रामभुजङ्गप्रयातस्तोत्रम् विशुद्धं परं सच्चिदानन्द-रूपं गुणाधारमाधार-हीनं वरेण्यम् महान्तं विभान्तं गुहान्तं गुणान्तं सुखान्तं स्वयं धाम रामं प्रपद्ये शिवं नित्यमेकं विभुं तारकाख्यं सुखाकारमाकार-शून्यं सुमान्यम् महेशं कलेशं सुरेशं परेशं नरेशं निरीशं महीशं प्रपद्ये यदाऽवर्णयत् कर्ण-मूलेऽन्त-काले शिवो राम रामेति रामेति काश्याम् तदेकं परं तारक-ब्रह्म-रूपं भजेऽहं भजेऽहं भजेऽहं भजेऽहम् महारत्न-पीठे शुभे कल्प-मूले सुखासीनमादित्य-कोटि-प्रकाशम् सदा जानकी-लक्ष्मणोपेतमेकं सदा रामचन्द्रं भजेऽहं भजेऽहम् क्वणद्रत्न-मञ्जीर-पादारविन्दं लसन्मेखला-चारु-पीताम्बराढ्यम् महारत्न-हारोल्लसत्-कौस्तुभाङ्गं नदच्चञ्चरी-मञ्जरी-लोल-मालम् लसच्चन्द्रिका-स्मेर-शोणाधराभं समुद्यत्-पतङ्गेन्दु-कोटि-प्रकाशम् नमद्-ब्रह्म-रुद्रादि-कोटीर-रत्न- स्फुरत्-कान्ति-नीराजना-ऽऽराधिताङ्घ्रिम् पुरः प्राञ्जलीनाञ्जनेयादि-भक्तान् स्व-चिन्मुद्रया भद्रया बोधयन्तम् भजेऽहं भजेऽहं सदा रामचन्द्रं त्वदन्यं न मन्ये न मन्ये न मन्ये यदा मत्समीपं कृतान्तः समेत्य प्रचण्ड-प्रतापैर्-भटैर्-भीषयेन्माम् तदाऽऽविष्करोषि त्वदीयं स्वरूपं तदापत्-प्रणाशं स-कोदण्ड-बाणम् निजे मानसे मन्दिरे सन्निधेहि प्रसीद प्रसीद प्रभो रामचन्द्र स-सौमित्रिणा कैकयी-नन्दनेन स्व-शक्त्याऽनुभक्त्या च संसेव्यमान स्वभक्ताग्रगण्यैः कपीशैर्-महीशैर्- अनीकैरनेकैश्च राम प्रसीद नमस्ते नमोऽस्त्वीश राम प्रसीद प्रशाधि प्रशाधि प्रकाशं प्रभो माम् त्वमेवासि दैवं परं मे यदेकं सुचैतन्यमेतत् त्वदन्यं न मन्ये यतोऽभूदमेयं वियद्-वायु-तेजो- जलोर्व्यादि-कार्यं चरं चाचरं च नमः सच्चिदानन्द-रूपाय तस्मै नमो देव-देवाय रामाय तुभ्यम् नमो जानकी-जीवितेशाय तुभ्यं नमः पुण्डरीकायताक्षाय तुभ्यम् नमो भक्ति-युक्तानुरक्ताय तुभ्यं नमः पुण्य-पुञ्जैक-लभ्याय तुभ्यम् नमो वेद-वेद्याय चाऽऽद्याय पुंसे नमः सुन्दरायेन्दिरा-वल्लभाय नमो विश्व-कर्त्रे नमो विश्व-हर्त्रे नमो विश्व-भोक्त्रे नमो विश्व-मात्रे नमो विश्व-नेत्रे नमो विश्व-जेत्रे नमो विश्व-पित्रे नमो विश्व-मात्रे नमस्ते नमस्ते समस्त-प्रपञ्च- प्रभाग-प्रवीण प्रमाण-प्रवीण मदीयं मनस्-त्वत्-पद-द्वन्द्व-सेवां विधातुं प्रवृत्तं सुचैतन्य-सिद्ध्यै शिलाऽपि त्वदङ्घ्रि-क्षमा-सङ्गि-रेणु- प्रसादाद्धि चैतन्यमाऽधत्त राम नरस्-त्वत्पद-द्वन्द्व-सेवा-विधानात् सुचैतन्यमेतीति किं चित्रमद्य पवित्रं चरित्रं विचित्रं त्वदीयं नरा ये स्मरन्त्यन्वहं रामचन्द्र भवन्तं भवान्तं भरन्तं भजन्तो लभन्ते कृतान्तं न पश्यन्त्यतोऽन्ते स पुण्यः स गण्यः शरण्यो ममायं नरो वेद यो देव-चूडामणिं त्वाम् सदाकारमेकं चिदानन्द-रूपं मनो-वागगम्यं परं धाम राम प्रचण्ड-प्रताप-प्रभावाभिभूत- प्रभूतारि-वीर प्रभो रामचन्द्र बलं ते कथं वर्ण्यतेऽतीव बाल्ये यतोऽखण्डि चण्डीश-कोदण्ड-दण्डः दशग्रीवमुग्रं सपुत्रं समित्रं सरिद्-दुर्ग-मध्यस्थ-रक्षो-गणेशम् भवन्तं विना राम वीरो नरो वा- ऽसुरो वाऽमरो वा जयेत् कस्-त्रिलोक्याम् सदा राम रामेति रामामृतं ते सदाराममानन्द-निष्यन्द-कन्दम् पिबन्तं नमन्तं सुदन्तं हसन्तं हनूमन्तमन्तर्भजे तं नितान्तम् सदा राम रामेति रामामृतं ते सदाराममानन्द-निष्यन्द-कन्दम् पिबन्नन्वहं नन्वहं नैव मृत्योर्- बिभेमि प्रसादादसादात् तवैव असीता-समेतैरकोदण्ड-भूषैर्- असौमित्रि-वन्द्यैरचण्ड-प्रतापैः अलङ्केश-कालैरसुग्रीव-मित्रैर्- अरामाभिधेयैरलं दैवतैर्नः अवीरासन-स्थैरचिन्मुद्रिकाढ्यैर्- अभक्ताञ्जनेयादि-तत्त्व-प्रकाशैः अमन्दार-मूलैरमन्दार-मालैर्- अरामाभिधेयैरलं दैवतैर्नः असिन्धु-प्रकोपैरवन्द्य-प्रतापैर्- अबन्धु-प्रयाणैरमन्द-स्मिताढ्यैः अदण्ड-प्रवासैरखण्ड-प्रबोधैर्- अरामाभिधेयैरलं दैवतैर्नः हरे राम सीतापते रावणारे खरारे मुरारेऽसुरारे परेति लपन्तं नयन्तं सदा-कालमेवं समालोकयाऽऽलोकयाऽशेष-बन्धो नमस्ते सुमित्रा-सुपुत्राभिवन्द्य नमस्ते सदा कैकयी-नन्दनेड्य नमस्ते सदा वानराधीश-वन्द्य नमस्ते नमस्ते सदा रामचन्द्र प्रसीद प्रसीद प्रचण्ड-प्रताप प्रसीद प्रसीद प्रचण्डारि-काल प्रसीद प्रसीद प्रपन्नानुकम्पिन् प्रसीद प्रसीद प्रभो रामचन्द्र भुजङ्ग-प्रयातं परं वेद-सारं मुदा रामचन्द्रस्य भक्त्या च नित्यम् पठन् सन्ततं चिन्तयन् स्वान्तरङ्गे स एव स्वयं रामचन्द्रः स धन्यः ॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-रामभुजङ्गप्रयातस्तोत्रं सम्पूर्णम्॥

