करोमि यद्यत् सकलं परस्मै
नारायणायेति समर्पयामि
గాయత్రీ-రామాయణమ్
శుక్లామ్బరధరం విష్ణుం శశివర్ణం చతుర్భుజమ్
ప్రసన్నవదనం ధ్యాయేత్ సర్వవిఘ్నోపశాన్తయే
వాగీశాద్యాః సుమనసః సర్వార్థానాముపక్రమే
యం నత్వా కృతకృత్యాః స్యుస్తం నమామి గజాననమ్
శ్రీ-గురు-ప్రార్థనా
గురుర్బ్రహ్మా గురుర్విష్ణుర్గురుర్దేవో మహేశ్వరః
గురుః సాక్షాత్ పరం బ్రహ్మ తస్మై శ్రీ-గురవే నమః
సదాశివసమారమ్భాం శఙ్కరాచార్యమధ్యమామ్
అస్మదాచార్యపర్యన్తాం వన్దే గురుపరమ్పరామ్
అఖణ్డమణ్డలాకారం వ్యాప్తం యేన చరాచరమ్
తత్పదం దర్శితం యేన తస్మై శ్రీ-గురవే నమః
శ్రీ-సరస్వతీ-ప్రార్థనా
దోర్భిర్యుక్తా చతుర్భిః స్ఫటికమణినిభైరక్షమాలాం దధానా
హస్తేనైకేన పద్మం సితమపి చ శుకం పుస్తకం చాపరేణ
భాసా కున్దేన్దుశఙ్ఖస్ఫటికమణినిభా భాసమానాఽసమానా
సా మే వాగ్దేవతేయం నివసతు వదనే సర్వదా సుప్రసన్నా
శ్రీ-వాల్మీకి-నమస్క్రియా
కూజన్తం రామ రామేతి మధురం మధురాక్షరమ్
ఆరుహ్య కవితాశాఖాం వన్దే వాల్మీకికోకిలమ్
వాల్మీకేర్మునిసింహస్య కవితావనచారిణః
శృణ్వన్ రామకథానాదం కో న యాతి పరాం గతిమ్
యః పిబన్ సతతం రామచరితామృతసాగరమ్
అతృప్తస్తం మునిం వన్దే ప్రాచేతసమకల్మషమ్
శ్రీ-హనుమన్నమస్క్రియా
గోష్పదీకృత-వారాశిం మశకీకృత-రాక్షసమ్
రామాయణ-మహామాలా-రత్నం వన్దేఽనిలాత్మజమ్
అఞ్జనానన్దనం వీరం జానకీశోకనాశనమ్
కపీశమక్షహన్తారం వన్దే లఙ్కాభయఙ్కరమ్
ఉల్లఙ్ఘ్య సిన్ధోః సలిలం సలీలం యః శోకవహ్నిం జనకాత్మజాయాః
ఆదాయ తేనైవ దదాహ లఙ్కాం నమామి తం ప్రాఞ్జలిరాఞ్జనేయమ్
ఆఞ్జనేయమతిపాటలాననం కాఞ్చనాద్రి-కమనీయ-విగ్రహమ్
పారిజాత-తరుమూల-వాసినం భావయామి పవమాన-నన్దనమ్
యత్ర యత్ర రఘునాథకీర్తనం తత్ర తత్ర కృతమస్తకాఞ్జలిమ్
బాష్పవారిపరిపూర్ణలోచనం మారుతిం నమత రాక్షసాన్తకమ్
మనోజవం మారుతతుల్యవేగం జితేన్ద్రియం బుద్ధిమతాం వరిష్ఠమ్
వాతాత్మజం వానరయూథముఖ్యం శ్రీరామదూతం శిరసా నమామి
శ్రీ-రామాయణ-ప్రార్థనా
యః కర్ణాఞ్జలిసమ్పుటైరహరహః సమ్యక్ పిబత్యాదరాత్
వాల్మీకేర్వదనారవిన్దగలితం రామాయణాఖ్యం మధు
జన్మ-వ్యాధి-జరా-విపత్తి-మరణైరత్యన్త-సోపద్రవం
సంసారం స విహాయ గచ్ఛతి పుమాన్ విష్ణోః పదం శాశ్వతమ్
తదుపగత-సమాస-సన్ధియోగం సమమధురోపనతార్థ-వాక్యబద్ధమ్
రఘువరచరితం మునిప్రణీతం దశశిరసశ్చ వధం నిశామయధ్వమ్
వాల్మీకి-గిరిసమ్భూతా రామసాగరగామినీ
పునాతు భువనం పుణ్యా రామాయణమహానదీ
శ్లోకసారజలాకీర్ణం సర్గకల్లోలసఙ్కులమ్
కాణ్డగ్రాహమహామీనం వన్దే రామాయణార్ణవమ్
వేదవేద్యే పరే పుంసి జాతే దశరథాత్మజే
వేదః ప్రాచేతసాదాసీత్ సాక్షాద్రామాయణాత్మనా
శ్రీ-రామ-ధ్యానమ్
వైదేహీసహితం సురద్రుమతలే హైమే మహామణ్డపే
మధ్యే పుష్పకమాసనే మణిమయే వీరాసనే సుస్థితమ్
అగ్రే వాచయతి ప్రభఞ్జనసుతే తత్త్వం మునిభ్యః పరం
వ్యాఖ్యాన్తం భరతాదిభిః పరివృతం రామం భజే శ్యామలమ్
వామే భూమిసుతా పురశ్చ హనుమాన్ పశ్చాత్ సుమిత్రాసుతః
శత్రుఘ్నో భరతశ్చ పార్శ్వదలయోర్వాయ్వాదికోణేషు చ
సుగ్రీవశ్చ విభీషణశ్చ యువరాట్ తారాసుతో జామ్బవాన్
మధ్యే నీలసరోజకోమలరుచిం రామం భజే శ్యామలమ్
రామం రామానుజం సీతాం భరతం భరతానుజమ్
సుగ్రీవం వాయుసూనుం చ ప్రణమామి పునః పునః
నమోఽస్తు రామాయ సలక్ష్మణాయ
దేవ్యై చ తస్యై జనకాత్మజాయై
నమోఽస్తు రుద్రేన్ద్రయమానిలేభ్యో
నమోఽస్తు చన్ద్రార్కమరుద్గణేభ్యః
ఓం శ్రీ-గురుభ్యో నమః।
గాయత్రీ రామయాణమ్
తపః స్వాధ్యాయనిరతం తపస్వీ వాగ్విదాం వరమ్
నారదం పరిపప్రచ్ఛ వాల్మీకిర్మునిపుఙ్గవమ్౧-౧-౧
స హత్వా రాక్షసాన్ సర్వాన్ యజ్ఞఘ్నాన్ రఘునన్దనః
ఋషిభిః పూజితః సమ్యక్ యథేన్ద్రో విజయే పురా౧-౩౦-౨౩
విశ్వామిత్రస్తు ధర్మాత్మా శ్రుత్వా జనకభాషితమ్
వత్స రామ ధనుః పశ్య ఇతి రాఘవమబ్రవీత్౧-౬౭-౧౨
తుష్టావాస్య తదా వంశం ప్రవిశ్య చ విశామ్పతేః
శయనీయం నరేన్ద్రస్య తదాసాద్య వ్యతిష్ఠత౨-౧౫-౨౦
వనవాసం హి సఙ్ఖ్యాయ వాసాంస్యాభరణాని చ
భర్తారమనుగచ్ఛన్త్యై సీతాయై శ్వశురో దదౌ౨-౪౦-౧౫
రాజా సత్యం చ ధర్మం చ రాజా కులవతాం కులమ్
రాజా మాతా పితా చైవ రాజా హితకరో నృణామ్౨-౬౭-౩౪
నిరీక్ష్య స ముహూర్తం తు దదర్శ భరతో గురుమ్
ఉటజే రామమాసీనం జటామణ్డలధారిణమ్౨-౯౯-౨౫
యది బుద్ధిః కృతా ద్రష్టుమ్ అగస్త్యం తం మహామునిమ్
అద్యైవ గమనే బుద్ధిం రోచయస్వ మహాయశాః౩-౧౧-౪౪
భరతస్యార్యపుత్రస్య శ్వశ్రూణాం మమ చ ప్రభో
మృగరూపమిదం వ్యక్తం విస్మయం జనయిష్యతి౩-౪౩-౧౭
గచ్ఛ శీఘ్రమితో రామ సుగ్రీవం తం మహాబలమ్
వయస్యం తం కురు క్షిప్రమితో గత్వాఽద్య రాఘవ౩-౭౨-౧౭
దేశకాలౌ ప్రతీక్షస్వ క్షమమాణః ప్రియాప్రియే
సుఖదుఃఖసహః కాలే సుగ్రీవవశగో భవ౪-౨౨-౨౦
