वाणीस्तवनम्
श्री-नारायण उवाच
वाग्देवतायाः स्तवनं श्रूयतां सर्वकामदम्
महामुनिर्याज्ञवल्क्यो येन तुष्टाव तां पुरा
गुरुशापाच्च स मुनिर्हतविद्यो बभूव ह
तदा जगाम दुःखार्तो रविस्थानं च पुण्यदम्
सम्प्राप्य तपसा सूर्यं कोणार्के दृष्टिगोचरे
तुष्टाव सूर्यं शोकेन रुरोद स पुनः पुनः
सूर्यस्तं पाठयामास वेदवेदाङ्गमीश्वरः
उवाच स्तुहि वाग्देवीं भक्त्या च स्मृतिहेतवे
तमित्युक्त्वा दीननाथो ह्यन्तर्धानं जगाम सः
मुनिः स्नात्वा च तुष्टाव भक्तिनम्रात्मकन्धरः
याज्ञवल्क्य उवाच
कृपां कुरु जगन्मातर्मामेवं हततेजसम्
गुरुशापात्स्मृतिभ्रष्टं विद्याहीनं च दुःखितम्
ज्ञानं देहि स्मृतिं देहि विद्यां विद्याधिदेवते
प्रतिष्ठां कवितां देहि शाक्तं शिष्यप्रबोधिकाम्
ग्रन्थनिर्मितिशक्तिं च सच्छिष्यं सुप्रतिष्ठितम्
प्रतिभां सत्सभायां च विचारक्षमतां शुभाम्
लुप्तां सर्वां दैववशान्नवं कुरु पुनः पुनः
यथाऽङ्कुरं जनयति भगवान्योगमायया
ब्रह्मस्वरूपा परमा ज्योतिरूपा सनातनी
सर्वविद्याधिदेवी या तस्यै वाण्यै नमो नमः
यया विना जगत्सर्वं शश्वज्जीवन्मृतं सदा
ज्ञानाधिदेवी या तस्यै सरस्वत्यै नमो नमः
यया विना जगत्सर्वं मूकमुन्मत्तवत्सदा
वागधिष्ठातृदेवी या तस्यै वाण्यै नमो नमः
हिमचन्दनकुन्देन्दुकुमुदाम्भोजसन्निभा
वर्णाधिदेवी या तस्यै चाक्षरायै नमो नमः
विसर्गबिन्दुमात्राणां यदधिष्ठानमेव च
इत्थं त्वं गीयसे सद्भिर्भारत्यै ते नमो नमः
यया विनाऽत्र सङ्ख्याकृत्सङ्ख्यां कर्तुं न शक्नुते
कालसङ्ख्यास्वरूपा या तस्यै देव्यै नमो नमः
व्याख्यास्वरूपा या देवी व्याख्याधिष्ठातृदेवता
भ्रमसिद्धान्तरूपा या तस्यै देव्यै नमो नमः
स्मृतिशक्तिर्ज्ञानशक्तिर्बुद्धिशक्तिस्वरूपिणी
प्रतिभा कल्पनाशक्तिर्या च तस्यै नमो नमः
सनत्कुमारो ब्रह्माणं ज्ञानं पप्रच्छ यत्र वै
बभूव जडवत्सोऽपि सिद्धान्तं कर्तुमक्षमः
तदाऽऽजगाम भगवानात्मा श्रीकृष्ण ईश्वरः
उवाच स च तं स्तौहि वाणीमिति प्रजापते
स च तुष्टाव तां ब्रह्मा चाऽऽज्ञया परमात्मनः
चकार तत्प्रसादेन तदा सिद्धान्तमुत्तमम्
यदाप्यनन्तं पप्रच्छ ज्ञानमेकं वसुन्धरा
बभूव मूकवत्सोऽपि सिद्धान्तं कर्तुमक्षमः
तदा त्वां च स तुष्टाव सन्त्रस्तः कश्यपाज्ञया
ततश्चकार सिद्धान्तं निर्मलं भ्रमभञ्जनम्
व्यासः पुराणसूत्रं समपृच्छद्वाल्मिकिं यदा