రామభుజఙ్గప్రయాతస్తోత్రమ్ విశుద్ధం పరం సచ్చిదానన్ద-రూపం గుణాధారమాధార-హీనం వరేణ్యమ్ మహాన్తం విభాన్తం గుహాన్తం గుణాన్తం సుఖాన్తం స్వయం ధామ రామం ప్రపద్యే శివం నిత్యమేకం విభుం తారకాఖ్యం సుఖాకారమాకార-శూన్యం సుమాన్యమ్ మహేశం కలేశం సురేశం పరేశం నరేశం నిరీశం మహీశం ప్రపద్యే యదాఽవర్ణయత్ కర్ణ-మూలేఽన్త-కాలే శివో రామ రామేతి రామేతి కాశ్యామ్ తదేకం పరం తారక-బ్రహ్మ-రూపం భజేఽహం భజేఽహం భజేఽహం భజేఽహమ్ మహారత్న-పీఠే శుభే కల్ప-మూలే సుఖాసీనమాదిత్య-కోటి-ప్రకాశమ్ సదా జానకీ-లక్ష్మణోపేతమేకం సదా రామచన్ద్రం భజేఽహం భజేఽహమ్ క్వణద్రత్న-మఞ్జీర-పాదారవిన్దం లసన్మేఖలా-చారు-పీతామ్బరాఢ్యమ్ మహారత్న-హారోల్లసత్-కౌస్తుభాఙ్గం నదచ్చఞ్చరీ-మఞ్జరీ-లోల-మాలమ్ లసచ్చన్ద్రికా-స్మేర-శోణాధరాభం సముద్యత్-పతఙ్గేన్దు-కోటి-ప్రకాశమ్ నమద్-బ్రహ్మ-రుద్రాది-కోటీర-రత్న- స్ఫురత్-కాన్తి-నీరాజనా-ఽఽరాధితాఙ్ఘ్రిమ్ పురః ప్రాఞ్జలీనాఞ్జనేయాది-భక్తాన్ స్వ-చిన్ముద్రయా భద్రయా బోధయన్తమ్ భజేఽహం భజేఽహం సదా రామచన్ద్రం త్వదన్యం న మన్యే న మన్యే న మన్యే యదా మత్సమీపం కృతాన్తః సమేత్య ప్రచణ్డ-ప్రతాపైర్-భటైర్-భీషయేన్మామ్ తదాఽఽవిష్కరోషి త్వదీయం స్వరూపం తదాపత్-ప్రణాశం స-కోదణ్డ-బాణమ్ నిజే మానసే మన్దిరే సన్నిధేహి ప్రసీద ప్రసీద ప్రభో రామచన్ద్ర స-సౌమిత్రిణా కైకయీ-నన్దనేన స్వ-శక్త్యాఽనుభక్త్యా చ సంసేవ్యమాన స్వభక్తాగ్రగణ్యైః కపీశైర్-మహీశైర్- అనీకైరనేకైశ్చ రామ ప్రసీద నమస్తే నమోఽస్త్వీశ రామ ప్రసీద ప్రశాధి ప్రశాధి ప్రకాశం ప్రభో మామ్ త్వమేవాసి దైవం పరం మే యదేకం సుచైతన్యమేతత్ త్వదన్యం న మన్యే యతోఽభూదమేయం వియద్-వాయు-తేజో- జలోర్వ్యాది-కార్యం చరం చాచరం చ నమః సచ్చిదానన్ద-రూపాయ తస్మై నమో దేవ-దేవాయ రామాయ తుభ్యమ్ నమో జానకీ-జీవితేశాయ తుభ్యం నమః పుణ్డరీకాయతాక్షాయ తుభ్యమ్ నమో భక్తి-యుక్తానురక్తాయ తుభ్యం నమః పుణ్య-పుఞ్జైక-లభ్యాయ తుభ్యమ్ నమో వేద-వేద్యాయ చాఽఽద్యాయ పుంసే నమః సున్దరాయేన్దిరా-వల్లభాయ నమో విశ్వ-కర్త్రే నమో విశ్వ-హర్త్రే నమో విశ్వ-భోక్త్రే నమో విశ్వ-మాత్రే నమో విశ్వ-నేత్రే నమో విశ్వ-జేత్రే నమో విశ్వ-పిత్రే నమో విశ్వ-మాత్రే నమస్తే నమస్తే సమస్త-ప్రపఞ్చ- ప్రభాగ-ప్రవీణ ప్రమాణ-ప్రవీణ మదీయం మనస్-త్వత్-పద-ద్వన్ద్వ-సేవాం విధాతుం ప్రవృత్తం సుచైతన్య-సిద్ధ్యై శిలాఽపి త్వదఙ్ఘ్రి-క్షమా-సఙ్గి-రేణు- ప్రసాదాద్ధి చైతన్యమాఽధత్త రామ నరస్-త్వత్పద-ద్వన్ద్వ-సేవా-విధానాత్ సుచైతన్యమేతీతి కిం చిత్రమద్య పవిత్రం చరిత్రం విచిత్రం త్వదీయం నరా యే స్మరన్త్యన్వహం