వన్ద్యాస్తే తు తపః సిద్ధాస్తపసా వీతకల్మషాః
ప్రష్టవ్యాశ్చాపి సీతాయాః ప్రవృత్తిం వినయాన్వితైః౪-౪౩-౩౪
స నిర్జిత్య పురీం శ్రేష్ఠాం లఙ్కాం తాం కామరూపిణీమ్
విక్రమేణ మహాతేజా హనూమాన్మారుతాత్మజః౫-౪-౧
ధన్యా దేవాః సగన్ధర్వాః సిద్ధాశ్చ పరమర్షయః
మమ పశ్యన్తి యే నాథం రామం రాజీవలోచనమ్౫-౨౬-౪౧
మఙ్గలాభిముఖీ తస్య సా తదాసీన్మహాకపేః
ఉపతస్థే విశాలాక్షీ ప్రయతా హవ్యవాహనమ్౫-౫౩-౨౬
హితం మహార్థం మృదు హేతుసంహితం
వ్యతీతకాలాయతిసమ్ప్రతిక్షమమ్
నిశమ్య తద్వాక్యముపస్థితజ్వరః
ప్రసఙ్గవానుత్తరమేతదబ్రవీత్౬-౧౦-౨౭
ధర్మాత్మా రక్షసాం శ్రేష్ఠః సమ్ప్రాప్తోఽయం విభీషణః
లఙ్కైశ్వర్యం ధ్రువం శ్రీమానయం ప్రాప్నోత్యకణ్టకమ్౬-౪౧-౬౮
యో వజ్రపాతాశనిసన్నిపాతాన్
న చుక్షుభే నాపి చచాల రాజా
స రామబాణాభిహతో భృశార్తః
చచాల చాపం చ ముమోచ వీరః౬-౫౯-౧౪౦
యస్య విక్రమమాసాద్య రాక్షసా నిధనం గతాః
తం మన్యే రాఘవం వీరం నారాయణమనామయమ్౬-౭౨-౧౧
న తే దదర్శిరే రామం దహన్తమరివాహినీమ్
మోహితాః పరమాస్త్రేణ గాన్ధర్వేణ మహాత్మనా౬-౯౪-౨౬
ప్రణమ్య దేవతాభ్యశ్చ బ్రాహ్మణేభ్యశ్చ మైథిలీ
బద్ధాఞ్జలిపుటా చేదమువాచాగ్నిసమీపతః౬-౧౧౯-౨౩
చాలనాత్పర్వతేన్ద్రస్య గణా దేవాశ్చ కమ్పితాః
చచాల పార్వతీ చాపి తదాఽఽశ్లిష్టా మహేశ్వరమ్౭-౧౬-౨౬
దారాః పుత్రాః పురం రాష్ట్రం భోగాచ్ఛాదనభోజనమ్
సర్వమేవావిభక్తం నౌ భవిష్యతి హరీశ్వర౭-౩౪-౪౧
యామేవ రాత్రిం శత్రుఘ్నః పర్ణశాలాం సమావిశత్
తామేవ రాత్రిం సీతాఽపి ప్రసూతా దారకద్వయమ్౭-౬౬-౧
ఇదం రామాయణం కృత్స్నం గాయత్రీబీజసంయుతమ్
త్రిసన్ధ్యం యః పఠేన్నిత్యం సర్వపాపైః ప్రముచ్యతే
॥ఇతి శ్రీ-గాయత్రీ రామాయణం సమ్పూర్ణమ్॥
మఙ్గలశ్లోకాః
స్వస్తి ప్రజాభ్యః పరిపాలయన్తాం
న్యాయేన మార్గేణ మహీం మహీశాః
గోబ్రాహ్మణేభ్యః శుభమస్తు నిత్యం
లోకాః సమస్తాః సుఖినో భవన్తు
కాలే వర్షతు పర్జన్యః పృథివీ సస్యశాలినీ
దేశోఽయం క్షోభరహితో బ్రాహ్మణాః సన్తు నిర్భయాః
అపుత్రాః పుత్రిణః సన్తు పుత్రిణః సన్తు పౌత్రిణః
అధనాః సధనాః సన్తు జీవన్తు శరదాం శతమ్
చరితం రఘునాథస్య శతకోటి-ప్రవిస్తరమ్
ఏకైకమక్షరం పుంసాం మహాపాతకనాశనమ్
శృణ్వన్ రామాయణం భక్త్యా యః పాదం పదమేవ వా
స యాతి బ్రహ్మణః స్థానం బ్రహ్మణా పూజ్యతే సదా
రామాయ రామభద్రాయ రామచన్ద్రాయ వేధసే
రఘునాథాయ నాథాయ సీతాయాః పతయే నమః