मौनीभूतः स सस्मार त्वामेव जगदम्बिकाम्
तदा चकार सिद्धान्तं त्वद्वरेण मुनीश्वरः
स प्राप निर्मलं ज्ञानं प्रमादध्वंसकारणम्
पुराणसूत्रं श्रुत्वा स व्यासः कृष्णकलोद्भवः
त्वां सिषेवे च दध्यौ तं शतवर्षं च पुष्करे
तदा त्वत्तो वरं प्राप्य स कवीन्द्रो बभूव ह
तदा वेदविभागं च पुराणानि चकार ह
यदा महेन्द्रे पप्रच्छ तत्त्वज्ञानं शिवा शिवम्
क्षणं त्वामेव सञ्चिन्त्य तस्यै ज्ञानं ददौ विभुः
पप्रच्छ शब्दशास्त्रं च महेन्द्रश्च बृहस्पतिम्
दिव्यं वर्षसहस्रं च स त्वां दध्यौ च पुष्करे
तदा त्वत्तो वरं प्राप्य दिव्यं वर्षसहस्रकम्
उवाच शब्दशास्त्रं च तदर्थं च सुरेश्वरम्
अध्यापिताश्च यैः शिष्या यैरधीतं मुनीश्वरैः
ते च त्वां परिसञ्चिन्त्य प्रवर्तन्ते सुरेश्वरि
त्वं संस्तुता पूजिता च मुनीन्द्रमनुमानवैः
दैत्येन्द्रैश्च सुरैश्चापि ब्रह्मविष्णुशिवादिभिः
जडीभूतः सहस्रास्यः पञ्चवक्त्रश्चतुर्मुखः
यां स्तोतुं किमहं स्तौमि तामेकास्येन मानवः
इत्युक्त्वा याज्ञवल्क्यश्च भक्तिनम्रात्मकन्धरः
प्रणनाम निराहारो रुरोद च मुहुर्मुहुः
तदा ज्योतिः स्वरूपा सा तेनाऽदृष्टाऽप्युवाच तम्
सुकवीन्द्रो भवेत्युक्त्वा वैकुण्ठं च जगाम ह
महामूर्खश्च दुर्मेधा वर्षमेकं च यः पठेत्
स पण्डितश्च मेधावी सुकविश्च भवेद्ध्रुवम्
॥इति~श्रीब्रह्मवैवर्तमहापुराणे~प्रकृतिखण्डे श्री-नारद-नारायण-संवादे श्री-याज्ञवल्क्योक्तं श्री-वाणीस्तवनं सम्पूर्णम्॥
వాణీస్తవనమ్
శ్రీ-నారాయణ ఉవాచ
వాగ్దేవతాయాః స్తవనం శ్రూయతాం సర్వకామదమ్
మహామునిర్యాజ్ఞవల్క్యో యేన తుష్టావ తాం పురా
గురుశాపాచ్చ స మునిర్హతవిద్యో బభూవ హ
తదా జగామ దుఃఖార్తో రవిస్థానం చ పుణ్యదమ్
సమ్ప్రాప్య తపసా సూర్యం కోణార్కే దృష్టిగోచరే
తుష్టావ సూర్యం శోకేన రురోద స పునః పునః
సూర్యస్తం పాఠయామాస వేదవేదాఙ్గమీశ్వరః
ఉవాచ స్తుహి వాగ్దేవీం భక్త్యా చ స్మృతిహేతవే
తమిత్యుక్త్వా దీననాథో హ్యన్తర్ధానం జగామ సః
మునిః స్నాత్వా చ తుష్టావ భక్తినమ్రాత్మకన్ధరః
యాజ్ఞవల్క్య ఉవాచ
కృపాం కురు జగన్మాతర్మామేవం హతతేజసమ్
గురుశాపాత్స్మృతిభ్రష్టం విద్యాహీనం చ దుఃఖితమ్
జ్ఞానం దేహి స్మృతిం దేహి విద్యాం విద్యాధిదేవతే
ప్రతిష్ఠాం కవితాం దేహి శాక్తం శిష్యప్రబోధికామ్
గ్రన్థనిర్మితిశక్తిం చ సచ్ఛిష్యం సుప్రతిష్ఠితమ్
ప్రతిభాం సత్సభాయాం చ విచారక్షమతాం శుభామ్
