शम्भुकृत-रामस्तवः shlokacount23 महादेव उवाच नमो मूलप्रकृतये नित्याय परमात्मने सच्चिदानन्दरूपाय विश्वरूपाय वेधसे नमो निरन्तरानन्द कन्दमूलाय विष्णवे जगत्त्रयकृतानन्द मूर्तये दिव्यमूर्तये नमो ब्रह्मेन्द्रपूज्याय शङ्कराभयदाय च नमो विष्णुस्वरूपाय सर्वरूप नमो नमः उत्पत्तिस्थितिसंहारकारिणे त्रिगुणात्मने नमोऽस्तु निर्गतोपाधिस्वरूपाय महात्मने अनया विद्यया देव्या सीतयोपाधिकारिणे नमः पुम्प्रकृतिभ्यां च युवाभ्यां जगतां कृते जगन्मातापितृभ्यां च जनन्यै राघवाय च नमः प्रपञ्चरूपिण्यै निष्प्रपञ्चस्वरूपिणे नमो ध्यानस्वरूपिण्यै योगिध्येयात्ममूर्तये परिणामापरीणामरिक्ताभ्यां च नमो नमः कूटस्थबीजरूपिण्यै सीतायै राघवाय च सीता लक्ष्मीर्भवान् विष्णुः सीता गौरी भवान् शिवः सीता स्वयं हि सावित्री भवान् ब्रह्मा चतुर्मुखः सीता शची भवान् शक्रः सीता स्वाहाऽनलो भवान् सीता संहारिणी देवी यमरूपधरो भवान् सीता हि सर्वसम्पत्तिः कुबेरस्त्वं रघूत्तम सीता देवी च रुद्राणी भवान्रुद्रो महाबलः सीता तु रोहिणी देवी चन्द्रस्त्वं लोकसौख्यदः सीता संज्ञा भवान्सूर्यः सीता रात्रिर्दिवा भवान् सीता देवी महाकाली महाकालो भवान्सदा स्त्रीलिङ्गेषु त्रिलोकेषु यत्तत्सर्वं हि जानकी पुन्नाम लाञ्छितं यत्तु तत्सर्वं हि भवान्प्रभो सर्वत्र सर्वदेवेश सीता सर्वत्र धारिणी तदा त्वमपि च त्रातुं तच्छक्तिर्विश्वधारिणी तस्मात्कोटिगुणं पुण्यं युवाभ्यां परिचिह्नितम् चिह्नितं शिवशक्तिभ्यां चरितं तव शान्तिदम् आवां राम जगत्पूज्यौ मम पूज्यौ सदा युवाम् त्वन्नामजापिनी गौरी त्वन्मन्त्रजपवानहम् मुमूर्षोर्मणिकर्ण्यां तु अर्धोदकनिवासिनः अहं दिशामि ते मन्त्रं तारकं ब्रह्मदायकम् अतस्त्वं जानकीनाथ परब्रह्मासि निश्चितम् त्वन्मायामोहिताः सर्वे न त्वां जानन्ति तत्वतः ईश्वर उवाच इत्युक्तः शम्भुना रामः प्रसादप्रवणोऽभवत् दिव्यरूपधरः श्रीमानद्भुताद्भुतदर्शनः तथा तं रूपमालोक्य नरवानरदेवताः न द्रष्टुमपिशक्तास्ते तेजसं महदद्भुतम् भयाद्वै त्रिदशश्रेष्ठाः प्रणेमुश्चातिभक्तितः भीता विज्ञाय रामोऽपि नरवानरदेवताः मायामानुषतां प्राप्य स देवानब्रवीत्पुनः रामचन्द्र उवाच शृणुध्वं देवता यो मां प्रत्यहं संस्तुविष्यति स्तवेन शम्भुनोक्तेन देवतुल्यो भवेन्नरः विमुक्तः सर्वपापेभ्यो मत्स्वरूपं समश्नुते रणे जयमवाप्नोति न क्वचित्प्रतिहन्यते भूतवेतालकृत्याभिर्ग्रहैश्चापि न बाध्यते अपुत्रो लभते पुत्रं पतिं विन्दति कन्यका दरिद्रः श्रियमाप्नोति सत्ववाञ्शीलवान्भवेत् आत्मतुल्यबलः श्रीमाञ्जायते नात्र संशयः निर्विघ्नं सर्वकार्येषु सर्वारम्भेषु