యన్మఙ్గలం సహస్రాక్షే సర్వదేవనమస్కృతే
వృత్రనాశే సమభవత్ తత్తే భవతు మఙ్గలమ్
యన్మఙ్గలం సుపర్ణస్య వినతాఽకల్పయత్ పురా
అమృతం ప్రార్థయానస్య తత్తే భవతు మఙ్గలమ్
అమృతోత్పాదనే దైత్యాన్ ఘ్నతో వజ్రధరస్య యత్
అదితిర్మఙ్గలం ప్రాదాత్ తత్తే భవతు మఙ్గలమ్
త్రీన్ విక్రమాన్ ప్రక్రమతో విష్ణోరమితతేజసః
యదాసీన్మఙ్గలం రామ తత్తే భవతు మఙ్గలమ్
ఋషయః సాగరా ద్వీపా వేదా లోకా దిశశ్చ తే
మఙ్గలాని మహాబాహో దిశన్తు తవ సర్వదా
మఙ్గలం కోసలేన్ద్రాయ మహనీయగుణాబ్ధయే
చక్రవర్తితనూజాయ సార్వభౌమాయ మఙ్గలమ్
కాయేన వాచా మనసేన్ద్రియైర్వా
బుద్ధ్యాఽఽత్మనా వా ప్రకృతేః స్వభావాత్
కరోమి యద్యత్ సకలం పరస్మై
నారాయణాయేతి సమర్పయామి
gāyatrī-rāmāyaṇam
śuklāmbaradharaṃ viṣṇuṃ śaśivarṇaṃ caturbhujam
prasannavadanaṃ dhyāyet sarvavighnopaśāntaye
vāgīśādyāḥ sumanasaḥ sarvārthānāmupakrame
yaṃ natvā kṛtakṛtyāḥ syustaṃ namāmi gajānanam
śrī-guru-prārthanā
gururbrahmā gururviṣṇurgururdevo maheśvaraḥ
guruḥ sākṣāt paraṃ brahma tasmai śrī-gurave namaḥ
sadāśivasamārambhāṃ śaṅkarācāryamadhyamām
asmadācāryaparyantāṃ vande guruparamparām
akhaṇḍamaṇḍalākāraṃ vyāptaṃ yena carācaram
tatpadaṃ darśitaṃ yena tasmai śrī-gurave namaḥ
śrī-sarasvatī-prārthanā
dorbhiryuktā caturbhiḥ sphaṭikamaṇinibhairakṣamālāṃ dadhānā
hastenaikena padmaṃ sitamapi ca śukaṃ pustakaṃ cāpareṇa
bhāsā kundenduśaṅkhasphaṭikamaṇinibhā bhāsamānā'samānā
sā me vāgdevateyaṃ nivasatu vadane sarvadā suprasannā
śrī-vālmīki-namaskriyā
kūjantaṃ rāma rāmeti madhuraṃ madhurākṣaram
āruhya kavitāśākhāṃ vande vālmīkikokilam
vālmīkermunisiṃhasya kavitāvanacāriṇaḥ
śṛṇvan rāmakathānādaṃ ko na yāti parāṃ gatim
yaḥ piban satataṃ rāmacaritāmṛtasāgaram
atṛptastaṃ muniṃ vande prācetasamakalmaṣam
śrī-hanumannamaskriyā
goṣpadīkṛta-vārāśiṃ maśakīkṛta-rākṣasam
rāmāyaṇa-mahāmālā-ratnaṃ vande'nilātmajam
añjanānandanaṃ vīraṃ jānakīśokanāśanam
kapīśamakṣahantāraṃ vande laṅkābhayaṅkaram
ullaṅghya sindhoḥ salilaṃ salīlaṃ yaḥ śokavahniṃ janakātmajāyāḥ