లుప్తాం సర్వాం దైవవశాన్నవం కురు పునః పునః
యథాఽఙ్కురం జనయతి భగవాన్యోగమాయయా
బ్రహ్మస్వరూపా పరమా జ్యోతిరూపా సనాతనీ
సర్వవిద్యాధిదేవీ యా తస్యై వాణ్యై నమో నమః
యయా వినా జగత్సర్వం శశ్వజ్జీవన్మృతం సదా
జ్ఞానాధిదేవీ యా తస్యై సరస్వత్యై నమో నమః
యయా వినా జగత్సర్వం మూకమున్మత్తవత్సదా
వాగధిష్ఠాతృదేవీ యా తస్యై వాణ్యై నమో నమః
హిమచన్దనకున్దేన్దుకుముదామ్భోజసన్నిభా
వర్ణాధిదేవీ యా తస్యై చాక్షరాయై నమో నమః
విసర్గబిన్దుమాత్రాణాం యదధిష్ఠానమేవ చ
ఇత్థం త్వం గీయసే సద్భిర్భారత్యై తే నమో నమః
యయా వినాఽత్ర సఙ్ఖ్యాకృత్సఙ్ఖ్యాం కర్తుం న శక్నుతే
కాలసఙ్ఖ్యాస్వరూపా యా తస్యై దేవ్యై నమో నమః
వ్యాఖ్యాస్వరూపా యా దేవీ వ్యాఖ్యాధిష్ఠాతృదేవతా
భ్రమసిద్ధాన్తరూపా యా తస్యై దేవ్యై నమో నమః
స్మృతిశక్తిర్జ్ఞానశక్తిర్బుద్ధిశక్తిస్వరూపిణీ
ప్రతిభా కల్పనాశక్తిర్యా చ తస్యై నమో నమః
సనత్కుమారో బ్రహ్మాణం జ్ఞానం పప్రచ్ఛ యత్ర వై
బభూవ జడవత్సోఽపి సిద్ధాన్తం కర్తుమక్షమః
తదాఽఽజగామ భగవానాత్మా శ్రీకృష్ణ ఈశ్వరః
ఉవాచ స చ తం స్తౌహి వాణీమితి ప్రజాపతే
స చ తుష్టావ తాం బ్రహ్మా చాఽఽజ్ఞయా పరమాత్మనః
చకార తత్ప్రసాదేన తదా సిద్ధాన్తముత్తమమ్
యదాప్యనన్తం పప్రచ్ఛ జ్ఞానమేకం వసున్ధరా
బభూవ మూకవత్సోఽపి సిద్ధాన్తం కర్తుమక్షమః
తదా త్వాం చ స తుష్టావ సన్త్రస్తః కశ్యపాజ్ఞయా
తతశ్చకార సిద్ధాన్తం నిర్మలం భ్రమభఞ్జనమ్
వ్యాసః పురాణసూత్రం సమపృచ్ఛద్వాల్మికిం యదా
మౌనీభూతః స సస్మార త్వామేవ జగదమ్బికామ్
తదా చకార సిద్ధాన్తం త్వద్వరేణ మునీశ్వరః
స ప్రాప నిర్మలం జ్ఞానం ప్రమాదధ్వంసకారణమ్
పురాణసూత్రం శ్రుత్వా స వ్యాసః కృష్ణకలోద్భవః
త్వాం సిషేవే చ దధ్యౌ తం శతవర్షం చ పుష్కరే
తదా త్వత్తో వరం ప్రాప్య స కవీన్ద్రో బభూవ హ
తదా వేదవిభాగం చ పురాణాని చకార హ
యదా మహేన్ద్రే పప్రచ్ఛ తత్త్వజ్ఞానం శివా శివమ్
క్షణం త్వామేవ సఞ్చిన్త్య తస్యై జ్ఞానం దదౌ విభుః
పప్రచ్ఛ శబ్దశాస్త్రం చ మహేన్ద్రశ్చ బృహస్పతిమ్
దివ్యం వర్షసహస్రం చ స త్వాం దధ్యౌ చ పుష్కరే
తదా త్వత్తో వరం ప్రాప్య దివ్యం వర్షసహస్రకమ్
ఉవాచ శబ్దశాస్త్రం చ తదర్థం చ సురేశ్వరమ్
అధ్యాపితాశ్చ యైః శిష్యా యైరధీతం మునీశ్వరైః
తే చ త్వాం పరిసఞ్చిన్త్య ప్రవర్తన్తే సురేశ్వరి
త్వం సంస్తుతా పూజితా చ మునీన్ద్రమనుమానవైః
దైత్యేన్ద్రైశ్చ సురైశ్చాపి బ్రహ్మవిష్ణుశివాదిభిః
