शारदा प्रार्थना
नमस्ते शारदे देवि काश्मीरपुरवासिनि
त्वामहं प्रार्थये नित्यं विद्यादानं च देहि मे
या श्रद्धा धारणा मेधा वाग्देवी विधिवल्लभा
भक्तजिह्वाग्रसदना शमादिगुणदायिनी
नमामि यामिनीं नाथलेखालङ्कृतकुन्तलाम्
भवानीं भवसन्तापनिर्वापणसुधानदीम्
भद्रकाल्यै नमो नित्यं सरस्वत्यै नमो नमः
वेदवेदाङ्गवेदान्तविद्यास्थानेभ्य एव च
ब्रह्मस्वरूपा परमा ज्योतिरूपा सनातनी
सर्वविद्याधिदेवी या तस्यै वाण्यै नमो नमः
यया विना जगत्सर्वं शश्वज्जीवन्मृतं भवेत्
ज्ञानाधिदेवी या तस्यै सरस्वत्यै नमो नमः
यया विना जगत्सर्वं मूकमुन्मत्तवत् सदा
या देवी वागधिष्ठात्री तस्यै वाण्यै नमो नमः
॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-शारदा-प्रार्थना सम्पूर्णा॥
శారదా ప్రార్థనా
నమస్తే శారదే దేవి కాశ్మీరపురవాసిని
త్వామహం ప్రార్థయే నిత్యం విద్యాదానం చ దేహి మే
యా శ్రద్ధా ధారణా మేధా వాగ్దేవీ విధివల్లభా
భక్తజిహ్వాగ్రసదనా శమాదిగుణదాయినీ
నమామి యామినీం నాథలేఖాలఙ్కృతకున్తలామ్
భవానీం భవసన్తాపనిర్వాపణసుధానదీమ్
భద్రకాల్యై నమో నిత్యం సరస్వత్యై నమో నమః
వేదవేదాఙ్గవేదాన్తవిద్యాస్థానేభ్య ఏవ చ
బ్రహ్మస్వరూపా పరమా జ్యోతిరూపా సనాతనీ
సర్వవిద్యాధిదేవీ యా తస్యై వాణ్యై నమో నమః
యయా వినా జగత్సర్వం శశ్వజ్జీవన్మృతం భవేత్
జ్ఞానాధిదేవీ యా తస్యై సరస్వత్యై నమో నమః
యయా వినా జగత్సర్వం మూకమున్మత్తవత్ సదా
యా దేవీ వాగధిష్ఠాత్రీ తస్యై వాణ్యై నమో నమః
॥ఇతి శ్రీమత్పరమహంసపరివ్రాజకాచార్యస్య శ్రీ-గోవిన్ద-భగవత్పూజ్య-పాద-శిష్యస్య
శ్రీమచ్ఛఙ్కరభగవతః కృతౌ శ్రీ-శారదా-ప్రార్థనా సమ్పూర్ణా॥
śāradā prārthanā
namaste śārade devi kāśmīrapuravāsini
tvāmahaṃ prārthaye nityaṃ vidyādānaṃ ca dehi me
yā śraddhā dhāraṇā medhā vāgdevī vidhivallabhā
bhaktajihvāgrasadanā śamādiguṇadāyinī
namāmi yāminīṃ nāthalekhālaṅkṛtakuntalām
bhavānīṃ bhavasantāpanirvāpaṇasudhānadīm
bhadrakālyai namo nityaṃ sarasvatyai namo namaḥ
vedavedāṅgavedāntavidyāsthānebhya eva ca
brahmasvarūpā paramā jyotirūpā sanātanī
sarvavidyādhidevī yā tasyai vāṇyai namo namaḥ
yayā vinā jagatsarvaṃ śaśvajjīvanmṛtaṃ bhavet
jñānādhidevī yā tasyai sarasvatyai namo namaḥ
yayā vinā jagatsarvaṃ mūkamunmattavat sadā
yā devī vāgadhiṣṭhātrī tasyai vāṇyai namo namaḥ
||iti śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya
śrīmacchaṅkarabhagavataḥ kṛtau śrī-śāradā-prārthanā sampūrṇā||