ādāya tenaiva dadāha laṅkāṃ namāmi taṃ prāñjalirāñjaneyam
āñjaneyamatipāṭalānanaṃ kāñcanādri-kamanīya-vigraham
pārijāta-tarumūla-vāsinaṃ bhāvayāmi pavamāna-nandanam
yatra yatra raghunāthakīrtanaṃ tatra tatra kṛtamastakāñjalim
bāṣpavāriparipūrṇalocanaṃ mārutiṃ namata rākṣasāntakam
manojavaṃ mārutatulyavegaṃ jitendriyaṃ buddhimatāṃ variṣṭham
vātātmajaṃ vānarayūthamukhyaṃ śrīrāmadūtaṃ śirasā namāmi
śrī-rāmāyaṇa-prārthanā
yaḥ karṇāñjalisampuṭairaharahaḥ samyak pibatyādarāt
vālmīkervadanāravindagalitaṃ rāmāyaṇākhyaṃ madhu
janma-vyādhi-jarā-vipatti-maraṇairatyanta-sopadravaṃ
saṃsāraṃ sa vihāya gacchati pumān viṣṇoḥ padaṃ śāśvatam
tadupagata-samāsa-sandhiyogaṃ samamadhuropanatārtha-vākyabaddham
raghuvaracaritaṃ munipraṇītaṃ daśaśirasaśca vadhaṃ niśāmayadhvam
vālmīki-girisambhūtā rāmasāgaragāminī
punātu bhuvanaṃ puṇyā rāmāyaṇamahānadī
ślokasārajalākīrṇaṃ sargakallolasaṅkulam
kāṇḍagrāhamahāmīnaṃ vande rāmāyaṇārṇavam
vedavedye pare puṃsi jāte daśarathātmaje
vedaḥ prācetasādāsīt sākṣādrāmāyaṇātmanā
śrī-rāma-dhyānam
vaidehīsahitaṃ suradrumatale haime mahāmaṇḍape
madhye puṣpakamāsane maṇimaye vīrāsane susthitam
agre vācayati prabhañjanasute tattvaṃ munibhyaḥ paraṃ
vyākhyāntaṃ bharatādibhiḥ parivṛtaṃ rāmaṃ bhaje śyāmalam
vāme bhūmisutā puraśca hanumān paścāt sumitrāsutaḥ
śatrughno bharataśca pārśvadalayorvāyvādikoṇeṣu ca
sugrīvaśca vibhīṣaṇaśca yuvarāṭ tārāsuto jāmbavān
madhye nīlasarojakomalaruciṃ rāmaṃ bhaje śyāmalam
rāmaṃ rāmānujaṃ sītāṃ bharataṃ bharatānujam
sugrīvaṃ vāyusūnuṃ ca praṇamāmi punaḥ punaḥ
namo'stu rāmāya salakṣmaṇāya
devyai ca tasyai janakātmajāyai
namo'stu rudrendrayamānilebhyo
namo'stu candrārkamarudgaṇebhyaḥ
oṃ śrī-gurubhyo namaḥ|
gāyatrī rāmayāṇam
tapaḥ svādhyāyanirataṃ tapasvī vāgvidāṃ varam
nāradaṃ paripapraccha vālmīkirmunipuṅgavam1-1-1