జడీభూతః సహస్రాస్యః పఞ్చవక్త్రశ్చతుర్ముఖః
యాం స్తోతుం కిమహం స్తౌమి తామేకాస్యేన మానవః
ఇత్యుక్త్వా యాజ్ఞవల్క్యశ్చ భక్తినమ్రాత్మకన్ధరః
ప్రణనామ నిరాహారో రురోద చ ముహుర్ముహుః
తదా జ్యోతిః స్వరూపా సా తేనాఽదృష్టాఽప్యువాచ తమ్
సుకవీన్ద్రో భవేత్యుక్త్వా వైకుణ్ఠం చ జగామ హ
మహామూర్ఖశ్చ దుర్మేధా వర్షమేకం చ యః పఠేత్
స పణ్డితశ్చ మేధావీ సుకవిశ్చ భవేద్ధ్రువమ్
॥ఇతి~శ్రీబ్రహ్మవైవర్తమహాపురాణే~ప్రకృతిఖణ్డే శ్రీ-నారద-నారాయణ-సంవాదే శ్రీ-యాజ్ఞవల్క్యోక్తం శ్రీ-వాణీస్తవనం సమ్పూర్ణమ్॥
vāṇīstavanam
śrī-nārāyaṇa uvāca
vāgdevatāyāḥ stavanaṃ śrūyatāṃ sarvakāmadam
mahāmuniryājñavalkyo yena tuṣṭāva tāṃ purā
guruśāpācca sa munirhatavidyo babhūva ha
tadā jagāma duḥkhārto ravisthānaṃ ca puṇyadam
samprāpya tapasā sūryaṃ koṇārke dṛṣṭigocare
tuṣṭāva sūryaṃ śokena ruroda sa punaḥ punaḥ
sūryastaṃ pāṭhayāmāsa vedavedāṅgamīśvaraḥ
uvāca stuhi vāgdevīṃ bhaktyā ca smṛtihetave
tamityuktvā dīnanātho hyantardhānaṃ jagāma saḥ
muniḥ snātvā ca tuṣṭāva bhaktinamrātmakandharaḥ
yājñavalkya uvāca
kṛpāṃ kuru jaganmātarmāmevaṃ hatatejasam
guruśāpātsmṛtibhraṣṭaṃ vidyāhīnaṃ ca duḥkhitam
jñānaṃ dehi smṛtiṃ dehi vidyāṃ vidyādhidevate
pratiṣṭhāṃ kavitāṃ dehi śāktaṃ śiṣyaprabodhikām
granthanirmitiśaktiṃ ca sacchiṣyaṃ supratiṣṭhitam
pratibhāṃ satsabhāyāṃ ca vicārakṣamatāṃ śubhām
luptāṃ sarvāṃ daivavaśānnavaṃ kuru punaḥ punaḥ
yathā'ṅkuraṃ janayati bhagavānyogamāyayā
brahmasvarūpā paramā jyotirūpā sanātanī
sarvavidyādhidevī yā tasyai vāṇyai namo namaḥ
yayā vinā jagatsarvaṃ śaśvajjīvanmṛtaṃ sadā
jñānādhidevī yā tasyai sarasvatyai namo namaḥ
yayā vinā jagatsarvaṃ mūkamunmattavatsadā
vāgadhiṣṭhātṛdevī yā tasyai vāṇyai namo namaḥ
himacandanakundendukumudāmbhojasannibhā
varṇādhidevī yā tasyai cākṣarāyai namo namaḥ
visargabindumātrāṇāṃ yadadhiṣṭhānameva ca
itthaṃ tvaṃ gīyase sadbhirbhāratyai te namo namaḥ
yayā vinā'tra saṅkhyākṛtsaṅkhyāṃ kartuṃ na śaknute
kālasaṅkhyāsvarūpā yā tasyai devyai namo namaḥ
vyākhyāsvarūpā yā devī vyākhyādhiṣṭhātṛdevatā
bhramasiddhāntarūpā yā tasyai devyai namo namaḥ