రామచన్ద్ర భవన్తం భవాన్తం భరన్తం భజన్తో లభన్తే కృతాన్తం న పశ్యన్త్యతోఽన్తే స పుణ్యః స గణ్యః శరణ్యో మమాయం నరో వేద యో దేవ-చూడామణిం త్వామ్ సదాకారమేకం చిదానన్ద-రూపం మనో-వాగగమ్యం పరం ధామ రామ ప్రచణ్డ-ప్రతాప-ప్రభావాభిభూత- ప్రభూతారి-వీర ప్రభో రామచన్ద్ర బలం తే కథం వర్ణ్యతేఽతీవ బాల్యే యతోఽఖణ్డి చణ్డీశ-కోదణ్డ-దణ్డః దశగ్రీవముగ్రం సపుత్రం సమిత్రం సరిద్-దుర్గ-మధ్యస్థ-రక్షో-గణేశమ్ భవన్తం వినా రామ వీరో నరో వా- ఽసురో వాఽమరో వా జయేత్ కస్-త్రిలోక్యామ్ సదా రామ రామేతి రామామృతం తే సదారామమానన్ద-నిష్యన్ద-కన్దమ్ పిబన్తం నమన్తం సుదన్తం హసన్తం హనూమన్తమన్తర్భజే తం నితాన్తమ్ సదా రామ రామేతి రామామృతం తే సదారామమానన్ద-నిష్యన్ద-కన్దమ్ పిబన్నన్వహం నన్వహం నైవ మృత్యోర్- బిభేమి ప్రసాదాదసాదాత్ తవైవ అసీతా-సమేతైరకోదణ్డ-భూషైర్- అసౌమిత్రి-వన్ద్యైరచణ్డ-ప్రతాపైః అలఙ్కేశ-కాలైరసుగ్రీవ-మిత్రైర్- అరామాభిధేయైరలం దైవతైర్నః అవీరాసన-స్థైరచిన్ముద్రికాఢ్యైర్- అభక్తాఞ్జనేయాది-తత్త్వ-ప్రకాశైః అమన్దార-మూలైరమన్దార-మాలైర్- అరామాభిధేయైరలం దైవతైర్నః అసిన్ధు-ప్రకోపైరవన్ద్య-ప్రతాపైర్- అబన్ధు-ప్రయాణైరమన్ద-స్మితాఢ్యైః అదణ్డ-ప్రవాసైరఖణ్డ-ప్రబోధైర్- అరామాభిధేయైరలం దైవతైర్నః హరే రామ సీతాపతే రావణారే ఖరారే మురారేఽసురారే పరేతి లపన్తం నయన్తం సదా-కాలమేవం సమాలోకయాఽఽలోకయాఽశేష-బన్ధో నమస్తే సుమిత్రా-సుపుత్రాభివన్ద్య నమస్తే సదా కైకయీ-నన్దనేడ్య నమస్తే సదా వానరాధీశ-వన్ద్య నమస్తే నమస్తే సదా రామచన్ద్ర ప్రసీద ప్రసీద ప్రచణ్డ-ప్రతాప ప్రసీద ప్రసీద ప్రచణ్డారి-కాల ప్రసీద ప్రసీద ప్రపన్నానుకమ్పిన్ ప్రసీద ప్రసీద ప్రభో రామచన్ద్ర భుజఙ్గ-ప్రయాతం పరం వేద-సారం ముదా రామచన్ద్రస్య భక్త్యా చ నిత్యమ్ పఠన్ సన్తతం చిన్తయన్ స్వాన్తరఙ్గే స ఏవ స్వయం రామచన్ద్రః స ధన్యః ॥ఇతి శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య శ్రీమచ్ఛఙ్కరభగవతః కృతౌ శ్రీ-రామభుజఙ్గప్రయాతస్తోత్రం సమ్పూర్ణమ్॥

rāmabhujaṅgaprayātastotram viśuddhaṃ paraṃ saccidānanda-rūpaṃ guṇādhāramādhāra-hīnaṃ vareṇyam mahāntaṃ vibhāntaṃ guhāntaṃ guṇāntaṃ sukhāntaṃ svayaṃ dhāma rāmaṃ prapadye śivaṃ nityamekaṃ vibhuṃ tārakākhyaṃ sukhākāramākāra-śūnyaṃ sumānyam maheśaṃ kaleśaṃ sureśaṃ pareśaṃ nareśaṃ nirīśaṃ mahīśaṃ prapadye yadā'varṇayat karṇa-mūle'nta-kāle śivo rāma rāmeti rāmeti kāśyām tadekaṃ paraṃ tāraka-brahma-rūpaṃ bhaje'haṃ bhaje'haṃ bhaje'haṃ bhaje'ham mahāratna-pīṭhe śubhe kalpa-mūle sukhāsīnamāditya-koṭi-prakāśam sadā jānakī-lakṣmaṇopetamekaṃ sadā rāmacandraṃ bhaje'haṃ bhaje'ham kvaṇadratna-mañjīra-pādāravindaṃ lasanmekhalā-cāru-pītāmbarāḍhyam mahāratna-hārollasat-kaustubhāṅgaṃ nadaccañcarī-mañjarī-lola-mālam lasaccandrikā-smera-śoṇādharābhaṃ samudyat-pataṅgendu-koṭi-prakāśam namad-brahma-rudrādi-koṭīra-ratna- sphurat-kānti-nīrājanā-''rādhitāṅghrim puraḥ prāñjalīnāñjaneyādi-bhaktān sva-cinmudrayā bhadrayā bodhayantam bhaje'haṃ bhaje'haṃ sadā rāmacandraṃ tvadanyaṃ na manye na manye na manye yadā matsamīpaṃ kṛtāntaḥ sametya pracaṇḍa-pratāpair-bhaṭair-bhīṣayenmām tadā''viṣkaroṣi tvadīyaṃ svarūpaṃ tadāpat-praṇāśaṃ sa-kodaṇḍa-bāṇam nije mānase mandire sannidhehi prasīda prasīda prabho rāmacandra sa-saumitriṇā kaikayī-nandanena sva-śaktyā'nubhaktyā ca saṃsevyamāna svabhaktāgragaṇyaiḥ kapīśair-mahīśair- anīkairanekaiśca rāma prasīda namaste namo'stvīśa rāma prasīda praśādhi praśādhi prakāśaṃ prabho mām tvamevāsi daivaṃ paraṃ me yadekaṃ sucaitanyametat tvadanyaṃ na manye yato'bhūdameyaṃ viyad-vāyu-tejo- jalorvyādi-kāryaṃ caraṃ cācaraṃ ca namaḥ saccidānanda-rūpāya tasmai namo deva-devāya rāmāya tubhyam namo jānakī-jīviteśāya tubhyaṃ namaḥ puṇḍarīkāyatākṣāya tubhyam namo bhakti-yuktānuraktāya tubhyaṃ namaḥ puṇya-puñjaika-labhyāya tubhyam namo veda-vedyāya cā''dyāya puṃse namaḥ sundarāyendirā-vallabhāya namo viśva-kartre namo viśva-hartre namo viśva-bhoktre namo viśva-mātre namo viśva-netre namo viśva-jetre namo viśva-pitre namo viśva-mātre namaste namaste samasta-prapañca- prabhāga-pravīṇa pramāṇa-pravīṇa madīyaṃ manas-tvat-pada-dvandva-sevāṃ vidhātuṃ pravṛttaṃ sucaitanya-siddhyai śilā'pi tvadaṅghri-kṣamā-saṅgi-reṇu- prasādāddhi caitanyamā'dhatta rāma naras-tvatpada-dvandva-sevā-vidhānāt