सुतीक्ष्णकृतं रामस्तोत्रम् shlokacount26 सुतीक्ष्ण उवाच त्वन्मन्त्रजाप्यहमनन्तगुणाप्रमेय सीतापते शिवविरिञ्चिसमाश्रिताङ्घ्रे संसारसिन्धुतरणामलपोतपाद रामाभिराम सततं तव दासदासः मामद्य सर्वजगतामविगोचरस्त्वं त्वन्मायया सुतकलत्रगृहान्धकूपे मग्नं निरीक्ष्य मलपुद्गलपिण्डमोह- पाशानुबद्धहृदयं स्वयमागतोऽसि त्वं सर्वभूतहृदयेषु कृतालयोऽपि त्वन्मन्त्रजाप्यविमुखेषु तनोषि मायाम् त्वन्मन्त्रसाधनपरेष्वपयाति माया सेवानुरूपफलदोऽसि यथा महीपः विश्वस्य सृष्टिलयसंस्थितिहेतुरेकः त्वं मायया त्रिगुणया विधिरीशविष्णू भासीश मोहितधियां विविधाकृतिस्त्वं यद्वद्रविः सलिलपात्रगतो ह्यनेकः प्रत्यक्षतोऽद्य भवतश्चरणारविन्दं पश्यामि राम तमसः परतः स्थितस्य दृग्रूपतस्त्वमसतामविगोचरोऽपि त्वन्मन्त्रपूतहृदयेषु सदा प्रसन्नः पश्यामि राम तव रूपमरूपिणोऽपि मायाविडम्बनकृतं सुमनुष्यवेषम् कन्दर्पकोटिसुभगं कमनीयचाप- बाणं दयार्द्रहृदयं स्मितचारुवक्त्रम् सीतासमेतमजिनाम्बरमप्रधृष्यं सौमित्रिणा नियतसेवितपादपद्मम् नीलोत्पलद्युतिमनन्तगुणं प्रशान्तं मद्भागधेयमनिशं प्रणमामि रामम् जानन्तु राम तव रूपमशेषदेश- कालाद्युपाधिरहितं घनचित्प्रकाशम् प्रत्यक्षतोऽद्य मम गोचरमेतदेव रूपं विभातु हृदये न परं विकाङ्क्षे ॥इति श्रीमदध्यात्मरामायणे उमामहेश्वरसंवादे अरण्यकाण्डे प्रथमे सर्गे सुतीक्ष्णकृतं श्री-रामस्तोत्रं सम्पूर्णम्॥

సుతీక్ష్ణకృతం రామస్తోత్రమ్ shlokacount26 సుతీక్ష్ణ ఉవాచ త్వన్మన్త్రజాప్యహమనన్తగుణాప్రమేయ సీతాపతే శివవిరిఞ్చిసమాశ్రితాఙ్ఘ్రే సంసారసిన్ధుతరణామలపోతపాద రామాభిరామ సతతం తవ దాసదాసః మామద్య సర్వజగతామవిగోచరస్త్వం త్వన్మాయయా సుతకలత్రగృహాన్ధకూపే మగ్నం నిరీక్ష్య మలపుద్గలపిణ్డమోహ- పాశానుబద్ధహృదయం స్వయమాగతోఽసి త్వం సర్వభూతహృదయేషు కృతాలయోఽపి త్వన్మన్త్రజాప్యవిముఖేషు తనోషి మాయామ్ త్వన్మన్త్రసాధనపరేష్వపయాతి మాయా సేవానురూపఫలదోఽసి యథా మహీపః విశ్వస్య సృష్టిలయసంస్థితిహేతురేకః త్వం మాయయా త్రిగుణయా విధిరీశవిష్ణూ భాసీశ మోహితధియాం వివిధాకృతిస్త్వం యద్వద్రవిః సలిలపాత్రగతో హ్యనేకః ప్రత్యక్షతోఽద్య భవతశ్చరణారవిన్దం పశ్యామి రామ తమసః పరతః స్థితస్య దృగ్రూపతస్త్వమసతామవిగోచరోఽపి త్వన్మన్త్రపూతహృదయేషు సదా ప్రసన్నః పశ్యామి రామ తవ రూపమరూపిణోఽపి మాయావిడమ్బనకృతం సుమనుష్యవేషమ్ కన్దర్పకోటిసుభగం కమనీయచాప- బాణం దయార్ద్రహృదయం స్మితచారువక్త్రమ్ సీతాసమేతమజినామ్బరమప్రధృష్యం సౌమిత్రిణా నియతసేవితపాదపద్మమ్ నీలోత్పలద్యుతిమనన్తగుణం ప్రశాన్తం మద్భాగధేయమనిశం ప్రణమామి రామమ్ జానన్తు రామ తవ రూపమశేషదేశ- కాలాద్యుపాధిరహితం ఘనచిత్ప్రకాశమ్ ప్రత్యక్షతోఽద్య మమ గోచరమేతదేవ రూపం విభాతు హృదయే న పరం వికాఙ్క్షే ॥ఇతి శ్రీమదధ్యాత్మరామాయణే ఉమామహేశ్వరసంవాదే అరణ్యకాణ్డే ప్రథమే సర్గే సుతీక్ష్ణకృతం శ్రీ-రామస్తోత్రం సమ్పూర్ణమ్॥

sutīkṣṇakṛtaṃ rāmastotram shlokacount26 sutīkṣṇa uvāca tvanmantrajāpyahamanantaguṇāprameya sītāpate śivaviriñcisamāśritāṅghre saṃsārasindhutaraṇāmalapotapāda rāmābhirāma satataṃ tava dāsadāsaḥ māmadya sarvajagatāmavigocarastvaṃ tvanmāyayā sutakalatragṛhāndhakūpe magnaṃ nirīkṣya malapudgalapiṇḍamoha- pāśānubaddhahṛdayaṃ svayamāgato'si tvaṃ sarvabhūtahṛdayeṣu kṛtālayo'pi tvanmantrajāpyavimukheṣu tanoṣi māyām tvanmantrasādhanapareṣvapayāti māyā sevānurūpaphalado'si yathā mahīpaḥ viśvasya sṛṣṭilayasaṃsthitiheturekaḥ tvaṃ māyayā triguṇayā vidhirīśaviṣṇū bhāsīśa mohitadhiyāṃ vividhākṛtistvaṃ yadvadraviḥ salilapātragato hyanekaḥ pratyakṣato'dya bhavataścaraṇāravindaṃ paśyāmi rāma tamasaḥ parataḥ sthitasya dṛgrūpatastvamasatāmavigocaro'pi tvanmantrapūtahṛdayeṣu sadā prasannaḥ paśyāmi rāma tava rūpamarūpiṇo'pi māyāviḍambanakṛtaṃ sumanuṣyaveṣam kandarpakoṭisubhagaṃ kamanīyacāpa- bāṇaṃ dayārdrahṛdayaṃ smitacāruvaktram sītāsametamajināmbaramapradhṛṣyaṃ saumitriṇā niyatasevitapādapadmam nīlotpaladyutimanantaguṇaṃ praśāntaṃ madbhāgadheyamaniśaṃ praṇamāmi rāmam jānantu rāma tava rūpamaśeṣadeśa- kālādyupādhirahitaṃ ghanacitprakāśam pratyakṣato'dya mama gocarametadeva rūpaṃ vibhātu hṛdaye na paraṃ vikāṅkṣe ||iti śrīmadadhyātmarāmāyaṇe umāmaheśvarasaṃvāde araṇyakāṇḍe prathame sarge sutīkṣṇakṛtaṃ śrī-rāmastotraṃ sampūrṇam||