smṛtiśaktirjñānaśaktirbuddhiśaktisvarūpiṇī
pratibhā kalpanāśaktiryā ca tasyai namo namaḥ
sanatkumāro brahmāṇaṃ jñānaṃ papraccha yatra vai
babhūva jaḍavatso'pi siddhāntaṃ kartumakṣamaḥ
tadā''jagāma bhagavānātmā śrīkṛṣṇa īśvaraḥ
uvāca sa ca taṃ stauhi vāṇīmiti prajāpate
sa ca tuṣṭāva tāṃ brahmā cā''jñayā paramātmanaḥ
cakāra tatprasādena tadā siddhāntamuttamam
yadāpyanantaṃ papraccha jñānamekaṃ vasundharā
babhūva mūkavatso'pi siddhāntaṃ kartumakṣamaḥ
tadā tvāṃ ca sa tuṣṭāva santrastaḥ kaśyapājñayā
tataścakāra siddhāntaṃ nirmalaṃ bhramabhañjanam
vyāsaḥ purāṇasūtraṃ samapṛcchadvālmikiṃ yadā
maunībhūtaḥ sa sasmāra tvāmeva jagadambikām
tadā cakāra siddhāntaṃ tvadvareṇa munīśvaraḥ
sa prāpa nirmalaṃ jñānaṃ pramādadhvaṃsakāraṇam
purāṇasūtraṃ śrutvā sa vyāsaḥ kṛṣṇakalodbhavaḥ
tvāṃ siṣeve ca dadhyau taṃ śatavarṣaṃ ca puṣkare
tadā tvatto varaṃ prāpya sa kavīndro babhūva ha
tadā vedavibhāgaṃ ca purāṇāni cakāra ha
yadā mahendre papraccha tattvajñānaṃ śivā śivam
kṣaṇaṃ tvāmeva sañcintya tasyai jñānaṃ dadau vibhuḥ
papraccha śabdaśāstraṃ ca mahendraśca bṛhaspatim
divyaṃ varṣasahasraṃ ca sa tvāṃ dadhyau ca puṣkare
tadā tvatto varaṃ prāpya divyaṃ varṣasahasrakam
uvāca śabdaśāstraṃ ca tadarthaṃ ca sureśvaram
adhyāpitāśca yaiḥ śiṣyā yairadhītaṃ munīśvaraiḥ
te ca tvāṃ parisañcintya pravartante sureśvari
tvaṃ saṃstutā pūjitā ca munīndramanumānavaiḥ
daityendraiśca suraiścāpi brahmaviṣṇuśivādibhiḥ
jaḍībhūtaḥ sahasrāsyaḥ pañcavaktraścaturmukhaḥ
yāṃ stotuṃ kimahaṃ staumi tāmekāsyena mānavaḥ
ityuktvā yājñavalkyaśca bhaktinamrātmakandharaḥ
praṇanāma nirāhāro ruroda ca muhurmuhuḥ
tadā jyotiḥ svarūpā sā tenā'dṛṣṭā'pyuvāca tam
sukavīndro bhavetyuktvā vaikuṇṭhaṃ ca jagāma ha
mahāmūrkhaśca durmedhā varṣamekaṃ ca yaḥ paṭhet
sa paṇḍitaśca medhāvī sukaviśca bhaveddhruvam
||iti~śrībrahmavaivartamahāpurāṇe~prakṛtikhaṇḍe śrī-nārada-nārāyaṇa-saṃvāde śrī-yājñavalkyoktaṃ śrī-vāṇīstavanaṃ sampūrṇam||