sucaitanyametīti kiṃ citramadya pavitraṃ caritraṃ vicitraṃ tvadīyaṃ narā ye smarantyanvahaṃ rāmacandra bhavantaṃ bhavāntaṃ bharantaṃ bhajanto labhante kṛtāntaṃ na paśyantyato'nte sa puṇyaḥ sa gaṇyaḥ śaraṇyo mamāyaṃ naro veda yo deva-cūḍāmaṇiṃ tvām sadākāramekaṃ cidānanda-rūpaṃ mano-vāgagamyaṃ paraṃ dhāma rāma pracaṇḍa-pratāpa-prabhāvābhibhūta- prabhūtāri-vīra prabho rāmacandra balaṃ te kathaṃ varṇyate'tīva bālye yato'khaṇḍi caṇḍīśa-kodaṇḍa-daṇḍaḥ daśagrīvamugraṃ saputraṃ samitraṃ sarid-durga-madhyastha-rakṣo-gaṇeśam bhavantaṃ vinā rāma vīro naro vā- 'suro vā'maro vā jayet kas-trilokyām sadā rāma rāmeti rāmāmṛtaṃ te sadārāmamānanda-niṣyanda-kandam pibantaṃ namantaṃ sudantaṃ hasantaṃ hanūmantamantarbhaje taṃ nitāntam sadā rāma rāmeti rāmāmṛtaṃ te sadārāmamānanda-niṣyanda-kandam pibannanvahaṃ nanvahaṃ naiva mṛtyor- bibhemi prasādādasādāt tavaiva asītā-sametairakodaṇḍa-bhūṣair- asaumitri-vandyairacaṇḍa-pratāpaiḥ alaṅkeśa-kālairasugrīva-mitrair- arāmābhidheyairalaṃ daivatairnaḥ avīrāsana-sthairacinmudrikāḍhyair- abhaktāñjaneyādi-tattva-prakāśaiḥ amandāra-mūlairamandāra-mālair- arāmābhidheyairalaṃ daivatairnaḥ asindhu-prakopairavandya-pratāpair- abandhu-prayāṇairamanda-smitāḍhyaiḥ adaṇḍa-pravāsairakhaṇḍa-prabodhair- arāmābhidheyairalaṃ daivatairnaḥ hare rāma sītāpate rāvaṇāre kharāre murāre'surāre pareti lapantaṃ nayantaṃ sadā-kālamevaṃ samālokayā''lokayā'śeṣa-bandho namaste sumitrā-suputrābhivandya namaste sadā kaikayī-nandaneḍya namaste sadā vānarādhīśa-vandya namaste namaste sadā rāmacandra prasīda prasīda pracaṇḍa-pratāpa prasīda prasīda pracaṇḍāri-kāla prasīda prasīda prapannānukampin prasīda prasīda prabho rāmacandra bhujaṅga-prayātaṃ paraṃ veda-sāraṃ mudā rāmacandrasya bhaktyā ca nityam paṭhan santataṃ cintayan svāntaraṅge sa eva svayaṃ rāmacandraḥ sa dhanyaḥ ||iti śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-rāmabhujaṅgaprayātastotraṃ sampūrṇam||