वै नृणाम् यं यं कामयते मर्त्यः सुदुर्लभमनोरथम् षण्मासात्सिद्धिमाप्नोति स्तवस्यास्य प्रसादतः यत्पुण्यं सर्वतीर्थेषु सर्वयज्ञेषु यत्फलम् तत्फलं कोटिगुणितं स्तवेनानेन लभ्यते ईश्वर उवाच इत्युक्त्वा रामचन्द्रोऽसौ विससर्ज महेश्वरम् ब्रह्मादि त्रिदशान्सर्वान् विससर्ज समागतान् अर्चिता मानवाः सर्वे नरवानरदेवताः विसृष्टा रामचन्द्रेण प्रीत्या परमया युताः इत्थं विसृष्टाः खलु ते च सर्वे सुखं तदा जग्मुरतीवहृष्टाः परं पठन्तः स्तवमीश्वरोक्तं रामं स्मरन्तो वरविश्वरूपम् ॥इति श्रीपाद्मे महापुराणे पञ्चपञ्चाशत्साहस्र्यां संहितायामुत्तरखण्डे उमामहेश्वरसंवादे विश्वदर्शनं नाम त्रिचत्वारिंशदधिकद्विशततमोऽध्याये श्री-शम्भुकृत-रामस्तवः सम्पूर्णः॥

శమ్భుకృత-రామస్తవః shlokacount23 మహాదేవ ఉవాచ నమో మూలప్రకృతయే నిత్యాయ పరమాత్మనే సచ్చిదానన్దరూపాయ విశ్వరూపాయ వేధసే నమో నిరన్తరానన్ద కన్దమూలాయ విష్ణవే జగత్త్రయకృతానన్ద మూర్తయే దివ్యమూర్తయే నమో బ్రహ్మేన్ద్రపూజ్యాయ శఙ్కరాభయదాయ చ నమో విష్ణుస్వరూపాయ సర్వరూప నమో నమః ఉత్పత్తిస్థితిసంహారకారిణే త్రిగుణాత్మనే నమోఽస్తు నిర్గతోపాధిస్వరూపాయ మహాత్మనే అనయా విద్యయా దేవ్యా సీతయోపాధికారిణే నమః పుమ్ప్రకృతిభ్యాం చ యువాభ్యాం జగతాం కృతే జగన్మాతాపితృభ్యాం చ జనన్యై రాఘవాయ చ నమః ప్రపఞ్చరూపిణ్యై నిష్ప్రపఞ్చస్వరూపిణే నమో ధ్యానస్వరూపిణ్యై యోగిధ్యేయాత్మమూర్తయే పరిణామాపరీణామరిక్తాభ్యాం చ నమో నమః కూటస్థబీజరూపిణ్యై సీతాయై రాఘవాయ చ సీతా లక్ష్మీర్భవాన్ విష్ణుః సీతా గౌరీ భవాన్ శివః సీతా స్వయం హి సావిత్రీ భవాన్ బ్రహ్మా చతుర్ముఖః సీతా శచీ భవాన్ శక్రః సీతా స్వాహాఽనలో భవాన్ సీతా సంహారిణీ దేవీ యమరూపధరో భవాన్ సీతా హి సర్వసమ్పత్తిః కుబేరస్త్వం రఘూత్తమ సీతా దేవీ చ రుద్రాణీ భవాన్రుద్రో మహాబలః సీతా తు రోహిణీ దేవీ చన్ద్రస్త్వం లోకసౌఖ్యదః సీతా సంజ్ఞా భవాన్సూర్యః సీతా రాత్రిర్దివా భవాన్ సీతా దేవీ మహాకాలీ మహాకాలో భవాన్సదా స్త్రీలిఙ్గేషు త్రిలోకేషు యత్తత్సర్వం హి జానకీ పున్నామ లాఞ్ఛితం యత్తు తత్సర్వం హి భవాన్ప్రభో సర్వత్ర సర్వదేవేశ సీతా సర్వత్ర ధారిణీ తదా త్వమపి చ త్రాతుం తచ్ఛక్తిర్విశ్వధారిణీ తస్మాత్కోటిగుణం పుణ్యం యువాభ్యాం పరిచిహ్నితమ్ చిహ్నితం శివశక్తిభ్యాం చరితం తవ శాన్తిదమ్ ఆవాం రామ జగత్పూజ్యౌ మమ పూజ్యౌ సదా యువామ్ త్వన్నామజాపినీ గౌరీ త్వన్మన్త్రజపవానహమ్ ముమూర్షోర్మణికర్ణ్యాం తు అర్ధోదకనివాసినః అహం దిశామి తే మన్త్రం తారకం బ్రహ్మదాయకమ్ అతస్త్వం జానకీనాథ పరబ్రహ్మాసి నిశ్చితమ్ త్వన్మాయామోహితాః సర్వే న త్వాం జానన్తి తత్వతః ఈశ్వర ఉవాచ ఇత్యుక్తః