sa hatvā rākṣasān sarvān yajñaghnān raghunandanaḥ
ṛṣibhiḥ pūjitaḥ samyak yathendro vijaye purā1-30-23
viśvāmitrastu dharmātmā śrutvā janakabhāṣitam
vatsa rāma dhanuḥ paśya iti rāghavamabravīt1-67-12
tuṣṭāvāsya tadā vaṃśaṃ praviśya ca viśāmpateḥ
śayanīyaṃ narendrasya tadāsādya vyatiṣṭhata2-15-20
vanavāsaṃ hi saṅkhyāya vāsāṃsyābharaṇāni ca
bhartāramanugacchantyai sītāyai śvaśuro dadau2-40-15
rājā satyaṃ ca dharmaṃ ca rājā kulavatāṃ kulam
rājā mātā pitā caiva rājā hitakaro nṛṇām2-67-34
nirīkṣya sa muhūrtaṃ tu dadarśa bharato gurum
uṭaje rāmamāsīnaṃ jaṭāmaṇḍaladhāriṇam2-99-25
yadi buddhiḥ kṛtā draṣṭum agastyaṃ taṃ mahāmunim
adyaiva gamane buddhiṃ rocayasva mahāyaśāḥ3-11-44
bharatasyāryaputrasya śvaśrūṇāṃ mama ca prabho
mṛgarūpamidaṃ vyaktaṃ vismayaṃ janayiṣyati3-43-17
gaccha śīghramito rāma sugrīvaṃ taṃ mahābalam
vayasyaṃ taṃ kuru kṣipramito gatvā'dya rāghava3-72-17
deśakālau pratīkṣasva kṣamamāṇaḥ priyāpriye
sukhaduḥkhasahaḥ kāle sugrīvavaśago bhava4-22-20
vandyāste tu tapaḥ siddhāstapasā vītakalmaṣāḥ
praṣṭavyāścāpi sītāyāḥ pravṛttiṃ vinayānvitaiḥ4-43-34
sa nirjitya purīṃ śreṣṭhāṃ laṅkāṃ tāṃ kāmarūpiṇīm
vikrameṇa mahātejā hanūmānmārutātmajaḥ5-4-1
dhanyā devāḥ sagandharvāḥ siddhāśca paramarṣayaḥ
mama paśyanti ye nāthaṃ rāmaṃ rājīvalocanam5-26-41
maṅgalābhimukhī tasya sā tadāsīnmahākapeḥ
upatasthe viśālākṣī prayatā havyavāhanam5-53-26
hitaṃ mahārthaṃ mṛdu hetusaṃhitaṃ
vyatītakālāyatisampratikṣamam
niśamya tadvākyamupasthitajvaraḥ
prasaṅgavānuttarametadabravīt6-10-27
dharmātmā rakṣasāṃ śreṣṭhaḥ samprāpto'yaṃ vibhīṣaṇaḥ
laṅkaiśvaryaṃ dhruvaṃ śrīmānayaṃ prāpnotyakaṇṭakam6-41-68
yo vajrapātāśanisannipātān
na cukṣubhe nāpi cacāla rājā
sa rāmabāṇābhihato bhṛśārtaḥ
cacāla cāpaṃ ca mumoca vīraḥ6-59-140
yasya vikramamāsādya rākṣasā nidhanaṃ gatāḥ
taṃ manye rāghavaṃ vīraṃ nārāyaṇamanāmayam6-72-11
na te dadarśire rāmaṃ dahantamarivāhinīm
mohitāḥ paramāstreṇa gāndharveṇa mahātmanā6-94-26
praṇamya devatābhyaśca brāhmaṇebhyaśca maithilī
baddhāñjalipuṭā cedamuvācāgnisamīpataḥ6-119-23
cālanātparvatendrasya gaṇā devāśca kampitāḥ
cacāla pārvatī cāpi tadā''śliṣṭā maheśvaram7-16-26
dārāḥ putrāḥ puraṃ rāṣṭraṃ bhogācchādanabhojanam
sarvamevāvibhaktaṃ nau bhaviṣyati harīśvara7-34-41
yāmeva rātriṃ śatrughnaḥ parṇaśālāṃ samāviśat
tāmeva rātriṃ sītā'pi prasūtā dārakadvayam7-66-1
idaṃ rāmāyaṇaṃ kṛtsnaṃ gāyatrībījasaṃyutam
trisandhyaṃ yaḥ paṭhennityaṃ sarvapāpaiḥ pramucyate
||iti śrī-gāyatrī rāmāyaṇaṃ sampūrṇam||
maṅgalaślokāḥ
svasti prajābhyaḥ paripālayantāṃ
nyāyena mārgeṇa mahīṃ mahīśāḥ
gobrāhmaṇebhyaḥ śubhamastu nityaṃ
lokāḥ samastāḥ sukhino bhavantu
kāle varṣatu parjanyaḥ pṛthivī sasyaśālinī
deśo'yaṃ kṣobharahito brāhmaṇāḥ santu nirbhayāḥ
aputrāḥ putriṇaḥ santu putriṇaḥ santu pautriṇaḥ
adhanāḥ sadhanāḥ santu jīvantu śaradāṃ śatam
caritaṃ raghunāthasya śatakoṭi-pravistaram
ekaikamakṣaraṃ puṃsāṃ mahāpātakanāśanam
śṛṇvan rāmāyaṇaṃ bhaktyā yaḥ pādaṃ padameva vā
sa yāti brahmaṇaḥ sthānaṃ brahmaṇā pūjyate sadā
rāmāya rāmabhadrāya rāmacandrāya vedhase
raghunāthāya nāthāya sītāyāḥ pataye namaḥ
yanmaṅgalaṃ sahasrākṣe sarvadevanamaskṛte
vṛtranāśe samabhavat tatte bhavatu maṅgalam
yanmaṅgalaṃ suparṇasya vinatā'kalpayat purā
amṛtaṃ prārthayānasya tatte bhavatu maṅgalam
amṛtotpādane daityān ghnato vajradharasya yat
aditirmaṅgalaṃ prādāt tatte bhavatu maṅgalam
trīn vikramān prakramato viṣṇoramitatejasaḥ
yadāsīnmaṅgalaṃ rāma tatte bhavatu maṅgalam
ṛṣayaḥ sāgarā dvīpā vedā lokā diśaśca te
maṅgalāni mahābāho diśantu tava sarvadā
maṅgalaṃ kosalendrāya mahanīyaguṇābdhaye
cakravartitanūjāya sārvabhaumāya maṅgalam
kāyena vācā manasendriyairvā
buddhyā''tmanā vā prakṛteḥ svabhāvāt
karomi yadyat sakalaṃ parasmai
nārāyaṇāyeti samarpayāmi