हनुमत्कृतं श्री-सीता-राम-स्तोत्रम् अयोध्या-पुर-नेतारं मिथिला-पुर-नायिकाम् इक्ष्वाकूणाम् अलङ्कारं वैदेहानाम् अलङ्क्रियाम् रघूणां कुल-दीपं च निमीनां कुल-दीपिकाम् सूर्य-वंश-समुद्भूतं सोम-वंश-समुद्भवाम् पुत्रं दशरथस्यापि पुत्रीं जनक-भूपतेः वसिष्ठ-अनुमताचारं शतानन्द-मतानुगाम् कौसल्या-गर्भ-सम्भूतं वेदि-गर्भोदितां स्वयम् पुण्डरीक-विशालाक्षं स्फुरद्-इन्दीवरेक्षणाम् चन्द्र-कान्त-आननाम्भोजं चन्द्रबिम्ब-उपमाननाम् मत्त-मातङ्ग-गमनं मत्त-सारस-गामिनीम् चन्दनार्द्र-भुजा-मध्यं कुङ्कुमाक्त-कुच-स्थलीम् चापालङ्कृत-हस्ताब्जं पद्मालङ्कृत-पाणिकाम् शरणागतगोप्तारं प्रणिपातप्रसादिकाम् ताली-दल-श्यामलाङ्गं तप्त-चामीकर-प्रभाम् दिव्य-सिंहासनारूढं दिव्य-स्रग्-वस्त्र-भूषणाम् अनुक्षणं कटाक्षाभ्याम् अन्योन्य-ईक्षण-काङ्क्षिणौ अन्योन्य-सदृशाकारौ त्रैलोक्य-गृह-दम्पती इमौ युवां प्रणम्याहं भजाम्यद्य कृतार्थताम् अनया स्तोति यः स्तुत्या रामं सीतां च भक्तितः तस्य तौ तनुतां प्रीतौ सम्पदः सकला अपि इतीदं रामचन्द्रस्य जानक्याश्च विशेषतः कृतं हनुमता पुण्यं स्तोत्रं सद्यो विमुक्ति-दम् यः पठेत्प्रातरुत्थाय सर्वान् कामानवाप्नुयात् ॥इति श्री-हनूमत्कृतं श्री-सीतारामस्तोत्रं सम्पूर्णम्॥

హనుమత్కృతం శ్రీ-సీతా-రామ-స్తోత్రమ్ అయోధ్యా-పుర-నేతారం మిథిలా-పుర-నాయికామ్ ఇక్ష్వాకూణామ్ అలఙ్కారం వైదేహానామ్ అలఙ్క్రియామ్ రఘూణాం కుల-దీపం చ నిమీనాం కుల-దీపికామ్ సూర్య-వంశ-సముద్భూతం సోమ-వంశ-సముద్భవామ్ పుత్రం దశరథస్యాపి పుత్రీం జనక-భూపతేః వసిష్ఠ-అనుమతాచారం శతానన్ద-మతానుగామ్ కౌసల్యా-గర్భ-సమ్భూతం వేది-గర్భోదితాం స్వయమ్ పుణ్డరీక-విశాలాక్షం స్ఫురద్-ఇన్దీవరేక్షణామ్ చన్ద్ర-కాన్త-ఆననామ్భోజం చన్ద్రబిమ్బ-ఉపమాననామ్ మత్త-మాతఙ్గ-గమనం మత్త-సారస-గామినీమ్ చన్దనార్ద్ర-భుజా-మధ్యం కుఙ్కుమాక్త-కుచ-స్థలీమ్ చాపాలఙ్కృత-హస్తాబ్జం పద్మాలఙ్కృత-పాణికామ్ శరణాగతగోప్తారం ప్రణిపాతప్రసాదికామ్ తాలీ-దల-శ్యామలాఙ్గం తప్త-చామీకర-ప్రభామ్ దివ్య-సింహాసనారూఢం దివ్య-స్రగ్-వస్త్ర-భూషణామ్ అనుక్షణం కటాక్షాభ్యామ్ అన్యోన్య-ఈక్షణ-కాఙ్క్షిణౌ అన్యోన్య-సదృశాకారౌ త్రైలోక్య-గృహ-దమ్పతీ ఇమౌ యువాం ప్రణమ్యాహం భజామ్యద్య కృతార్థతామ్ అనయా స్తోతి యః స్తుత్యా రామం సీతాం చ భక్తితః తస్య తౌ తనుతాం ప్రీతౌ సమ్పదః సకలా అపి ఇతీదం రామచన్ద్రస్య జానక్యాశ్చ విశేషతః కృతం హనుమతా పుణ్యం స్తోత్రం సద్యో విముక్తి-దమ్ యః పఠేత్ప్రాతరుత్థాయ సర్వాన్ కామానవాప్నుయాత్ ॥ఇతి శ్రీ-హనూమత్కృతం శ్రీ-సీతారామస్తోత్రం సమ్పూర్ణమ్॥

hanumatkṛtaṃ śrī-sītā-rāma-stotram ayodhyā-pura-netāraṃ mithilā-pura-nāyikām ikṣvākūṇām alaṅkāraṃ vaidehānām alaṅkriyām raghūṇāṃ kula-dīpaṃ ca nimīnāṃ kula-dīpikām sūrya-vaṃśa-samudbhūtaṃ soma-vaṃśa-samudbhavām putraṃ daśarathasyāpi putrīṃ janaka-bhūpateḥ vasiṣṭha-anumatācāraṃ śatānanda-matānugām kausalyā-garbha-sambhūtaṃ vedi-garbhoditāṃ svayam puṇḍarīka-viśālākṣaṃ sphurad-indīvarekṣaṇām candra-kānta-ānanāmbhojaṃ candrabimba-upamānanām matta-mātaṅga-gamanaṃ matta-sārasa-gāminīm candanārdra-bhujā-madhyaṃ kuṅkumākta-kuca-sthalīm cāpālaṅkṛta-hastābjaṃ padmālaṅkṛta-pāṇikām śaraṇāgatagoptāraṃ praṇipātaprasādikām tālī-dala-śyāmalāṅgaṃ tapta-cāmīkara-prabhām divya-siṃhāsanārūḍhaṃ divya-srag-vastra-bhūṣaṇām anukṣaṇaṃ kaṭākṣābhyām anyonya-īkṣaṇa-kāṅkṣiṇau anyonya-sadṛśākārau trailokya-gṛha-dampatī imau yuvāṃ praṇamyāhaṃ bhajāmyadya kṛtārthatām anayā stoti yaḥ stutyā rāmaṃ sītāṃ ca bhaktitaḥ tasya tau tanutāṃ prītau sampadaḥ sakalā api itīdaṃ rāmacandrasya jānakyāśca viśeṣataḥ kṛtaṃ hanumatā puṇyaṃ stotraṃ sadyo vimukti-dam yaḥ paṭhetprātarutthāya sarvān kāmānavāpnuyāt ||iti śrī-hanūmatkṛtaṃ śrī-sītārāmastotraṃ sampūrṇam||