శమ్భునా రామః ప్రసాదప్రవణోఽభవత్ దివ్యరూపధరః శ్రీమానద్భుతాద్భుతదర్శనః తథా తం రూపమాలోక్య నరవానరదేవతాః న ద్రష్టుమపిశక్తాస్తే తేజసం మహదద్భుతమ్ భయాద్వై త్రిదశశ్రేష్ఠాః ప్రణేముశ్చాతిభక్తితః భీతా విజ్ఞాయ రామోఽపి నరవానరదేవతాః మాయామానుషతాం ప్రాప్య స దేవానబ్రవీత్పునః రామచన్ద్ర ఉవాచ శృణుధ్వం దేవతా యో మాం ప్రత్యహం సంస్తువిష్యతి స్తవేన శమ్భునోక్తేన దేవతుల్యో భవేన్నరః విముక్తః సర్వపాపేభ్యో మత్స్వరూపం సమశ్నుతే రణే జయమవాప్నోతి న క్వచిత్ప్రతిహన్యతే భూతవేతాలకృత్యాభిర్గ్రహైశ్చాపి న బాధ్యతే అపుత్రో లభతే పుత్రం పతిం విన్దతి కన్యకా దరిద్రః శ్రియమాప్నోతి సత్వవాఞ్శీలవాన్భవేత్ ఆత్మతుల్యబలః శ్రీమాఞ్జాయతే నాత్ర సంశయః నిర్విఘ్నం సర్వకార్యేషు సర్వారమ్భేషు వై నృణామ్ యం యం కామయతే మర్త్యః సుదుర్లభమనోరథమ్ షణ్మాసాత్సిద్ధిమాప్నోతి స్తవస్యాస్య ప్రసాదతః యత్పుణ్యం సర్వతీర్థేషు సర్వయజ్ఞేషు యత్ఫలమ్ తత్ఫలం కోటిగుణితం స్తవేనానేన లభ్యతే ఈశ్వర ఉవాచ ఇత్యుక్త్వా రామచన్ద్రోఽసౌ విససర్జ మహేశ్వరమ్ బ్రహ్మాది త్రిదశాన్సర్వాన్ విససర్జ సమాగతాన్ అర్చితా మానవాః సర్వే నరవానరదేవతాః విసృష్టా రామచన్ద్రేణ ప్రీత్యా పరమయా యుతాః ఇత్థం విసృష్టాః ఖలు తే చ సర్వే సుఖం తదా జగ్మురతీవహృష్టాః పరం పఠన్తః స్తవమీశ్వరోక్తం రామం స్మరన్తో వరవిశ్వరూపమ్ ॥ఇతి శ్రీపాద్మే మహాపురాణే పఞ్చపఞ్చాశత్సాహస్ర్యాం సంహితాయాముత్తరఖణ్డే ఉమామహేశ్వరసంవాదే విశ్వదర్శనం నామ త్రిచత్వారింశదధికద్విశతతమోఽధ్యాయే శ్రీ-శమ్భుకృత-రామస్తవః సమ్పూర్ణః॥

śambhukṛta-rāmastavaḥ shlokacount23 mahādeva uvāca namo mūlaprakṛtaye nityāya paramātmane saccidānandarūpāya viśvarūpāya vedhase namo nirantarānanda kandamūlāya viṣṇave jagattrayakṛtānanda mūrtaye divyamūrtaye namo brahmendrapūjyāya śaṅkarābhayadāya ca namo viṣṇusvarūpāya sarvarūpa namo namaḥ utpattisthitisaṃhārakāriṇe triguṇātmane namo'stu nirgatopādhisvarūpāya mahātmane anayā vidyayā devyā sītayopādhikāriṇe namaḥ pumprakṛtibhyāṃ ca yuvābhyāṃ jagatāṃ kṛte jaganmātāpitṛbhyāṃ ca jananyai rāghavāya ca namaḥ prapañcarūpiṇyai niṣprapañcasvarūpiṇe namo dhyānasvarūpiṇyai yogidhyeyātmamūrtaye pariṇāmāparīṇāmariktābhyāṃ ca namo namaḥ kūṭasthabījarūpiṇyai sītāyai rāghavāya ca sītā lakṣmīrbhavān viṣṇuḥ sītā gaurī bhavān śivaḥ sītā svayaṃ hi sāvitrī bhavān brahmā caturmukhaḥ sītā śacī bhavān śakraḥ sītā svāhā'nalo bhavān sītā saṃhāriṇī devī yamarūpadharo bhavān sītā hi sarvasampattiḥ kuberastvaṃ raghūttama sītā devī ca rudrāṇī bhavānrudro mahābalaḥ sītā tu rohiṇī devī candrastvaṃ lokasaukhyadaḥ sītā saṃjñā bhavānsūryaḥ sītā rātrirdivā bhavān sītā devī mahākālī mahākālo bhavānsadā strīliṅgeṣu trilokeṣu yattatsarvaṃ hi jānakī punnāma lāñchitaṃ yattu tatsarvaṃ hi bhavānprabho sarvatra sarvadeveśa sītā sarvatra dhāriṇī tadā tvamapi ca trātuṃ tacchaktirviśvadhāriṇī tasmātkoṭiguṇaṃ puṇyaṃ yuvābhyāṃ paricihnitam cihnitaṃ śivaśaktibhyāṃ caritaṃ tava śāntidam āvāṃ rāma jagatpūjyau mama pūjyau sadā yuvām tvannāmajāpinī gaurī tvanmantrajapavānaham mumūrṣormaṇikarṇyāṃ tu ardhodakanivāsinaḥ ahaṃ diśāmi te mantraṃ tārakaṃ brahmadāyakam atastvaṃ jānakīnātha parabrahmāsi niścitam tvanmāyāmohitāḥ sarve na tvāṃ jānanti tatvataḥ īśvara uvāca ityuktaḥ śambhunā rāmaḥ prasādapravaṇo'bhavat divyarūpadharaḥ śrīmānadbhutādbhutadarśanaḥ tathā taṃ rūpamālokya naravānaradevatāḥ na draṣṭumapiśaktāste tejasaṃ mahadadbhutam bhayādvai tridaśaśreṣṭhāḥ praṇemuścātibhaktitaḥ bhītā vijñāya rāmo'pi naravānaradevatāḥ māyāmānuṣatāṃ prāpya sa devānabravītpunaḥ rāmacandra uvāca śṛṇudhvaṃ devatā yo māṃ pratyahaṃ saṃstuviṣyati stavena śambhunoktena devatulyo bhavennaraḥ vimuktaḥ sarvapāpebhyo matsvarūpaṃ samaśnute raṇe jayamavāpnoti na kvacitpratihanyate bhūtavetālakṛtyābhirgrahaiścāpi na bādhyate aputro labhate putraṃ patiṃ vindati kanyakā daridraḥ śriyamāpnoti satvavāñśīlavānbhavet ātmatulyabalaḥ śrīmāñjāyate nātra saṃśayaḥ nirvighnaṃ sarvakāryeṣu sarvārambheṣu vai nṛṇām yaṃ yaṃ kāmayate martyaḥ sudurlabhamanoratham ṣaṇmāsātsiddhimāpnoti stavasyāsya prasādataḥ yatpuṇyaṃ sarvatīrtheṣu sarvayajñeṣu yatphalam tatphalaṃ koṭiguṇitaṃ stavenānena labhyate īśvara uvāca ityuktvā rāmacandro'sau visasarja maheśvaram brahmādi tridaśānsarvān visasarja samāgatān arcitā mānavāḥ sarve naravānaradevatāḥ visṛṣṭā rāmacandreṇa prītyā paramayā yutāḥ itthaṃ visṛṣṭāḥ khalu te ca sarve sukhaṃ tadā jagmuratīvahṛṣṭāḥ paraṃ paṭhantaḥ stavamīśvaroktaṃ rāmaṃ smaranto varaviśvarūpam ||iti śrīpādme mahāpurāṇe pañcapañcāśatsāhasryāṃ saṃhitāyāmuttarakhaṇḍe umāmaheśvarasaṃvāde viśvadarśanaṃ nāma tricatvāriṃśadadhikadviśatatamo'dhyāye śrī-śambhukṛta-rāmastavaḥ sampūrṇaḥ||