कौसल्याकृत-रामस्तोत्रम् कौसल्योवाच shlokacount19 देवदेव नमस्तेऽस्तु शङ्खचक्रगदाधर परमात्माऽच्युतोऽनन्तः पूर्णस्त्वं पुरुषोत्तमः वदन्त्यगोचरं वाचां बुद्ध्यादीनामतीन्द्रियम् त्वां वेदवादिनः सत्तामात्रं ज्ञानैकविग्रहम् त्वमेव मायया विश्वं सृजस्यवसि हंसि च सत्त्वादिगुणसंयुक्तस्तुर्य एवामलः सदा करोषीव न कर्ता त्वं गच्छसीव न गच्छसि शृणोषि न शृणोषीव पश्यसीव न पश्यसि अप्राणो ह्यमनाः शुद्ध इत्यादि श्रुतिरब्रवीत् समः सर्वेषु भूतेषु तिष्ठन्नपि न लक्ष्यसे अज्ञानध्वान्तचित्तानां व्यक्त एव सुमेधसाम् जठरे तव दृश्यन्ते ब्रह्माण्डाः परमाणवः त्वं ममोदरसम्भूत इति लोकान् विडम्बसे भक्तेषु पारवश्यं ते दृष्टं मेऽद्य रघूत्तम संसारसागरे मग्ना पतिपुत्रधनादिषु भ्रमामि मायया तेऽद्य पादमूलमुपागता देव त्वद्रूपमेतन्मे सदा तिष्ठतु मानसे आवृणोतु न मां माया तव विश्वविमोहिनी उपसंहर विश्वात्मन्नदो रूपमलौकिकम् दर्शयस्व महानन्दबालभावं सुकोमलम् ललितालिङ्गनालापैस्तरिष्याम्युत्कटं तमः श्री-भगवानुवाच यद्यदिष्टं तवास्त्यम्ब तत्तद्भवतु नान्यथा अहं तु ब्रह्मणा पूर्वं भूमेर्भारापनुत्तये प्रार्थितो रावणं हन्तुं मानुषत्वमुपागतः त्वया दशरथेनाहं तपसाराधितः पुरा मत्पुत्रत्वाभिकाङ्क्षिण्या तथा कृतमनिन्दिते रूपमेतत्त्वया दृष्टं प्राक्तनं तपसः फलम् मद्दर्शनं विमोक्षाय कल्पते ह्यन्यदुर्लभम् संवादमावयोर्यस्तु पठेद्वा शृणुयादपि स याति मम सारूप्यं मरणे मत्स्मृतिं लभेत् ॥इति श्रीमदध्यात्मरामायणे उमामहेश्वरसंवादे बालकाण्डे तृतीये सर्गे श्री-कौसल्याविरचितं श्री-रामस्तोत्रं सम्पूर्णम्॥

కౌసల్యాకృత-రామస్తోత్రమ్ కౌసల్యోవాచ shlokacount19 దేవదేవ నమస్తేఽస్తు శఙ్ఖచక్రగదాధర పరమాత్మాఽచ్యుతోఽనన్తః పూర్ణస్త్వం పురుషోత్తమః వదన్త్యగోచరం వాచాం బుద్ధ్యాదీనామతీన్ద్రియమ్ త్వాం వేదవాదినః సత్తామాత్రం జ్ఞానైకవిగ్రహమ్ త్వమేవ మాయయా విశ్వం సృజస్యవసి హంసి చ సత్త్వాదిగుణసంయుక్తస్తుర్య ఏవామలః సదా కరోషీవ న కర్తా త్వం గచ్ఛసీవ న గచ్ఛసి శృణోషి న శృణోషీవ పశ్యసీవ న పశ్యసి అప్రాణో హ్యమనాః శుద్ధ ఇత్యాది శ్రుతిరబ్రవీత్ సమః సర్వేషు భూతేషు తిష్ఠన్నపి న లక్ష్యసే అజ్ఞానధ్వాన్తచిత్తానాం వ్యక్త ఏవ సుమేధసామ్ జఠరే తవ దృశ్యన్తే బ్రహ్మాణ్డాః పరమాణవః త్వం మమోదరసమ్భూత ఇతి లోకాన్ విడమ్బసే భక్తేషు పారవశ్యం తే దృష్టం మేఽద్య రఘూత్తమ సంసారసాగరే మగ్నా పతిపుత్రధనాదిషు భ్రమామి మాయయా తేఽద్య పాదమూలముపాగతా దేవ త్వద్రూపమేతన్మే సదా తిష్ఠతు మానసే ఆవృణోతు న మాం మాయా తవ విశ్వవిమోహినీ ఉపసంహర విశ్వాత్మన్నదో రూపమలౌకికమ్ దర్శయస్వ మహానన్దబాలభావం సుకోమలమ్ లలితాలిఙ్గనాలాపైస్తరిష్యామ్యుత్కటం తమః శ్రీ-భగవానువాచ యద్యదిష్టం తవాస్త్యమ్బ తత్తద్భవతు నాన్యథా అహం తు బ్రహ్మణా పూర్వం భూమేర్భారాపనుత్తయే ప్రార్థితో రావణం హన్తుం మానుషత్వముపాగతః త్వయా దశరథేనాహం తపసారాధితః పురా మత్పుత్రత్వాభికాఙ్క్షిణ్యా తథా కృతమనిన్దితే రూపమేతత్త్వయా దృష్టం ప్రాక్తనం తపసః ఫలమ్ మద్దర్శనం విమోక్షాయ కల్పతే హ్యన్యదుర్లభమ్ సంవాదమావయోర్యస్తు పఠేద్వా శృణుయాదపి స యాతి మమ సారూప్యం మరణే మత్స్మృతిం లభేత్ ॥ఇతి శ్రీమదధ్యాత్మరామాయణే ఉమామహేశ్వరసంవాదే బాలకాణ్డే తృతీయే సర్గే శ్రీ-కౌసల్యావిరచితం శ్రీ-రామస్తోత్రం సమ్పూర్ణమ్॥

kausalyākṛta-rāmastotram kausalyovāca shlokacount19 devadeva namaste'stu śaṅkhacakragadādhara paramātmā'cyuto'nantaḥ pūrṇastvaṃ puruṣottamaḥ vadantyagocaraṃ vācāṃ buddhyādīnāmatīndriyam tvāṃ vedavādinaḥ sattāmātraṃ jñānaikavigraham tvameva māyayā viśvaṃ sṛjasyavasi haṃsi ca sattvādiguṇasaṃyuktasturya evāmalaḥ sadā karoṣīva na kartā tvaṃ gacchasīva na gacchasi śṛṇoṣi na śṛṇoṣīva paśyasīva na paśyasi aprāṇo hyamanāḥ śuddha ityādi śrutirabravīt samaḥ sarveṣu bhūteṣu tiṣṭhannapi na lakṣyase ajñānadhvāntacittānāṃ vyakta eva sumedhasām jaṭhare tava dṛśyante brahmāṇḍāḥ paramāṇavaḥ tvaṃ mamodarasambhūta iti lokān viḍambase bhakteṣu pāravaśyaṃ te dṛṣṭaṃ me'dya raghūttama saṃsārasāgare magnā patiputradhanādiṣu bhramāmi māyayā te'dya pādamūlamupāgatā deva tvadrūpametanme sadā tiṣṭhatu mānase āvṛṇotu na māṃ māyā tava viśvavimohinī upasaṃhara viśvātmannado rūpamalaukikam darśayasva mahānandabālabhāvaṃ sukomalam lalitāliṅganālāpaistariṣyāmyutkaṭaṃ tamaḥ śrī-bhagavānuvāca yadyadiṣṭaṃ tavāstyamba tattadbhavatu nānyathā ahaṃ tu brahmaṇā pūrvaṃ bhūmerbhārāpanuttaye prārthito rāvaṇaṃ hantuṃ mānuṣatvamupāgataḥ tvayā daśarathenāhaṃ tapasārādhitaḥ purā matputratvābhikāṅkṣiṇyā tathā kṛtamanindite rūpametattvayā dṛṣṭaṃ prāktanaṃ tapasaḥ phalam maddarśanaṃ vimokṣāya kalpate hyanyadurlabham saṃvādamāvayoryastu paṭhedvā śṛṇuyādapi sa yāti mama sārūpyaṃ maraṇe matsmṛtiṃ labhet ||iti śrīmadadhyātmarāmāyaṇe umāmaheśvarasaṃvāde bālakāṇḍe tṛtīye sarge śrī-kausalyāviracitaṃ śrī-rāmastotraṃ sampūrṇam||